• الحمدللہ محدث فورم کو نئےسافٹ ویئر زین فورو 2.1.7 پر کامیابی سے منتقل کر لیا گیا ہے۔ شکایات و مسائل درج کروانے کے لئے یہاں کلک کریں۔
  • آئیے! مجلس التحقیق الاسلامی کے زیر اہتمام جاری عظیم الشان دعوتی واصلاحی ویب سائٹس کے ساتھ ماہانہ تعاون کریں اور انٹر نیٹ کے میدان میں اسلام کے عالمگیر پیغام کو عام کرنے میں محدث ٹیم کے دست وبازو بنیں ۔تفصیلات جاننے کے لئے یہاں کلک کریں۔

انٹرویو محترمہ ماریہ انعام صاحبہ ٭

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
34۔امر بالمعروف و نھی عن المنکر کا فرئضہ بحیثیت عورت کس طرح انجام دیتی ہیں ؟
میری نانی جان مرحومہ ایک نڈر اور دلیر مسلمان تھیں۔۔۔۔بازار میں یا کہیں بھی آتے جاتے کوئی غیر شرعی کام دیکھتیں تو وہیں کھڑے ہو کرنتائج کی پروا کیے بغیر تبلیغ شروع کر دیتیں۔۔۔ میری امی جان کی بھی یہی عادت ہے بازار میں آتے جاتے چلتے پھرتے عورتوں کی دوپٹہ اوڑھنے کی تلقین کر رہی ہیں۔۔۔دوکانداروں کے لیے انھوں نے ایک نصیحت نامہ تیار کر کے بیگ میں رکھا ہوتا ہے جس کے پاس گئیں اس کی ایک فوٹو کاپی اسے پکڑا دیتی ہیں۔۔۔امر بالمعروف ونہی عن المنکر کے حوالے سے میں یہ کردار اپنانا چاہتی ہوں اور ایسی کوشش بھی کرتی ہوں ۔۔۔
 

کنعان

فعال رکن
شمولیت
جون 29، 2011
پیغامات
3,564
ری ایکشن اسکور
4,423
پوائنٹ
521
السلام علیکم

ذہن میں ایک عکس ھے، کیا آپکی نانی محلہ میں صرف بچیوں کو گھر جا کر قرآن مجید بھی پڑھایا کرتی تھیں۔

والسلام
 

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
السلام علیکم

ذہن میں ایک عکس ھے، کیا آپکی نانی محلہ میں صرف بچیوں کو گھر جا کر قرآن مجید بھی پڑھایا کرتی تھیں۔

والسلام
میں نے اپنی نانی جان کو نہیں دیکھا ۔۔۔ایک سال کی ہی تھی کہ وہ فوت ہو گئی تھیں۔۔۔اس لیے ان کے بارے میں زیادہ جاننے کا موقع سنی سنائی باتوں تک ہی محدود ہے۔۔۔گھروں میں جا کر قرآن پڑھانے والی بات تو نہیں جانتی ہاں اتنا سنا ہے کہ ان کے پاس بہت سارے بچے اور خواتین پڑھنے آیا کرتے تھے اور یہیں سے مدرسے کی بنیاد رکھی گئی تھی
 

