سنن ابو داود

[محمد نعیم یونس]

63- بَاب فِي سُرْعَةِ السَّيْرِ وَالنَّهْيِ عَنِ التَّعْرِيسِ فِي الطَّرِيقِ​

۶۳-باب: سفر میں تیز چلنے کا حکم اور راستہ میں پڑاؤ ڈالنے کی ممانعت کا بیان​

2569- حَدَّثَنَا مُوسَى بْنُ إِسْمَاعِيلَ، حَدَّثَنَا حَمَّادٌ، أَخْبَرَنَا سُهَيْلُ بْنُ أَبِي صَالِحٍ، عَنْ أَبِيهِ، عَنْ أَبِي هُرَيْرَةَ أَنَّ رَسُولَ اللَّهِ ﷺ قَالَ: < إِذَا سَافَرْتُمْ فِي الْخِصْبِ فَأَعْطُوا الإِبِلَ حَقَّهَا، وَإِذَا سَافَرْتُمْ فِي الْجَدْبِ فَأَسْرِعُوا السَّيْرَ، فَإِذَا أَرَدْتُمُ التَّعْرِيسَ فَتَنَكَّبُوا عَنِ الطَّرِيقِ >۔
* تخريج: تفرد بہ أبو داود، (تحفۃ الأشراف: ۱۲۶۲۶)، وقد أخرجہ: م/الإمارۃ ۵۴ (۱۹۲۶)، ت/الأدب ۷۵ (۲۸۵۸)، حم (۲/۳۳۷) (صحیح)
۲۵۶۹- ابو ہریرہ رضی اللہ عنہ کہتے ہیں کہ رسول اللہ ﷺ نے فرمایا: ''سرسبز علاقوں میں سفر کرو تو اونٹوں کو ان کا حق دو ۱؎ اور جب قحط والی زمین میں سفر کرو تو تیز چلو ۲؎ ، اور جب رات میں پڑاؤ ڈالنے کا ارادہ کرو تو راستے سے ہٹ کر پڑاؤ ڈالو'' ۳؎ ۔
وضاحت ۱؎ : یعنی انہیں کچھ دیر چرنے کے لئے چھوڑ دو۔
وضاحت ۲؎ : تا کہ قحط والی زمین جلدی سے طے کر لو اور سواری کو تکان لاحق ہونے سے پہلے اپنی منزل پر پہنچ جاؤ۔
وضاحت ۳؎ : کیونکہ رات میں راستوں پر زہریلے جانور چلتے ہیں ۔


2570- حَدَّثَنَا عُثْمَانُ بْنُ أَبِي شَيْبَةَ، حَدَّثَنَا يَزِيدُ بْنُ هَارُونَ، أَخْبَرَنَا هِشَامٌ، عَنِ الْحَسَنِ، عَنْ جَابِرِ بْنِ عَبْدِاللَّهِ، عَنِ النَّبِيِّ ﷺ نَحْوَ هَذَا، قَالَ بَعْدَ قَوْلِهِ: < حَقَّهَا >: <وَلا تَعْدُوا الْمَنَازِلَ >۔
* تخريج: ق/الأدب ۴۷ (۳۷۷۲)، ن/الیوم واللیلۃ (۹۵۵) (تحفۃ الأشراف: ۲۲۱۹)، وقد أخرجہ: حم (۳/۳۰۵، ۳۸۱) (صحیح)
۲۵۷۰- جابر بن عبداللہ رضی اللہ عنہما نے بھی نبی اکرم ﷺ سے ایسی ہی روایت کی ہے، مگر اس میں آپ کے قول ''فَأَعْطُوا الإِبِلَ حَقَّهَا '' کے بعد اتنا اضافہ ہے کہ منزلوں کے آگے نہ بڑھو( تا کہ جانور کو تکلیف نہ ہو)۔

 

[محمد نعیم یونس]

64- بَاب فِي الدُّلْجَةِ​

۶۴-باب: رات کے آخری حصہ میں سفر کرنے کا بیان​

2571- حَدَّثَنَا عَمْرُو بْنُ عَلِيٍّ، حَدَّثَنَا خَالِدُ بْنُ يَزِيدَ، حَدَّثَنَا أَبُو جَعْفَرٍ الرَّازِيُّ، عَنِ الرَّبِيعِ ابْنِ أَنَسٍ، عَنْ أَنَسٍ قَالَ: قَالَ رَسُولُ اللَّهِ ﷺ : <عَلَيْكُمْ بِالدُّلْجَةِ فَإِنَّ الأَرْضَ تُطْوَى بِاللَّيْلِ >۔
* تخريج: تفرد بہ أبو داود، (تحفۃ الأشراف: ۸۲۹) (صحیح)
۲۵۷۱- انس رضی اللہ عنہ کہتے ہیں کہ رسول اللہ ﷺ نے فرمایا :''رات کے آخری حصہ میں سفر کرنے کو لازم پکڑو، کیونکہ زمین رات کو لپیٹ دی جاتی ہے'' ۱؎ ۔
وضاحت ۱؎ : یعنی رات میں مسافت زیادہ طے ہوتی ہے ۔

