معصوم مسکراہٹیں

[مشکٰوۃ]

ایک دوپہر میں غبارہ بیچنے والا گزرا تو لائبہ نے اسے روک لیا۔
"انکل آپ کے پا س پانچ روپے والا غبارہ ہے؟
"جی بیٹاہے ۔۔"
اور انکل چار روپے والا غبارہ؟؟
چار والا بھی ہے۔۔
اور تین روپے والا؟؟
اب کی بار اس نے سر ہلانے پر اکتفا کیا۔۔
اور انکل دو روپے والا؟؟
وہ بھی ہے۔۔۔وہ جھنجھلا گیا۔۔
لائبہ پیچھے مڑی اور بولی ۔۔۔"انکل! میری امی کہہ رہی ہیں ہمارے پاس پیسے نہیں ہیں آپ مجھے ایک روپے والا غبارہ دے دیں۔۔۔۔"ہاہہاہاہاہہا

 

[ابن عبدالقیوم]

جب ہانیہ روتی ہے تو میں کہتی ہوں"میں آپ کو لیپی دوں گی لیپی دوں گی ہاں لیپی دوں گی"عز نے بھی یہ الفاظ کچھ دن پہلے سیکھ لیے ہیں۔ایک دن ہانیہ رو رہی تھی تو عز نے کہنے لگا " میں آپ کو لیپی دوں گی"میں نے کہا" عز آپ تو لڑکے ہو " کچھ سوچنے کے بعد کہنے لگا" میں آپ کو لیپا دوں گا"

یہ لیپی کیا ہے سسٹر؟؟؟؟؟؟

 

[خنساء]

یہ لیپی کیا ہے سسٹر؟؟؟؟؟؟

رات عز نے مجھ سے پوچھا"آلہ یہ لیپا کیا ہوتا ہے"؟؟
میں نے کہا "لیپا کو تو مجھے نہیں پتا لیکن لیپی لیپ ٹاپ کو کہتے ہیں"۔" اچھا میں آپ کو صبح اتنا بڑا لیپا دوں گا"۔

 

[مشکٰوۃ]

آپی میرے انگلی میں درد ہو رہی ہے۔
دکھانا ذرا۔۔اوہو خنساء ایسا کبھی کبھی ہوتا اسے نفسیاتی درد کہتے ہیں"وردۃ نے سنجیدگی سے کہا
نفسیاتی درد؟۔۔وہ کیسے؟
"ہوتا ہے کبھی کبھی نفسیاتی درد وہی ہورہا ہے"
اچھا۔خنساء نے سمجھنے والے انداز میں سر ہلا دیا۔
گھنٹے بعد "آپی میرے نفسیاتی درد ہو رہی ہے"
وردۃ کی ہنسی چھوٹ گئی "میں نے تو مذاق کیا تھا"
"آپ نے ہی کہا تھا کہ یہ نفسیاتی درد ہوتی ہے۔۔۔۔"
اس وقت توہم تینوں کے علاوہ کوئی گھر پر نہ تھا،اگلے دن سب کھانا کھا رہے تھے کہ"وردۃ آپی! وہ جو کل آپ کہہ رہی تھیں نا کچھ پتہ نہیں نفسیاتی دردکا وہ دوبارہ۔۔۔۔خنساء نے اپنی انگلیوں پر غور کرتے ہوئے کہا۔
نفسیاتی درد؟امی اور آپی کے دیکھنے پر وہ بولی۔
"یہی کہہ رہی تھیں انگلیوں میں درد ہو تو وہ نفسیاتی درد ہوتا ہے":)

 

[خنساء]

میں اور وردہ آپی جھولے لے رہے تھے کہ عز نیچے سے شور مچاتا ہوا آیا اور اتنے پیا ر سے بولا
"شبا آلہ آپ کو پتا ہے نا میرے شیخ اسامہ بن لادن ہیں نا"
"جی ہیں لیکن وہ کہاں ہیں؟؟
"وہ اللہ کے پاس ہیں وہ مجھے بہت اچھے لگتے ہیں"
"کیوں"؟
"کیونکہ کے نا وہ مجھے کیک دیتے ہیں"
"وہ تو اللہ کے پاس ہیں وہ آپ کو کیسے دیتے ہیں؟"
"ہاں ہاں اچھا جی جب میں اللہ کے پاس جاؤں گا نا پھر وہ مجھے اتنے کیک دیں گے"

 

[خنساء]

رات امی نے مجھے کہا" خنساء مجھے چائے بنا دو"
عز جو سو رہا تھا اونچی اونچی آواز میں رونے لگ گیا" ماما میں نے چائے نہیں پینی ماما میں نے چائے نہیں پینی"
اتنی مشکل سے عز کو سمجھایا کہ عز نانی چائے پی رہیں ہیں آپ کو نہیں دے رہے
ایک دن سوتے میں رونے لگ گیا" امی! ابو نے مجھے نہلا دیا ہے واں واں مجھے ابو نے کیوں نہلا یا ہے"؟

 

[عبداللہ حیدر]

السلام علیکم،
رات میں زینب کو تین آدمیوں کا قصہ سنا رہا تھا جو غار میں پھنس جاتے ہیں اور اپنے اپنے نیک اعمال کا وسیلہ پیش کر کے چھٹکارے کی دعا کرتے ہیں۔ قصہ سننے کے بعد کہنے لگی’’ مجھے یہ سمجھ نہیں آئی جب بارش کی وجہ سے وہ غار میں گھس گئےتھے تو اپنا موٹر سائیکل کہاں کھڑا کیا ہو گا‘‘ ابتسامہ

 

[اخت ولید]

ماعز صاحب، صاحب بہادر بننے چلے ہیں۔۔دو چار دن سکول جانے سے ہی انگریزی آ گئی ہے!!
"امی جی! کپڑے اتار لیں۔۔۔"بادلز"آ رہے ہیں"

 

[نسرین فاطمہ]

رات ہی میں نے ہومیو دوا فیرم فاس بنا کہ رکھی تھی کہ صبح بھابی کی امی کو پہنچاؤ ں گی ان کے سر میں دردہے ،صبح کو دوا کی شیشی کو خالی پایا تو عبد اللہ سے پوچھا کہ کہاں ہے دوا،
عبداللہ " وہ چوزوں کی ٹانگ میں درد تھا انھیں کھلادی "
، میں غصے سے "آپ کو کیسے پتا کہ چوزوں کی ٹانگ میں درد ہے "
عبداللہ " وہ درد سے بار بار ٹانگ اوپر کر رہے تھے"۔

 

[اخت ولید]

بچوں کا جوش و خروش سننے لائق تھا!چار سالہ امل بھاگتی ہوئی اندر داخل ہوئی"سنو سنو۔۔۔وہ ناں۔۔وہ کمیرا کہہ رہی ہے کہ باہر جو ہمارا پھولوں والا پودا ہے ناں ۔۔گملے میں۔۔اس میں تربوز لگا ہے":)