Dua

سینئر رکن
شمولیت
مارچ 30، 2013
پیغامات
2,579
ری ایکشن اسکور
4,440
پوائنٹ
463
الحمد للہ ایک دین دار گھرانے سے تعلق ہے ۔۔۔شادی بھی خاندان میں ہوئی اس لیے اللہ کا شکر ہے اس حوالے سے کسی روکاوٹ کا سامنا نہیں کرنا پڑا ۔۔۔۔سکول کے دنوں میں مجھے یاد ہے کہ لڑکیاں تنقید کرتی تھیں تو میں پریشان ہو جاتی تھی ۔۔۔لیکن کالج میں میری دو کزنوں نے میرے ساتھ اسی کالج میں داخلہ لے لیا اس وجہ سے خاصی مورل سپورٹ میسر آئی ۔۔۔کالج میں ہم میل سٹاف سے پردہ کرتے تھے ۔۔۔سر پر دوپٹہ اوڑھ کر رکھتے تھے اس پر لڑکیاں مذاق کرتی تھیں ۔۔لیکن ہم نے ایک ایسا علاج دریافت کیا کہ ہمیں اس سے کوئی فرق نہیں پڑتا تھا ۔۔۔جب ایسی صورتحال درپیش ہوتی تو ہم دل دل میں یہ آیت پڑھتے ولا یخافون لومۃ لائماس آیت کے پڑھنے کا ایسا جادوئی اثر ہوتا ایسی روحانی طاقت ہمیں میسر آتی کہ کوئی ملامت ہمیں پریشان نہ کرپاتی۔۔۔۔یہ ہمارا اپنا دریافت کردہ آزمودہ ٹوٹکہ ہے جس کسی کو ایسے مسائل کا سامنا کرنا پڑے اسے آزما لے
مدرسے میں آ کر الحمد للہ ذہنی پختگی بہت بڑھ گئی ۔۔۔یہی وجہ ہے کہ مدرسے کے ماحول سے نکل کر جب میں یونیورسٹی کے بالکل متضاد ماحول میں آئی تو مجھے کوئی فرق نہ پڑا ۔۔۔اعتماد میں کئی گنا اضافہ ہو گیا ۔۔۔یہاں آ کر میں نے اپنا ہم خیال حلقہ خود ہی بنا لیا۔۔۔الحمد للہ پڑھائی میں بھی اچھی تھی ۔۔۔سٹوڈنٹس میرے نوٹس کے طالب رہتے ۔۔اس لیے یہاں تنقید اور ملامت والا کوئی سلسلہ ہی نہ تھا۔۔۔میں جس راستے سے گذرتی لڑکے احتراما وہ راستہ میرے لیے خالی کر دیتے۔۔اور تو اور جب ہمارا آخری دن تھا تو لڑکوں کا ایک گروپ میرے پاس آیا اورمجھ سے کہا ہم آپ کے کردار سے بہت متاثر ہوئے ہیں۔۔آپ ہمارے لیے بھی دعا کیجیے
یہ سب اللہ کا فضل اور اس کا ہی احسان ہے
وما توفیقی الا باللہ
عزیز بہنا! ہم اہل حدیث تو سختی سے اس بات پر عمل کرتے ہیں جو نبی کریم صلی اللہ علیہ وسلم سے ثابت شدہ ہو۔ اس لیے یہ آیت بھی دلیل کی طالب ہے۔ باقی پھر مزید کہوں گی۔ان شاء اللہ !
 

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
عزیز بہنا! ہم اہل حدیث تو سختی سے اس بات پر عمل کرتے ہیں جو نبی کریم صلی اللہ علیہ وسلم سے ثابت شدہ ہو۔ اس لیے یہ آیت بھی دلیل کی طالب ہے۔ باقی پھر مزید کہوں گی۔ان شاء اللہ !
قرآن روحانی ہی نہیں جسمانی بیماریوں کے لیے بھی شفاء ہے ۔۔۔
یاایھا الناس قد جاءتکم موعظۃ من ربکم وشفاء لما فی الصدور وھدی ورحمۃ للمومنین
روحانی اور جسمانی بیماریوں سے شفا یابی کی نیت سے قرآن پڑھا جا سکتا ہے ۔۔۔ہاں اس کے لیے خاص طریقہ ‘ تعداد یا اوقات مخصوص کرنا درست نہیں
 