 

[محمد نعیم یونس]

65- بَاب رَبُّ الدَّابَّةِ أَحَقُّ بِصَدْرِهَا​

۶۵-باب: جانور کا مالک اپنی سواری پر آگے بیٹھنے کا زیادہ حقدار ہے​

2572- حَدَّثَنَا أَحْمَدُ بْنُ مُحَمَّدِ بْنِ ثَابِتٍ الْمَرْوَزِيُّ، حَدَّثَنِي عَلِيُّ بْنُ حُسَيْنٍ، حَدَّثَنِي أَبِي، حَدَّثَنِي عَبْدُاللَّهِ بْنُ بُرَيْدَةَ قَالَ: سَمِعْتُ أبي -بُرَيْدَةَ- يَقُولُ: بَيْنَمَا رَسُولُ اللَّهِ ﷺ يَمْشِي جَاءَ رَجُلٌ وَمَعَهُ حِمَارٌ، فَقَالَ: يَا رَسُولَ اللَّهِ ! ارْكَبْ، وَتَأَخَّرَ الرَّجُلُ، فَقَالَ رَسُولُ اللَّهِ ﷺ : < لا، أَنْتَ أَحَقُّ بِصَدْرِ دَابَّتِكَ مِنِّي، إِلا أَنْ تَجْعَلَهُ لِي > قَالَ: فَإِنِّي قَدْ جَعَلْتُهُ لَكَ، فَرَكِبَ۔
* تخريج: ت/الأدب ۲۵ (۲۷۷۳)، (تحفۃ الأشراف: ۱۹۶۱)، وقد أخرجہ: حم (۵/۳۵۳) (حسن صحیح)
۲۵۷۲- بریدہ رضی اللہ عنہ کہتے ہیں: رسول اللہ ﷺ چل رہے تھے کہ اسی دوران ایک آدمی آیا اور اس کے ساتھ ایک گدھا تھا، اس نے کہا: اللہ کے رسول سوار ہو جائیے اور وہ پیچھے سرک گیا، آپ ﷺ نے فرمایا : '' تم اپنی سواری پر آگے بیٹھنے کا مجھ سے زیادہ حق دار ہو، الّا یہ کہ تم مجھے اس اگلے حصہ کا حق دار بنا دو''، اس نے کہا: اللہ کے رسول! میں نے آپ کو اس کا حق دار بنا دیا، پھر رسول اللہ ﷺ اس پر سوار ہوئے۔

 

[محمد نعیم یونس]

