صحیح مسلم

[ساجد تاج]

بَابٌ : لاَ تَقُوْمُ السَّاعَةُ حَتَّى تَعْبُدَ دَوْسٌ ذَالْخَلَصَةِ
قیامت قائم نہ ہو گی یہاں تک کہ دوس کا قبیلہ ذی الخلصہ (بت) کی عبادت نہ کرے گا


(2012)عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم لاَ تَقُومُ السَّاعَةُ حَتَّى تَضْطَرِبَ أَلْيَاتُ نِسَائِ دَوْسٍ حَوْلَ ذِي الْخَلَصَةِ وَ كَانَتْ صَنَمًا تَعْبُدُهَا دَوْسٌ فِي الْجَاهِلِيَّةِ بِتَبَالَةَ

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ’’قیامت قائم نہ ہو گی یہاں تک کہ دوس کی عورتوں کی سرینیں ذی الخلصہ کے گرد ہلیں گی (یعنی وہ اس کا طواف کریں گی)۔‘‘ ذوالخلصہ ایک بت تھا جسے دوس جاہلیت کے زمانہ میں تبالہ(یمن میں ایک جگہ کا نام) میں پوجا کرتے تھے۔

 

[ساجد تاج]

بَابٌ : لاَ تَقُوْمُ السَّاعَةُ حَتَّى تُعْبَدَ اللاَّتُ وَ العُزَّى
قیامت قائم نہ ہو گی یہاں تک کہ لات و عزیٰ کی عبادت کی جائے گی


(2013) عَنْ عَائِشَةَ رَضِيَ اللَّهُ عَنْهُ قَالَتْ سَمِعْتُ رَسُولَ اللَّهِ صلی اللہ علیہ وسلم يَقُولُ لاَ يَذْهَبُ اللَّيْلُ وَ النَّهَارُ حَتَّى تُعْبَدَ اللاَّتُ وَ الْعُزَّى فَقُلْتُ يَا رَسُولَ اللَّهِ ! إِنْ كُنْتُ لَأَظُنُّ حِينَ أَنْزَلَ اللَّهُ {هُوَ الَّذِي أَرْسَلَ رَسُولَهُ بِالْهُدَى وَ دِينِ الْحَقِّ لِيُظْهِرَهُ عَلَى الدِّينِ كُلِّهِ وَ لَوْ كَرِهَ الْمُشْرِكُونَ} (التوبة:33) أَنَّ ذَلِكَ تَامًّا قَالَ إِنَّهُ سَيَكُونُ مِنْ ذَلِكَ مَا شَائَ اللَّهُ ثُمَّ يَبْعَثُ اللَّهُ رِيحًا طَيِّبَةً فَتَوَفَّى كُلَّ مَنْ فِي قَلْبِهِ مِثْقَالُ حَبَّةٍ مِنْ خَرْدَلٍ مِنْ إِيْمَانٍ فَيَبْقَى مَنْ لاَ خَيْرَ فِيهِ فَيَرْجِعُونَ إِلَى دِينِ آبَائِهِمْ

