![محدث فورم [Mohaddis Forum]](/styles/default/xenforo/Forum.jpg)
اشماریہ
سینئر رکن
- شمولیت
- دسمبر 15، 2013
- پیغامات
- 2,682
- ری ایکشن اسکور
- 752
- پوائنٹ
- 290
میرے پیارے بھائی! نہ ہم نے اس سے انکار کیا کہ نبی کریم ﷺ کے دور میں قرآن کریم لکھا گیا تھا اور نہ اس سے انکار کیا کہ نبی کریم ﷺ کے بعد جب قرآن کریم کو ایک جگہ جمع کیا گیا تو دو دو آدمیوں کی گواہی لی گئی۔
ہمارا آپ سے مطالبہ یہ ہے کہ آپ کے نزدیک جو قرآن کریم "ایک کتاب" کی شکل میں نبی کریم ﷺ کی رحلت کے وقت مرتب تھا (جس کا لازمی نتیجہ یہ ہے کہ وہ نبی کریم ﷺ کے بعد جمع نہیں کیا گیا) اس پر ایک اور صرف ایک واضح آیت یا حدیث دکھا دیں جس میں یہ لکھا ہو۔ آپ وہ دکھانے کے بجائے دنیا بھر کی تاویلات کر رہے ہیں۔
اگر آپ کے پاس روایات نہیں ہیں تو پھر ہمارے پاس بعد میں جمع کرنے سے متعلق روایات ہیں اور ہمارا موقف مضبوط ہوگا۔ اگر آپ کے پاس ایسی ایک صریح روایت ہے تو آپ کا موقف مضبوط ہوگا۔ بات ختم!
اب آپ ادھر ادھر کی باتیں کرنے کے بجائے ایک واضح روایت پیش کر دیں تو بات آگے بڑھے۔
ایک تو میرے عقیدے کے باطل ہونے کے لیے یہ ضروری ہے کہ آپ کا عقیدہ درست ہو اور اس پر آپ دلیل لا نہیں پا رہے۔
کیا اس میں تمام آیات موجود تھیں؟ اس روایت میں یہ ہے تو مجھے بھی دکھائیے! متعدد آیات تھیں، ایک جگہ تھیں، لیکن کیا ناسخ و منسوخ الگ الگ تھیں؟
کیا اس وقت دین کی تکمیل ہو چکی تھی کہ ناسخ و منسوخ آیات الگ الگ ہو جاتیں؟
یہ سوالات آپ کی روایت سے متعلق ہیں اور یہی سوالات اس روایت کو آپ کے دعوے سے غیر متعلق ظاہر کرتے ہیں۔
رہ گیا آپ کا سوال کہ قرآن مجید "آلو بالو" کر دیا جاتا تھا تو یہاں موجود کیوں تھا (یہ آپ کے الفاظ ہیں، ہم قرآن کریم کے بارے میں یہ الفاظ استعمال نہیں کرتے)؟
اس کا جواب یہ ہے کہ اس سے قبل قرآن کریم کا مصحف کسی کو دینے کا کوئی ثبوت نہیں ہے اس لیے یہ یہاں موجود تھا۔ اب ہمت ہے تو لائیں کوئی دلیل کہ اس سے پہلے بھی تقسیم ہوا تھا!
ویسے یہ مناظرانہ جواب ہے ورنہ عین ممکن ہے کہ نبی کریم ﷺ کسی کو دینے کے بعد دوبارہ تحریر کروا دیتے ہوں کیوں کہ قرآن کریم تئیس سال تک لکھا جاتا رہا ہے اور ایک اچھا کاتب مکمل قرآن صرف ایک مہینے میں خوش خط تحریر کر سکتا ہے۔ باقی عرصے میں پھر کیا لکھا جاتا رہا؟
لیکن آپ اصل سوال کو اپنے سوال کے ضمن میں لا کر گول کیوں کر گئے؟
آپ سے یہ سوال کیا تھا:
اور آپ کا "ایمان" "چینج" ہونے کے بعد یہ سوال کیا تھا:
فیضان صاحب! ان سوالات کے جوابات کہاں ہیں؟؟؟
کہاں رہ رہے ہیں فیضان صاحب! آج 2017ء میں مصروفیات اور پڑھائیوں کے تلاطم میں اوور آل حافظے کی کمی کے باوجود میں آپ کو کتنے ایسے حافظ دکھاؤں جو قرآن کریم کو کھول کر دیکھتے تک نہیں ہیں اور اس کےالفاظ گویا موتیوں کی طرح ان کے لبوں سے ادا ہوتے رہتے ہیں؟
فیضان صاحب یہ قاری محمد علی مدنی دامت برکاتہم ہیں۔ یہ میرے استاد کے استاد ہیں اور یہ نابینا ہیں۔ یہ قرآن کریم کو دیکھ ہی نہیں سکتے۔ اور یہ تو یہ ان کے کئی شاگرد (بشمول میرے استاد محترم قاری مختیار احمد مدنی) بھی قرآن کریم میں اٹکتے تک نہیں ہیں:
اور اس بچے کو تو دیکھیے! اس کی عمر دیکھیے اور قراءۃ حفص عن عاصم اور ورش عن نافع پر اس کی گرفت دیکھیے! کبھی ورش میں مجھے ایک رکوع آنکھوں سے دیکھ کر بغیر اٹکے پڑھ کر دکھائیں تو مانوں قرآن کے دعویدارصاحب!
