انٹرویو محترم شاہد نذیر صاحب

[شاہد نذیر]

18-اِس پُرفتن دور میں دُنیا کے مجموعی حالات کو دیکھ کر آپ کیا سوچتے ہیں؟​

یہی سوچتا ہوں کہ ان پرفتن اور خراب حالات میں جو اللہ کو راضی کرکے چلاگیا وہی خوش نصیب ہے۔ میں بھی آخرت میں کامیاب ہونے والوں کی فہرست میں شامل ہونا چاہتا ہوں۔

اے میرے رب مجھے دنیا اور آخرت میں کامیابی و کامرانی عطا فرمادے۔ آمین یا رب العالمین

 

[شاہد نذیر]

19۔شریعت کے نفاذ کےلیے کیا لائحہ عمل ہونا چاہیے؟​

جس طرح طاغوتی نظام دنیا پر مسلط کیا گیا ہے اور طاغوت کے پجاری اس نظام کو بچانے کے لئے آخری حد تک جانے کو تیار ہیں ان حالات میں شریعت کے نفاذ کے لئے تمام لائحہ عمل بے کار ہیں۔ جہاد، قتال، قربانی اور خون بہائے بغیر شریعت کے نفاذ کا خواب دیکھنا بے کار ہے۔

 

[شاہد نذیر]

20-محدث فورم کے وہ کون سے رکن ہیں ، جن کی تحاریر سے آپ متاثر ہوئے اور آپ کو ان رکن سے دینی فائدہ حاصل ہوا؟​

ان ناموں میں سرفہرست شعیب محمد عرف @طالب نور اور @کفایت اللہ سنابلی حفظہ اللہ سرفہرست ہیں۔

 

[شاہد نذیر]

21۔معاشرے میں سب سے بڑی برائی کیا دیکھتے ہیں اور تدارک کس طرح کیا جاسکتا ہے؟نوجوان نسل میں سب سے بڑی برائی کیا ہے اور اس کی وجوہات کیا ہیں؟​

میں سمجھتا ہوں کہ معاشرے کی سب سے بڑی برائی جس نے سارا نظام درہم برہم کر رکھا ہے وہ صحیح وقت پر نکاح نہ کرنا ہے۔ اسی سبب معاشرے میں بے حیائی کو فروغ مل رہا ہے، لڑکیاں اپنی عصمتوں سے ہاتھ دھو رہی ہیں اور ایک بدکار اور خودغرض معاشرہ تشکیل پارہا ہے۔

نوجوان نسل کی سب سے بڑی برائی یہی ہے کہ اسکی نوجوانی کا اولین مقصد جنسی لذت کا حصول ہے جس کے لئے وہ دوسروں کی عزت بھی برباد کرتا ہے اور خود بھی اپنی عزت سے ہاتھ دھو بیٹھتا ہے۔ یعنی اپنی اور دوسروں کی عصمتیں لٹانا ہی ایک نوجوان کا مطمع نظر ہے۔ ظاہر ہے یہ ساری خرابی اور فتنہ صحیح وقت پر نکاح نہ کرنے کے سبب ہے۔ اگر صحیح وقت پر لڑکے اور لڑکی کا نکاح کردیا جائے تو نوجوانی کا انتہائی قیمتی وقت بے کار اور فضول کاموں میں ضائع ہونے سے بچ جاتا ہے۔ عصمتیں محفوظ ہوجاتی ہیں اور جنسی ضرورت پوری ہوجانے کے بعد لڑکا اور لڑکی جلد مذہب کی طرف مائل ہوجاتے ہیں۔ جنسی خواہشات کی تکمیل ایک ایسی ضرورت ہے کہ اگر یہ پوری نہ ہو تو انسان دینی اور دنیاوی طور پر بے کار ہوکر صرف اور صرف اسی کے بارے میں سوچتا رہتا ہے۔ بس یہ ایک ایسی لازمی ضرورت ہے کہ اگر یہ پوری ہوجائے تو انسان اپنے زندگی کے اصل مقصد یعنی اللہ کے احکامات کے مطابق زندگی گزارنے اور ایک صحت مند اور پاکیزہ معاشرے کی تشکیل کی طرف متوجہ ہو جاتا ہے۔

