تجویز دعوتِ مچھلی

[بیبرس]

ما شاء اللہ اللھم بارک فیھم

 

[محمد ارسلان]

السلام علیکم ورحمۃ اللہ وبرکاتہ
محترمین اراکینِ محدث فورم (موحدین)
میری سوچ سے بھی کہیں بڑھ کر یہ پروگرام خوبصورت اور دلچسپ ہوا، مجھے یقین نہیں آ رہا کہ میں کل اپنی زندگی کی اس قدر خوبصورت محفل میں موجود تھا، اور حیران بھی ہوں کہ ایک ساتھ سب کو اکٹھے مل جاؤں گا، اکثر گھر میں کہا کرتا تھا کہ میرے موحدین بھائی لاہور میں کثیر تعداد میں ہیں، جب بھی گیا سب کو ملوں گا، اللہ رب العالمین نے اپنے حقیر بندے کی خواہش کو اس طرح پورا کیا کہ بہت ہی آسانی سے سب موحدین کو ایک ہی جگہ مل لیا، سبحان اللہ

بھائیو ! مجھے کچھ سمجھ نہیں آ رہا کہ اس قدر زبردست محفل کو میں کیسے بیان کروں، بس جو سمجھ میں آتا جائے گا، لکھتا جاؤں گا۔ ان شاءاللہ

عبدہ بھائی
سب سے پہلے تو میں اللہ تعالیٰ سے دعا کرتا ہوں کہ اللہ تعالیٰ ہمارے اس بھائی کو دنیا میں عزت والی روزی اور آخرت میں جنت الفردوس عطا فرمائے اور جنت میں رسول اللہ صلی اللہ علیہ وسلم کی رفاقت نصیب فرمائے آمین، جس قدر انہوں نے میری ، علی اوڈ بھائی اور احمد ندیم بھائی کی مہمانی کی ، سبحان اللہ وبحمدہ، انہوں نے ہمیں بہت گھمایا پھرایا، اور ہماری بہت رہنمائی کی، صبح تقریبا چھ بجے سے لے کر رات کو گیارہ بجے واپسی تک انہوں نے ہمارا بھرپور ساتھ دیا اور ہمارا بہت خیال رکھا، بس دعائیں ہی دعائیں ہیں ان کے لئے۔ اللہ ان کو وہ اجر عطا فرمائے جو ہم دل سے ان کے لئے چاہ رہے ہیں۔ آمین (میرے متعلق بھائی نے کیا محسوس کیا ، وہ خود ہی لکھیں گے، ان شاءاللہ)

ابن آدم بھائی (ایڈمن صراط الھدی فورم)
ماشاءاللہ، بہت ہی پیارے بھائی، میرے خیال سے پوری محفل میں سب سے بڑی عمر والے ہمارے یہی بھائی تھے، لیکن ان کو انکل نہیں کہوں گا، ان سے مل کر بہت خوشی ہوئی ، اللہ تعالیٰ ان کو خوش رکھے اور دنیا و آخرت میں کامیابیوں سے نوازے آمین

انس نضر بھائی
انس بھائی سے تو میری فون پر تقریبا پچھلے دو سال سے بات ہوتی رہی ہے، لیکن ایک مرتبہ شاکر بھائی نے بتایا تھا کہ آپ کبھی انس بھائی سے مل کر دیکھیں کہ وہ کیسے ہیں؟ اور واقعتا جب ہم نے انس بھائی سے ملاقات کی تو شاکر بھائی کی بات سو فیصد درست لگی کہ وہ کس قدر خوش اخلاق اور خوش مزاج تھے، اللہ تعالیٰ ہمارے بھائی کو خوش و خرم رکھے اور دین و دنیا بہتر بنائے آمین
محفل کے آخر میں جو آخری باتیں انس بھائی نے بتائیں ان سے ہمارا اور (ان شاءاللہ) دیگر بھائیوں کی بھی اصلاح ہوئی ہو گی اور وہ کام کرنے کا جذبہ بڑھے گا۔ ان شاءاللہ