66- بَاب فِي الدَّابَّةِ تُعَرْقَبُ فِي الْحَرْبِ​

۶۶-باب: جانور کی کونچ لڑائی میں کاٹ دئے جانے کا بیان​

2573- حَدَّثَنَا عَبْدُاللَّهِ بْنُ مُحَمَّدٍ النُّفَيْلِيُّ، حَدَّثَنَا مُحَمَّدُ بْنُ سَلَمَةَ، عَنْ مُحَمَّدِ بْنِ إِسْحَاقَ، حَدَّثَنِي ابْنُ عَبَّادٍ، عَنْ أَبِيهِ عَبَّادِ بْنِ عَبْدِاللَّهِ بْنِ الزُّبَيْرِ [قَالَ أَبو دَاود: هُوَ يَحْيَى بْن عَبَّادٍ] حَدَّثَنِي أَبِي الَّذِي أَرْضَعَنِي -وَهُوَ أَحَدُ بَنِي مُرَّةَ بْنِ عَوْفٍ- وَكَانَ فِي [تِلْكَ] الْغَزَاةِ -غَزَاةِ مُؤْتَةَ- قَالَ: وَاللَّهِ لَكَأَنِّي أَنْظُرُ إِلَى جَعْفَرٍ حِينَ اقْتَحَمَ عَنْ فَرَسٍ لَهُ شَقْرَاءَ فَعَقَرَهَا، ثُمَّ قَاتَلَ الْقَوْمَ حَتَّى قُتِلَ.
قَالَ أَبو دَاود: هَذَا الْحَدِيثُ لَيْسَ بِالْقَوِيِّ۔
* تخريج: تفرد بہ أبو داود، (تحفۃ الأشراف: ۱۵۶۰۲) (حسن)
۲۵۷۳- عباد بن عبداللہ بن زبیر کہتے ہیں کہ میرے رضاعی والد نے جو بنی مرہ بن عوف میں سے تھے مجھ سے بیان کیا کہ وہ غزوہ موتہ کے غازیوں میں سے تھے، وہ کہتے ہیں: اللہ کی قسم ! گویا کہ میں جعفر بن ابو طالب رضی اللہ عنہ کو دیکھ رہا ہوں جس وقت وہ اپنے سرخ گھوڑے سے کود پڑے اور اس کی کو نچ کاٹ دی ۱؎ ، پھر دشمنوں سے لڑے یہاں تک کہ قتل کر دیئے گئے۔
ابو داود کہتے ہیں: یہ حد یث قوی نہیں ہے ۲؎ ۔
وضاحت ۱ ؎ : کونچ وہ موٹا پٹھا جو آدمی کے ایڑی کے اوپر اور چوپایوں کے ٹخنے کے نیچے ہوتا ہے، گھوڑے کی کونچ اس لئے کاٹ دی گئیں تا کہ دشمن اس گھوڑے کے ذریعہ مسلمانوں پر حملہ نہ کرسکے، نیز اس حدیث سے معلوم ہوا کہ لڑائی میں سامان کے سلسلہ میں یہ اندیشہ ہو کہ دشمن کے ہاتھ میں آکر اس کی تقویت کا سبب بنے گا تو اسے تلف کرڈالنا درست ہے۔
وضاحت۲؎ : شاید مؤلف نے اس بنیاد پر اس حدیث کو غیرقوی قراردیا ہے کہ عباد کے رضاعی باپ مبہم ہیں، لیکن یہ صحابی بھی ہو سکتے ہیں، اور یہی ظاہر ہے، اسی بنا پر البانی نے اس کو حسن قراردیا ہے، (حسن اس لئے کہ ''ابن اسحاق'' درجہ حسن کے راوی ہیں)

 

[محمد نعیم یونس]

67- بَاب فِي السَّبَقِ​

۶۷-باب: گھوڑ دوڑ کا بیان​

2574- حَدَّثَنَا أَحْمَدُ بْنُ يُونُسَ، حَدَّثَنَا ابْنُ أَبِي ذِئْبٍ، عَنْ نَافِعِ بْنِ أَبِي نَافِعٍ، عَنْ أَبِي هُرَيْرَةَ قَالَ: قَالَ رَسُولُ اللَّهِ ﷺ : <لا سَبَقَ إِلا فِي خُفٍّ أَوْ [فِي] حَافِرٍ أَوْ نَصْلٍ>۔
* تخريج: ت/الجھاد ۲۲ (۱۷۰۰)، ن/ الخیل ۱۳(۳۶۱۵) (تحفۃ الأشراف: ۱۴۶۳
۸)، وقد أخرجہ: حم (۲/۴۷۴) (صحیح)
۲۵۷۴- ابو ہریرہ رضی اللہ عنہ کہتے ہیں کہ رسول اللہ ﷺ نے فرمایا: '' مقابلہ میں بازی رکھنا جائز نہیں ۱؎ سوائے اونٹ یا گھوڑے کی دوڑ میں یا تیر چلانے میں''۔
وضاحت ۱؎ : حدیث میں سبق کا لفظ آیا ہے سبق اس پیسہ کو کہتے ہیں، جو گھوڑدوڑ وغیرہ میں شرط کے طور پر رکھا جاتا ہے، لیکن یہ رقم خود گھوڑ دوڑ میں شرکت کرنے والوں کی طرف سے جیتنے والے کے لئے نہ ہو، بلکہ کسی تیسرے فریق کی طرف سے ہو، اگر خود گھوڑوں کی ریس (دوڑ) میں شرکت کرنے والوں کی جانب سے ہو گا تو یہ مقابلہ جُوا میں داخل ہو جائے گا۔


