کیا نبی کریمﷺ نے معراج کے موقع پر اللہ تعالیٰ کو آنکھوں سے دیکھا؟

[محمد علی جواد]

صحیح بخاری کی اس روایت کے متعلق پیچھے بھی وضاحت کی تھی۔ کہ یہ معروف واقعہ معراج نہیں ہے جو جاگتے ہوئے جسد اور روح دونوں کے ساتھ ہوا، جس کا ذکر قرآن کریم میں ہے۔

یہ خواب کا واقعہ ہے۔ جیسا کہ اس روایت کے شروع میں صراحت ہے، یہ دیکھیے:

نبی کریمﷺ کو ایسے بہت سے خواب بھی دیکھائے گئے تھے، جن میں سے ایک یہ بھی ہے۔

اور یہ وضاحت بھی پہلے کی جا چکی ہے کہ جنت میں داخلے سے پہلے خواب میں اللہ کو دیکھنا ممکن ہے۔ مختلف فیہ مسئلہ ’’جاگتے ہوئے اپنی آنکھوں سے قیامت سے پہلے پہلے اللہ رب العٰلمین کو دیکھنا‘‘ ہے۔

السلام وعلیکم و رحمت الله -

آپ کی بات سے تو یہ نتیجہ نکلتا ہے کہ مسلمانوں پر پانچ وقت کی نماز نبی کریم صل الله علیہ و آ لہ وسلم کو ان کے خواب میں فرض کی گئی تھی - کیوں کہ صحیح بخاری کی اس روایت میں مسلمانوں پر پانچ نمازیں فرض ہونے کا ثبوت موجود ہے - جب کہ علماء اہل سنّت کی اکثریت کہتی ہے کہ پانچ نمازیں واقعہ معراج میں فرض ہوئیں تھیں ؟؟؟؟ - براہ کرم اس کی وضاحت فرمائیں -

 

[خواجہ خرم]

اس روایت کے بارے میں آپ کی کیا رائے ہےشیخ محترم؟

حَدَّثَنَا مُحَمَّدُ بْنُ الْمُثَنَّى، حَدَّثَنَا ابْنُ أَبِي عَدِيٍّ، عَنْ سَعِيدٍ، عَنْ قَتَادَةَ، عَنْ أَنَسِ بْنِ مَالِكٍ، - لَعَلَّهُ قَالَ - عَنْ مَالِكِ بْنِ صَعْصَعَةَ، - رَجُلٌ مِنْ قَوْمِهِ - قَالَ قَالَ نَبِيُّ اللَّهِ صلى الله عليه وسلم ‏"‏ بَيْنَا أَنَا عِنْدَ الْبَيْتِ بَيْنَ النَّائِمِ وَالْيَقْظَانِ إِذْ سَمِعْتُ قَائِلاً يَقُولُ أَحَدُ الثَّلاَثَةِ بَيْنَ الرَّجُلَيْنِ ‏.‏ فَأُتِيتُ فَانْطُلِقَ بِي فَأُتِيتُ بِطَسْتٍ مِنْ ذَهَبٍ فِيهَا مِنْ مَاءِ زَمْزَمَ فَشُرِحَ صَدْرِي إِلَى كَذَا وَكَذَا ‏"‏ ‏.‏ قَالَ قَتَادَةُ فَقُلْتُ لِلَّذِي مَعِي مَا يَعْنِي قَالَ إِلَى أَسْفَلِ بَطْنِهِ ‏"‏ فَاسْتُخْرِجَ قَلْبِي فَغُسِلَ بِمَاءِ زَمْزَمَ ثُمَّ أُعِيدَ مَكَانَهُ ثُمَّ حُشِيَ إِيمَانًا وَحِكْمَةً ثُمَّ أُتِيتُ بِدَابَّةٍ أَبْيَضَ يُقَالُ لَهُ الْبُرَاقُ فَوْقَ الْحِمَارِ وَدُونَ الْبَغْلِ يَقَعُ خَطْوُهُ عِنْدَ أَقْصَى طَرْفِهِ فَحُمِلْتُ عَلَيْهِ ثُمَّ انْطَلَقْنَا حَتَّى أَتَيْنَا السَّمَاءَ الدُّنْيَا فَاسْتَفْتَحَ جِبْرِيلُ صلى الله عليه وسلم فَقِيلَ مَنْ هَذَا قَالَ جِبْرِيلُ ‏.‏ قِيلَ وَمَنْ مَعَكَ قَالَ مُحَمَّدٌ صلى الله عليه وسلم ‏.‏ قِيلَ وَقَدْ بُعِثَ إِلَيْهِ قَالَ نَعَمْ - قَالَ - فَفَتَحَ لَنَا وَقَالَ مَرْحَبًا بِهِ وَلَنِعْمَ الْمَجِيءُ جَاءَ - قَالَ - فَأَتَيْنَا عَلَى آدَمَ صلى الله عليه وسلم ‏"‏ ‏.‏ وَسَاقَ الْحَدِيثَ بِقِصَّتِهِ ‏.‏ وَذَكَرَ أَنَّهُ لَقِيَ فِي السَّمَاءِ الثَّانِيَةِ عِيسَى وَيَحْيَى - عَلَيْهِمَا السَّلاَمُ - وَفِي الثَّالِثَةِ يُوسُفَ وَفِي الرَّابِعَةِ إِدْرِيسَ وَفِي الْخَامِسَةِ هَارُونَ - صَلَّى اللَّهُ عَلَيْهِمْ وَسَلَّمَ - قَالَ ‏"‏ ثُمَّ انْطَلَقْنَا حَتَّى انْتَهَيْنَا إِلَى السَّمَاءِ السَّادِسَةِ فَأَتَيْتُ عَلَى مُوسَى عَلَيْهِ السَّلاَمُ فَسَلَّمْتُ عَلَيْهِ فَقَالَ مَرْحَبًا بِالأَخِ الصَّالِحِ وَالنَّبِيِّ الصَّالِحِ ‏.‏ فَلَمَّا جَاوَزْتُهُ بَكَى فَنُودِيَ مَا يُبْكِيكَ قَالَ رَبِّ هَذَا غُلاَمٌ بَعَثْتَهُ بَعْدِي يَدْخُلُ مِنْ أُمَّتِهِ الْجَنَّةَ أَكْثَرُ مِمَّا يَدْخُلُ مِنْ أُمَّتِي ‏.‏ - قَالَ - ثُمَّ انْطَلَقْنَا حَتَّى انْتَهَيْنَا إِلَى السَّمَاءِ السَّابِعَةِ فَأَتَيْتُ عَلَى إِبْرَاهِيمَ ‏"‏ ‏.‏ وَقَالَ فِي الْحَدِيثِ وَحَدَّثَ نَبِيُّ اللَّهِ صلى الله عليه وسلم أَنَّهُ رَأَى أَرْبَعَةَ أَنْهَارٍ يَخْرُجُ مِنْ أَصْلِهَا نَهْرَانِ ظَاهِرَانِ وَنَهْرَانِ بَاطِنَانِ ‏"‏ فَقُلْتُ يَا جِبْرِيلُ مَا هَذِهِ الأَنْهَارُ قَالَ أَمَّا النَّهْرَانِ الْبَاطِنَانِ فَنَهْرَانِ فِي الْجَنَّةِ وَأَمَّا الظَّاهِرَانِ فَالنِّيلُ وَالْفُرَاتُ ‏.‏ ثُمَّ رُفِعَ لِيَ الْبَيْتُ الْمَعْمُورُ فَقُلْتُ يَا جِبْرِيلُ مَا هَذَا قَالَ هَذَا الْبَيْتُ الْمَعْمُورُ يَدْخُلُهُ كُلَّ يَوْمٍ سَبْعُونَ أَلْفَ مَلَكٍ إِذَا خَرَجُوا مِنْهُ لَمْ يَعُودُوا فِيهِ آخِرُ مَا عَلَيْهِمْ ‏.‏ ثُمَّ أُتِيتُ بِإِنَاءَيْنِ أَحَدُهُمَا خَمْرٌ وَالآخَرُ لَبَنٌ فَعُرِضَا عَلَىَّ فَاخْتَرْتُ اللَّبَنَ فَقِيلَ أَصَبْتَ أَصَابَ اللَّهُ بِكَ أُمَّتُكَ عَلَى الْفِطْرَةِ ‏.‏ ثُمَّ فُرِضَتْ عَلَىَّ كُلَّ يَوْمٍ خَمْسُونَ صَلاَةً ‏"‏ ‏.‏ ثُمَّ ذَكَرَ قِصَّتَهَا إِلَى آخِرِ الْحَدِيثِ ‏.