ام المومنین عائشہ صدیقہ رضی اللہ عنھا کہتی ہیں کہ میں نے رسول اللہ صلی اللہ علیہ وسلم سے سنا ،آپ صلی اللہ علیہ وسلم نے فرمایا: ’’رات اور دن اس وقت تک ختم نہ ہوں گے جب تک لات اور عزیٰ (جاہلیت کے بت) پھر نہ پوجے جائیں گے۔‘‘ میں نے عرض کی کہ یارسول اللہ ! میں تو سمجھتی تھی، جب اللہ تعالیٰ نے یہ آیت اتاری کہ ’’اللہ وہ ہے جس نے اپنے رسول صلی اللہ علیہ وسلم کو ہدایت اور سچا دین دے کر بھیجا تاکہ اس کو سب دینوں پر غالب کرے، اگرچہ مشرک لوگ برا مانیں‘‘ کہ یہ وعدہ پورا ہونے والا ہے (اور اسلام کے سوا اورکوئی دین غالب نہ رہے گا۔)آپ صلی اللہ علیہ وسلم نے فرمایا: ’’جب تک اللہ تعالیٰ کو منظور ہو گا ایسا ہی ہو گا پھر اللہ تعالیٰ ایک پاکیزہ ہوا بھیجے گا کہ جس سے ہر مومن مر جائے گا ،یہاں تک کہ ہر وہ شخص بھی جس کے دل میں دانے کے برابر بھی ایمان ہے اور وہ لوگ باقی رہ جائیں گے جن میں بھلائی نہیں ہو گی۔ پھر وہ لوگ اپنے (مشرک) باپ دادا کے دین پر لوٹ جائیں گے۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى تُغْزَى مَدِيْنَةٌ جَانِبُهَا فِيْ الْبَحْرِ وَ الآخَرُ فِيْ الْبَرِّ
قیامت اس وقت تک قائم نہ ہوگی جب تک اس شہر میں لڑائی نہ ہو جس کی ایک طرف سمندر میں اور دوسری خشکی میں ہے


(2014) عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صلی اللہ علیہ وسلم قَالَ سَمِعْتُمْ بِمَدِينَةٍ جَانِبٌ مِنْهَا فِي الْبَرِّ وَ جَانِبٌ مِنْهَا فِي الْبَحْرِ ؟ قَالُوا نَعَمْ يَا رَسُولَ اللَّهِ! قَالَ لاَ تَقُومُ السَّاعَةُ حَتَّى يَغْزُوَهَا سَبْعُونَ أَلْفًا مِنْ بَنِي إِسْحَقَ فَإِذَا جَائُوهَا نَزَلُوا فَلَمْ يُقَاتِلُوا بِسِلاحٍ وَ لَمْ يَرْمُوا بِسَهْمٍ قَالُوا لاَ إِلَهَ إِلاَّ اللَّهُ وَ اللَّهُ أَكْبَرُ فَيَسْقُطُ أَحَدُ جَانِبَيْهَا قَالَ ثَوْرٌ لاَ أَعْلَمُهُ إِلاَّ قَالَ الَّذِي فِي الْبَحْرِ ثُمَّ يَقُولُوا الثَّانِيَةَ لاَ إِلَهَ إِلاَّ اللَّهُ وَ اللَّهُ أَكْبَرُ فَيَسْقُطُ جَانِبُهَا الْآخَرُ ثُمَّ يَقُولُوا الثَّالِثَةَ لاَ إِلَهَ إِلاَّ اللَّهُ وَ اللَّهُ أَكْبَرُ فَيُفَرَّجُ لَهُمْ فَيَدْخُلُوهَا فَيَغْنَمُونَ فَبَيْنَمَا هُمْ يَقْتَسِمُونَ الْمَغَانِمَ إِذْ جَائَهُمُ الصَّرِيخُ فَقَالَ إِنَّ الدَّجَّالَ قَدْ خَرَجَ فَيَتْرُكُونَ كُلَّ شَيْئٍ وَ يَرْجِعُونَ