2575- حَدَّثَنَا عَبْدُاللَّهِ بْنُ مَسْلَمَةَ الْقَعْنَبِيُّ، عَنْ مَالِكٍ، عَنْ نَافِعٍ، عَنْ عَبْدِاللَّهِ بْنِ عُمَرَ أَنَّ رَسُولَ اللَّهِ ﷺ سَابَقَ بَيْنَ الْخَيْلِ الَّتِي قَدْ ضُمِّرَتْ مِنَ الْحَفْيَاءِ، وَكَانَ أَمَدُهَا ثَنِيَّةَ الْوَدَاعِ، وَسَابَقَ بَيْنَ الْخَيْلِ الَّتِي لَمْ تُضَمَّرْ مِنَ الثَّنِيَّةِ إِلَى مَسْجِدِ بَنِي زُرَيْقٍ، وَإِنَّ عَبْدَ اللَّهِ [كَانَ] مِمَّنْ سَابَقَ بِهَا۔
* تخريج: خ/الصلاۃ ۴۱ (۴۲۰)، والجھاد ۵۶ (۲۸۶۸)، ۵۷ (۲۸۶۹)، ۵۸ (۲۸۷۰) والاعتصام ۱۶ (۷۳۳۶)، م/الإمارۃ ۲۵ (۱۸۷۰)، ن/الخیل ۱۲ (۳۶۱۴)، (تحفۃ الأشراف: ۸۳۴۰)، وقد أخرجہ: ت/الجھاد ۲۲ (۱۶۹۹)، ق/الجھاد ۴۴ (۲۸۷۷)، ط/الجھاد ۱۹ (۴۵)، حم (۲/۵، ۵۵، ۵۶)، دي/الجھاد ۳۶ (۲۴۷۳) (صحیح)
۲۵۷۵- عبداللہ بن عمر رضی اللہ عنہما سے روایت ہے کہ رسول اللہ ﷺ نے پھرتیلے چھریرے بدن والے گھوڑوں کے درمیان ۱؎ حفیاء سے ثنیۃ الوداع تک مقابلہ کرایا، اور غیر چھریرے بدن والے گھوڑوں، کے درمیان ثنیۃ الوداع سے مسجد بنی زریق تک مقابلہ کرایا اور عبداللہ بن عمر رضی اللہ عنہما بھی مقابلہ کرنے والوں میں سے تھے۔
وضاحت ۱؎ : گھوڑوں کے بدن کو چھریرا بنانے کے عمل کو تضمیر کہتے ہیں، اس کا طریقہ یہ ہے کہ انہیں خوب کھلا پلا کر موٹا اور تندرست کیا جائے، پھر آہستہ آہستہ ان کی خوراک کم کردی جائے یہاں تک کہ وہ اپنی اصل خوراک پر آجائیں، پھر ایک مکان میں بند کرکے ان پر گردنی ڈال دی جائے تا کہ انہیں گرمی اور پسینہ آجائے جب پسینہ خشک ہوجاتا ہے تو وہ سبک، طاقتور اور تیز رو ہوجاتے ہیں ۔


2576- حَدَّثَنَا مُسَدَّدٌ، حَدَّثَنَا مُعْتَمِرٌ، عَنْ عُبَيْدِاللَّهِ، عَنْ نَافِعٍ، عَنِ ابْنِ عُمَرَ أَنَّ نَبِيَّ اللَّهِ ﷺ كَانَ يُضَمِّرُ الْخَيْلَ يُسَابِقُ بِهَا۔
* تخريج: تفرد بہ أبو داود، (تحفۃ الأشراف: ۸۱۲۰)، وقد أخرجہ: حم (۲/۸۶) (صحیح)
۲۵۷۶- عبداللہ بن عمر رضی اللہ عنہما سے روایت ہے کہ اللہ کے نبی اکرم ﷺ گھوڑ دوڑ کے لئے گھوڑوں(کو چھریرا ) پھرتیلا بناتے تھے۔


2577- حَدَّثَنَا أَحْمَدُ بْنُ حَنْبَلٍ، حَدَّثَنَا عُقْبَةُ بْنُ خَالِدٍ، عَنْ عُبَيْدِاللَّهِ، عَنْ نَافِعٍ، عَنِ ابْنِ عُمَرَ أَنَّ النَّبِيَّ ﷺ سَبَّقَ بَيْنَ الْخَيْلِ، وَفَضَّلَ الْقُرَّحَ فِي الْغَايَةِ۔
* تخريج: تفرد بہ أبو داود، (تحفۃ الأشراف: ۸۰۶۴)، وقد أخرجہ: حم (۲/۶۱، ۹۱، ۱۵۷) (صحیح)
۲۵۷۷- عبداللہ بن عمر رضی اللہ عنہما سے روایت ہے کہ رسول اللہ ﷺ نے گھوڑ دوڑ کا مقابلہ کرایا اور پانچویں برس میں داخل ہونے والے گھوڑوں کی منزل دور مقرر کی۔

 

[محمد نعیم یونس]