حضرت انس بن مالک رضی اللہ عنہ سے روایت ہے انہوں نے شاید مالک بن صعصعہ سے سنا جو ان کی قوم کا بندہ تھا۔انہوں نے کہا رسول اللہ ﷺنے فرمایا میں خانہ کعبہ کے پاس تھا میری حالت خواب اور بیداری کے درمیان تھی ، اتنے میں میں نے ایک شخص کو سنا جو کہتا تھا کہ ہم دونوں کے درمیان تیسرے یہ ہیں یعنی رسول اللہ ﷺپھر میرے پاس آئے اور مجھے لے گئے پھر میرے پاس ایک سونے کا طشت لا یا گیا اس میں زمزم کا پانی تھا اور میرا سینہ یہاں تک اوریہاں تک چیرا گیا۔قتادہ نے کہا جو اس حدیث کا راوی ہے میں نے اپنے ساتھی سے پوچھا اس سے کیا مراد ہے ؟انہوں نے کہا یعنی پیٹ کے نیچے تک سینے کو چیرا گیا۔ اور میرا دل نکالا گیا ، زمزم کے پانی سے دھویا گیا پھر اپنی جگہ پر اس کو رکھا گیا ۔ اور ایمان و حکمت سے (اس کو) بھردیا گیا۔پھر ایک جانور لایا گیا جس کا رنگ سفید تھا اس کو براق کہتے ہیں گدھےسے اونچا اور خچر سے نیچا ، وہ اپنا قدم وہاں رکھتا تھا جہاں تک اس کی نگاہ پہنچتی تھی ۔ مجھے اس پر سوار کیا پھر ہم چلے یہاں تک کہ پہلے آسمان پر آئے جبریل نے دروازہ کھلوایا فرشتوں نے پوچھا کون ہے؟ انہوں نے کہا جبریل۔ فرشتوں نے پوچھا تمہارے ساتھ کون ہے ؟ کہا محمد ﷺ۔فرشتوں نے کہا کیا وہ بلوائے گئے ہیں جبریل نے کہا ہاں۔پھر دروازہ کھلا اور فرشتوں نے کہا مرحبا، آپ کا تشریف لانا مبارک ہو۔پھر ہم آدم علیہ السلام کے پاس آئے ۔ اور حدیث کا پورا قصہ بیان کیا ۔اور انہوں نے ذکر کیا کہ آپﷺ نے دوسرے آسمان پر عیسیٰ اور یحییٰ سے ملاقات کی ۔اور تیسرے آسمان پر یوسف علیہ السلام سے اور چوتھے آسمان پر ادریس سے اور پانچویں آسمان پر ہارون علیہ السلام سے ۔ پھر کہا ہم چلے یہاں تک کہ چھٹے آسمان پر پہنچے وہاں حضرت موسیٰ سے ملے ان کو میں نے سلام کیا انہوں نے کہا مرحبا نیک بھائی اور نیک نبی کو ۔ جب میں آگے بڑھا تو وہ رونے لگے آواز آئی اے موسیٰ کیوں روتے ہو؟ انہوں نے کہا اے پروردگار اس لڑکے (آپ ﷺ) کو تو نے میرے بعد پیغمبر بنا کر بھیجا اورمیری امت کے مقابلے میں اس کی امت میں سے جنت میں زیادہ لوگ جائیں گے ۔ پھر آپﷺنے فرمایا ہم چلے یہاں تک کہ ساتویں آسمان پر پہنچے وہاں میں نے ابراہیم علیہ السلام کودیکھا اور اس حدیث میں بیان کیا کہ رسول اللہ ﷺنے فرمایا میں نے چار نہریں دیکھیں جو سدرۃ کی جڑ سے نکلتی تھیں دو نہریں کھلی ہیں اور دو نہریں پوشیدہ ہیں میں نے کہا اے جبریل علیہ السلام ! یہ نہریں کیسی ہیں ؟ انہوں نے کہا پوشیدہ دو نہریں تو جنت میں گئی ہیں اور کھلی ہوئی نیل و فرات ہیں۔پھر میرے لیے بیت المعمور اٹھایا گیا ، میں نے کہا اے جبریل یہ کہا ہے ؟ انہوں نے کہا یہ بیت المعمور ہے اس میں ہر روز ستر ہزار فرشتے جاتے ہیں جو پھر کبھی اس میں دوبارہ واپس نہیں آتے۔ پھر میرے پاس دو برتن لائے گئے ایک میں شراب تھا اور دوسرے میں دودھ ، دونوں مجھے پیش کئے گئے میں نے دودھ کو پسند کیا ۔ کہا گیا کہ آپ نے ٹھیک کیا ، اللہ نے آپ کے ساتھ تیری امت کو بھی فطرت پر چلایا۔پھر میرے اوپر ہر روز پچاس نمازیں فرض ہوئیں ۔پھر آخر تک سارا قصہ بیان کیا۔
صحیح مسلم:164

 

[انس]

صحیح بخاری میں معراج کا واقعہ ایک سے زیادہ مرتبہ بیان ہوا ہے۔ کتاب التوحید میں شریک بن عبد اللہ عن انس بن مالک سے جو روایت مروی ہے
http://forum.mohaddis.com/threads/کیا-نبی-کریمﷺ-نے-معراج-کے-موقع-پر-اللہ-تعالیٰ-کو-آنکھوں-سے-دیکھا؟.40/page-15#post-212738
اس میں کچھ ایسی باتیں موجود ہیں جو معراج سے متعلق دیگر روایات میں نہیں ہیں۔

مثلاً
1۔ معراج کا واقعہ نبوت سے پہلے پیش آیا۔
2۔ یہ حالتِ منام (نیند) میں پیش آیا۔ روایت کے شروع میں نیند کا اور روایت کے آخر میں نیند سے اٹھنے کا ذکر ہے۔
3۔ (فكان قاب قوسين أو أدنى) کی تشریح کہ اللہ رب العٰلمین قریب ہوئے۔
وغیر ذلک ۔۔۔

ان زیادات سے متعلق علماء کی مختلف آراء ہیں۔
بعض ان زیادات کو سرے سے تسلیم نہیں کرتے۔
بعض ان کی تاویل کرتے ہیں، اور شریک عن انس والی زیادات کا معنیٰ کھینچ کھانچ کر جمہور روات کی روایات کے متعلق کرنے کی کوشش کرتے ہیں۔
جبکہ بعض علماء اس طرح تطبیق دیتے ہیں کہ در اصل واقعہ معراج ایک مرتبہ نہیں بلکہ زیادہ مرتبہ پیش آیا۔ ایک مرتبہ خواب میں اور ایک مرتبہ جاگتے ہوئے۔

واللہ تعالیٰ اعلم!
واسناد العلم الیہ اسلم واحکم!

 

[محمد علی جواد]

صحیح بخاری میں معراج کا واقعہ ایک سے زیادہ مرتبہ بیان ہوا ہے۔ کتاب التوحید میں شریک بن عبد اللہ عن انس بن مالک سے جو روایت مروی ہے
http://forum.mohaddis.com/threads/کیا-نبی-کریمﷺ-نے-معراج-کے-موقع-پر-اللہ-تعالیٰ-کو-آنکھوں-سے-دیکھا؟.40/page-15#post-212738
اس میں کچھ ایسی باتیں موجود ہیں جو معراج سے متعلق دیگر روایات میں نہیں ہیں۔

مثلاً
1۔ معراج کا واقعہ نبوت سے پہلے پیش آیا۔
2۔ یہ حالتِ منام (نیند) میں پیش آیا۔ روایت کے شروع میں نیند کا اور روایت کے آخر میں نیند سے اٹھنے کا ذکر ہے۔
3۔ (فكان قاب قوسين أو أدنى) کی تشریح کہ اللہ رب العٰلمین قریب ہوئے۔
وغیر ذلک ۔۔۔

ان زیادات سے متعلق علماء کی مختلف آراء ہیں۔
بعض ان زیادات کو سرے سے تسلیم نہیں کرتے۔
بعض ان کی تاویل کرتے ہیں، اور شریک عن انس والی زیادات کا معنیٰ کھینچ کھانچ کر جمہور روات کی روایات کے متعلق کرنے کی کوشش کرتے ہیں۔
جبکہ بعض علماء اس طرح تطبیق دیتے ہیں کہ در اصل واقعہ معراج ایک مرتبہ نہیں بلکہ زیادہ مرتبہ پیش آیا۔ ایک مرتبہ خواب میں اور ایک مرتبہ جاگتے ہوئے۔


واللہ تعالیٰ اعلم!
واسناد العلم الیہ اسلم واحکم!