سیدنا ابوہریرہ رضی اللہ عنہ سے روایت ہے کہ نبی صلی اللہ علیہ وسلم نے فرمایا: ’’تم نے ایسے شہر کے متعلق سنا ہے جس کے ایک جانب خشکی اور ایک جانب سمندر ہے؟‘‘ صحابہ رضی اللہ عنھم نے کہا کہ ہاں ! یا رسول اللہ ! ہم نے سنا ہے (وہ قسطنطنیہ ہے)۔ آپ صلی اللہ علیہ وسلم نے فرمایا: ’’قیامت قائم نہ ہو گی یہاں تک کہ اس شہر سے اسحاق علیہ السلام کی اولاد میں سے ستر ہزار لوگ لڑیں گے ۔وہ جب اس شہر کے پاس آئیں گے تو اتر پڑیں گے، وہ ہتھیار سے لڑیں گے نہ تیر ماریں گے، بلکہ’’ لا الٰہ الا اللہ واللہ اکبر‘‘ کہیں گے تو اس کی دریا والی طرف گرپڑے گی، پھر دوسری بار ’’لا الٰہ الا اللہ واللہ اکبر‘‘ کہیں گے تو اس کی دوسری طرف گر پڑے گی، پھر تیسری بار ’’ لا الٰہ الا اللہ واللہ اکبر ‘‘کہیں گے تو ہر وہ شہر طرف سے کھل جائے گا ،پس وہ اس شہر میں گھس پڑیں گے اور مال غنیمت جمع کریں گے ۔جب وہ مال غنیمت کو بانٹ رہے ہوں گے کہ اچانک ایک پکارنے والاآکر پکارے گا کہ دجال نکل آیا ہے ،تو وہ ہر چیز کوچھوڑ کر(دجال کی طرف) لوٹ آئیں گے۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى يَحْسِرَ الْفُرَاتُ عَنْ جَبَلٍ مِنْ ذَهَبٍ
قیامت قائم نہ ہو گی حتیٰ کہ دریائے فرات سے سونے کا پہاڑ ظاہر نہ ہو


(2015) عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صلی اللہ علیہ وسلم قَالَ لاَ تَقُومُ السَّاعَةُ حَتَّى يَحْسِرَ الْفُرَاتُ عَنْ جَبَلٍ مِنْ ذَهَبٍ يَقْتَتِلُ النَّاسُ عَلَيْهِ فَيُقْتَلُ مِنْ كُلِّ مِائَةٍ تِسْعَةٌ وَ تِسْعُونَ وَ يَقُولُ كُلُّ رَجُلٍ مِنْهُمْ لَعَلِّي أَكُونُ أَنَا الَّذِي أَنْجُو

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’قیامت قائم نہ ہو گی ،یہاں تک کہ دریائے فرات میں سونے کا ایک پہاڑ نکلے گا اور لوگ اس کے لیے لڑیں گے۔ تو ہر سو میں سے ننانوے ماریں جائیں گے اور ہر شخص (اپنے دل میں ) یہ کہے گا کہ شاید میں بچ جاؤں (اور اس سونے کو حاصل کروں۔ معاذ اللہ دنیا ایسی ہی خراب شے ہے۔ لوگ اس کے پیچھے اپنی جان ،آبرو اور عزت گنواتے ہیں پھر بھی وہ حاصل نہیں ہوتی ۔عاقل وہی ہے جو پہلے سے ہی اس بے کارچیز کا پیچھا نہ کرے )۔‘‘

 

[ساجد تاج]

(2016) عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم يُوشِكُ الْفُرَاتُ أَنْ يَحْسِرَ عَنْ كَنْزٍ مِنْ ذَهَبٍ فَمَنْ حَضَرَهُ فَلاَ يَأْخُذْ مِنْهُ شَيْئًا

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ’’قریب ہے کہ دریائے فرات میں سے سونے کا ایک خزانہ نکلے، سو جو کوئی وہاں موجود ہو ،تو وہ اس میں سے کچھ نہ لے۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى تُقَاتِلُوْا قَوْمًا كَأَنَّ وُجُوْهَهُمُ الْمَجَانُّ الْمُطْرَقَةُ
قیامت قائم نہ ہو گی، یہاں تک کہ تم ایک ایسی قوم سے لڑو گے جن کے چہرے گویا ڈھالیں ہیں


(2017) عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم تُقَاتِلُونَ بَيْنَ يَدَيِ السَّاعَةِ قَوْمًا نِعَالُهُمُ الشَّعَرُ كَأَنَّ وُجُوهَهُمُ الْمَجَانُّ الْمُطْرَقَةُ حُمْرُ الْوُجُوهِ صِغَارُ الْأَعْيُنِ