68- بَاب فِي السَّبَقِ عَلَى الرِّجْلِ​

۶۸-باب: پیدل دوڑ کے مقابلے کا بیان​

2578- حَدَّثَنَا أَبُو صَالِحٍ الأَنْطَاكِيُّ مَحْبُوبُ بْنُ مُوسَى، أَخْبَرَنَا أَبُو إِسْحَاقَ -يَعْنِي الْفَزَارِيَّ- عَنْ هِشَامِ بْنِ عُرْوَةَ، عَنْ أَبِيهِ وَعَنْ أَبِي سَلَمَةَ، عَنْ عَائِشَةَ رَضِي اللَّه عَنْهَا أَنَّهَا كَانَتْ مَعَ النَّبِيِّ ﷺ فِي سَفَرٍ [قَالَتْ]: فَسَابَقْتُهُ فَسَبَقْتُهُ عَلَى رِجْلَيَّ، فَلَمَّا حَمَلْتُ اللَّحْمَ سَابَقْتُهُ فَسَبَقَنِي، فَقَالَ: < هَذِهِ بِتِلْكَ السَّبْقَةِ >.
* تخريج: تفرد بہ أبو داود، (تحفۃ الأشراف: ۱۷۷۳۶)، وقد أخرجہ: ق/النکاح ۵۰ (۱۹۷۹)، حم (۶/۱۲۹، ۲۸۰) (صحیح)
۲۵۷۸- ام المومنین عائشہ رضی اللہ عنہ سے روایت ہے کہ وہ نبی اکرم ﷺ کے ساتھ ایک سفر میں تھیں، کہتی ہیں کہ میں نے آپ ﷺ سے دوڑ کا مقابلہ کیا تو میں جیت گئی، پھر جب میرا بدن بھاری ہو گیا تو میں نے آپ سے (دوبارہ) مقابلہ کیا تو آپ جیت گئے، اس پر آپ ﷺ نے فرمایا:'' یہ جیت اس جیت کے بدلے ہے''۔

 

[محمد نعیم یونس]

69- بَاب فِي الْمُحَلِّلِ​

۶۹-باب: گھوڑ دوڑ میں محلِّل کی شرکت کا بیان​

2579- حَدَّثَنَا مُسَدَّدٌ، حَدَّثَنَا حُصَيْنُ بْنُ نُمَيْرٍ، حَدَّثَنَا سُفْيَانُ بْنُ حُسَيْنٍ، (ح) وَحَدَّثَنَا عَلِيُّ ابْنُ مُسْلِمٍ، حَدَّثَنَا عَبَّادُ بْنُ الْعَوَّامِ، أَخْبَرَنَا سُفْيَانُ بْنُ حُسَيْنٍ، الْمَعْنَى، عَنِ الزُّهْرِيِّ، عَنْ سَعِيدِ ابْنِ الْمُسَيِبِ، عَنْ أَبِي هُرَيْرَةَ، عَنِ النَّبِيِّ ﷺ قَالَ: < مَنْ أَدْخَلَ فَرَسًا بَيْنَ فَرَسَيْنِ -يَعْنِي وَهُوَ لايُؤْمَنُ أَنْ يَسْبِقَ- فَلَيْسَ بِقِمَارٍ، وَمَنْ أَدْخَلَ فَرَسًا بَيْنَ فَرَسَيْنِ وَقَدْ أُمِنَ أَنْ يَسْبِقَ فَهُوَ قِمَارٌ >۔
* تخريج: ق/الجھاد ۴۴ (۲۸۷۶)، (تحفۃ الأشراف: ۱۳۲۱)، وقد أخرجہ: حم (۲/۵۰۵) (ضعیف)
(''سفیان بن حسین '' زہری سے روایت میں ضعیف ہیں یہی وجہ ہے کہ انہوں نے اِسے متصل بنا دیا ہے جبکہ زہری کے ثقہ تلامذہ نے اس کو مرسلا روایت کیا ہے، جیسا کہ مؤلف نے بیان کیا ہے)
۲۵۷۹- ابو ہریرہ رضی اللہ عنہ سے روایت ہے کہ نبی اکرم ﷺ نے فرمایا: '' جو شخص دو گھوڑوں کے درمیان ایک گھوڑا داخل کر دے اور گھوڑا ایسا ہو کہ اس کے آگے بڑھ جانے کا یقین نہ ہو تو وہ جوا نہیں، اور جو شخص ایک گھوڑے کو دو گھوڑوں کے درمیان داخل کرے اور وہ اس کے آگے بڑھ جانے کا یقین رکھتا ہو تو وہ جوا ہے ''۔