السلام و علیکم و رحمت الله -

نامور مفسر علامہ ابن کثیر رحمہ اللہ لکھتے ہیں :

” ان تمام روایات کو جمع کرنے سے یہ بات بخوبی واضح ہوتی ہے کہ واقعہ معراج صرف ایک ہی مرتبہ پیش آیا ۔ اور راویوں کی عبارت کے بعض حصص کا ایک دوسرے سے مختلف اور تفصیلات میں کم و بیش ہونا وحدت واقعہ پر اثر انداز نہیں ہوتا ۔ “

جن علماءنے ان روایات کے جزوی اختلاف کی وجہ سے ہر ایک مختلف روایت کو الگ الگ واقعہ بنا دیا اور دعویٰ کر دیا کہ معراج کا واقعہ متعدد بار پیش آیا ہے یہ دعویٰ بالکل بعید از قیاس ہے اور قطعاً غلط ہے اور وہ حقیقت حال سے بہت دور چلے گئے ہیں ۔ ( تفسیر ابن کثیر ج3 )

پھر مزید لکھتے ہیں کہ ” یہ مسلک اس لئے بھی صحیح نہیں ہے کہ نہ سلف صالحین سے تعدد واقعہ منقول ہے اور نہ تاریخی دلائل سے اس کے مؤید ہیں ۔ اور اگر ایسا ہوتا تو خود نبی اکرم صلی اللہ علیہ وسلم ضرور بصراحت اسے مطلع فرماتے اور راویان روایت بلاشبہ اس کو روایت کرتے ۔ “

 

[T.K.H]

دلائل سے قطع نظر مجھے سیدنا ابن عباسؓ کا موقف بہت اچھا لگتا ہے؛میرا دل اس کی طرف کھنچتا ہے :
رأي محمد ربه
اب دل کی آنکھوں سے دیکھا یا بہ چشم سر؛یہ کوئی مسئلہ نہیں ؛ظاہری آنکھوں سے بھی دیکھنے میں کوئی استہالہ نہیں کہ وہ دوسرا ہی عالم ہے۔واللہ اعلم بمرادہ والصلاۃ والسلام علیٰ نبیہ و اصحابہ

محترم طاہر صاحب !
اگر دلائل سے ”قطع نظر“ دل اسی طرح ”غیر واضح و مبہم“مؤقف کی طرف ”کھنچنے“لگے تو دوسرے” علمی مباحث“ کا کیا بنے گا ؟ ہاں”فتویٰ بازی “ کو میں بھی پسند نہیں کرتا ۔

 

[علی بہرام]

یہ کیا جھگڑا چل رہا جبکہ اس جھگڑے کا فیصلہ اللہ تعالیٰ نے سورہ النجم میں فرما دیا ہے

أَفَتُمَارُونَهُ عَلَىٰ مَا يَرَىٰ​

کیا جو کچھ وہ دیکھتے تم اس میں ان سے جھگڑتے ہو؟
اگر کوئی یہاں یہ کہے کہ یہ دیکھنا دراصل جبریل علیہ السلام کو دیکھنا ہے تو میں ان یہی گذارش کروں گا کہ جبریل علیہ السلام کو دیکھنے پر کون لوگ جھگڑا کررہے تھے یہ کسی صحیح روایت سے بتایا جائے کیونکہ اگر دیکھا جائے تو صحابہ کے درمیان رویت باری تعالیٰ کے بارے میں ہی اختلاف رہا ہے نہ کہ رویت جبریل علیہ السلام کے
اگر ایسی کوئی روایت ہے جس میں کوئی رویت جبریل علیہ السلام کے بارے جھگڑا ہو تو ایسی روایت مہربانی فرما کر بیان کردی جائے تاکہ مجھ جیسے کم علم لوگوں کے علم میں اضافہ ہو شکریہ

 

[علی بہرام]

1۔ معراج کا واقعہ نبوت سے پہلے پیش آیا۔

شاید یہ غلط فہمی روایت کے ان الفاظ کی وجہ سے ہے

قَبْلَ أَنْ يُوحَى

وحی آنے سے پہلے

صحیح بخاری:7517

لیکن ایسی روایت میں بارگاہ باری تعا لیٰ سے پانچ نمازوں کا تحفہ امت محمدی صلی اللہ علیہ وآلہ وسلم کو ملا یعنی اگر اس بات مان لیا جائے کہ اس روایت میں جس معراج کا ذکر ہے وہ نبوت سے پہلے پیش آیا تو اس کا مطلب یہ ہوگا کہ امت محمدی صلی اللہ علیہ وآلہ وسلم کے لئے پانچ نمازیں نبوت ملنے سے پہلے ہی فرض کردی گئیں تھی لیکن یہ بات سمجھ سے بالاتر ہے آپ ہی اس کی کچھ وضاحت فرمائیں شکریہ

 

[محمد علی جواد]

محترم طاہر صاحب !
اگر دلائل سے ”قطع نظر“ دل اسی طرح ”غیر واضح و مبہم“مؤقف کی طرف ”کھنچنے“لگے تو دوسرے” علمی مباحث“ کا کیا بنے گا ؟ ہاں”فتویٰ بازی “ کو میں بھی پسند نہیں کرتا ۔

متفق

 

[T.K.H]

لَقَدْ رَأَىٰ مِنْ آيَاتِ رَبِّهِ الْكُبْرَىٰ ﴿١٨﴾

اور اس نے اپنے رب کی بڑی بڑی نشانیاں دیکھیں۔​

قرآن،سورت النجم، آیت نمبر 18​

یہ آیت اس امر کی تصریح کرتی ہے کہ رسول اللہ صلی اللہ علیہ وسلم نے اللہ تعالیٰ کو نہیں بلکہ اس کی عظیم الشان آیات کو دیکھا تھا۔ اور چونکہ سیاق و سباق کی رو سے یہ دوسری ملالات (ملاقات) بھی اسی ہستی سے ہوئی تھی جس سے پہلی ملاقات ہوئی، اس لیے لامحالہ یہ ماننا پڑے گا کہ افق اعلیٰ پر جس کو آپ نے پہلی مرتبہ دیکھا تھا وہ بھی اللہ نہ تھا، اور دوسری مرتبہ سدرۃ المنتہیٰ کے پاس جس کو دیکھا وہ بھی اللہ نہ تھا۔ اگر آپ نے ان مواقع میں سے کسی موقع پر بھی اللہ جل شانہ کو دیکھا ہوتا تو یہ اتنی بڑی بات تھی کہ یہاں ضرور اس کی تصریح کر دی جاتی حضرت موسیٰ کے متعلق قرآن مجید میں فرمایا گیا ہے کہ انہوں نے اللہ تعالیٰ کو دیکھنے کی درخواست کی تھی اور انہیں جواب دیا گیا تھا لَنْ تَرَانِیْ، " تم مجھے نہیں دیکھ سکتے " (المائدہ:143)۔ اب یہ ظاہر ہے کہ اگر یہ شرف، جو حضرت موسیٰ کو عطا نہیں کیا گیا تھا، رسول کریم صلی اللہ علیہ وسلم کو عطا کر دیا جاتا تو اس کی اہمیت خود ایسی تھی کہ اسے صاف الفاظ میں بیان کر دیا جاتا۔ لیکن ہم دیکھتے ہیں کہ قرآن مجید میں کہیں یہ نہیں فرمایا گیا ہے کہ حضور نے اپنے رب کو دیکھا تھا، بلکہ واقعہ معراج کا ذکر کرتے ہوئے سورہ بنی اسرائیل میں بھی یہ ارشاد ہوا ہے کہ ہم اپنے بندے کو اس لیے لے گئے تھے کہ " اس کو اپنی نشانیاں دکھائیں " ۔ (لِنُرِیَہ مِنْ ایَٰاتِنَا)، اور یہاں سدرۃ المنتہیٰ پر حاضری کے سلسلے میں بھی یہ فرمایا گیا ہے کہ " اس نے اپنے رب کی بڑی نشانیاں دیکھیں " (لَقَدْ رَایٰ مِنْ ایٰتِ رَبِّہِ الْکُبْریٰ)۔

ان وجوہ سے بظاہر اس بحث کی کوئی گنجائش نہ تھی کہ رسول اللہ صلی اللہ علیہ وسلم نے ان دونوں مواقع پر اللہ تعالیٰ کو دیکھا تھا یا جبریل علیہ السلام کو؟ لیکن جس وجہ سے یہ بحث پیدا ہوئی وہ یہ ہے کہ اس مسئلے پر احادیث کی روایات میں اختلاف پایا جاتا ہے ۔ ذیل میں ہم ترتیب وار ان احادیث کو درج کرتے ہیں جو اس سلسلے میں مختلف صحابہ کرام سے منقول ہوئی ہیں ۔

