بیٹھک

[اسحاق سلفی]

اب بندہ اپنی تعلیم تو ترک نہیں کر سکتا...

شادی تعلیم و تعلم میں رکاوٹ نہیں بنتی ، بلکہ سلسلہ تعلیم میں معاون ثابت ہوتی ہے ، یہ بات عربوں سے پوچھیئے ،
۔۔۔۔۔۔۔۔۔۔۔۔
ہاں یہ اور بات کہ ’’ پریکٹیکل ‘‘ کے اس امتحان کو بھاری سمجھ کر ہاتھ کھڑے کرلیئے جائیں ،
ہندوستان ہی کے ایک ’’ بابے ‘‘ کا کہنا ہے کہ :
عشق اک میرؔ بھاری پتھر ہے
کب یہ تجھ ناتواں سے اٹھتا ہے

اورکسی سینئر کنوارے کا شعر ہے کہ :
’’ہم سے بیوی کے تقاضے نہ نباہے جاتے
ورنہ ہم کوبھی تمنا تھی کہ بیاہے جاتے‘‘
۔۔۔۔۔۔۔۔۔۔۔۔۔۔۔۔

 

[عمر اثری]

شادی تعلیم و تعلم میں رکاوٹ نہیں بنتی ، بلکہ سلسلہ تعلیم میں معاون ثابت ہوتی ہے ، یہ بات عربوں سے پوچھیئے ،

ذہن منتشر ضرور ہوتا ہے.

 

[ابن داود]

السلام علیکم ورحمۃ اللہ وبرکاتہ!

گذشتہ پوسٹ کے ساتھ ہی یہ پیغام موصول ہوا کہ :
آپ کو تمغہ 4000 پیغامات دیا گیا ،
اب میں منتظر ہوں کہ کب تقسیم ایوارڈ کی صدارتی تقریب منعقد ہونے کا اعلان ہو اور مجھے اس میں شمولیت کا دعوت نامہ معہ دیگر لوازمات موصول ہو ؛

تھوڑی دیر ہو گئی! وگرنہ دعوت مچھلی کے ساتھ ہی یہ تقریب بھی منعقد کی جا سکتی تھی، اب شاید رمضان میں کوئی مجلس ہو، تو اس وقت اس بات کو ان شاء اللہ مد نظر رکھا جائے گا!

 

[خضر حیات]

اس بار کی دعوت کی روئیداد آئی ہی نہیں !

 

[ابن داود]

السلام علیکم ورحمۃ اللہ وبرکاتہ!
میرے مشاہدہ میں آیا ہے یا میرا وہم ہے کہ جب سے @محمد نعیم یونس بھائی جب سے سوتے رہ گئے ہیں، وہ اب تک صحیح طرح اٹھ نہیں پائے!
اب فورم پر اتنے فعال نظر نہیں آتے!

 

[محمد نعیم یونس]

السلام علیکم ورحمۃ اللہ وبرکاتہ!
میرے مشاہدہ میں آیا ہے یا میرا وہم ہے کہ جب سے @محمد نعیم یونس بھائی جب سے سوتے رہ گئے ہیں، وہ اب تک صحیح طرح اٹھ نہیں پائے!
اب فورم پر اتنے فعال نظر نہیں آتے!

وعلیکم السلام ورحمۃ اللہ وبرکاتہ!
جزاک اللہ خیرا
اسی طرح جھنجوڑتے رہیں، کبھی تو نیند کے اثرات کم ہوں گے۔۔۔ابتسامہ

 

[اسحاق سلفی]

اسی طرح جھنجوڑتے رہیں، کبھی تو نیند کے اثرات کم ہوں گے

از نالۂ مرغِ چمن، از بانگِ اذاں خیز
از گرمیِ ہنگامۂ آتش نفَساں خیز
از خوابِ گِراں، خوابِ گِراں، خوابِ گِراں خیز
از خوابِ گِراں خیز
چمن کے پرندے کی فریاد سے اٹھ، اذان کی آواز سے اٹھ،
آگ بھرے سانس رکھنے والوں کی گرمی کے ہنگامہ سے اٹھ،
گہری نیند، گہری نیند، (بہت) گہری نیند سے اٹھ
۔۔۔۔۔۔۔۔۔۔۔۔۔۔۔
معمارِ حرم، باز بہ تعمیرِ جہاں خیز
از خوابِ گِراں، خوابِ گِراں، خوابِ گِراں خیز
از خوابِ گِراں خیز
اے حرم کو تعمیر کرنے والے (مسلمان) تو ایک بار پھراس (تباہ و برباد) جہان کو تعمیر کرنے کیلیے اٹھ کھڑا ہو،
اٹھ، گہری نیند سے اٹھ، بہت گہری نیند سے اٹھ۔

 

[ابن داود]

السلام علیکم ورحمۃ اللہ وبرکاتہ!
مجھے پنجاب بورڈ کو تو نہیں معلوم ہاں سندھ کی درسی کتاب میں تھی، اب یاد نہیں پہلی جماعت میں تھی یا دوسری۔ مجھے اب تک زبانی یاد ہے، مگر اس واسطے کہ کہیں کوئی شعر بھول تو نہیں گیا، تلاش کی تو اسی فورم کا لنک بھی نظر آیا! اسی کو اقتباس میں پیش کرتا ہوں!

اُٹھو بیٹا آنکھیں کھولو

اُٹھو بیٹا آنکھیں کھولو
بستر چھوڑو اور منہ دھو لو
اتنا سونا ٹھیک نہیں‌ ہے
وقت کا کھونا ٹھیک نہیں‌ ہے
سورج نکلا تارے بھاگے
دنیا والے سارے جاگے
پھول کھلے خوش رنگ رنگیلے
سُرخ سفید اور نیلے پیلے
تم بھی اُٹھ کر باہر جاؤ
ایسے وقت کا لُطف اُٹھاؤ

مقصد یہ ہے کہ پچپن میں بتلائی اور سکھلائی ہوئی باتیں، بے مقصد نہیں ہونے چاہئیں! اور اگر تعلیم و تربیت درست ہو تو وہ بے مقصد ہوتی بھی نہیں!

 

[ابن داود]

السلام علیکم ورحمۃ اللہ وبرکاتہ!

پیغام ٹی وی پر بہنوں کے لیے ایک بہترین پروگرام

کیوں، ہم جیسے بھائیوں سے کوئی دشمنی ہے کیا!

 

[خضر حیات]

السلام علیکم ورحمۃ اللہ وبرکاتہ!

کیوں، ہم جیسے بھائیوں سے کوئی دشمنی ہے کیا!

ابتسامہ
و علیکم السلام ورحمۃ اللہ وبرکاتہ
لنک لگائے اتنی دیر ہوگئی ، اب مجھے یہ بھی نہیں پتہ کہ لنک میں کیا تھا ۔ :)