The Price of Marriage حقِ مہر

[مشکٰوۃ]

جلبیب رضی اللہ عنہ کے واقعے میں ایک اور چیز بھی دیکھنے کو ملتی ہیں، کہ لڑکی کے والدین نے کچھ سوچ بچار کیا تو لڑکی نے خودرضا مندی کا اظہار کیا۔

لیکن آج کل ایسی نام نہاد اپنے آپ کو دین دار سمجھنے والی خواتین بھی دیکھی گئی ہیں جو کہتی ہیں کہ ایک دیندار لڑکی اپنی ماں سے اپنی رضامندی ظاہر نہیں کر سکتی۔

پہلی بات سے تو لڑکی ذات کی’’ بدنامی‘‘ کا خدشہ ہے۔۔رہی دوسری بات تو اول ماں کو اولاد کے ساتھ اتنا تعلق ضرور ہو کہ ان کے مسائل جان سکے ،اس کے علاوہ بڑی بہن ،خالہ ،پھپھو کوئی نہ کوئی ایسا رشتہ ضرور ہوتا ہے جس کے ذریعے اپنی بات والدین تک پہنچائی جا سکتی ہے ۔لیکن کیا کیا جائے معاشرے کو تشکیل دینے والوں کا ایک طبقہ جائز حق دینے کو تیار نہیں تو دوسرا آنکھیں بند کرنے پر مجبور۔۔۔۔

 

[Dua]

موضوع بہت اچھا ہے مگر میرے پاس کہنے کو فی الحال کچھ نہیں ہے!!!
’’بیچارا‘‘۔ ۔ ’’مظلوم‘‘۔ ۔ ‘‘ظالم‘‘ کی لپ سروس کے بعد جب عمل کا وقت آئے گا تو میرے اور آپ کے سامنے ‘‘معاشرتی مسائل و تقاضے‘‘ سامنے آ جائیں گے۔ پھر ہم جہیز بھی لیں گے اور لڑکے کی استطاعت سے بڑھ کر مہر بھی مانگیں گے۔ ۔ اپنی شادی پروالدین نہیں مانیں گے اور اولاد کی شادی پر بچے نہیں مانگیں گے!!!
لہذا اس موضوع پر بحث کی ضرورت باقی نہیں۔ ۔ ۔

بہن !
انما اعمال بانیات و انما لکل مری ما نوی
نیت رکھیں ، اگر عمل نہ بھی کر سکیں تو بھی نیت کا اجر حاصل ہو گا۔ان شاء اللہ

 

[حافظ عمران الہی]

یہ بات تو درست ہے کہ حق مہر لڑکی کا حق ہے سوال یہ پیدا ہوتا ہے کہ کیا لڑکی جا کر لڑکے سے مطالبہ کرے کہ مجھے اتنا حق مہر دو تو مجھے قبول ہے کیا یہ لڑکی کے لیے درست ہے کہ وہ اپنے حق مہر کی بار گیننگ کرے ، سب بڑا معاملہ تو لڑکے کے انتخاب کا تھا جو والدین نے پورا کیا ہے اب ظاہر ہے یہ حق مہر کا کام بھی والدین ہی سر انجام دیں گے

 

[مشکٰوۃ]

مجھے یقین تھا کہ یہ سوال اٹھا یا جائے گا لیکن کیا لڑکی جا کر لڑکے سے کہتی ہے مجھے یہ رشتہ قبول نہیں۔۔ ؟؟انتخاب والدین کا تھا تو غالبا لڑکی کی رضا مندی بھی لی جاتی ہےیا بغیر پوچھے انتخاب لازم قرار پا جا تاہے۔۔۔۔؟؟؟
ویسے یہ کس نے کہا ہے کہ لڑکی حقِ مہر کا مطالبہ کرے؟