انکل نعیم یونس
سبحان اللہ، انکل سے ملاقات تو ہماری دلی خواہش تھی، جو اللہ نے پوری کروائی، نماز مغرب کے بعد جب میں اور انکل ایک دوسرے سے متعارف ہوئے اور گلے ملے تو انکل کا معلوم نہیں لیکن مجھے بہت زیادہ خوشی ہوئی، انکل میرے خیالی تصور میں کچھ بوڑھے تھے، لیکن اب نہیں، اب خیالی تصور سے حقیقی صورت میں کچھ کم عمر والے نظر آئیں ہیں۔ (ابتسامہ) اللہ تعالیٰ ہمارے ان پیارے انکل کو ہمیشہ خوش رکھے آمین، یہ ہی وہ بڑے لوگ ہوتے ہیں جن کی دعائیں اور شفقتیں ہم جیسے چھوٹے لوگوں کے لئے ایک نعمت ہوتی ہیں۔

ساجد تاج بھائی
آہم آہم آہم۔۔۔ محترم تو کیا آئے۔۔۔ گویا محفل میں مسکراہٹیں ہی مسکراہٹیں۔۔۔ آتے ہی جب عبدہ بھائی نے پوچھا کہ
ارسلان بھائی کو پہچانو تو جناب محترم نے کچھ اس طرح پہچانا کہ
۔۔۔۔۔ ارسلان ملک کو پہچاننے کا ایک ہی طریقہ ہے کہ سب شادی شدہ اپنے ہاتھ کھڑے کر لو جو نہ کھڑے کرے گا وہی ارسلان ملک ہو گا۔۔۔۔ ہاہاہاہاہاہاہا

اس سے بھی نہ پہچان سکے پھر ایک اور آپشن دیا گیا، کہ چار لوگوں کی طر ف انگلی اٹھا کر بتائیں کہ کون ہیں ارسلان ملک تو جناب کی انگلی مجھ پر آتے آتے رہ گئی اور اچانک ہی علی اوڈ بھائی کی طرف اٹھ گئی اور ساتھ میں تین اور بھائیوں کی طرف۔

خیر آخر کار ہمیں پہچان گئے اور ہم دونوں نے اٹھ کر ایک دوسرے کو گلے لگایا۔۔۔ ساجد بھائی بھی ہمارے خیالی تصور سے کچھ کم عمر والے نکلے اور نوجوان آدمی تھے۔۔۔ ماشاءاللہ۔۔۔ اللہ ان کو ہمیشہ خوش رکھے اور ان کو فیملی سمیت سلامت رکھے آمین۔۔۔اللہ ان کو دنیا و آخرت میں کامیابی عطا فرمائے آمین

عبدالقیوم بھائی
مزے کی بات ہے کہ عبدالقیوم بھائی مجھے لائبریری وزٹ کروا رہے تھے، لیکن میں پہچان نہیں سکا جب جانے کا وقت ہوا تو بتایا کہ میں عبدالقیوم ہوں، تو پھر پتہ چلا کہ اتنی دیر سے ہم جن سے محو گفتگو ہیں وہی عبدالقیوم بھائی ہیں۔۔ ماشاءاللہ۔۔۔ عبدالقیوم بھائی سے بھی مل کر بہت خوشی ہوئی۔۔۔ اللہ ان کو دنیا و آخرت میں کامیابی عطا فرمائے آمین

عبدالودود بھائی
یہ وہ بھائی ہیں جن کی دو بچیوں نے حفظ قرآن کیا ہے اور اس خوشی میں بھائی نے عبدہ بھائی کی دعوت کے بعد ہمیں رس ملائی کی دعوت دی تھی، اللہ ان کے رزق ، مال اور اولاد میں برکتیں ہی برکتیں نازل فرمائے اور ہر مسلمان کو اسی طرح نیک صالح اولاد سے نوازے آمین، عبدالودود بھائی سے مل کر نہ صرف خوشی ہوئی بلکہ آخر تک ہمارے ساتھ رہے، اور ہم سے تھوڑی ہی دیر پہلے ہم سے رخصت ہوئے۔اللہ ان کو خوش رکھے اور ان کی اولاد کو مزید نیک اور صالح بنائے آمین

