صحیح مسلم

[ساجد تاج]

بَابٌ : تَخْفِيْفُ الصَّلاَةِ وَالْخُطْبَةِ

نماز اور خطبہ میں تخفیف کرنا


(419) عَنْ جَابِرِ بْنِ سَمُرَةَ رَضِيَ اللَّهُ عَنْهُ قَالَ كُنْتُ أُصَلِّي مَعَ رَسُولِ اللَّهِ صلی اللہ علیہ وسلم فَكَانَتْ صَلاَتُهُ قَصْدًا وَ خُطْبَتُهُ قَصْدًا

سیدنا جابر بن سمرہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کے ساتھ نماز یں پڑھی ہیں۔ آپ صلی اللہ علیہ وسلم کی نماز اور خطبہ (دونوں) درمیانے ہوتے تھے۔ (یعنی نہ بہت لمبا نہ چھوٹا)۔

 

[ساجد تاج]

بَابٌ : إِذَا دَخَلَ وَالإِمَامُ يَخْطُبُ يَوْمَ الْجُمُعَةِ يَرْكَعُ

جب کوئی آدمی جمعہ کے دن اس حال میں مسجد میں داخل ہو کہ امام خطبہ دے رہا ہو تو وہ دو رکعت پڑھے


(420) عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا قَالَ جَائَ سُلَيْكٌ الْغَطْفَانِيُّ يَوْمَ الْجُمُعَةِ وَ رَسُولُ اللَّهِ صلی اللہ علیہ وسلم قَاعِدٌ عَلَى الْمِنْبَرِ فَقَعَدَ سُلَيْكٌ قَبْلَ أَنْ يُصَلِّيَ فَقَالَ لَهُ النَّبِيُّ صلی اللہ علیہ وسلم أَ رَكَعْتَ رَكْعَتَيْنِ ؟ قَالَ لاَ قَالَ قُمْ فَارْكَعْهُمَا

سیدنا جابر بن عبداللہ رضی اللہ عنھما کہتے ہیں کہ سلیک غطفانی جمعہ کے دن آئے اور رسول اللہ صلی اللہ علیہ وسلم منبر پر بیٹھے تھے اور سلیک رضی اللہ عنہ بغیر نماز پڑھے بیٹھ گئے۔ آپ صلی اللہ علیہ وسلم نے فرمایا:’’ تم نے دو رکعت پڑھی؟‘‘ انہوں نے کہا کہ نہیں ،تو آپ صلی اللہ علیہ وسلم نے فرمایا:’’ اٹھو اور ان کو پڑھ لو۔ ‘‘

 

[ساجد تاج]

بَابٌ : فِيْ الإِنْصَاتِ لِلْخُطْبَةِ

خطبہ کے لیے دوسروں کو چپ کرانا


(421) عَنْ أَبِيْ هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صلی اللہ علیہ وسلم قَالَ إِذَا قُلْتَ لِصَاحِبِكَ أَنْصِتْ يَوْمَ الْجُمُعَةِ وَالإِمَامُ يَخْطُبُ فَقَدْ لَغَوْتَ

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:’’ جب تو جمعہ کے دن اپنے ساتھی کو کہے کہ ’’چپ رہ‘‘ اور (اس وقت) امام خطبہ دے رہا ہو، تو تو نے لغو بات کی۔ ‘‘

 

[ساجد تاج]

بَابٌ : فَضْلُ مَنِ اسْتَمَعَ وَ أَنْصَتَ فِي الْجُمُعَةِ

کان لگا کر خاموشی سے خطبہ سننے کی فضیلت


(422) عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صلی اللہ علیہ وسلم قَالَ مَنِ اغْتَسَلَ ثُمَّ أَتَى الْجُمُعَةَ فَصَلَّى مَا قُدِّرَ لَهُ ثُمَّ أَنْصَتَ حَتَّى يَفْرُغَ مِنْ خُطْبَتِهِ ثُمَّ يُصَلِّي مَعَهُ غُفِرَ لَهُ مَا بَيْنَهُ وَ بَيْنَ الْجُمُعَةِ الأُخْرَى وَ فَضْلُ ثَلاَثَةِ أَيَّامٍ