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ’’تم لوگ قیامت کے قریب ایسے لوگوں سے لڑو گے جن کے جوتے بالوں کے ہوں گے اور ان کے منہ گویا چوڑی ڈھالیں ہیں ،ان کے چہرے سرخ اور آنکھیں چھوٹی ہیں۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى يَخْرُجَ رَجُلٌ مِنْ قَحْطَانَ
قیامت قائم نہ ہو گی، یہاں تک کہ قحطان سے ایک آدمی نکلے گا


(2018) عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صلی اللہ علیہ وسلم قَالَ لاَ تَقُومُ السَّاعَةُ حَتَّى يَخْرُجَ رَجُلٌ مِنْ قَحْطَانَ يَسُوقُ النَّاسَ بِعَصَاهُ

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’قیامت قائم نہ ہو گی یہاں تک کہ (قبیلہ قحطان کا) ایک شخص نکلے گا جو لوگوں کو اپنی لاٹھی سے ہانکے گا۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى يَمْلِكَ رَجُلٌ يُقَالُ لَهُ: الْجَهْجَاهُ
قیامت قائم نہ ہو گی ،یہاں تک کہ ایک شخص بادشاہ ہو گا جسے جھجاہ کہا جائے گا


(2019) عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صلی اللہ علیہ وسلم قَالَ لاَ تَذْهَبُ الأَيَّامُ وَ اللَّيَالِي حَتَّى يَمْلِكَ رَجُلٌ يُقَالُ لَهُ الْجَهْجَاهُ
سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا ہے :’’ دن اور رات ختم نہ ہوں گے، یہاں تک کہ ایک شخص بادشاہ ہو گا جسے جھجاہ کہا جائے گا۔‘‘

 

[ساجد تاج]

بَابٌ : لاَ تَقُوْمُ السَّاعَةُ حَتَّى لاَ يُقَالَ فِي الأَرْضِ: اللَّهُ اللَّهُ
قیامت قائم نہ ہو گی ،یہاں تک کہ زمین میں ’’اللہ اللہ‘‘ کہنے والا کوئی نہ ہو گا


(2020) عَنْ أَنَسِ بْنِ مَالِكٍ رَضِيَ اللَّهُ عَنْهُ أَنَّ رَسُولَ اللَّهِ صلی اللہ علیہ وسلم قَالَ لاَ تَقُومُ السَّاعَةُ حَتَّى لاَ يُقَالَ فِي الْأَرْضِ اللَّهُ اللَّهُ

سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ’’قیامت اس وقت تک قائم نہیں ہو گی ،یہاں تک کہ زمین پر کوئی اﷲ کا نام لینے والا باقی نہیں رہے گا۔‘‘

 

[ساجد تاج]

بَابٌ : تُبْعَثُ رِيْحٌ مِنَ الْيَمَنِ، فَقُبِضَ مَنْ فِيْ قَلْبِهِ إِيْمَانٌ


یمن سے ہوا چلے گی (جس کی وجہ سے) ہر وہ آدمی مر جائے گا جس کے دل میں ایمان ہے۔

(2021) عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم إِنَّ اللَّهَ يَبْعَثُ رِيحًا مِنَ الْيَمَنِ أَلْيَنَ مِنَ الْحَرِيرِ فَلاَ تَدَعُ أَحَدًا فِي قَلْبِهِ قَالَ أَبُو عَلْقَمَةَ مِثْقَالُ حَبَّةٍ وَ قَالَ عَبْدُ الْعَزِيزِ مِثْقَالُ ذَرَّةٍ مِنْ إِيمَانٍ إِلاَّ قَبَضَتْهُ

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ’’اللہ تعالیٰ ریشم سے زیادہ نرم ہوا یمن سے بھیجے گا جو کسی ایسے آدمی کو نہیں چھوڑے گی جس میں ذرہ برابر بھی ایمان ہو گا مگر اس کو موت آجائے گی۔‘‘