صحیح مسلم

[ساجد تاج]

بَابٌ :لَوْ لاَ حَوَّائُ لَمْ تَخُنْ أُنْثَى زَوْجَهَا
اگر حواء نہ ہوتی تو کوئی عورت اپنے خاوند کی (کبھی) خیانت نہ کرتی

(846) عَنْ أَبِيْ هُرَيْرَةَ رَضِيَ اللَّهُ عَنْهُ قَالَ قَالَ رَسُولُ اللَّهِ صلی اللہ علیہ وسلم لَوْلاَ بَنُو إِسْرَائِيلَ لَمْ يَخْبُثِ الطَّعَامُ وَ لَمْ يَخْنَزِ اللَّحْمُ وَ لَوْلاَ حَوَّائُ لَمْ تَخُنْ أُنْثَى زَوْجَهَا الدَّهْرَ

سیدناابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا:’’ اگر بنواسرائیل نہ ہوتے تو (کبھی) کوئی کھانا اور گوشت خراب نہ ہوتا اور اگر حواء نہ ہوتیں تو کوئی عورت اپنے شوہر کی کبھی خیانت نہ کرتی۔

 

[ساجد تاج]

بَابٌ :مَنْ قَدِمَ مِنْ سَفَرٍ فَلاَ يَعْجَلْ بِالدُّخُوْلِ إِلَى أَهْلِهِ كَيْ تَمْتَشِطَ الشَّعِثَةُ

جو (لمبے) سفر سے آئے تو گھر میں جلدی داخل ہونے کی کوشش نہ کرے تاکہ
(اس کی) عورت بالوں (وغیرہ) کو سنوار لے

(847) عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا قَالَ كُنَّا مَعَ رَسُولِ اللَّهِ صلی اللہ علیہ وسلم فِي غَزَاةٍ فَلَمَّا أَقْبَلْنَا تَعَجَّلْتُ عَلَى بَعِيرٍ لِي قَطُوفٍ فَلَحِقَنِي رَاكِبٌ خَلْفِي فَنَخَسَ بَعِيرِي بِعَنَزَةٍ كَانَتْ مَعَهُ فَانْطَلَقَ بَعِيرِي كَأَجْوَدِ مَا أَنْتَ رَائٍ مِنَ الْإِبِلِ فَالْتَفَتُّ فَإِذَا أَنَا بِرَسُولِ اللَّهِ صلی اللہ علیہ وسلم فَقَالَ مَا يُعْجِلُكَ يَا جَابِرُ ؟ قُلْتُ يَا رَسُولَ اللَّهِ صلی اللہ علیہ وسلم إِنِّي حَدِيثُ عَهْدٍ بِعُرْسٍ فَقَالَ أَ بِكْرًا تَزَوَّجْتَهَا أَمْ ثَيِّبًا ؟ قَالَ قُلْتُ بَلْ ثَيِّبًا قَالَ هَلاَّ جَارِيَةً تُلاَعِبُهَا وَ تُلاَعِبُكَ ؟ قَالَ فَلَمَّا قَدِمْنَا الْمَدِينَةَ ذَهَبْنَا لِنَدْخُلَ فَقَالَ أَمْهِلُوا حَتَّى نَدْخُلَ لَيْلاً أَيْ عِشَائً كَيْ تَمْتَشِطَ الشَّعِثَةُ وَ تَسْتَحِدَّ الْمُغِيبَةُ قَالَ وَ قَالَ إِذَا قَدِمْتَ فَالْكَيْسَ الْكَيْسَ

سیدنا جابر بن عبداللہ رضی اللہ عنہ کہتے ہیں کہ ہم ایک جہاد میں رسول اللہ صلی اللہ علیہ وسلم کے ساتھ تھے پھر جب واپس آ رہے تھے تو میں اپنے اونٹ کو جو کہ بڑا سست تھا جلدی جلدی چلا رہا تھا کہ ایک سوار میرے پیچھے سے آیا اور میرے اونٹ کو اپنی چھڑی سے ایک کونچا دیا، جو ان کے پاس تھی اور میرا اونٹ ایسے چلنے لگا کہ جیسے تم کوئی (بہت اچھا) اونٹ دیکھتے ہو۔ میں نے مڑکر دیکھا تو وہ رسول اللہ صلی اللہ علیہ وسلم تھے۔ آپ صلی اللہ علیہ وسلم نے فرمایا:’’ اے جابر! تمہیں کیا جلدی ہے؟‘‘ میں نے کہا کہ یارسول اللہ! میری نئی نئی شادی ہوئی ہے۔ آپ صلی اللہ علیہ وسلم نے فرمایا:’’ باکرہ سے یا ثیبہ سے؟‘‘ میں نے کہا ثیبہ سے۔ آپ صلی اللہ علیہ وسلم نے فرمایا:’’ باکرہ سے کیوں نہ کی کہ تم اس سے کھیلتے اور وہ تم سے کھیلتی؟ ‘‘ پھر جب ہم مدینہ آئے اور گھر داخل ہونے کا ارادہ کیا تو آپ صلی اللہ علیہ وسلم نے فرمایا:’’ ٹھہر جاؤ ! یہاں تک کہ رات آجائے یعنی عشاء کا وقت، تاکہ پریشان بالوں والی سر میں کنگھی (وغیرہ)کر لے اور جس کا شوہر باہر گیا ہوا ہو وہ زیر ناف بال صاف کر لے۔‘‘ پھر آ پ صلی اللہ علیہ وسلم نے فرمایا:’’ جب گھر جاؤ تو سمجھداری سے کام لینا۔‘‘ (یہ نہ ہو کہ عورت ایام حیض میں ہو اور تم اتنے دنوں بعد آئے ہو اور صبر نہ کرسکو وغیرہ)

