مصنف ابن ابی شیبہ میں وائل بن حجر رضی اللہ عنہ سے مروی حدیث

[شاد]

مصنف ابن ابی شیبہ میں جو شیخ محمد عوامہ کی تحقیق کے ساتھ شائع ہوئی ہے اس کی پوری روداد موجود ہے ۔ کب اورکیسے اس زیادتی کا علم ہونے پر اضافہ ہوا۔ ابھی سردست آفس میں ہوں ،ترجمہ کرنے کی فرصت نہیں ہے۔کل انشاء اللہ اس کا خلاصہ بیان کردیتاہوں تاکہ آپ اوردیگر ناواقفان حال کی تشفی ہوجائے۔

 

[انور شاہ راشدی]

محترم
ھم نے وہ پڑھی ھے.
آپ بس میری بات کا جواب دیں.
اور کراچی والوں نے کس نسخے کا حوالہ دیا ھے؟
نہ بات کو لمبا کریں اور نا قارئین کو الجھائیں.
آپ کا یہ طریقہ کس بات کا غماز ھے.

 

[انور شاہ راشدی]

عقلمندی مسئلے کو پھیلانے میں نہیں.

 

[محمد وقاص گل]

السلام علیکم،،،،،
اللہم ارنا الحق حقا وارزقنا اتباعہ
وارنا الباطل باطلا وارزقنا اجتنابہ۔۔۔

انسان کی ہدایت اور حق بات میں ایک بہت بڑی رکاوٹ اسکا مسلک اور اسکی ضد اور ذات بن جاتے ہیں دین اسلام کے کئی مسائل ایسے ہیں جو اتنے واضح ہیں کہ ایک عام انسان بھی انکو آسانی کے ساتھ سمجھ لیتا ہے لیکن جس کو اللہ توفیق دے۔۔
ہاتھوں کا نماز میں سینے پر باندھنا یہ ایک الگ بحث ہے یہاں جو بحث اتنے عرصے سے چل رہی ہے وہ مصنف ابن ابی شیبہ میں بعض الناس کی تحریف ہے جس کو خود انہی کے علماء نے تسلیم بھی کیا ہے لیکن افسوس مسئلہ یہ ہے کہ۔۔۔۔۔۔۔۔۔۔۔
"مولانا محمو د الحسن سابقہ شيخ الحديث ديوبند لکھتے ہيں:-
"حق و انصاف يہ ہے کہ امام شافعي رحمتہ اللہ عليہ کے مذہب کو اس مسئلہ (بيع خيار) ميں ترجيح خاص ہے ليکن ہم مقلد ہيں اس لئے ہم پر اپنے امام ابو حنيفہ رحمتہ اللہ عليہ کي تقليد واجب ہے "
(تقرير ترمذي ، جلد 1، صفحہ 49)"

مفتی رشید احمد لدھیانوی نے لکھا ہے کہ
تبرعا لکھ دی ہے ورنہ رجوع الی الحدیث وظیفہ مقلد نہیں ،، ( احسن الفتاوی ۳/۵۰)

معذرت کے ساتھ میری یہ بات کسی پر تنقید نہین بلکہ خالص حقائق پر مبنی ہے کیوں کہ کچھ ایسا ہی اس ہاتھ باندھنے والے مسئلے میں بھی ہے ملاحظہ کیجئے۔۔


"تلک الزیادۃ معلولۃ"۔۔(حاشیہ فیض الباری)
الانصاف ان ھذہ الزیادۃ وان کانت صحیحۃ لوجودہا فی اکثر النسخ من المصنف لکنھا مخالفۃ الروایات الثقات فکانت غیر محفوظۃ۔(التعلیق الحسن)
دلیل ابی حنیفۃ ما رواہ احمد والدارقطنی والبیہقی عن علی۔۔۔۔ (اتحاف السادۃ ج3 ص 37)

مزید تحریف کے اوپر دلائل دیکھنے کیلئے اسی تھریڈ کو دیکھیں بات کو لمبا کرنا فضول ہے۔۔http://forum.mohaddis.com/threads/مصنف-ابن-ابی-شیبہ-میں-وائل-بن-حجر-رضی-اللہ-عنہ-سے-مروی-حدیث.17353/page-3#post-163475

 

[انور شاہ راشدی]

وعلیکم السلام.
محترم بھائی.
جزاک اللہ.