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
35۔دین کے معاملے پر کس شخصیت پر رشک آتا ہے؟
عمومی طور پر تو تمام انبیاء کرام ‘ صحابہ کرام اورسلف صالحین پر رشک آتا ہے لیکن خصوصی طور پر اس معاملے میں ‘ میں اپنے والد محترم سے شدید متاثر ہوں
میرے ابو جان کا تعلق ایک ایسے خاندان سے ہے جو دنیادی طور پر تو خوب اعلی تعلیم یافتہ ہے لیکن دینی صورتحال بالکل گذارے لائق ہے ۔۔۔میری دادی کی بہن ڈاکٹر ہیں ۔۔دادی اپنے وقتوں کی میٹرک پاس تھیں ۔۔انھوں نے کہیں امی کا درس سن لیا اور اس بات پر مصر ہو گئیں کہ انہی کو اپنی بہو بناؤں گی ۔۔۔اس وقت ابو الیکٹریکل انجینئرنگ کرنے کے بعدسکالر شپ پر پی ایچ ڈی کرنے امریکہ گئے ہوئے تھے۔۔۔ڈھونڈتے ڈھونڈتے وہ میرے ننھیال پہنچ گئیں۔۔۔نانا جان کو جب ان کا مدعا معلوم ہوا تو ظاہر ہے انھوں نے انکار کر دیا۔۔۔ایک نا معلوم شخص جو امریکہ میں ہے خاندان کی دینی حالت بھی مناسب سی ہی ہے کیسے اپنی حافظ قرآن ‘ عالمہ بیٹی کا رشتہ دے دیتے۔۔۔دادی جان اس انکار کو کسی خاطر میں نہ لائیں چار پانچ سال چکر لگا لگا کر حقیقتا جوتیاں گھسا دیں۔۔۔نانا جان نے تنگ آ کر جان چھڑانے کے لیے کہہ دیا اچھا اپنے بیٹے سے کہیں پہلے داڑھی رکھیں۔۔۔کچھ دنوں بعد آئیں تو ابو کی داڑھی والی تصویرساتھ لائیں۔۔خیر قصہ مختصر یہ رشتہ ہونا تھا شادی ہو گئی ۔۔۔شادی کے بعد ابو اتنے اچھے ثابت ہوئے کہ نانی جان امی ابو سے ملنے کراچی گئیں تو وہاں سے واپس آ کر رو پڑیں کہ میرا داماد تو میری بیٹی سے بھی زیادہ نیک ہے ۔۔ابو کی داڑھی پوری ہوئی ‘ پینٹ کوٹ پہننا چھوڑا ‘ شلوار ٹخنوں سے اوپر گئی اور تو اور شادی کے بعد ابو نے امی سے دس سپارے بھی حفظ کر لیے ۔۔۔باجماعت نماز کے اتنے پابند ہیں کہ آفس سے آکر تھکن کے باوجود لیٹتے ہی نہیں ہیں کہ کہیں میری باجماعت نماز نہ نکل جائے ۔۔میں اپنے ہوش میں انہیں کبھی گھر کی انفرادی نماز نہیں پڑھتے دیکھا۔۔۔ماں باپ کی اتنی خدمت کی کہ بیان سے باہر ہے ۔۔کراچی میں ہی تھے کہ نانی جان فوت ہو گئیں ۔۔آخری وقت میں امی ان کے پاس نہیں تھیں۔۔۔اس واقعہ کا ان پر اتنا اثر ہوا کہ سپارکو میں بیسویں گریڈ کی جاب کر رہے تھے سب چھوڑ چھاڑ کر کراچی چلے آئے۔۔۔دادا دادی اس بات پر ان سے شدید ناراض ہوئے لیکن ابو نے کہا میں اپنے ماں باپ کی خدمت کروں گااور اللہ کو ان کا یہ عمل اتنا پسند آنا کہ لاہور آنے کے کچھ سالوں بعد دادی جان جسمانی طور پر بالکل معذور ہو گئیں اتنی کہ اپنے منہ پر بیٹھی مکھی ہٹانے کے بھی قابل نہ رہیں۔۔دادا جان کی ہیپا ٹائٹس سے وفات ہوئی ۔۔۔ میں نے اپنے باپ کو اس تمام عرصے میں تن من دھن لگا کر ماں باپ کی خدمت کرتے دیکھا ہے ۔۔۔
میرے ابو کی ایک اور نمایاں صفت انتہا کی ایمانداری ہے ۔۔۔اپنی تعلیم اور اپنے سٹیٹس کا کبھی ناجائز تو کیا جائز فائدہ بھی نہیں اٹھایا۔۔۔ایک بڑی پرائیویٹ یونیورسٹی نے ابو کو اپنے انجینئرنگ ڈیپارٹمنٹ کا ڈین بنا دیااور ابو کو اس کے لیے جب پے کیا تو ابو نے وہ پے لینے سے انکار کر دیا کہ جب میں نے کوئی محنت ہی نہیں کی تو میں اس رقم کا حقدار نہیں ہوں۔۔۔پھر کچھ کلاسز لینا شوع کر دیں اور یوں وہ رقم حلال کر کے لی۔۔لوگ ابو کے پاس آتے ہیں اور کہتے ہیں اس پروجیکٹ کا ہم اتنا پے کریں گے ۔۔۔ابو لینے سے انکار کر دیتے ہیں کہ میری محنت صرف اتنی ہے میں دس کی بجائے دو لوں گا ۔۔۔
ابو کے اندر اتنہاء کی عاجزی ہے ۔۔۔لمز میں کلاس لینے گئے تو طالبعلموں نے کہا سر اپنا تعارف تو کرائیں۔۔۔حالانکہ ابو کے پاس تعارف کرانے کے لیے بہت کچھ تھا لیکن ابو نے محض اتنا کہا کہ میں اپنا تعارف انہی الفاظ میں کراؤں گا جن میں اللہ نے نبی نے اپنا تعارف کرایا تھا انی عبد اللہ یہ کہا اور لیکچر دینا شروع کر دیا
غرض یہ کہ میرے ابو جیسے لوگ اس دنیا میں نایاب ہیں۔۔۔۔میری ان سے محبت فطری تو ہے ہی لیکن ان کی نیکی کی وجہ سے یہ کئی گنا بڑھ گئی ہے ۔۔۔میں اللہ سے دعا کرتی ہوں کہ مجھے اور میری اولاد کو بھی ان کے نقشِ قدم پر چلانا ( آمین)
 