قاری مصطفیٰ راسخ صاحب
قاری صاحب سے مل کر ہمیں بہت خوشی ہوئی، ہم نے قاری صاحب کو آسانی سے پہچان لیا، ماشاءاللہ قاری صاحب کی قرآءت بہت خوبصورت ہے اور ہم نے ان کے پیچھے دو نمازیں (مغرب اور عشاء) ادا کیں۔ الحمدللہ۔۔۔ اللہ ان کو خوش رکھے اور اسی طرح دین کی خدمت کا زیادہ سے زیادہ کام لے اور ذخیرہ آخرت بنائے آمین

آصف مغل (بھائی نہیں بلکہ انکل)
انکل کے فورا بعد ہی جب آصف انکل سے ملاقات ہوئی تو ہم تو حیران ہی رہ گئے،مانے یا نہ مانے ایک بات ضرور ہے انکل آصف کہ آپ سے ہمارے انکل نعیم زیادہ نوجوان لگ رہے تھے۔۔۔ ماشاءاللہ۔۔۔ بہرحال آصف انکل سے ملاقات کر کے ہمیں بہت زیادہ خوشی ہوئی اور اس کی ایک وجہ یہ بھی ہے کہ ماشاءاللہ عقیدہ توحید کے معاملے میں ویسے تو تمام بھائی لیکن آصف بھائی میری طرح کچھ زیادہ جذبہ رکھنے والے آدمی محسوس ہوئے ہیں، توحید پر ان کی اصلاحانہ باتیں محفل میں سن کر بہت اچھا لگا۔ ماشاءاللہ۔۔۔ اللہ ان کو عقیدہ توحید پر ہی قائم رکھے اور عقیدہ توحید پر ہی موت عطا فرمائے اور دین و دنیا میں کامیابیوں سے نوازے آمین

ابوالحسن علوی بھائی
ماشاءاللہ، ڈاکٹر حافظ محمدزبیر عرف ابوالحسن علوی بھائی سے ملاقات تو ہماری بہت خواہش تھی جو پوری ہوئی لیکن ایک اور خواہش پوری نہ ہو سکی وہ یہ کہ ان سے ہم ایک سوالات و جوابات کی محفل سجاتے، لیکن خیر کوئی بات نہیں، پھر کسی موقع پر ہ سہی۔ اللہ تعالیٰ ان کو خوش رکھے اور دنیا و آخرت میں کامیابیوں سے نوازے آمین

محسن علی تابش بھائی، ابراہیم بھائی اور دیگر برادران (جن کے نام اب مجھے یاد نہیں)
ان تمام بھائیوں سے ملاقات کر کے بھی بہت خوشی ہوئی اور ان سے تعارف بڑھا، اللہ تعالیٰ ان سب کو خوش رکھے اور دین و دنیا کی کامیابیوں سے نوازے آمین

رانا شعیب علی بھائی
عبدہ بھائی کے فیس بک فرینڈ ہیں، جو عمان میں گولڈ سمتھ انجینئیر تھے، ان بھائی سے ملاقات کر کے بھی بہت خوشی ہوئی، بھائی بہت ہنس مکھ تھے، آخر میں ہمیں جب بس اسٹیشن پر چھوڑنے گئے تو بھائی نے راستے میں امام ابن تیمیہ کی ایک نشید سنائی
انا الفقیر الی رب السموات
بہت ہی مزہ آیا یہ سن کر، اگرچہ عربی میں تھی لیکن کچھ کچھ سمجھ آ رہی تھی، احمد ندیم بھائی نے وہ ریکارڈ کر لی ہے، کوشش کر کے وہ بھی یہاں لگا دیں گے۔ان شاءاللہ