 

[شاہد نذیر]

22۔تین مقامات جہاں جانے کی خواہش رکھتے ہیں؟

مجھے سیر وسیاحت سے کوئی دلچسپی نہیں ہے۔

 

[شاہد نذیر]

23۔محدث فورم نے آپ کی اخلاقی ، دینی ، ودیگر تربیت میں کتنا کردار ادا کیا ہے؟​

محدث فورم پر مجھے احساس دلایا گیا کہ میری تحریر میں سختی بہت ہے۔ میرے خیال سے محدث فورم پر موجودگی کی وجہ سے تحریر کی سختی اور شدت میں کچھ کمی ہوئی ہے اسکے علاوہ کلام میں کافی احتیاط بھی پیدا ہوئی ہے اور اسکے پیچھے خاص طور پر محترم @شاکر بھائی کی مخلصانہ کوششیں اور بے غرض نصیحتوں کا کافی عمل دخل ہے۔ اس کے علاوہ دوسرے مخلص بھائیوں کا بھی اس کار خیر میں حصہ ہے۔ جیسے
@انس نضر
@ابوالحسن علوی
@باذوق
@طالب نور
@خضر حیات
@کفایت اللہ سنابلی وغیرھم۔
اللہ ان سب کو جزائے خیر عطا فرمائے۔آمین

 

[شاہد نذیر]

24-آپ کے اردگرد نوجوان نسل کن ذرائع سے سب سے زیادہ اسلام سیکھتی سمجھتی ہے؟از خود؟والدین؟یااسلامی ادارے؟؟​

والدین وہ ہستی ہیں جن سے باآسانی اسلام سیکھا جاسکتا ہے لیکن بدقسمتی سے والدین ہی اسلام سے صحیح طور پر واقف نہیں اس لئے نوجوان ازخود اپنی کوششوں سے اسلام سیکھتے اور سمجھتے ہیں پھر اپنے والدین کو بھی سکھاتے اور سمجھاتے ہیں۔ یعنی جو کام اصل میں والدین کا تھا اب وہ ان کی اولاد کررہی ہے۔

 

[شاہد نذیر]

25-۔ہدایت اللہ کی طرف سے آتی ہے، مگر اللہ تعالی ایسے اسباب بنا دیتے ہیں ، جو ہدایت کا باعث بن جاتے ہیں ، آپ کی زندگی میں ان اسباب کا کیا کردار رہا؟؟

میری کہانی، میری زبانی

 

[شاہد نذیر]

26۔زندگی کے اتنے ادوار گزار لینے کا بعد زندگی سے کیا سیکھا؟؟​

زندگی کی حقیقت یہ ہے کہ اتنے سارے لوگوں کے ہوتے ہوئے بھی انسان تنہاء اور اکیلا ہے۔

اگر انسان خوش اور مطمئن رہنا چاہتا ہے تو اسے لوگوں سے تمام امیدیں ختم کرلینی چاہییں کیونکہ توقعات پوری نہیں ہوتیں چاہے وہ بیوی سے قائم کی جائیں یا اولاد سے۔ پھر اس کے بعد کون سے رشتے دار یا دوست احباب ہیں جن سے آپ امیدیں پوری ہونے کی توقع رکھ سکتے ہیں؟

انسان کو سب سے زیادہ دکھ اسکی امیدیں ٹوٹنے اور دوسروں سے وابستہ کی گئی توقعات پوری نہ ہونے کا ہی ہوتا ہے اس لئے نہ امید قائم کرو اور نہ اس کے ٹوٹنے پر غمگین یا پریشان ہو۔

 

[شاہد نذیر]

27۔دین اسلام کی ترقی و بلندی کے لیے ، مسلمانوں میں کس چیز کی ضرورت محسوس کرتے ہیں؟؟​

صحیح علم کی۔
درست علم ہوگا تو درست عمل بھی ہوگا جو دین اسلام کی ترقی کا باعث بنے گا۔ ورنہ غلط علم کے ساتھ عمل اسلام کی تنزلی کا باعث ہے۔