(1)۔ حضرت عائشہ کی روایات:
بخاری، کتاب التفسیر میں حضرت مَسْروق کا بیان ہے کہ میں نے حضرت عائشہ سے عرض کیا، " اماں جان، کیا محمد صلی اللہ علیہ وسلم نے اپنے رب کو دیکھا تھا ؟ " انہوں نے جواب دیا " تمہاری اس بات سے میرے تو رونگٹے کھڑے ہو گئے۔ تم یہ کیسے بھول گئے کہ تین باتیں ایسی ہیں جن کا اگر کوئی شخص دعویٰ کرے تو جھوٹا دعویٰ کرے گا۔ " (ان میں سے پہلی بات حضرت عائشہ نے یہ فرمائی کہ ) " جو شخص تم سے یہ کہے کہ محمد صلی اللہ علیہ وسلم نے اپنے رب کو دیکھا تھا وہ جھوٹ کہتا ہے " ۔ پھر حضرت عائشہ نے یہ آیتیں پڑھیں: لا تُدْرِکُہ الْاَبْصَارُ (نگاہیں اس کو نہیں پاسکتیں)، اور مَا کَانَ لِبَشَرٍ اَنْ یُّکَلِّمَہُ اللہُ اِلَّا وَحْیاً اَوْ مِنْ وَّرَائٍ حِجَابٍ اَوْ یُرْسِلَ رَسُوْلاً فَیُوْحِیْ بِاِذْنِہ مَا یَشآءُ (کسی بشر کا یہ مقام نہیں ہے کہ اللہ اس سے کلام کرے مگر یا تو وحی کے طور پر، یا پردے کے پیچھے سے ، یا یہ کہ ایک فرشتہ بھیجے اور وہ اس پر اللہ کے اذن سے وحی کرے جو کچھ وہ چاہے )۔ اس کے بعد انہوں نے فرمایا " لیکن رسول اللہ صلی اللہ علیہ و سلم نے جبریل علیہ السلام کو دو مرتبہ ان کی اصلی صورت میں دیکھا تھا "
اس حدیث کا ایک حصہ بخاری، کتاب التوحید، باب 4 میں بھی ہے ۔ اور کتاب بدءالخلق میں مسروق کی جو روایت امام بخاری نے نقل کی ہے اس میں وہ بیان کرتے ہیں کہ میں نے حضرت عائشہ کی یہ بات سن کر عرض کیا کہ پھر اللہ تعالیٰ کے اس ارشاد کا کیا مطلب ہو گا ثُمَّ دَنیٰ فَتَدَلّیٰ، فَکَانَ قَابَ قَوْسَیْنِ اَوْ اَدْنیٰ؟ اس پر انہوں نے فرمایا " اس سے مراد جبریل ہیں ۔ وہ ہمیشہ رسول اللہ صلی اللہ علیہ وسلم کے سامنے انسانی شکل میں آیا کرتے تھے ، مگر اس موقع پر وہ اپنی اصلی شکل میں آپ کے پاس آئے اور سارا افق ان سے بھر گیا۔ "
مُسلم، کتاب الایمان، باب فی ذکر سدرۃ المنتہیٰ میں حضرت عائشہ سے مسروق کی یہ گفتگو زیادہ تفصیل کے ساتھ نقل ہوئی ہے اور اس کا سب سے اہم حصہ یہ ہے : حضرت عائشہ نے فرمایا " جو شخص یہ دعویٰ کرتا ہے کہ محمد صلی اللہ علیہ وسلم نے اپنے رب کو دیکھا تھا وہ اللہ تعالیٰ پر بہت بڑا افترا کرتا ہے " ۔ مسروق کہتے ہیں کہ میں ٹیک لگائے بیٹھا تھا۔ یہ بات سن کر میں اٹھ بیٹھا اور میں نے عرض کیا، ام المومنین جلدی نہ فرمایئے۔ کیا اللہ تعالیٰ نے یہ نہیں فرمایا ہے کہ وَلَقَدْ رَاٰہُ بالْاُفُقِ الْمْبِیْنِ؟ اور لَقَدْ رَاٰہُ نَزْلَۃً اُخْریٰ؟ حضرت عائشہ نے جواب دیا اس امت میں سب سے پہلے میں نے ہی رسول اللہ صلی اللہ علیہ وسلم سے اس معاملے کو دریافت کیا تھا۔ حضور نے فرمایا انما ھو جبریل علیہ السلام، لم ارہ علیٰ صورتہ التی خلق علیھا غیرھاتین المرتین، رایتہ منھبطا من السمآء سادّا عظم خلقہ ما بین السماء والارض۔ " وہ تو جبریل علیہ السلام تھے ۔ میں نے ان کو ان کی اس اصلی صورت میں جس پر اللہ نے ان کو پیدا کیا ہے ، ان دو مواقع کے سوا کبھی نہیں دیکھا۔ ان دو مواقع پر میں نے ان کو آسمان سے اترتے ہوئے دیکھا، اور ان کی عظیم ہستی زمین و آسمان کے درمیان ساری فضا پر چھائی ہوئی تھی " ۔
ابن مَرْدُوْیہ نے مسروق کی اس روایت کو جن الفاظ میں نقل کیا ہے وہ یہ ہیں : " حضرت عائشہ نے فرمایا : " سب سے پہلے میں نے ہی رسول اللہ صلی اللہ علیہ وسلم سے یہ پوچھا تھا کہ کیا آپ نے اپنے رب کو دیکھا تھا ؟ حضور نے جواب دیا نہیں، میں نے تو جبریل کو آسمان سے اترتے دیکھا تھا " ۔
(2) حضرت عبداللہ بن مسعود کی روایات:
بخاری، کتاب التفیسر، مسلم کتاب الایمان اور ترمذی ابواب التفسیر میں زِرّ بن حُبَیش کی روایت ہے کہ حضرت عبداللہ بن مسعود نے فَکَانَ قَابَ قَوْسَیْنِ اَوْ اَدْنیٰ کی تفسیر یہ بیان فرمائی کہ رسول اللہ صلی اللہ علیہ وسلم نے جبریل علیہ السلام کو اس صورت میں دیکھا کہ ان کے چھ سو بازو تھے ۔
مسلم کی دوسری روایات میں مَا کَذَبَ الْفُؤَادُ مَا رَایٰ اور لَقَدْ رَایٰ مِنْ ایَٰاتِ رَبِّہَ الْکُبْریٰ کی بھی یہی تفسیر زر بن حُبیش نے عبداللہ بن مسعود سے نقل کی ہے ۔
مسند احمد میں ابن مسعود رضی اللہ عنہ کی یہ تفسیر زرّ بن حبیش کے علاوہ عبد الرحمٰن بن یزید اور ابو وائل کے واسطہ سے بھی منقول ہوئی ہے اور مزید برآں مسند احمد میں زِرّ بن حبیش کی دو روایتیں اور نقل ہوئی ہیں جن میں حضرت عبد اللہ بن مسعود وَلَقَدْ رَاٰہُ نَزْلَۃً اُخریٰ، عِنْدَ سِدْرَۃِ الْمُنْتَہیٰ کی تفسیر بیان کرتے ہوئے فرماتے ہیں: قال رسول اللہ صلی اللہ علیہ و سلم رأیت جبریل عند سدرۃ المنتہیٰ علیہ ستمائۃ جناح۔ " رسول اللہ صلی اللہ علیہ وسلم نے فرمایا کہ میں نے جبریل کو سدرۃ المنتہیٰ کے پاس دیکھا، ان کے چھ سو بازو تھے " ۔ اسی مضمون کی روایت امام احمد نے شقیق بن سلَمہ سے بھی نقل کی ہے جس میں وہ کہتے ہیں کہ میں نے حضرت عبداللہ بن مسعود کی زبان سے یہ سنا کہ رسول اللہ صلی اللہ علیہ وسلم نے خود یہ فرمایا تھا کہ میں نے جبریل علیہ السلام کو اس صورت میں سدرۃ المنتہیٰ پر دیکھا تھا۔
(3)۔ حضرت ابو ہریرہ سے عطاء بن ابی رباح نے آیت لَقَدْ رَاٰہُ نَزْلَۃً اُخریٰ کا مطلب پوچھا تو انہوں نے جواب دیا کہ رایٰ جبریل علیہ السلام۔ " حضور نے جبریل علیہ السلام کو دیکھا تھا " ۔ (مسلم، کتاب الایمان)۔
(4) حضرت ابو ذر غفاری سے عبداللہ بن شقیق کی دو روایتیں امام مسلم نے کتاب الایمان میں نقل کی ہیں ۔ ایک روایت میں وہ فرماتے ہیں کہ میں نے رسول اللہ صلی اللہ علیہ وسلم سے پوچھا کیا آپ نے اپنے رب کو دیکھا تھا ؟ حضور نے جواب دیا : نورٌ اَنّیٰ اراہ۔ اور دوسری روایت میں فرماتے ہیں کہ میرے اس سوال کا جواب آپ نے یہ دیا کہ رأیتُ نوراً۔ حضور کے پہلے ارشاد کا مطلب ابن القیم نے زادالمعاد میں یہ بیان کیا ہے کہ " میرے اور رؤیت رب کے درمیان نور حائل تھا " ۔ اور دوسرے ارشاد کا مطلب وہ یہ بیان کرتے ہیں کہ " میں نے اپنے رب کو نہیں بلکہ بس ایک نور دیکھا " ۔
نسائی اور ابن ابی حاتم نے حضرت ابوذر کا قول ان الفاظ میں نقل کیا ہے کہ " رسول اللہ صلی اللہ علیہ وسلم نے اپنے رب کو دل سے دیکھا تھا، آنکھوں سے نہیں دیکھا " ۔
(5) حضرت ابو موسیٰ اشعری سے امام مسلم کتاب الایمان میں یہ روایت لائے ہیں کہ حضور نے فرمایا ما انتھیٰ الیہ بصر من خلقہ۔ " اللہ تعالیٰ تک اس کی مخلوق میں سے کسی کی نگاہ نہیں پہنچی " ۔
(6) حضرت عبداللہ بن عباس کی روایات:
مسلم کی روایت ہے کہ حضرت عبداللہ بن عباس سے مَا کَذَبَ الْفُؤادُ مَا رأی، وَلَقَدْ رَاٰہُ نَزْلَۃً اُخْریٰ کا مطلب پوچھا گیا تو انہوں نے کہا رسول اللہ صلی اللہ علیہ وسلم نے اپنے رب کو دو مرتبہ اپنے دل سے دیکھا۔ یہ روایت مسند احمد میں بھی ہے ۔
ابن مردُویہ نے عطاء بن ابی رَباح کے حوالہ سے ابن عباس کا یہ قول نقل کیا ہے کہ رسول اللہ صلی اللہ علیہ وسلم نے اللہ تعالیٰ کو آنکھوں سے نہیں بلکہ دل سے دیکھا تھا۔
نسائی میں عکرمہ کی روایت ہے کہ ابن عباس نے فرمایا اتعجبون ان تکون الخلۃ لابراہیم والکلام لموسیٰ والرؤیۃُ لمحمد؟۔ " کیا تمہیں اس بات پر تعجب ہے کہ ابراہیم علیہ السلام کو اللہ نے خلیل بنایا، موسیٰ علیہ السلام کو کلام سے سر فراز کیا اور محمد صلی اللہ علیہ وسلم کو رؤیت کا شرف بخشا " ۔ حاکم نے بھی اس روایت کو نقل کیا ہے اور اسے صحیح قرار دیا ہے ۔
ترمذی میں شعبی کی روایت ہے کہ ابن عباس نے ایک مجلس میں فرمایا " اللہ نے اپنی رؤیت اور اپنے کلام کو محمد صلی اللہ علیہ وسلم اور موسیٰؑ کے درمیان تقسیم کر دیا تھا موسیؑ ٰ سے اس نے دو مرتبہ کلام کیا اور محمدﷺنے دو مرتبہ اس کو دیکھا " ۔ ابن عباس کی اسی گفتگو کو سن کر مسروق حضرت عائشہ کے پاس گے تھے اور ان سے پوچھا تھا " کیا محمد صلی اللہ علیہ وسلم نے اپنے رب کو دیکھا تھا ؟ " انہوں نے فرمایا " تم نے وہ بات کہی ہے جسے سن کر میرے تو رونگٹے کھڑے ہو گئے " ۔ اس کے بعد حضرت عائشہ اور مسروق کے درمیان وہ گفتگو ہوئی جسے ہم اوپر حضرت عائشہ کی روایات میں نقل کر آئے ہیں ۔
ترمذی ہی میں دوسری روایات جو ابن عباس سے منقول ہوئی ہیں ان میں سے ایک میں وہ فرماتے ہیں کہ حضور نے اللہ تعالیٰ کو دیکھا تھا۔ دوسری میں فرماتے ہیں دو مرتبہ دیکھا تھا۔ اور تیسری میں ان کا ارشاد یہ ہے کہ آپ نے اللہ کو دل سے دیکھا تھا۔
مسند احمد میں ابن عباس کی ایک روایت یہ ہے کہ قال رسول اللہ صلی اللہ علیہ و سلم رأیت ربی تبارک و تعالیٰ۔ " میں نے اپنے رب تبارک و تعالیٰ کو دیکھا " ۔ دوسری روایت میں وہ کہتے ہیں ان رسول اللہ صلی اللہ علیہ وسلم قال اتانی ربی اللیلۃ فی احسن صورۃ، احسبہ یعنی فی النوم۔ " رسول اللہ صلی اللہ علیہ وسلم نے فرمایا آج رات میرا رب بہترین صورت میں میرے پاس آیا۔ میں سمجھتا ہوں کہ حضور کے اس ارشاد کا مطلب یہ تھا کہ خواب میں آپ نے اللہ تعالیٰ کو دیکھا " ۔
طبرانی اور ابن مردویہ نے ابن عباس سے ایک روایت یہ بھی نقل کی ہے کہ رسول اللہ صلی اللہ علیہ وسلم نے اپنے رب کو دو مرتبہ دیکھا، ایک مرتبہ آنکھوں سے اور دوسری مرتبہ دل سے ۔
(7)۔ محمد بن کعب القرظی بیان کرتے ہیں کہ رسول اللہ صلی اللہ علیہ وسلم سے بعض صحابہ نہ پوچھا آپ نے اپنے رب کو دیکھا ہے ؟ حضور نے جواب دیا " میں نے اس کو دو مرتبہ اپنے دل سے دیکھا " (ابن ابی حاتم)۔ اس روایت کو ابن جریر نے ان الفاظ میں نقل کیا ہے کہ آپ نے فرمایا: " میں نے اس کو آنکھ سے نہیں بلکہ دل سے دو مرتبہ دیکھا ہے " ۔
(8)۔ حضرت انس بن مالک کی ایک روایت جو قصہ معراج کے سلسلے میں شریک بن عبداللہ کے حوالہ سے امام بخاری نے کتاب التوحید میں نقل کی ہے اس میں یہ الفاظ آتے ہیں: حتّیٰ جَاءَ سِدْرَۃَ الْمُنْتَھیٰ و دَنَا الجبار رب العزۃ فتدلّیٰ حتّیٰ کَان منہ قاب قوسین او ادنیٰ فاوحی اللہ فیما اوحیٰ الیہ خمسین صلوٰۃ۔ یعنی " جب آپ سدرۃ المنتہیٰ پر پہنچے تو اللہ رب العزۃ آپ کے قریب آیا اور آپ کے اوپر معلّق ہو گیا یہاں تک کہ آپ کے اور اس کے درمیان بقدر دو کمان یا اس سے بھی کچھ کم فاصلہ رہ گیا، پھر اللہ نے آپ پر جو امور وحی فرمائے ان میں سے ایک 50 نمازوں کا حکم تھا " ۔