 

[ساجد تاج]

کِتَابُ الطَّلَاقِ
طلاق کے مسائل


بَابٌ :فِيْ الرَّجُلِ يُطّلِّقُ امْرَأَتَهُ وَ هِيَ حَائِضٌ
مرد کا حیض کی حالت میں اپنی عورت کو طلاق دینے کا بیان

(848) عَنْ نَافِعٍ أَنَّ ابْنَ عُمَرَ رَضِيَ اللَّهُ عَنْهُمَا طَلَّقَ امْرَأَتَهُ وَ هِيَ حَائِضٌ فَسَأَلَ عُمَرُ النَّبِيَّ صلی اللہ علیہ وسلم فَأَمَرَهُ أَنْ يَرْجِعَهَا ثُمَّ يُمْهِلَهَا حَتَّى تَحِيضَ حَيْضَةً أُخْرَى ثُمَّ يُمْهِلَهَا حَتَّى تَطْهُرَ ثُمَّ يُطَلِّقَهَا قَبْلَ أَنْ يَمَسَّهَا فَتِلْكَ الْعِدَّةُ الَّتِي أَمَرَ اللَّهُ أَنْ يُطَلَّقَ لَهَا النِّسَائُ قَالَ فَكَانَ ابْنُ عُمَرَ رَضِيَ اللَّهُ عَنْهُمَا إِذَا سُئِلَ عَنِ الرَّجُلِ يُطَلِّقُ امْرَأَتَهُ وَ هِيَ حَائِضٌ يَقُولُ أَمَّا أَنْتَ طَلَّقْتَهَا وَاحِدَةً أَوِ اثْنَتَيْنِ إِنَّ رَسُولَ اللَّهِ صلی اللہ علیہ وسلم أَمَرَهُ أَنْ يُرَاجِعَهَا ثُمَّ يُمْهِلَهَا حَتَّى تَحِيضَ حَيْضَةً أُخْرَى ثُمَّ يُمْهِلَهَا حَتَّى تَطْهُرَ ثُمَّ يُطَلِّقَهَا قَبْلَ أَنْ يَمَسَّهَا وَ أَمَّا أَنْتَ طَلَّقْتَهَا ثَلاَثًا فَقَدْ عَصَيْتَ رَبَّكَ فِيمَا أَمَرَكَ بِهِ مِنْ طَلاَقِ امْرَأَتِكَ وَ بَانَتْ مِنْكَ

نافع سے روایت ہے کہ سیدنا ابن عمر رضی اللہ عنھما نے اپنی بیوی کو حیض کی حالت میں طلاق دے دی تو سیدنا عمر فاروق رضی اللہ عنہ نے نبی اکرم صلی اللہ علیہ وسلم سے اس کے متعلق استفسار کیا۔ آپ نے انہیں رجوع کرنے کا حکم دیا اور یہ کہ اسے ایک حیض کی مہلت دو۔ پھر مہلت دو کہ (وہ اس حیض سے) پاک ہو جائے، پھر (اگر طلاق دینا چاہے تو) جماع کرنے سے پہلے طلاق دے اور یہ کہ یہ وہ وقت ہے جس میں اللہ تعالیٰ نے عورتوں کو طلاق دینے کا حکم دیا ہے۔ راوی (نافع) نے کہا کہ پھر جب سیدنا ابن عمر رضی اللہ عنھما سے ایسے آدمی کے متعلق پوچھا جاتا کہ جس نے اپنی بیوی کو حیض کی حالت میں طلاق دے دی ہوتی تو وہ یہی کہتے کہ اگر تو نے ایک یا دو (رجعی) طلاقیں دی ہیں تو اس کے متعلق رسول اللہ صلی اللہ علیہ وسلم نے رجوع کرنے کا حکم دیا ہے اور یہ کہ پھر اسے ایک حیض اور حیض سے پاکیزگی حاصل کرنے کی مہلت دے اور پھر اسے (پاکیزگی کی حالت میں) جماع کرنے سے پہلے طلاق دے اور اگر تم نے اسے تین طلاق (یعنی طلاق بائنہ جس میں رجوع نہیں) دی ہے تو تم نے اپنی بیوی کو طلاق دینے کے معاملہ میں اپنے رب کے حکم کی نافرمانی کا ارتکاب کیا ہے اور تمہاری بیوی تم سے بائنہ ہو گئی۔

