سچی مسکراہٹیں

[خنساء]

بسم اللہ الرحمٰن الرحیم​

السلام علیکم ورحمۃ اللہ وبرکاتہ​

جی ہاں سچی مسکراہٹیں:):) اس تھریڈ میں ہم شیئر کریں گے صرف ایسی سچی باتیں جن سے ہمیں ہنسی آ جائے بہت سی ایسی باتیں ہوتیں ہیں۔ اکثر لوگ جھوٹے لطیفے سنا کر اتنا ہنستے ہیں ان باتوں پر ہنسنے کا کیا فائدہ جو کبھی کسی نے کی ہی نہ ہو۔ لوگوں کو ہنسانے کے لیے جھوٹ بولنے پر گناہ بھی ملتا ہے۔ہنسنے کا مزا تو ان باتوں پر آتا ہے جو کسی نے کہیں بھی ہوں۔​

 

[اخت ولید]

وعلیک السلام ورحمۃ اللہ وبرکاتہ
خنساء!دن میں اتنی مسکراہٹیں "بنتی" ہیں مگر انہیں بیان کرتے ہوئے ہنسی نہیں آتی۔۔جبکہ موقع پر موجودافراد ہنسی قابو نہیں رکھ سکتے:)
بہرحال ایک مسکراہٹ ڈھوڈنڈ کر لائی ہوں
چھوٹی آپی کے بازو میں سخت درد تھا ۔جس نے جو بتایا،وہی لگایا مگر درد وہیں کا وہیں۔۔اب تو وہ ہائے ہائے کر رہی تھیں۔۔سمجھ سے بالا تر تھا کہ کیا کیا جائے؟اسی اثنا میں چھوٹی بہن انتہائی سنجیدگی سے گویا ہوئی"امی جی! آپی کو صبح ہی ڈاکٹر کے پاس لے کر جائیں۔۔ان کا تو جینا حرام ہو"یہ سنتے ہی بشمول آپی ہم سب کی ہنسی جھوٹ گئی۔۔بے چاری جینے کو حلال،حرام کروانے میں سخت مشکل کا شکار تھی اور ہمارے ہاتھ اک نیا نمونہ!!:)

 

[اخت ولید]

ہم نئے شہر،نئے گھر میں منتقل ہونے کو تھے۔۔ولید بھائی گھر دیکھ آئے تھےلہذا ہم کرید کرید کر پوچھ رہے تھے!!ہمارے سوالات کو نپٹاتے ہوئے بھیا اپنے کام بھی نپٹا رہے تھے۔
"گھر کس علاقے میں ہے؟"
"۔۔۔۔سے کتنا دور ہے؟"
"ارد گرد رہائشیں ہیں؟"
"چھت کی چار دیواری اونچی ہے؟"
"کمرے کتنے ہیں؟"
"کھلے کھلے ہیں؟"
"کتنے مرلے کا گھر ہے؟"امی نے پوچھا تو بھیا کا فون آ گیا۔
"مکان کتنے مرلے کا ہے؟"فون بند ہونے پر امی نے پھر پوچھا۔
بھیا نجانے کن خیالوں میں تھے،بولے"مرزا عمران۔۔۔۔۔۔؟؟سات کنال کا"):

 

[خنساء]

یحیٰیبھائی عمان گئے سوچا کچھ پی لیتے ہیں جہاز نے کافی دیر یہاں پر رکنا ہے ۔پر بھوک تو لگ نہیں رہی تھی جو کھانا کھاتے۔ سوچا برگر کھا لیتے ہیں جب قیمت دیکھی تو پریشان ہو گئے توبہ اتنی مہنگائی پاکستان کی یاد آنے لگ گئی وہاں تو سو کا مل جاتا یہاں تو توبہ توبہ 1000ریال کا۔وہ تھا صرف ایک ریال کا لیکن وہ اسے الٹا پڑھ گئے قیمت کچھ یوں لکھی تھی0001

 

[مشکٰوۃ]