 

[شاد]

مولانااثری صاحب نےمضمون کےآخرمیں حسب وعدہ دونوں نسخوں کےعکس چسپاں کیےہیں وہاں سےملاحظہ کیےجاسکتےہیں۔
البتہ فورم پربھی اسی حوالے سےعکس موجودہیں جویہاں دیکھے جاسکتےہیں۔
اسی موضوع کےتعلق سے حافظ زبیرعلی زئی صاحب رحمہ اللہ کا ایک تفصیلی مضمون فورم پرموجودہے:
http://forum.mohaddis.com/threads/نماز-میں-ہاتھ-باندھنے-کا-حکم-اور-مقام.567/
اس کےعلاوہ پاک و ہنداوربعض عرب ممالک کےعلماء نے متون احادیث کےاندر ان دسیسہ کاریوں سے نقاب کشائی کرنےکےلیےمستقل تصانیف فرمائی ہیں جن کےاندرضمنا اس تحریف کا بھی تذکرہ ہے ۔ چندکتب یہ ہیں:
قرآن وحدیث میں تحریف از ڈاکٹرابوجابرعبداللہ دامانوی
تحریف النصوص من مآخذ أہل الأهواء في الاستدلال للشيخ بكر ابو زيد
زوابع في وجه السنة قديما و حديثا للشيخ صلاح الدين مقبول أحمد
الطوام المرعشة في بيان تحريفات أهل الرأي المدهشة للشيخ بديع الدين الراشدي السندي
یہ چندمستقل تصانیف ہیں اس موضوع پر۔اگر عموماعلماءکے کلام کو اکٹھاکیاجائےجوانہوں نے اپنی کتب کےاندر کسی مناسبت سے ذکرکیاتوفحدث ولاحرج۔

ًمیں نے کہاتھاکہ تحت السرۃ کی زیادتی پر جوکچھ شوروغوغااورہنگامہ برپاہے وہ برصغیر میں ہی ہے عرب علماء کے یہاں اس پر اس قدر چیخ وپکار نہیں مچ رہی ہے۔ اس پر خضرحیات صاحب نے نہ جانے کس عالم میں ان علماء کے حوالے دیئے ہیں، پہلا حوالہ ہے ڈاکٹر ابوجابرعبداللہ دامانوی ،یہ بزرگ پاکستان کے کسی شہر کے رہنے والے ہیں اگر وہ عرب میں رہنے لگے ہیں تو اس سے وہ عرب نہیں بن جائیں گے۔ ویسے بھی چھٹتی نہیں منہ سے یہ کافر لگی ہوئی جن کو برصغیر میں رہ کر احناف کو کوسنے کا مزاج بن چکاہو وہ عرب میں جاکر کس طرح بدل جائیں گے۔
دوسراحوالہ ہے۔ شیخ بکر ابوزید یہ عرب عالم ہیں ابن باز وغیرہ کے شاگرد ہیں اس پر ہم آخر میں گفتگو کرتے ہیں،
تیسراحوالہ صلاح الدین مقبول احمد کاہے یہ ہندوستان کے عالم ہیں
چوتھاحوالہ بدیع الدین راشدی کاہے۔ ان کے نام کے ساتھ سندی کی اضافت موجود ہے۔ چار میں سے تین برصغیر سے تعلق رکھتے ہیں اس مین سے کوئی ایسابھی نہیں ہے کہ جس کی پیدائش عرب میں ہوئی ہو بلکہ ہرایک نے اولا یہاں پوری تعلیم حاصل کی ہے پھر وہاں جاکر تعلیم حاصل کی اورپھرتدریس یاپھرتحقیق کے شعبے میں ادھر ہی رہ گئے۔ اس سے یہ عرب نہیں ہوجاتے۔
خضرحیات صاحب کے یہ تمام حوالہ اصل بحث سے دور ہیں۔ رہ ابوبکر زید کی بات توجن بزرگ کو یہ بھی گوارہ نہ ہو کہ لوگ عبدالفتاح ابوغدہ کی کتابیں کیوں پڑھتے ہین تواس سے ان کے ’’حقد‘‘کا اندازہ لگایاجاسکتاہے۔