تو یہ تھا میری طرف سے بھائیوں پر مختصر تبصرہ، باقی باتیں تو بہت ہیں، آنے سے لے کر جانےلکھا جا سکتا ہے، جس بھائی کا تذکرہ کرنا بھول گیا ہوؤں تو معاف کر دیجئے گا۔ ہاں کلیم حیدر بھائی اور اختر علی بھائی سے ملاقات نہ ہو سکی، کیونکہ یہ بھائی کسی مجبوری کے باعث تشریف نہ لا سکے،آخر میں میں پھر عبدہ بھائی کے لئے دعاگو ہوں کہ جنہوں نے اس قدر بہترین محفل کے لئے جدوجہد کی، اور سب بھائیوں کو اکٹھا کیا، وہاں سب کو پوری پوری توجہ دی اور سب کی عزت کی اور کھانا تو سبحان اللہ ، اللہ نے اس قدر برکت دی کہ سب نے خوب رج کر کے کھایا لیکن پھر بھی کثرت سے بچ گیا، ہرچیز وافر مقدار میں تھی، ماشاءاللہ۔ اللہ ان کے رزق میں، مال میں، اولاد میں برکت عطا فرمائے آمین، اللہ ان کو عزت والی روزی اور نیکی والی زندگی عطا فرمائے اور آخرت میں ہمیشہ ہمیشہ کی جنت سے نوازے آمین

والسلام
محمد ارسلان ملک

http://forum.mohaddis.com/threads/رانا-صہیب-علی-بھائی-کی-آواز-میں-امام-ابن-تیمیہ-کی-نشید.26318/

 

[محمد آصف مغل]

ما شاء اللہ اللھم بارک فیھم

دعوت مچھلی کے تھریڈ میں
یہ دعا
اس بات کی غمازی کر رہی ہے کہ
آپ بھی ابھی تک کنوارے ہیں

 

[بیبرس]

دعوت مچھلی کے تھریڈ میں
یہ دعا
اس بات کی غمازی کر رہی ہے کہ
آپ بھی ابھی تک کنوارے ہیں

ابتسامہ
لیکن آپ کیسے کہہ سکتے ہیں؟

 

[محمد آصف مغل]

ابتسامہ
لیکن آپ کیسے کہہ سکتے ہیں؟

کیونکہ موسیٰ علیہ السلام اس وقت کنوارے تھے جب انہوں نے یہ دُعا کی

 

[بیبرس]

بہت خوب

 

[اسرار احمد میر]

معذرت خواہی کے ساتھ عرضداشت ہے کہ ،
کیا مچھلی کھائی جا چُکی ہے یا ۔۔۔۔۔۔۔

 

[محمد نعیم یونس]

معذرت خواہی کے ساتھ عرضداشت ہے کہ ،
کیا مچھلی کھائی جا چُکی ہے یا ۔۔۔۔۔۔۔

السلام علیکم!
ایک ہفتے سے زائد عرصہ گزر چکا اس عظیم واقع کو۔۔۔۔ابتسامہ۔۔۔

 

[ایم اسلم اوڈ]

اسلام علیکم دوستوں
اس بار کی دعوت مچھلی کی شاید ابتداء بھی میں تھا اور شاید انتہا بھی میں ہی تھا
سب دوست دعوت کے بعد اپنے اپنے کام و کاروبار میں مشغول ہوگئے لیکن میں اسی طرح کی پنجاب بھر کی دعوت کے تسلسل میں مصروف تھا
آج کے دن 3 بجے گھر پہنچ کر ہی اس سلسلے کا اختتام ہوا

 

[ایم اسلم اوڈ]

سب دوستوں نے اس دعوت کے بارے جو اپنی رائے دی اور حال احوال دیا تو اجتماعی طور پر جو باتیں میرے ذہن میں تھی وہ تقریبا بیان ہو چکی ہے،،،،اور سب بھائیوں کی طرح میں بھی عبدہ بھائی کا تہہ دل سے مشکور ہوں کہ صرف عقیدہ توحید کی بنیاد اور جزبے پر بھائی نے اتنا بڑادعوت مچھلی کا اہتمام کیا اور ہر ایک بھائی کو انفرادی طور پر رابطے کرکے دعوت مچھلی میں شرکت کی پرزور دعوت دیتے رہے
اللہ عبدہ بھائی کا خلوص اور جزبہ قبول فرمائیں آمین