میری ایک عزیزہ بتاتی ہیں کہ
"میرے امی کے چھوٹے دادا جان فجر کی نماز کے لئے مسجد جاتے تو راستے میں میراثیوں کے گھر آتے تھے روزانہ ایک گھر سے آواز آرہی ہوتی تھی" وے اٹھ جا تیرا جنازہ پڑھاں، وے تیرا کفن بناواں" اس طرح کے کلمات سننے کو ملتے کافی دن تو صبر کرتے رہے ایک دن انہیں غصہ آ گیا کہ روزصبح صبح ہی یہ کیا مسئلہ ہوتا ہے۔ نانا جان نے گھر کے پاس جا کر کہا:
" پین اینے دن ھو گئے نے،تے تو کفن ہی تیار نئیں کر سکیں، لا میں تیار کرا دےواں" اس کہ بعد اس گھر سے کبھی ایسی کوئی آواز نہیں آئی"۔

 

[مشکٰوۃ]

السلام علیکم ورحمۃ اللہ وبرکاتہ

وعلیکم السلام ورحمۃ اللہ وبرکاتہ

۔بے چاری جینے کو حلال،حرام کروانے میں سخت مشکل کا شکار تھی اور ہمارے ہاتھ اک نیا نمونہ!!:)

ارے بہن !جس کو یہ بات بتار ہی ہیں وہ خود اس مخمصے کا شکار ہے کہ لوگ جینا ،حلال کرتے ہیں کہ حرام۔ ابھی بھی پیچھے بیٹھی کہہ رہی ہے" حلال ہوتا ہے"
ایک دن پتہ نہیں کیا شوق چڑھا سیڑھیوں پر چڑھ چڑھ کر چھلانگیں لگا رہی تھی ساتھ ہی مجھے او ر وردۃ کو بلا لیا تھوڑی دیر بعد کہنے لگی "چلو پیچھے ہٹو کیا آپ لوگوں نے میرا جینا حلال کیا ہوا ہے"۔ہماری ہنسی چھوٹ گئی تو معصومیت سے پوچھنے لگی " آپی یہ جینا حلال ہوتا ہے کہ حرام"

 

[اخت ولید]

ارے بہن !جس کو یہ بات بتار ہی ہیں وہ خود اس مخمصے کا شکار ہے کہ لوگ جینا ،حلال کرتے ہیں کہ حرام۔ ابھی بھی پیچھے بیٹھی کہہ رہی ہے" حلال ہوتا ہے"

ہہہہ۔۔مشتبہات سے بچنا افضل ہے:)

 

[مشکٰوۃ]

اعلٰی کوالٹی​

قریبی ننھیالی رشتہ داروں میں ایک صاحب بڑی عجلت میں سرف ایکسل کے پیکٹ اٹھائے ،جاتے دکھائی دیئے۔۔۔
چھوٹی خالہ نے دیکھا تو حیرت سے پوچھا "خالد سرف ایکسل کا کیا کرنا ہے ؟؟"
"باجی آپ کو نہیں پتہ گلاب جامنوں میں سرف ڈلتا ہے تو میں نے سوچا ذرا اعلٰی کوالٹی کا سرف ڈال دوں۔۔":)

 

[محمد نعیم یونس]

کچھ دن قبل بائیک پر اپنی بیٹی کے ہمراہ ،اس کو"چڑی چھکا" دلانے جارہا تھا تو ایک دم شدید بارش کی وجہ سے مجبورا قریبی"اے ٹی ایم مشین" والے کیبن میں پناہ لینی پڑی۔ کافی دیر اندر کھڑے رہے بارش رکنے کا نام نہیں لے رہی تھی۔ہم اندر محصور ہو کر رہ گئے۔اس پر مجھے تین مسافر اور غار والا قصہ یاد آگیا۔ اس قصہ کا ذکر میں نے مختصرا بیٹی سے کیا اور کہا کہ اپنی کی ہوئی کوئی نیکی یاد کرو، شائد بارش رک جائے۔
کچھ دیر بعدمیں نے بیٹی سے پوچھا کوئی نیکی یاد آئی؟ تو بڑی معصومیت سے جواب ملا:" نہیں ابو میں تو نیکیاں کر کر کے دریا میں ڈالتی رہی ہوں کوئی یاد نہیں آرہی۔"

 

[اخت ولید]

چڑی چھکا کہ چھڑی چھکا؟