2580- حَدَّثَنَا مَحْمُودُ بْنُ خَالِدٍ، حَدَّثَنَا الْوَلِيدُ بْنُ مُسْلِمٍ، عَنْ سَعِيدِ بْنِ بَشِيرٍ، عَنِ الزُّهْرِيِّ، بِإِسْنَادِ عبَّادٍ وَمَعْنَاهُ.
[قَالَ أَبو دَاود: رَوَاهُ مَعْمَرٌ وَشُعَيْبٌ وَعَقِيلٌ، عَنِ الزُّهْرِيِّ، عَنْ رِجَالٍ مِنْ أَهْلِ الْعَلْمِ، وَهَذَا أَصَحُّ عِنْدَنَا]۔
* تخريج: تفرد بہ أبو داود، (تحفۃ الأشراف: ۱۳۱۱۸) (ضعیف)
۲۵۸۰- اس سند سے بھی زہری سے عباد والے طریق ہی سے اسی مفہوم کی حدیث مروی ہے ۔
ابو داود کہتے ہیں: اسے معمر، شعیب اور عقیل نے زہری سے اور زہری نے اہل علم کی ایک جماعت سے روایت کیا ہے اور یہ ہمارے نزدیک زیا دہ صحیح ہے۔

 

[محمد نعیم یونس]

70- بَاب فِي الْجَلَبِ عَلَى الْخَيْلِ فِي السِّبَاقِ​

۷۰-باب: گھوڑ دوڑ میں کسی کو اپنے گھوڑے کے پیچھے رکھنے کا بیان​

2581- حَدَّثَنَا يَحْيَى بْنُ خَلَفٍ، حَدَّثَنَا عَبْدُالْوَهَّابِ بْنُ عَبْدِالْمَجِيدِ، حَدَّثَنَا عَنْبَسَةُ (ح) وَحَدَّثَنَا مُسَدَّدٌ، حَدَّثَنَا بِشْرُ بْنُ الْمُفَضَّلِ، عَنْ حُمَيْدٍ الطَّوِيلِ، جَمِيعًا عَنِ الْحَسَنِ، عَنْ عِمْرَانَ ابْنِ حُصَيْنٍ، عَنِ النَّبِيِّ ﷺ قَالَ: < لا جَلَبَ وَلا جَنَبَ > زَادَ يَحْيَى فِي حَدِيثِهِ: < فِي الرِّهَانِ >۔
* تخريج: حدیث یحیی بن خلف، قد تفرد بہ أبو داود، (تحفۃ الأشراف: ۱۰۸۰۰) وحدیث مسدد، قد أخرجہ: ت/النکاح ۲۹ (۱۱۲۳)، ن/النکاح ۶۰ (۳۳۳۷)، الخیل ۱۵ (۳۶۲۰)، ق/الفتن ۳ (۳۹۳۷)، مقتصراً علی قولہ: من انتھب، (تحفۃ الأشراف: ۱۰۷۹۳)، حم (۴/۴۳۸، ۴۳۹، ۴۴۳، ۴۴۵) (صحیح)
۲۵۸۱- عمران بن حصین رضی اللہ عنہ سے روایت ہے کہ نبی اکرم ﷺ نے فرمایا: '' جلب اور جنب نہیں ہے''۔
یحییٰ نے اپنی حدیث میں ''فِي الرِّهَانِ '' ( گھوڑ دوڑ کے مقابلہ میں) کا اضافہ کیا ہے۔


2582- حَدَّثَنَا ابْنُ الْمُثَنَّى، حَدَّثَنَا عَبْدُالأَعْلَى، عَنْ سَعِيدٍ، عَنْ قَتَادَةَ قَالَ: الْجَلَبُ وَالْجَنَبُ فِي الرِّهَانِ۔
* تخريج: تفرد بہ أبو داود، (تحفۃ الأشراف: ۱۹۲۱۷) (صحیح)
۲۵۸۲- قتادہ رضی اللہ عنہ سے روایت ہے، انہوں نے کہا :جلب اور جنب ۱؎ گھوڑ دوڑ کے مقابلہ میں ہوتا ہے۔
وضاحت ۱؎ : گھوڑ دوڑ میں جلب یہ ہے کہ کسی کو اپنے گھوڑے کے پیچھے لگا لے کہ وہ گھوڑے کو ڈانٹتا رہے، تا کہ وہ آگے بڑھ جائے، اور جنب یہ ہے کہ اپنے گھوڑے کے پہلو میں ایک اور گھوڑا رکھے کہ جب سواری کا گھوڑا تھک جائے تو اس گھوڑے پر سوار ہو جائے، اور زکاۃ میں جلب یہ ہے کہ زکاۃ لینے والا دور اترے اور زکاۃ دینے والے سے کہے کہ وہ اپنے مویشی میرے پاس لے آئیں، اور جنب یہ ہے کہ دینے والے اپنی اصل جگہ سے مویشیوں کو دور لے کر چلے جائیں اور محصل سے یہ کہیں کہ وہ یہاں آکر زکاۃ لے، یہ دونوں چیزیں منع ہیں۔