لیکن علاوہ ان اعتراضات کے جو اس روایت کی سند اور مضمون پر امام خطابی، حافظ ابن حَجر، ابن حَزم اور حافظ عبدالحق صاحب الجمع بین الصحیحین نے کیے ہیں، سب سے بڑا اعتراض اس پر یہ وارد ہوتا ہے کہ یہ صریح قرآن کے خلاف پڑتی ہے ۔ کیونکہ قرآن مجید دو الگ الگ رؤیتوں کا ذکر کرتا ہے جن میں سے ایک ابتداءً اُفُقِ اعلیٰ پر ہوئی تھی اور پھر اس میں دَنَا فَتَدَلّیٰ فَکَانَ قَابَ قَوْسَیْنِ اَوْ اَدْنیٰ کا معاملہ پیش آیا تھا، اور دوسری سدرۃ المنتہیٰ کے پاس واقع ہوئی تھی۔ لیکن یہ روایت ان دونوں رؤیتوں کو خلط ملط کر کے ایک رؤیت بنا دیتی ہے ۔ اس لیے قرآن مجید سے متعارض ہونے کی بنا پر اس کو تو کسی طرح قبول ہی نہیں کیا جا سکتا۔

اب رہیں وہ دوسری روایات جو ہم نے اوپر نقل کی ہیں، تو ان میں سب سے زیادہ وزنی روایتیں وہ ہیں جو حضرت عبداللہ بن مسعود اور حضرت عائشہ سے منقول ہوئی ہیں، کیونکہ ان دونوں نے بالاتفاق خود رسول اللہ صلی اللہ علیہ وسلم کا یہ ارشاد بیان کیا ہے کہ ان دونوں مواقع پر آپ نے اللہ تعالیٰ کو نہیں بلکہ جبریل علیہ السلام کو دیکھا تھا، اور یہ روایات قرآن مجید کی تصریحات اور اشارات سے پوری طرح مطابقت رکھتی ہیں ۔