 

[ساجد تاج]

(849) عَنِ ابْنِ سِيرِينَ قَالَ مَكَثْتُ عِشْرِينَ سَنَةً يُحَدِّثُنِي مَنْ لاَ أَتَّهِمُ أَنَّ ابْنَ عُمَرَ رَضِيَ اللَّهُ عَنْهُمَا طَلَّقَ امْرَأَتَهُ ثَلاَثًا وَ هِيَ حَائِضٌ فَأُمِرَ أَنْ يُرَاجِعَهَا فَجَعَلْتُ لاَ أَتَّهِمُهُمْ وَ لاَ أَعْرِفُ الْحَدِيثَ حَتَّى لَقِيتُ أَبَا غَلاَّبٍ يُونُسَ بْنَ جُبَيْرٍ الْبَاهِلِيَّ وَ كَانَ ذَا ثَبَتٍ فَحَدَّثَنِي أَنَّهُ سَأَلَ ابْنَ عُمَرَ
رَضِيَ اللَّهُ عَنْهُمَا فَحَدَّثَهُ أَنَّهُ طَلَّقَ امْرَأَتَهُ تَطْلِيقَةً وَ هِيَ حَائِضٌ فَأُمِرَ أَنْ يُرَاجِعَهَا قَالَ قُلْتُ أَ فَحُسِبَتْ عَلَيْهِ ؟ قَالَ فَمَهْ أَوَ إِنْ عَجَزَ وَاسْتَحْمَقَ

ابن سیرین کہتے ہیں کہ بیس برس تک مجھ سے ایک شخص جس کو میں متہم نہ جانتا تھا ،روایت کرتا تھا کہ سیدنا ابن عمر رضی اللہ عنھما نے اپنی عورت کو حالت حیض میں تین طلاقیں دیں تھیں اور ان کو رجوع کرنے کا حکم ہوا تھا۔ میں اس کی اس روایت کو متہم نہ کرتا تھا اور نہ حدیث کو بخوبی جانتا تھا (کہ صحیح کیا ہے)، یہاں تک کہ میں ابوغلاب یونس بن جبیر باہلی سے ملا اور وہ پکے آدمی تھے۔ پس انہوں نے مجھ سے بیان کیا کہ میں نے سیدنا ابن عمر رضی اللہ عنھما سے پوچھا تو انہوں نے کہا کہ میں نے اپنی بیوی کو ایک طلاق حیض کی حالت میں دی تو مجھے رجوع کا حکم دیا گیا۔ راوی نے کہا پھر میں نے پوچھا کہ وہ طلاق بھی ان پر شمار کی گئی؟ (یعنی اگر دو طلاق دو تو وہ ملا کر تین پوری ہو جائیں) انہوں نے کہا کہ کیوں نہیں کی۔ اگر وہ عاجز ہو گیا یا احمق ہو گیا (یہ سیدنا عبداللہ رضی اللہ عنہ نے اپنے آپ کو خود کہا) یعنی اگر اس طلاق کو نہ گنوں تو حماقت ہے۔

 

[ساجد تاج]

بَابٌ :اَلطَّلاَقُ الثَّلاَثُ فِيْ عَهْدِ رَسُوْلِ اللَّهِ صلی اللہ علیہ وسلم
نبی صلی اللہ علیہ وسلم کے دور اقدس میں تین طلاق کا بیان

(850) عَنِ ابْنِ عَبَّاسٍ رَضِيَ اللَّهُ عَنْهُمَا قَالَ كَانَ الطَّلاَقُ عَلَى عَهْدِ رَسُولِ اللَّهِ صلی اللہ علیہ وسلم وَ أَبِي بَكْرٍ رَضِيَ اللَّهُ عَنْهُ وَ سَنَتَيْنِ مِنْ خِلاَفَةِ عُمَرَ رَضِيَ اللَّهُ عَنْهُ طَلاَقُ الثَّلاَثِ وَاحِدَةً فَقَالَ عُمَرُ بْنُ الْخَطَّابِ رَضِيَ اللَّهُ عَنْهُ إِنَّ النَّاسَ قَدِ اسْتَعْجَلُوا فِي أَمْرٍ قَدْ كَانَتْ لَهُمْ فِيهِ أَنَاةٌ فَلَوْ أَمْضَيْنَاهُ عَلَيْهِمْ فَأَمْضَاهُ عَلَيْهِمْ