واپس آئیں حقیقت کی دنیا میں فیضان صاحب! ہم تو بات ہی اس زمانے کے لوگوں کی کر رہے ہیں جن کے صرف اشعار سے دواوین بھرے ہوئے ہیں جو انہیں یاد ہوتے تھے۔ قرآن و حدیث کے تقابل کرنے والے میرے معصوم بھائی! کبھی دیوان الحماسہ کی شکل دیکھی ہے؟ کبھی "تابط شرا" کا نام سنا ہے؟ کبھی کعبے میں لٹکنے والے قصیدے پڑھے ہیں؟ امرؤ القیس کو جانتے ہیں؟
جو لوگ اپنے گھوڑوں کے نسب یاد رکھتے تھے ان کے لیے قرآن کو یاد کرنا کیا مشکل تھا؟
فیضان صاحب وہ لوگ آپ کی طرح قرآن کریم کو دیکھ کر پڑھنے کے محتاج نہیں ہوتے تھے اگر آپ کو کچھ سمجھ آیا ہو۔۔۔۔۔۔۔۔۔
اس سے کیا ثابت ہوا جناب عالی؟؟
کیا اس سے یہ ثابت ہو اکہ نبی کریم ﷺ کی رحلت کے وقت قرآن کریم ایک کتاب کی شکل میں مرتب حالت میں تھا؟ اگر ہاں تو کیسے؟
اگر صرف "مصحف" کے لفظ کی وجہ سے تو وہ تو ابن ابی عاصمؒ کی روایت میں بھی تھا اور اس کے باوجود وہ متعدد اجزاء میں تھا؟
اگر اس سے کچھ ثابت نہیں ہوا تو اسے پیش کیوں کیا؟ خلط مبحث کے لیے؟
یہ دلیل کی کون سی قسم ہے؟
کیا ورقہ بن نوفل پر انجیل نازل ہوتی تھی؟
نبی کریم ﷺ پر تو قرآن کریم نازل ہوتا تھا اور حجۃ الوداع تک نازل ہوتا رہا۔ قرآن کامل ہی اس وقت ہوا جب آپ ﷺ کی حیات مبارکہ کے صرف تین مہینے رہ گئے تھے۔
کیا ورقہ نے تیرہ سال کی تکالیف اٹھائی تھیں اور دس سال کی مشکل ترین حکومت سنبھالی تھی؟ کیا ورقہ بذات خود دس سے زائد جنگوں میں شریک ہوئے تھے؟ کیا ورقہ نے تبلیغ کا اتنا مشکل کام اپنے سر لیا ہوا تھا؟ کیا ورقہ صفہ کے چبوترے والوں کو تعلیم دیا کرتے تھے؟ کیا ورقہ وفدوں سے ملتے اور اپنے وفد بھیجتے تھے؟
کیا ہو گیا فیضان صاحب! ! عقل بیچ کے چلغوزے تو نہیں لے لیے؟
جناب والا! اشماریہ آپ سے ان روایات کے معانی پر بحث کرے گا۔
ویسے تو سیدھی بات ہے کہ جب آپ حدیث پیش کریں گے تو یہ آپ کی ذمے داری ہے کہ اسے صحیح ثابت کریں۔ اگر نہیں کر سکتے تو پیش کیوں کر رہے ہیں؟
لیکن مجھے ضرورت کیا ہے فیضان صاحب؟ میں آپ سے صرف یہ کہوں گا کہ ان ضعیف احادیث میں سے ہی یہ ثابت کر دیں کہ نبی کریم ﷺ نے اپنی حیات مبارکہ کے آخری تین مہینے میں (قرآن کے کامل ہونے کے بعد آپ تین مہینے ہی حیات رہے ہیں نا) میں قرآن کریم مکمل تحریر و مرتب کروا کر رکھ دیا تھا۔
آپ ان شاء اللہ یہ بات ان ضعیف احادیث سے بھی ثابت نہیں کر سکیں گے فیضان صاحب۔
اور اس کی وجہ یہ ہے فیضان صاحب کہ آپ سے پہلے کوئی ایسا بیوقوف غالباً ضعفاء اور کذابین میں بھی نہیں گزرا جس نے یہ بات کی ہواور آپ کے لیے دلیل بن سکے۔
پہلے میرے سوالات سے باہر نکلیں فیضان صاحب! پھر آپ کی ان تمام باتوں کا جواب دوں گا۔
اور یہ یاد رکھیے کہ اگر آپ سیدھا جواب نہیں دیں گے تو اگر یہ بحث دس سال جاری رہی تو بھی میں ان شاء اللہ جاری رکھوں گا۔یہ تھریڈ اگر آپ کی آنکھیں نہ کھول سکا تب بھی قارئین کے لیے آپ کے فتنے سے بچنے کا ایک ذریعہ ان شاء اللہ بنا رہے گا۔