مزید براں ان کی تائید حضور کے ان ارشادات سے بھی ہوتی ہے جو حضرت ابوذر اور حضرت ابوموسیٰ اشعری (رضی اللہ عنہم) نے آپ سے نقل کیے ہیں، اس کے برعکس حضرت عبداللہ بن عباس سے جو روایات کتب حدیث میں منقول ہوئی ہیں ان میں سخت اضطراب پایا جاتا ہے ۔ کسی میں وہ دونوں رؤیتوں کو عینی کہتے ہیں، کسی میں دونوں کو قلبی قرار دیتے ہیں، کسی میں ایک کو عینی اور دوسری کو قلبی بتاتے ہیں، اور کسی میں عینی رؤیت کی صاف صاف نفی کر دیتے ہیں ۔ ان میں سے کوئی روایت بھی ایسی نہیں ہے جس میں وہ رسول اللہ صلی اللہ علیہ وسلم کا اپنا کوئی ارشاد نقل کر رہے ہوں ۔ اور جہاں انہوں نے خود حضور کا ارشاد نقل کیا ہے ، وہاں اول تو قرآن مجید کی بیان کردہ ان دونوں رؤیتوں میں سے کسی کا بھی ذکر نہیں ہے ، اور مزید برآں ان کی ایک روایت کی تشریح دوسری روایت سے یہ معلوم ہوتی ہے کہ حضور نے کسی وقت بحالت بیداری نہیں بلکہ خواب میں اللہ تعالیٰ کو دیکھا تھا۔

اس لیے درحقیقت ان آیات کی تفسیر میں حضرت عبداللہ بن عباس سے منسوب روایات پر اعتماد نہیں کیا جا سکتا۔ اسی طرح محمد بن کعب القرظی کی روایات بھی، اگرچہ رسول اللہ صلی اللہ علیہ وسلم کا ایک ارشاد نقل کرتی ہیں، لیکن ان میں ان صحابہ کرام کے ناموں کی کوئی تصریح نہیں ہے جنہوں نے حضور سے یہ بات سنی۔ نیز ان میں سے ایک میں بتایا گیا ہے کہ حضور نے عینی رویت کی صاف صاف نفی فرما دی تھی۔
​

تفہیم القرآن از سید ابو الاعلیٰ مودودیؒ، جلدنمبر05، صفحہ206 -201 ​

 

[محمد علی جواد]

لَقَدْ رَأَىٰ مِنْ آيَاتِ رَبِّهِ الْكُبْرَىٰ ﴿١٨﴾

اور اس نے اپنے رب کی بڑی بڑی نشانیاں دیکھیں۔​

قرآن،سورت النجم، آیت نمبر 18​

یہ آیت اس امر کی تصریح کرتی ہے کہ رسول اللہ صلی اللہ علیہ وسلم نے اللہ تعالیٰ کو نہیں بلکہ اس کی عظیم الشان آیات کو دیکھا تھا۔ اور چونکہ سیاق و سباق کی رو سے یہ دوسری ملالات (ملاقات) بھی اسی ہستی سے ہوئی تھی جس سے پہلی ملاقات ہوئی، اس لیے لامحالہ یہ ماننا پڑے گا کہ افق اعلیٰ پر جس کو آپ نے پہلی مرتبہ دیکھا تھا وہ بھی اللہ نہ تھا، اور دوسری مرتبہ سدرۃ المنتہیٰ کے پاس جس کو دیکھا وہ بھی اللہ نہ تھا۔ اگر آپ نے ان مواقع میں سے کسی موقع پر بھی اللہ جل شانہ کو دیکھا ہوتا تو یہ اتنی بڑی بات تھی کہ یہاں ضرور اس کی تصریح کر دی جاتی حضرت موسیٰ کے متعلق قرآن مجید میں فرمایا گیا ہے کہ انہوں نے اللہ تعالیٰ کو دیکھنے کی درخواست کی تھی اور انہیں جواب دیا گیا تھا لَنْ تَرَانِیْ، " تم مجھے نہیں دیکھ سکتے " (المائدہ:143)۔ اب یہ ظاہر ہے کہ اگر یہ شرف، جو حضرت موسیٰ کو عطا نہیں کیا گیا تھا، رسول کریم صلی اللہ علیہ وسلم کو عطا کر دیا جاتا تو اس کی اہمیت خود ایسی تھی کہ اسے صاف الفاظ میں بیان کر دیا جاتا۔ لیکن ہم دیکھتے ہیں کہ قرآن مجید میں کہیں یہ نہیں فرمایا گیا ہے کہ حضور نے اپنے رب کو دیکھا تھا، بلکہ واقعہ معراج کا ذکر کرتے ہوئے سورہ بنی اسرائیل میں بھی یہ ارشاد ہوا ہے کہ ہم اپنے بندے کو اس لیے لے گئے تھے کہ " اس کو اپنی نشانیاں دکھائیں " ۔ (لِنُرِیَہ مِنْ ایَٰاتِنَا)، اور یہاں سدرۃ المنتہیٰ پر حاضری کے سلسلے میں بھی یہ فرمایا گیا ہے کہ " اس نے اپنے رب کی بڑی نشانیاں دیکھیں " (لَقَدْ رَایٰ مِنْ ایٰتِ رَبِّہِ الْکُبْریٰ)۔

ان وجوہ سے بظاہر اس بحث کی کوئی گنجائش نہ تھی کہ رسول اللہ صلی اللہ علیہ وسلم نے ان دونوں مواقع پر اللہ تعالیٰ کو دیکھا تھا یا جبریل علیہ السلام کو؟ لیکن جس وجہ سے یہ بحث پیدا ہوئی وہ یہ ہے کہ اس مسئلے پر احادیث کی روایات میں اختلاف پایا جاتا ہے ۔ ذیل میں ہم ترتیب وار ان احادیث کو درج کرتے ہیں جو اس سلسلے میں مختلف صحابہ کرام سے منقول ہوئی ہیں ۔