سیدنا ابوہریرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا:’’ جس نے غسل کیا اور جمعہ میں آیااور جتنی مقدر میں تھی نماز پڑھی، پھر خطبہ سے فارغ ہونے تک خاموش رہا، پھر امام کے ساتھ نماز پڑھی تو اس کے اس جمعہ سے گزشتہ جمعہ تک اور تین دن کے اور زیادہ گناہ معاف کر دیے جاتے ہیں۔ ‘‘

 

[ساجد تاج]

بَابٌ : الصَّلاَةُ بَعْدَ الْجُمُعَةِ فِيْ الْمَسْجِدِ

جمعہ کے بعد مسجد میں نماز پڑھنے کا بیان


(423) عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم إِذَا صَلَّيْتُمْ بَعْدَ الْجُمُعَةِ فَصَلُّوا أَرْبَعًا وَ فِي رِوَايَةٍ قَالَ سُهَيْلٌ فَإِنْ عَجِلَ بِكَ شَيْئٌ فَصَلِّ رَكْعَتَيْنِ فِي الْمَسْجِدِ وَ رَكْعَتَيْنِ إِذَا رَجَعْتَ

سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: جب تم جمعہ پڑھ چکو تو چار رکعت پڑھ لو۔‘‘ ایک دوسری روایت میں یہ ہے :’’اگر تمہیں کچھ جلدی ہو تو دو رکعت مسجد میں اور دو رکعت گھر میں لوٹ کر پڑھ لو۔ ‘‘

 

[ساجد تاج]

بَابٌ : الصَّلاَةُ بَعْدَ الْجُمُعَةِ فِيْ الْبَيْتِ

جمعہ کے بعد گھر میں نماز پڑھنا


(424) عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا أَنَّهُ كَانَ إِذَا صَلَّى الْجُمُعَةَ انْصَرَفَ فَسَجَدَ سَجْدَتَيْنِ فِي بَيْتِهِ ثُمَّ قَالَ كَانَ رَسُولُ اللَّهِ صلی اللہ علیہ وسلم يَصْنَعُ ذَلِكَ

سیدنا عبداللہ بن عمر رضی اللہ عنھما سے روایت ہے کہ جب وہ (عبداللہ رضی اللہ عنہ ) جمعہ پڑھ چکتے تھے تو گھر آکر دو رکعت ادا کرتے اور کہتے کہ رسول اللہ صلی اللہ علیہ وسلم بھی اسی طرح کیا کرتے تھے۔

 

[ساجد تاج]

ُبَابٌ : لاَ يُصَلِّي بَعْدَ الْجُمُعَةِ حَتَّى يَتَكَلَّمَ أَوْ يَخْرُجَ

جمعہ کے بعد کلام کرنے یا نکلے بغیر نماز نہ پڑھی جائے


(425) عَنْ عُمَرَ بْنِ عَطَائٍ أَنَّ نَافِعَ بْنَ جُبَيْرٍ أَرْسَلَهُ إِلَى السَّائِبِ ابْنِ أُخْتِ نَمِرٍ يَسْأَلُهُ عَنْ شَيْئٍ رَآهُ مِنْهُ مُعَاوِيَةُ فِي الصَّلاَةِ فَقَالَ نَعَمْ صَلَّيْتُ مَعَهُ الْجُمُعَةَ فِي الْمَقْصُورَةِ فَلَمَّا سَلَّمَ الإِمَامُ قُمْتُ فِي مَقَامِي فَصَلَّيْتُ فَلَمَّا دَخَلَ أَرْسَلَ إِلَيَّ فَقَالَ لاَ تَعُدْ لِمَا فَعَلْتَ إِذَا صَلَّيْتَ الْجُمُعَةَ فَلاَتَصِلْهَابِصَلاَةٍ حَتَّى تَتَكَلَّمَ أَوْ تَخْرُجَ فَإِنَّ رَسُولَ اللَّهِ صلی اللہ علیہ وسلم أَمَرَنَا بِذَلِكَ