 

[محمد نعیم یونس]

71- بَاب فِي السَّيْفِ يُحَلَّى​

۷۱-باب: تلوار پر چاندی کا خول چڑھانے کا بیان​

2583- حَدَّثَنَا مُسْلِمُ بْنُ إِبْرَاهِيمَ، حَدَّثَنَا جَرِيرُ بْنُ حَازِمٍ، حَدَّثَنَا قَتَادَةُ، عَنْ أَنَسٍ قَالَ: كَانَتْ قَبِيعَةُ سَيْفِ رَسُولِ اللَّهِ ﷺ فِضَّةً۔
* تخريج: ت/الجھاد ۱۶ (۱۶۹۱)، والشمائل ۱۳ (۹۹)، ن/الزینۃ ۶۶ (۵۳۷۶)، (تحفۃ الأشراف: ۱۱۴۸، ۱۸۶۸۸)، وقد أخرجہ: دي/السیر ۲۱ (۲۵۰۱) (صحیح)
۲۵۸۳- انس رضی اللہ عنہ کہتے ہیں کہ رسول اللہ ﷺ کی تلوار کے قبضہ کی خول چاندی کی تھی ۔


2584- حَدَّثَنَا مُحَمَّدُ بْنُ الْمُثَنَّى، حَدَّثَنَا مُعَاذُ بْنُ هِشَامٍ، حَدَّثَنِي أَبِي، عَنْ قَتَادَةَ، عَنْ سَعِيدِ بْنِ أَبِي الْحَسَنِ قَالَ: كَانَتْ قَبِيعَةُ سَيْفِ رَسُولِ اللَّهِ ﷺ فِضَّةً.
قَالَ قَتَادَةُ: وَمَا عَلِمْتُ أَحَدًا تَابَعَهُ عَلَى ذَلِكَ۔
* تخريج: تفرد بہ أبو داود، (تحفۃ الأشراف: ۱۱۴۶، ۱۸۶۸۸) (صحیح)
( پچھلی روایت سے تقویت پا کر یہ روایت بھی صحیح ہے ورنہ خود یہ روایت مرسل ہے)
۲۵۸۴- (حسن بصری کے بھائی )سعید بن ابو الحسن کہتے ہیں کہ رسول اللہ ﷺ کی تلوار کے دستہ کی خول چاندی کی تھی۔
قتادہ کہتے ہیں ۱؎ : میں نہیں جانتا کہ اس پر ان کی متابعت کسی اور شخص نے کی ہے ۔
وضاحت ۱؎ : بعض لوگ کہتے ہیں کہ یہاں عبارت میں غلطی ہے ''قال قتادة'' کے بجائے عبارت اس طرح ہونی ہوئے،''هكذا قال قتادة'' قتادہ نے اسی طرح کہا ہے یعنی جریر بن حازم والی حدیث میں اسے متصل کیا ہے اور ہشام دستوائی والی روایت میں مرسل اور آگے کی عبارت ''وما علمت أحدًا تابعه'' ابوداود کا قول ہے، اس میں ''تابعه'' میں ہ کی ضمیر جریر بن حازم کی طرف لوٹتی ہے اس عبارت کے ذریعہ امام ابوداود یہ کہنا چاہتے ہیں کہ قتادہ کے شاگردوں میں سے کسی نے بھی اسے متصل روایت کرنے میں جریر بن حازم کی متابعت نہیں کی ہے، گویا جریر بن حازم اسے متصل روایت کرنے میں منفرد ہیں، اور اس کا مرسل ہونا ہی صحیح ہے جیسا کہ ہشام دستوائی نے روایت کی ہے، لیکن امام ابن القیم رحمہ اللہ کہتے ہیں : ہمام نے جریر کی متابعت کی ہے (یہ متابعت نسائی کے یہاں موجود ہے) اور جب ہمام اورجریر مل جائیں تو ہشام سے کم نہیں ہیں بلکہ زیادہ ہی ہیں اسلئے جریرکی حدیث محفوظ ہے، تہذیب سنن)