(1)۔ حضرت عائشہ کی روایات:
بخاری، کتاب التفسیر میں حضرت مَسْروق کا بیان ہے کہ میں نے حضرت عائشہ سے عرض کیا، " اماں جان، کیا محمد صلی اللہ علیہ وسلم نے اپنے رب کو دیکھا تھا ؟ " انہوں نے جواب دیا " تمہاری اس بات سے میرے تو رونگٹے کھڑے ہو گئے۔ تم یہ کیسے بھول گئے کہ تین باتیں ایسی ہیں جن کا اگر کوئی شخص دعویٰ کرے تو جھوٹا دعویٰ کرے گا۔ " (ان میں سے پہلی بات حضرت عائشہ نے یہ فرمائی کہ ) " جو شخص تم سے یہ کہے کہ محمد صلی اللہ علیہ وسلم نے اپنے رب کو دیکھا تھا وہ جھوٹ کہتا ہے " ۔ پھر حضرت عائشہ نے یہ آیتیں پڑھیں: لا تُدْرِکُہ الْاَبْصَارُ (نگاہیں اس کو نہیں پاسکتیں)، اور مَا کَانَ لِبَشَرٍ اَنْ یُّکَلِّمَہُ اللہُ اِلَّا وَحْیاً اَوْ مِنْ وَّرَائٍ حِجَابٍ اَوْ یُرْسِلَ رَسُوْلاً فَیُوْحِیْ بِاِذْنِہ مَا یَشآءُ (کسی بشر کا یہ مقام نہیں ہے کہ اللہ اس سے کلام کرے مگر یا تو وحی کے طور پر، یا پردے کے پیچھے سے ، یا یہ کہ ایک فرشتہ بھیجے اور وہ اس پر اللہ کے اذن سے وحی کرے جو کچھ وہ چاہے )۔ اس کے بعد انہوں نے فرمایا " لیکن رسول اللہ صلی اللہ علیہ و سلم نے جبریل علیہ السلام کو دو مرتبہ ان کی اصلی صورت میں دیکھا تھا "
اس حدیث کا ایک حصہ بخاری، کتاب التوحید، باب 4 میں بھی ہے ۔ اور کتاب بدءالخلق میں مسروق کی جو روایت امام بخاری نے نقل کی ہے اس میں وہ بیان کرتے ہیں کہ میں نے حضرت عائشہ کی یہ بات سن کر عرض کیا کہ پھر اللہ تعالیٰ کے اس ارشاد کا کیا مطلب ہو گا ثُمَّ دَنیٰ فَتَدَلّیٰ، فَکَانَ قَابَ قَوْسَیْنِ اَوْ اَدْنیٰ؟ اس پر انہوں نے فرمایا " اس سے مراد جبریل ہیں ۔ وہ ہمیشہ رسول اللہ صلی اللہ علیہ وسلم کے سامنے انسانی شکل میں آیا کرتے تھے ، مگر اس موقع پر وہ اپنی اصلی شکل میں آپ کے پاس آئے اور سارا افق ان سے بھر گیا۔ "
مُسلم، کتاب الایمان، باب فی ذکر سدرۃ المنتہیٰ میں حضرت عائشہ سے مسروق کی یہ گفتگو زیادہ تفصیل کے ساتھ نقل ہوئی ہے اور اس کا سب سے اہم حصہ یہ ہے : حضرت عائشہ نے فرمایا " جو شخص یہ دعویٰ کرتا ہے کہ محمد صلی اللہ علیہ وسلم نے اپنے رب کو دیکھا تھا وہ اللہ تعالیٰ پر بہت بڑا افترا کرتا ہے " ۔ مسروق کہتے ہیں کہ میں ٹیک لگائے بیٹھا تھا۔ یہ بات سن کر میں اٹھ بیٹھا اور میں نے عرض کیا، ام المومنین جلدی نہ فرمایئے۔ کیا اللہ تعالیٰ نے یہ نہیں فرمایا ہے کہ وَلَقَدْ رَاٰہُ بالْاُفُقِ الْمْبِیْنِ؟ اور لَقَدْ رَاٰہُ نَزْلَۃً اُخْریٰ؟ حضرت عائشہ نے جواب دیا اس امت میں سب سے پہلے میں نے ہی رسول اللہ صلی اللہ علیہ وسلم سے اس معاملے کو دریافت کیا تھا۔ حضور نے فرمایا انما ھو جبریل علیہ السلام، لم ارہ علیٰ صورتہ التی خلق علیھا غیرھاتین المرتین، رایتہ منھبطا من السمآء سادّا عظم خلقہ ما بین السماء والارض۔ " وہ تو جبریل علیہ السلام تھے ۔ میں نے ان کو ان کی اس اصلی صورت میں جس پر اللہ نے ان کو پیدا کیا ہے ، ان دو مواقع کے سوا کبھی نہیں دیکھا۔ ان دو مواقع پر میں نے ان کو آسمان سے اترتے ہوئے دیکھا، اور ان کی عظیم ہستی زمین و آسمان کے درمیان ساری فضا پر چھائی ہوئی تھی " ۔
ابن مَرْدُوْیہ نے مسروق کی اس روایت کو جن الفاظ میں نقل کیا ہے وہ یہ ہیں : " حضرت عائشہ نے فرمایا : " سب سے پہلے میں نے ہی رسول اللہ صلی اللہ علیہ وسلم سے یہ پوچھا تھا کہ کیا آپ نے اپنے رب کو دیکھا تھا ؟ حضور نے جواب دیا نہیں، میں نے تو جبریل کو آسمان سے اترتے دیکھا تھا " ۔
(2) حضرت عبداللہ بن مسعود کی روایات:
بخاری، کتاب التفیسر، مسلم کتاب الایمان اور ترمذی ابواب التفسیر میں زِرّ بن حُبَیش کی روایت ہے کہ حضرت عبداللہ بن مسعود نے فَکَانَ قَابَ قَوْسَیْنِ اَوْ اَدْنیٰ کی تفسیر یہ بیان فرمائی کہ رسول اللہ صلی اللہ علیہ وسلم نے جبریل علیہ السلام کو اس صورت میں دیکھا کہ ان کے چھ سو بازو تھے ۔
مسلم کی دوسری روایات میں مَا کَذَبَ الْفُؤَادُ مَا رَایٰ اور لَقَدْ رَایٰ مِنْ ایَٰاتِ رَبِّہَ الْکُبْریٰ کی بھی یہی تفسیر زر بن حُبیش نے عبداللہ بن مسعود سے نقل کی ہے ۔
مسند احمد میں ابن مسعود رضی اللہ عنہ کی یہ تفسیر زرّ بن حبیش کے علاوہ عبد الرحمٰن بن یزید اور ابو وائل کے واسطہ سے بھی منقول ہوئی ہے اور مزید برآں مسند احمد میں زِرّ بن حبیش کی دو روایتیں اور نقل ہوئی ہیں جن میں حضرت عبد اللہ بن مسعود وَلَقَدْ رَاٰہُ نَزْلَۃً اُخریٰ، عِنْدَ سِدْرَۃِ الْمُنْتَہیٰ کی تفسیر بیان کرتے ہوئے فرماتے ہیں: قال رسول اللہ صلی اللہ علیہ و سلم رأیت جبریل عند سدرۃ المنتہیٰ علیہ ستمائۃ جناح۔ " رسول اللہ صلی اللہ علیہ وسلم نے فرمایا کہ میں نے جبریل کو سدرۃ المنتہیٰ کے پاس دیکھا، ان کے چھ سو بازو تھے " ۔ اسی مضمون کی روایت امام احمد نے شقیق بن سلَمہ سے بھی نقل کی ہے جس میں وہ کہتے ہیں کہ میں نے حضرت عبداللہ بن مسعود کی زبان سے یہ سنا کہ رسول اللہ صلی اللہ علیہ وسلم نے خود یہ فرمایا تھا کہ میں نے جبریل علیہ السلام کو اس صورت میں سدرۃ المنتہیٰ پر دیکھا تھا۔
(3)۔ حضرت ابو ہریرہ سے عطاء بن ابی رباح نے آیت لَقَدْ رَاٰہُ نَزْلَۃً اُخریٰ کا مطلب پوچھا تو انہوں نے جواب دیا کہ رایٰ جبریل علیہ السلام۔ " حضور نے جبریل علیہ السلام کو دیکھا تھا " ۔ (مسلم، کتاب الایمان)۔
(4) حضرت ابو ذر غفاری سے عبداللہ بن شقیق کی دو روایتیں امام مسلم نے کتاب الایمان میں نقل کی ہیں ۔ ایک روایت میں وہ فرماتے ہیں کہ میں نے رسول اللہ صلی اللہ علیہ وسلم سے پوچھا کیا آپ نے اپنے رب کو دیکھا تھا ؟ حضور نے جواب دیا : نورٌ اَنّیٰ اراہ۔ اور دوسری روایت میں فرماتے ہیں کہ میرے اس سوال کا جواب آپ نے یہ دیا کہ رأیتُ نوراً۔ حضور کے پہلے ارشاد کا مطلب ابن القیم نے زادالمعاد میں یہ بیان کیا ہے کہ " میرے اور رؤیت رب کے درمیان نور حائل تھا " ۔ اور دوسرے ارشاد کا مطلب وہ یہ بیان کرتے ہیں کہ " میں نے اپنے رب کو نہیں بلکہ بس ایک نور دیکھا " ۔
نسائی اور ابن ابی حاتم نے حضرت ابوذر کا قول ان الفاظ میں نقل کیا ہے کہ " رسول اللہ صلی اللہ علیہ وسلم نے اپنے رب کو دل سے دیکھا تھا، آنکھوں سے نہیں دیکھا " ۔
(5) حضرت ابو موسیٰ اشعری سے امام مسلم کتاب الایمان میں یہ روایت لائے ہیں کہ حضور نے فرمایا ما انتھیٰ الیہ بصر من خلقہ۔ " اللہ تعالیٰ تک اس کی مخلوق میں سے کسی کی نگاہ نہیں پہنچی " ۔
(6) حضرت عبداللہ بن عباس کی روایات:
مسلم کی روایت ہے کہ حضرت عبداللہ بن عباس سے مَا کَذَبَ الْفُؤادُ مَا رأی، وَلَقَدْ رَاٰہُ نَزْلَۃً اُخْریٰ کا مطلب پوچھا گیا تو انہوں نے کہا رسول اللہ صلی اللہ علیہ وسلم نے اپنے رب کو دو مرتبہ اپنے دل سے دیکھا۔ یہ روایت مسند احمد میں بھی ہے ۔
ابن مردُویہ نے عطاء بن ابی رَباح کے حوالہ سے ابن عباس کا یہ قول نقل کیا ہے کہ رسول اللہ صلی اللہ علیہ وسلم نے اللہ تعالیٰ کو آنکھوں سے نہیں بلکہ دل سے دیکھا تھا۔
نسائی میں عکرمہ کی روایت ہے کہ ابن عباس نے فرمایا اتعجبون ان تکون الخلۃ لابراہیم والکلام لموسیٰ والرؤیۃُ لمحمد؟۔ " کیا تمہیں اس بات پر تعجب ہے کہ ابراہیم علیہ السلام کو اللہ نے خلیل بنایا، موسیٰ علیہ السلام کو کلام سے سر فراز کیا اور محمد صلی اللہ علیہ وسلم کو رؤیت کا شرف بخشا " ۔ حاکم نے بھی اس روایت کو نقل کیا ہے اور اسے صحیح قرار دیا ہے ۔
ترمذی میں شعبی کی روایت ہے کہ ابن عباس نے ایک مجلس میں فرمایا " اللہ نے اپنی رؤیت اور اپنے کلام کو محمد صلی اللہ علیہ وسلم اور موسیٰؑ کے درمیان تقسیم کر دیا تھا موسیؑ ٰ سے اس نے دو مرتبہ کلام کیا اور محمدﷺنے دو مرتبہ اس کو دیکھا " ۔ ابن عباس کی اسی گفتگو کو سن کر مسروق حضرت عائشہ کے پاس گے تھے اور ان سے پوچھا تھا " کیا محمد صلی اللہ علیہ وسلم نے اپنے رب کو دیکھا تھا ؟ " انہوں نے فرمایا " تم نے وہ بات کہی ہے جسے سن کر میرے تو رونگٹے کھڑے ہو گئے " ۔ اس کے بعد حضرت عائشہ اور مسروق کے درمیان وہ گفتگو ہوئی جسے ہم اوپر حضرت عائشہ کی روایات میں نقل کر آئے ہیں ۔
ترمذی ہی میں دوسری روایات جو ابن عباس سے منقول ہوئی ہیں ان میں سے ایک میں وہ فرماتے ہیں کہ حضور نے اللہ تعالیٰ کو دیکھا تھا۔ دوسری میں فرماتے ہیں دو مرتبہ دیکھا تھا۔ اور تیسری میں ان کا ارشاد یہ ہے کہ آپ نے اللہ کو دل سے دیکھا تھا۔
مسند احمد میں ابن عباس کی ایک روایت یہ ہے کہ قال رسول اللہ صلی اللہ علیہ و سلم رأیت ربی تبارک و تعالیٰ۔ " میں نے اپنے رب تبارک و تعالیٰ کو دیکھا " ۔ دوسری روایت میں وہ کہتے ہیں ان رسول اللہ صلی اللہ علیہ وسلم قال اتانی ربی اللیلۃ فی احسن صورۃ، احسبہ یعنی فی النوم۔ " رسول اللہ صلی اللہ علیہ وسلم نے فرمایا آج رات میرا رب بہترین صورت میں میرے پاس آیا۔ میں سمجھتا ہوں کہ حضور کے اس ارشاد کا مطلب یہ تھا کہ خواب میں آپ نے اللہ تعالیٰ کو دیکھا " ۔
طبرانی اور ابن مردویہ نے ابن عباس سے ایک روایت یہ بھی نقل کی ہے کہ رسول اللہ صلی اللہ علیہ وسلم نے اپنے رب کو دو مرتبہ دیکھا، ایک مرتبہ آنکھوں سے اور دوسری مرتبہ دل سے ۔
(7)۔ محمد بن کعب القرظی بیان کرتے ہیں کہ رسول اللہ صلی اللہ علیہ وسلم سے بعض صحابہ نہ پوچھا آپ نے اپنے رب کو دیکھا ہے ؟ حضور نے جواب دیا " میں نے اس کو دو مرتبہ اپنے دل سے دیکھا " (ابن ابی حاتم)۔ اس روایت کو ابن جریر نے ان الفاظ میں نقل کیا ہے کہ آپ نے فرمایا: " میں نے اس کو آنکھ سے نہیں بلکہ دل سے دو مرتبہ دیکھا ہے " ۔
(8)۔ حضرت انس بن مالک کی ایک روایت جو قصہ معراج کے سلسلے میں شریک بن عبداللہ کے حوالہ سے امام بخاری نے کتاب التوحید میں نقل کی ہے اس میں یہ الفاظ آتے ہیں: حتّیٰ جَاءَ سِدْرَۃَ الْمُنْتَھیٰ و دَنَا الجبار رب العزۃ فتدلّیٰ حتّیٰ کَان منہ قاب قوسین او ادنیٰ فاوحی اللہ فیما اوحیٰ الیہ خمسین صلوٰۃ۔ یعنی " جب آپ سدرۃ المنتہیٰ پر پہنچے تو اللہ رب العزۃ آپ کے قریب آیا اور آپ کے اوپر معلّق ہو گیا یہاں تک کہ آپ کے اور اس کے درمیان بقدر دو کمان یا اس سے بھی کچھ کم فاصلہ رہ گیا، پھر اللہ نے آپ پر جو امور وحی فرمائے ان میں سے ایک 50 نمازوں کا حکم تھا " ۔