عمر بن عطاء کہتے ہیں کہ سیدنا نافع بن جبیر نے انہیں سیدنا سائب بن اخت نمر کے پاس وہ چیز پوچھنے کے لیے بھیجا جس کی سیدنا معاویہ رضی اللہ عنہ نے ان کی نماز میں نشاندہی کی تھی۔ (جب عمر بن عطاء نے جا کر پوچھا تو) سائب بن اخت نمر نے کہا کہ ہاں! میں نے ان (سیدنا معاویہ رضی اللہ عنہ ) کے ساتھ مقصورہ (جگہ کا نام) میں نماز جمعہ پڑھی تھی۔ جب امام نے نماز سے سلام پھیرا تو میں نے اپنی جگہ پر کھڑے ہو کر نماز شروع کر دی۔ سیدنا معاویہ رضی اللہ عنہ نے (گھر یا کسی کمرے وغیرہ) میں داخل ہونے کے بعد مجھے بلا بھیجا اور کہا کہ آج جو کام تم نے کیا ہے آئندہ نہ کرنا۔ جب نماز جمعہ سے فارغ ہو جاؤ تو جب تک کوئی بات چیت نہ کر لو یا اس جگہ کو نہ چھوڑ دو، متصلاً نماز نہ پڑھو۔ کیونکہ رسول اکرم صلی اللہ علیہ وسلم نے ہمیں اسی بات کا حکم دیا ہے۔ ( یعنی آپ صلی اللہ علیہ وسلم نے اس طرح فرمایا ہے کہ ہم ایک نماز کے بعد متصلاً دوسری نماز بات چیت کیے بغیر یا اس جگہ کو چھوڑے بغیر نہ پڑھیں۔)

 

[ساجد تاج]

بَابٌ : التَّغْلِيْظُ فِيْ تَرْكِ الْجُمُعَةِ

جمعہ چھوڑنے پر سخت وعید


(426) عَنِ الْحَكَمِ بْنِ مِينَآ ئَ أَنَّ عَبْدَ اللَّهِ بْنَ عُمَرَ وَ أَبَا هُرَيْرَةَ رَضِيَ اللَّهُ عَنْهُمْ حَدَّثَاهُ أَنَّهُمَا سَمِعَا رَسُولَ اللَّهِ صلی اللہ علیہ وسلم يَقُولُ عَلَى أَعْوَادِ مِنْبَرِهِ لَيَنْتَهِيَنَّ أَقْوَامٌ عَنْ وَدْعِهِمُ الْجُمُعَاتِ أَوْ لَيَخْتِمَنَّ اللَّهُ عَزَّ وَ جَلَّ عَلَى قُلُوبِهِمْ ثُمَّ لَيَكُونُنَّ مِنَ الْغَافِلِينَ

حکم بن میناء سے روایت ہے کہ سیدنا عبداللہ بن عمر اور سیدنا ابوہریرہ رضی اللہ علیھم اجمعین نے ان سے بیان کیا کہ انہوں نے رسول اللہ صلی اللہ علیہ وسلم سے سنا، آپ صلی اللہ علیہ وسلم اپنے منبر کی لکڑیوں پر فرما رہے تھے : ’’لوگ جمعہ چھوڑ دینے سے باز آ جائیں نہیں تو اللہ تعالیٰ ان کے دلوں پر مہر لگا دے گا اور وہ غافلوں میں سے ہو جائیں گے۔‘‘

 

[ساجد تاج]

کِتَابُ الْعِیْدَیْنِ

عیدین کے مسائل



بَابٌ : تَرْكُ الأَذَانِ وَالإِقَامَةِ فِي الْعِيْدَيْنِ

عیدین میں اذان اور اقامت چھوڑنے کا بیان


(427) عَنْ جَابِرِ بْنِ سَمُرَةَ رَضِيَ اللَّهُ عَنْهُ قَالَ صَلَّيْتُ مَعَ رَسُولِ اللَّهِ صلی اللہ علیہ وسلم الْعِيدَيْنِ غَيْرَ مَرَّةٍ وَ لاَ مَرَّتَيْنِ بِغَيْرِ أَذَانٍ وَ لاَ إِقَامَةٍ

سیدنا جابر بن سمرہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کے ساتھ دونوں عیدوں کی نماز کئی بار بغیر اذان اور بغیر اقامت کے پڑھی۔

 

[ساجد تاج]