2585- حَدَّثَنَا مُحَمَّدُ بْنُ بَشَّارٍ، حَدَّثَنِي يَحْيَى بْنُ كَثِيرٍ أَبُو غَسَّانَ الْعَنْبَرِيُّ، عَنْ عُثْمَانَ بْنِ سَعْدٍ، عَنْ أَنَسِ بْنِ مَالِكٍ، قَالَ: كَانَتْ فَذَكَرَ مِثْلَهُ.
[قَالَ أَبو دَاود: أَقْوَى هَذِهِ الأَحَادِيثِ حَدِيثُ سَعِيدِ بْنِ أَبِي الْحَسَنِ، وَالْبَاقِيَةُ ضِعَافٌ]۔
* تخريج: تفرد بہ أبو داود، (تحفۃ الأشراف: ۱۰۸۸) (صحیح) بما قبلہ
۲۵۸۵- اس سند سے انس بن مالک رضی اللہ عنہ سے سابقہ حدیث مروی ہے۔
ابو داود کہتے ہیں: ان احا دیث میں سب سے زیادہ قوی سعید بن ابو الحسن کی حدیث ہے اور باقی ضعیف ہیں۔

 

[محمد نعیم یونس]

72- بَاب فِي النَّبْلِ يَدْخُلُ بِهِ الْمَسْجِدَ​

۷۲-باب: تیر لے کر مسجد میں جانے کا بیان​

2586- حَدَّثَنَا قُتَيْبَةُ بْنُ سَعِيدٍ، حَدَّثَنَا اللَّيْثُ، عَنْ أَبِي الزُّبَيْرِ، عَنْ جَابِرٍ، عَنْ رَسُولِ اللَّهِ ﷺ أَنَّهُ أَمَرَ رَجُلا كَانَ يَتَصَدَّقُ بِالنَّبْلِ فِي الْمَسْجِدِ أَنْ لا يَمُرَّ بِهَا إِلا وَهُوَ آخِذٌ بِنُصُولِهَا۔
* تخريج: م/البر ۳۴ (۲۶۱۴)، (تحفۃ الأشراف: ۲۹۱۹)، وقد أخرجہ: خ/الصلاۃ ۶۶ (۴۵۱)، والفتن ۷ (۷۰۷۳)، ن/المساجد ۲۶ (۷۱۷)، ق/الأدب ۵۱ (۳۷۷۷)، حم (۳/۳۰۸، ۳۵۰) (صحیح)
۲۵۸۶- جابر رضی اللہ عنہ سے روایت ہے کہ رسول اللہ ﷺ نے ایک شخص کو حکم دیا جو مسجد میں تیر بانٹ رہا تھا کہ جب وہ ان تیروں کو لے کر نکلے تو ان کی پیکان پکڑ ے ہو۔


2587- حَدَّثَنَا مُحَمَّدُ بْنُ الْعَلاءِ، حَدَّثَنَا أَبُو أُسَامَةَ، عَنْ بُرَيْدٍ، عَنْ أَبِي بُرْدَةَ، عَنْ أَبِي مُوسَى عَنِ النَّبِيِّ ﷺ قَالَ: < إِذَا مَرَّ أَحَدُكُمْ فِي مَسْجِدِنَا، أَوْ فِي سُوقِنَا، وَمَعَهُ نَبْلٌ، فَلْيُمْسِكْ عَلَى نِصَالِهَا >، أَوْ قَالَ: < فَلْيَقْبِضْ كَفَّهُ >، أَوْ قَالَ: < فَلْيَقْبِضْ بِكَفِّهِ أَنْ تُصِيبَ أَحَدًا مِنَ الْمُسْلِمِينَ >۔
* تخريج: خ/الصلاۃ ۶۷ (۴۵۲)، والفتن ۶ (۷۰۷۵)، م/البر (۲۶۱۵)، ق/الأدب ۵۱ (۳۷۷۸)، (تحفۃ الأشراف: ۹۰۳۹)، وقد أخرجہ: حم (۴/۳۹۱، ۳۹۲، ۳۹۷، ۴۱۰، ۴۱۳) (صحیح)
۲۵۸۷- ابو موسی اشعری رضی اللہ عنہ کہتے ہیں کہ رسول اللہ ﷺ نے فرمایا: '' جب کوئی شخص ہماری مسجد یا ہمارے بازار سے گزرے اور اس کے پاس تیر ہو تو اس کی نوک کو پکڑ لے''، یا فرمایا: ''مٹھی میں دبائے رہے''، یا یوں کہا کہ: ''اسے اپنی مٹھی سے دبائے رہے کہ کہیں ایسا نہ ہو کہ مسلمانوں میں سے کسی کو لگ جائے''۔