 

[خضر حیات]

ًمیں نے کہاتھاکہ تحت السرۃ کی زیادتی پر جوکچھ شوروغوغااورہنگامہ برپاہے وہ برصغیر میں ہی ہے عرب علماء کے یہاں اس پر اس قدر چیخ وپکار نہیں مچ رہی ہے۔ اس پر خضرحیات صاحب نے نہ جانے کس عالم میں ان علماء کے حوالے دیئے ہیں، پہلا حوالہ ہے ڈاکٹر ابوجابرعبداللہ دامانوی ،یہ بزرگ پاکستان کے کسی شہر کے رہنے والے ہیں اگر وہ عرب میں رہنے لگے ہیں تو اس سے وہ عرب نہیں بن جائیں گے۔ ویسے بھی چھٹتی نہیں منہ سے یہ کافر لگی ہوئی جن کو برصغیر میں رہ کر احناف کو کوسنے کا مزاج بن چکاہو وہ عرب میں جاکر کس طرح بدل جائیں گے۔
دوسراحوالہ ہے۔ شیخ بکر ابوزید یہ عرب عالم ہیں ابن باز وغیرہ کے شاگرد ہیں اس پر ہم آخر میں گفتگو کرتے ہیں،
تیسراحوالہ صلاح الدین مقبول احمد کاہے یہ ہندوستان کے عالم ہیں
چوتھاحوالہ بدیع الدین راشدی کاہے۔ ان کے نام کے ساتھ سندی کی اضافت موجود ہے۔ چار میں سے تین برصغیر سے تعلق رکھتے ہیں اس مین سے کوئی ایسابھی نہیں ہے کہ جس کی پیدائش عرب میں ہوئی ہو بلکہ ہرایک نے اولا یہاں پوری تعلیم حاصل کی ہے پھر وہاں جاکر تعلیم حاصل کی اورپھرتدریس یاپھرتحقیق کے شعبے میں ادھر ہی رہ گئے۔ اس سے یہ عرب نہیں ہوجاتے۔
خضرحیات صاحب کے یہ تمام حوالہ اصل بحث سے دور ہیں۔ رہ ابوبکر زید کی بات توجن بزرگ کو یہ بھی گوارہ نہ ہو کہ لوگ عبدالفتاح ابوغدہ کی کتابیں کیوں پڑھتے ہین تواس سے ان کے ’’حقد‘‘کا اندازہ لگایاجاسکتاہے۔

شیخ بکر ابو زید ہی یہاں مراد تھے ۔ دیگر عرب علماء کی جنہوں نے اس کو تحریف قرار دیا ہے ، ان کی فہرست بھی پیش کی جاسکتی ہے ۔ لیکن اس کا فائدہ ؟
بکر ابو زید تو ابو غدہ کی مخالفت کی وجہ سے حاقدین کی قطار میں کھڑے ہوگئے ۔ گویا جو کسی حنفی سے مخالفت ( حقد ہی سہی ) رکھتا ہو اس کی بات قابل قبول نہیں ؟

 

[انور شاہ راشدی]

محترم آپ میری بات کا جواب دیں. ان شاء اللہ عرب کے فورموں میں بہی اس بات کو ہم واضح کرتے ھیں. آپ بے فکر رہیں.