بَابٌ : صَلاَةُ الْعِيْدَيْنِ قَبْلَ الْخُطْبَةِ

عیدین کی نماز خطبہ سے پہلے پڑھنے کا بیان


(428) عَنِ ابْنِ عَبَّاسٍ رَضِيَ اللَّهُ عَنْهُمَا قَالَ شَهِدْتُ صَلاَةَ الْفِطْرِ مَعَ نَبِيِّ اللَّهِ صلی اللہ علیہ وسلم وَ أَبِي بَكْرٍ وَ عُمَرَ وَ عُثْمَانَ رَضِيَ اللَّهُ عَنْهُمْ فَكُلُّهُمْ يُصَلِّيهَا قَبْلَ الْخُطْبَةِ ثُمَّ يَخْطُبُ قَالَ فَنَزَلَ نَبِيُّ اللَّهِ صلی اللہ علیہ وسلم كَأَنِّي أَنْظُرُ إِلَيْهِ حِينَ يُجَلِّسُ الرِّجَالَ بِيَدِهِ ثُمَّ أَقْبَلَ يَشُقُّهُمْ حَتَّى جَائَ النِّسَائَ وَ مَعَهُ بِلاَلٌ فَقَالَ { يَا أَيُّهَا النَّبِيُّ إِذَا جَائَكَ الْمُؤْمِنَاتُ يُبَايِعْنَكَ عَلَى أَنْ لاَ يُشْرِكْنَ بِاللَّهِ شَيْئًا } فَتَلاَ هَذِهِ الآيَةَ حَتَّى فَرَغَ مِنْهَا ثُمَّ قَالَ حِينَ فَرَغَ مِنْهَا آنْتُنَّ عَلَى ذَلِكِ ؟ فَقَالَتِ امْرَأَةٌ وَاحِدَةٌ لَمْ يُجِبْهُ غَيْرُهَا مِنْهُنَّ نَعَمْ يَا نَبِيَّ اللَّهِ لاَ يُدْرَى حِينَئِذٍ مَنْ هِيَ قَالَ فَتَصَدَّقْنَ فَبَسَطَ بِلاَلٌ ثَوْبَهُ ثُمَّ قَالَ هَلُمَّ فِدًى لَكُنَّ أَبِي وَ أُمِّي فَجَعَلْنَ يُلْقِينَ الْفَتَخَ وَالْخَوَاتِمَ فِي ثَوْبِ بِلاَلٍ

سیدنا ابن عباس رضی اللہ عنھما کہتے ہیں کہ میں نماز فطر کے لیے رسول اللہ صلی اللہ علیہ وسلم کے ساتھ اور سیدنا ابو بکر و عمر و عثمان رضی اللہ علیھم اجمعین سب کے ساتھ گیا تو ان سب بزرگوں کا قاعدہ تھا کہ نماز خطبہ سے پہلے پڑھتے اور اس کے بعد خطبہ پڑھتے تھے۔ پھر کہا آج بھی گویا میں وہ منظر دیکھ رہا ہوں کہ نبی صلی اللہ علیہ وسلم آئے، لوگوں کو اپنے ہاتھ سے بیٹھنے کا اشارہ کیا، پھر ان کی صفیں چیرتے ہوئے آپ صلی اللہ علیہ وسلم عورتوں کے پاس آئے اور آپ صلی اللہ علیہ وسلم کے ساتھ سیدنا بلال رضی اللہ عنہ بھی تھے اور آپ صلی اللہ علیہ وسلم نے یہ آیت پڑھی:’’ اے نبی! جب آپ کے پاس مومنہ عورتیں اس بار پر بیعت کرنے کے لیے آئیں کہ وہ اﷲ تعالیٰ کے ساتھ کسی کو شریک نہ ٹھہرائیں گی…‘‘(الممتحنہ:۱۲) یہاں تک کہ آپ صلی اللہ علیہ وسلم پوری آیت پڑھ کر فارغ ہوئے۔ پھر فرمایا:’’ تم نے ان سب کا اقرار کیا؟‘‘ ان میں سے ایک عورت نے کہا کہ ہاں اے اللہ کے نبی! راوی نے کہا کہ معلوم نہیں وہ کون تھی۔ آپ صلی اللہ علیہ وسلم نے فرمایا:’’ صدقہ کرو۔‘‘ تب سیدنا بلال رضی اللہ عنہ نے اپنا کپڑا پھیلایا اور کہا کہ لاؤ میرے ماں باپ تم پر فدا ہوں اور وہ سب چھلے اور انگوٹھیاں اتار اتار کر سیدنا بلال رضی اللہ عنہ کے کپڑے میں ڈالنے لگیں۔