معصوم مسکراہٹیں

[مشکٰوۃ]

بسم اللہ الرحمن الرحیم
بچپن اچھی طرح سے یادہے۔ تختی لکھی ہے مگر نہایت ہی کم۔
مجھے تو بچپن کی ایک بات بہت اچھی طرح سے یاد ہے۔ میرے والد صاحب اس وقت سعودیہ میں ہوتے تھے ( تقریبا 1978) اور مجھے وہاں سے بڑی خوبصورت جینوئن گھڑی لاکردی۔
اب میں زیادہ سے زیادہ 5 سال کا تھا۔ کیا معلوم کہ کیا ہے۔ گھر سے باہر نکلا اور اس پر اینٹ مار کر اس کو توڑ کر بادام نکالنے کی کوشش کی مگر اس میں سے بادام نہیں نکلا۔ بس اس کو وہیں گھر کے کونہ میں ہی چھوڑا اور واپس آگیا۔
مجھے آج بھی اس گھڑی کا ڈائل یاد آتا ہے گہرے رنگ کا تھا تقریباً جامنی سا اور جب اس پر ایک زاویہ سے دھوپ پڑتی تو دیوار پر قوس قزح بنا دیتا تھا۔
۔ ۔ ۔ ۔ ۔
اللہ اکبر و للہ الحمد۔ کل ہم بچے تھے اور آج ہمارے بچے ہیں۔
بشکریہ ابو عبداللہ

 

[اخت ولید]

بادام کہ مقناطیس؟؟؟

 

[اخت ولید]

دو سال قبل تک بچے یہی"ٹیچر ٹیچر،ڈاکٹر ڈاکٹر،گھر گھر،مہمان مہمان " کھیلا کرتے تھے۔۔اس ماہ نیا تجربہ ہوا ہے۔۔
"آؤ کھیلیں؟"
"کیا کھیلیں؟"
"کالج کالج کھیلیں؟؟"تین سالہ بچی نے اشتیاق سے پوچھا
نوے کی دہائی کی ہماری ایک عزیزہ بعمرچار سال امی جان کا بیگ کندھے پر ٹکا کر کہتی"میں یونی ورسٹی جا رہی ہوں"

 

[اخت ولید]

علی بابا چالیس چور کی کہانی سنتے سنتے جناب ماعز کی جانب سے کوئی بیس پچیس تبصرے،پوچھ گچھ تو ہو ہی گئے!!
"چالیس آدمی اپنے اپنے گھوڑوں پر سوار آ رہے تھے"
"ان کے پاس گاڑیاں نہیں تھیں؟"
۔۔۔
"علی بابا کی بیٹی نہیں تھی؟؟"
"نہیں ۔۔اس کا ایک بیٹا ہی تھا"
"کیوں؟"
"بس اللہ تعالٰی نے اسے ایک بیٹا ہی دیا تھا۔۔جس طرح امل ایک اکیلی بہن ہے"
"اچھا"
۔۔۔
"علی بابا اکیلا گیا تھا ؟"
"جی"
"اسے ڈر نہیں لگا تھا؟؟اس کی بیوی اور بیٹا گھر اکیلے تھے؟انہیں ڈر نہیں لگا؟؟"
"نہیں ۔۔اس نے آیت الکرسی پڑھ لی تھی"(جس طرح ابھی آپ کو ڈر لگنے پر آیت الکرسی پڑھائی گئی تھی)
"اچھا"
۔۔۔۔
"قاسم اکیلا گیا تھا"؟؟
"جی"
"اس کی بیوی نہیں گئی تھی؟"
"نہیں"
"کیوں؟"
"جب ا بو جان دودھ دہی لینے جاتے ہیں۔امی جان ساتھ جاتی ہیں؟"
"وہ۔۔اس دن ۔۔جب ابو جی لیس لینے گئے تھے تو امی جی بھی تو ساتھ گئی تھیں"):
"دادا با جب جاب پر جاتے ہیں۔۔دادی اماں کوئی ساتھ جاتی ہیں؟"
"دادا با تو ڈاکٹر ہیں"قصہ پاک!!
"اچھا جب چاچو باہر کام سے جاتے ہیں،چاچی جاتی ہیں؟"
"ایک بات بتاؤں۔۔جب چاچو باہر جاتے ہیں ناں ۔۔چاچی کہتی ہیں ۔۔امل کو بھی ساتھ لے کر جائیں۔۔چاچی پھر امل کوساتھ بھیج دیتی ہیں"
آج کے بچوں کو مات دینا اتنا بھی آسان نہیں):

 

[خنساء]

عز صاحب کو ناجانے بیٹھے بیٹھے کیا سوجی
"آلہ آپ کو پتا ہے میرے بابا سلفی ہیں "
"جی مجھے پتا ہے "
"اور میں نا بڑے ہو کر حنفی بنوں گا "۔۔۔۔۔۔۔۔۔:(

 

[خنساء]

عز گاڑی میں بیٹھ کرشور مچا رہا تھا" میں جوان ہو گیا میں جوان ہو گیا ہوں"جب ہم گاڑی سے اتر کر گھر آنے لگے تو ہمارے پاس کافی سامان تھا عز کو یہ خدشہ تھا کہ مجھے کوئی ہلکہ سا شاپر نا پکڑا دیا جائے اپنی ماما سے کہا " ماما میرے ہاتھ نابوڑھے ہوگئے ہیں"

 

[خنساء]

ہم اپنی بھابھی کے گھر گئے ان کے گھر میں بہت بڑی انگوروں کی بیل تھی جس کو بانس کے ڈنڈوں سے سہارا دیا ہوا تھا عز نے بانس کے ڈنڈے دیکھے تو کہنے لگا" میں نے نا ان سے ٹرینگ لینی ہے "

 

[مشکٰوۃ]

کاغذ پر لکھا نمبر تھماتے ہوئے پانچ سالہ ملائکہ کچھ یوں گویا ہوئی:
" باجی آپ میرا نام غلط لیتی ہیں ،اس کاغذ پر نمبر کے ساتھ جو نام لکھ ہے ناں، وہ میرا اصل اور صحیح والا نام ہے"
کاغذ پر نظر دوڑائی گئی تو وہاں لکھا تھا۔۔۔" ملائکہ قریشی":)

 

[ضدی]

 

[مشکٰوۃ]

ابتسامہ۔۔۔۔بچے بھی ناں!:)

https://www.facebook.com/video.php?v=10152280769801006