 

[اشماریہ]

السلام علیکم و رحمۃ اللہ و برکاتہ
محترم انور شاہ راشدی بھائی
شاہ صاحب کی عبارت کا خلاصہ یہ نکلتا ہے کہ یہ تحت السرۃ کے الفاظ صرف قاسم بن قطلوبغا کے نسخے میں ملتے ہیں اوروں میں نہیں۔ اگر آپ غور کریں تو یہی اعتراض حیات سندھیؒ نے بھی کیا تھا اور علامہ ہاشم سندھی نے اس کا جواب بھی اسی زمانے میں دے دیا تھا۔
علامہ ہاشمؒ نے اس نسخے کی مضبوطی ثابت کی تھی المقابلۃ المصححۃ المتعددۃ الموافقۃ التی اتصل بنا سندھا (معیار النقاد (درہم الصرۃ ص 107) کے الفاظ سے۔ یہ الفاظ بتاتے ہیں کہ اس نسخے کا اصل نسخے سے تقابل کیا گیا، تصحیح کی گئی، کئی مرتبہ کی گئی، موافق پایا گیا اور ہم تک اس کی سند متصل ہے۔ اس کے مقابلے میں جو نسخے حیات سندھی کے پاس تھے ان پر تصحیحات نہیں تھیں۔ تو ان کا سوال یہ تھا کہ کیا اس مصححہ نسخہ کے مقابلے میں غیر مصححہ نسخہ قبول ہوگا؟؟؟؟ یہ سوال ابھی تک تشنہ ہے۔
ہاں ایک اعتراض شیخ قاسم بن قطلوبغا کی محدثیت پر کیا گیا ہے۔ تو عرض یہ ہے کہ سیوطی نے الضوء اللامع میں شیخ قاسم کی تفصیل لکھی ہے۔
اس میں ان کے اساتذہ بھی لکھے ہیں جن سے انہوں نے علوم الحدیث حاصل کیا۔ یہ صرف فقیہ نہیں تھے بلکہ علوم حدیث پر بھی مہارت رکھتے تھے۔
ان سے حدیث کا علم حاصل کیا جاتا تھا۔ سیوطی نے عبد البر بن محمد کے ترجمے میں لکھا ہے:۔
وكذا أخذ في الفقه عن البدر عن عبيد الله والزين قاسم بن قطلوبغا مع أصوله والحديث عن ثانيهما
اور پھر ان کی تعریف کرتے ہوئے سیوطی نے کہا ہے:۔
ووصفه ابن الديري بالشيخ العالم الذكي وشيخنا بالإمام العلامة المحدث الفقيه الحافظ
اور سیوطی کے شیخ سے مراد یہاں حافظ ابن حجرؒ ہیں۔
حتی کہ بقاعی نے ان سے حسد کی وجہ سے ان پر کذب کی تہمت لگائی ہے لیکن اس سے پہلے انہوں نے بھی گواہی دی ہے:۔
وكان مفننا في علوم كثيرة الفقه والحديث والأصول وغيرها۔ یہ سب الضوء اللامع میں تحریر ہے۔
تو ایسے شخص پر یہ تہمت لگانا کہ وہ حدیث سے بے بہرہ تھا کیا حیثیت رکھتا ہے؟؟؟
اس بات کو شاید شاہ صاحب نے اپنی تحریر میں چھیڑا ہی نہیں ہوگا۔

اور اب تو تھوڑا معاملہ اور مختلف ہو گیا ہے اس لحاظ سے کہ قاسم بن قطلوبغا کی پیدائش سے بھی قبل کا نسخہ ہمارے پاس ہے جس میں یہ موجود ہے اور جس کی تحقیق میں پیچھے لکھ چکا ہوں۔ اس کے باوجود یہ ضد کہ یہ نسخوں میں موجود نہیں ہے بہت عجیب سی لگتی ہے۔ میری درخواست ہے کہ آپ پیچھے کی جانے والی طویل بحث میں میری پوسٹس ملاحظہ فرما لیں۔ میں اکثر باتوں کا جواب دے چکا ہوں۔

مجھے اپنے محترم بھائیوں سے یہ شکوہ ہے کہ بجائے مجھ پر ضد کا لیبل لگانے یا علماء کے حوالہ جات دینے کے دلائل سے میری باتوں کا رد کیوں نہیں کرتے؟ میں پیچھے مکمل بحث کر چکا ہوں آخر کس لیے؟

 

[انور شاہ راشدی]

محترم
باقی نسخوں پر ان شاء اللہ تعالی ھم بعد میں آتے ھیں.
میری بس ایک بات کا جواب دیا جائے.جو میں نے شاد بھائی سے کہی تھی.