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
37۔آپ کھانے میں کیا پسند کرتی ہیں؟؟اور خود کھانا بنانا کیسا لگتا ہے؟؟
کھانے پینے کا بہت زیادہ شوق نہیں ہے۔۔۔پیٹ بھرنے کو جو بھی مل جائے کھا لیتی ہوں۔۔ہاں روٹی کے مقابلے میں چاول کھانا زیادہ پسند ہے ۔۔۔میں اکثر سوچتی ہوں کہ دال روٹی کھائیں یا کسی فائیو سٹار ہوٹل کے پر تکلف کھانے سے اپنا پیٹ بھریں حلق سے نیچے سب کچھ ایک سا ہوتا ہے ۔۔۔پیٹ بھر کر غریبوں کو بھی ویسی ہی سیری کا احساس ہوتا ہے جیسا امیر محسوس کرتے ہیں۔۔۔اس لیے محض زبان کے ذائقے کے لیے اتنی محنت ‘ اتنی تگ و دو اور اتنا خرچہ میں کسی طور مناسب نہیں سمجھتی۔۔۔اس چھوٹی سی زبان کے اتنے نخرے اٹھانا مجھے تو کبھی سمجھ نہیں آیا۔۔ہاں جس چیز میں غذائیت ہے جو زبان کے ذائقے کے ساتھ ساتھ حلق سے نیچے اتر کر بھی کسی دوسری خوراک کے مقابلے میں آپ کو زیادہ توانائی بخشے گی ۔۔۔اس کے لیے محنت کرنا اور خرچہ کرنا ٹھیک ہے۔۔۔۔لیکن محض زبان کی لذت اور اس کا مزہ۔۔۔۔
کھانا پکانا اچھا لگتا ہے ۔۔۔جب میاں صاحب اور بچے اسے شوق سے کھاتے ہیں تو یوں محسوس ہوتا ہے کہ ساری محنت وصول ہو گئی ۔۔۔ہاں کھانا پکانے میں ‘ میں لذت کے مقابلے میں غذائیت کو ترجیح دیتی ہوں
 

ماریہ انعام

مشہور رکن
شمولیت
نومبر 12، 2013
پیغامات
498
ری ایکشن اسکور
377
پوائنٹ
164
39۔ ایسے افعال ، جن کو سرانجام دینے کے لیے لمبی زندگی کی دعا مانگتی ہوں؟
لمبی زندگی کا پہلے تو خاص شوق نہیں تھا لیکن جب سے بچے ہوئے ہیں تو دل چاہتا ہے کہ اتنی مہلت ضرور ملے کہ ان کو اللہ کی توفیق سے کسی قابل بنا سکوں۔۔۔مجھے یہ خیال آتا ہے کہ جوں جوں انسان کی عمر گذرتی جاتی ہے توں توں اس کی جڑیں دنیا میں مضبوط ہوتی جاتی ہیں ۔۔۔۔پچپن میں اگر کوئی فوت ہو جائے تو رشتہ داروں کو جذباتی دھچکا تو ضرور پہنچتا ہے لیکن اس کے جانے سے کاروبار زندگی رکتا نہیں ہے۔۔۔۔یہی بچہ اگر تیس پینتیس سال کی عمر کو پہنچ کر فوت ہو تو سوچیے کون کون کس کس طرح متاثر ہو گا۔۔۔گویا جتنی عمر بڑھتی جاتی ہے اتنے انسان کے قدم اس دنیا میں جمتے جاتے ہیں ۔۔۔۔وہ اس معاملے میں حریص ہوتا جاتا ہے ۔۔۔اور اس پر آپﷺ کی یہ حدیثِ مبارکہ کن فی الدنیا کانک غریب او عابری سبیل او کما قال رسول اللہ ﷺبہت مشکل معاملہ ہے
 
Top