لیکن علاوہ ان اعتراضات کے جو اس روایت کی سند اور مضمون پر امام خطابی، حافظ ابن حَجر، ابن حَزم اور حافظ عبدالحق صاحب الجمع بین الصحیحین نے کیے ہیں، سب سے بڑا اعتراض اس پر یہ وارد ہوتا ہے کہ یہ صریح قرآن کے خلاف پڑتی ہے ۔ کیونکہ قرآن مجید دو الگ الگ رؤیتوں کا ذکر کرتا ہے جن میں سے ایک ابتداءً اُفُقِ اعلیٰ پر ہوئی تھی اور پھر اس میں دَنَا فَتَدَلّیٰ فَکَانَ قَابَ قَوْسَیْنِ اَوْ اَدْنیٰ کا معاملہ پیش آیا تھا، اور دوسری سدرۃ المنتہیٰ کے پاس واقع ہوئی تھی۔ لیکن یہ روایت ان دونوں رؤیتوں کو خلط ملط کر کے ایک رؤیت بنا دیتی ہے ۔ اس لیے قرآن مجید سے متعارض ہونے کی بنا پر اس کو تو کسی طرح قبول ہی نہیں کیا جا سکتا۔

اب رہیں وہ دوسری روایات جو ہم نے اوپر نقل کی ہیں، تو ان میں سب سے زیادہ وزنی روایتیں وہ ہیں جو حضرت عبداللہ بن مسعود اور حضرت عائشہ سے منقول ہوئی ہیں، کیونکہ ان دونوں نے بالاتفاق خود رسول اللہ صلی اللہ علیہ وسلم کا یہ ارشاد بیان کیا ہے کہ ان دونوں مواقع پر آپ نے اللہ تعالیٰ کو نہیں بلکہ جبریل علیہ السلام کو دیکھا تھا، اور یہ روایات قرآن مجید کی تصریحات اور اشارات سے پوری طرح مطابقت رکھتی ہیں ۔

مزید براں ان کی تائید حضور کے ان ارشادات سے بھی ہوتی ہے جو حضرت ابوذر اور حضرت ابوموسیٰ اشعری (رضی اللہ عنہم) نے آپ سے نقل کیے ہیں، اس کے برعکس حضرت عبداللہ بن عباس سے جو روایات کتب حدیث میں منقول ہوئی ہیں ان میں سخت اضطراب پایا جاتا ہے ۔ کسی میں وہ دونوں رؤیتوں کو عینی کہتے ہیں، کسی میں دونوں کو قلبی قرار دیتے ہیں، کسی میں ایک کو عینی اور دوسری کو قلبی بتاتے ہیں، اور کسی میں عینی رؤیت کی صاف صاف نفی کر دیتے ہیں ۔ ان میں سے کوئی روایت بھی ایسی نہیں ہے جس میں وہ رسول اللہ صلی اللہ علیہ وسلم کا اپنا کوئی ارشاد نقل کر رہے ہوں ۔ اور جہاں انہوں نے خود حضور کا ارشاد نقل کیا ہے ، وہاں اول تو قرآن مجید کی بیان کردہ ان دونوں رؤیتوں میں سے کسی کا بھی ذکر نہیں ہے ، اور مزید برآں ان کی ایک روایت کی تشریح دوسری روایت سے یہ معلوم ہوتی ہے کہ حضور نے کسی وقت بحالت بیداری نہیں بلکہ خواب میں اللہ تعالیٰ کو دیکھا تھا۔

اس لیے درحقیقت ان آیات کی تفسیر میں حضرت عبداللہ بن عباس سے منسوب روایات پر اعتماد نہیں کیا جا سکتا۔ اسی طرح محمد بن کعب القرظی کی روایات بھی، اگرچہ رسول اللہ صلی اللہ علیہ وسلم کا ایک ارشاد نقل کرتی ہیں، لیکن ان میں ان صحابہ کرام کے ناموں کی کوئی تصریح نہیں ہے جنہوں نے حضور سے یہ بات سنی۔ نیز ان میں سے ایک میں بتایا گیا ہے کہ حضور نے عینی رویت کی صاف صاف نفی فرما دی تھی۔
​

تفہیم القرآن از سید ابو الاعلیٰ مودودیؒ، جلدنمبر05، صفحہ206 -201 ​

جزاک الله - متفق