سیدنا ابن عباس رضی اللہ عنھما کہتے ہیں کہ رسول اللہ صلی اللہ علیہ وسلم کے دور میں اور سیدنا ابوبکر رضی اللہ عنہ کے دور خلافت اور سیدنا عمر رضی اللہ عنہ کے دور خلافت میں بھی (پہلے) دو برس تک ایسا تھا کہ جب کوئی یکبارگی تین طلاق دیتا تھا تو وہ ایک ہی شمار کی جاتی تھی۔ پھر سیدنا عمر رضی اللہ عنہ نے کہا کہ اس بات میں لوگوں نے جلدی کرنا شروع کی ۔جس میں انہیں مہلت ملی ہے، پس اگر ہم اس کو جاری کر دیں تو مناسب ہے۔ پھر انہوں نے جاری کر دیا (یعنی یہ حکم دے دیا کہ جو کوئی یکبارگی تین طلاق دے تو تینوں واقع ہو جائیں گی)

 

[ساجد تاج]

بَابٌ :فِيْ الرَّجُلِ يُطَلِّقُ امْرَاَتَهُ فَتَتَزَوَّجُ غَيْرَهُ وَ لاَ يَدْخُلُ بِهَا فَلَيْسَ لَهَا أَنْ تَرْجِعَ إِلَى الأَوَّلِ

کسی آدمی نے اپنی بیوی کو طلاق دی، وہ عورت دوسرے سے شادی کر لیتی ہے اور اس دوسرے نے دخول نہیں کیا تو ایسی حالت میں یہ عورت پہلے خاوند کے لیے حلال نہیں ہے

(851) عَنْ عَائِشَةَ رَضِيَ اللَّهُ عَنْهَا أَنَّ رِفَاعَةَ الْقُرَظِيَّ رَضِيَ اللَّهُ عَنْهُ طَلَّقَ امْرَأَتَهُ فَبَتَّ طَلاَقَهَا فَتَزَوَّجَتْ بَعْدَهُ عَبْدَ الرَّحْمَنِ بْنَ الزَّبِيرِ رَضِيَ اللَّهُ عَنْهُ فَجَائَتِ النَّبِيَّ صلی اللہ علیہ وسلم فَقَالَتْ يَا رَسُولَ اللَّهِ ! إِنَّهَا كَانَتْ تَحْتَ رِفَاعَةَ رَضِيَ اللَّهُ عَنْهُ فَطَلَّقَهَا آخِرَ ثَلاَثِ تَطْلِيقَاتٍ فَتَزَوَّجْتُ بَعْدَهُ عَبْدَ الرَّحْمَنِ بْنَ الزَّبِيرِ رَضِيَ اللَّهُ عَنْهُ وَ إِنَّهُ وَاللَّهِ مَا مَعَهُ إِلاَّ مِثْلُ الْهُدْبَةِ وَ أَخَذَتْ بِهُدْبَةٍ مِنْ جِلْبَابِهَا قَالَ فَتَبَسَّمَ رَسُولُ اللَّهِ صلی اللہ علیہ وسلم ضَاحِكًا فَقَالَ لَعَلَّكِ تُرِيدِينَ أَنْ تَرْجِعِي إِلَى رِفَاعَةَ رَضِيَ اللَّهُ عَنْهُ لاَ حَتَّى يَذُوقَ عُسَيْلَتَكِ وَ تَذُوقِي عُسَيْلَتَهُ وَ أَبُو بَكْرِ نِالصِّدِّيقُ رَضِيَ اللَّهُ عَنْهُ جَالِسٌ عِنْدَ رَسُولِ اللَّهِ صلی اللہ علیہ وسلم وَ خَالِدُ بْنُ سَعِيدِ بْنِ الْعَاصِ رَضِيَ اللَّهُ عَنْهُ جَالِسٌ بِبَابِ الْحُجْرَةِ لَمْ يُؤْذَنْ لَهُ قَالَ فَطَفِقَ خَالِدٌ رَضِيَ اللَّهُ عَنْهُ يُنَادِي أَبَا بَكْرٍ رَضِيَ اللَّهُ عَنْهُ أَلآ تَزْجُرُ هَذِهِ عَمَّا تَجْهَرُ بِهِ عِنْدَ رَسُولِ اللَّهِ صلی اللہ علیہ وسلم

ام المومنین عائشہ صدیقہ رضی اللہ عنہا سے روایت ہے کہ سیدنا رفاعہ القرضی نے اپنی بیوی کو طلاق بتہ (یعنی بائنہ غیر رجعی) دے دی تو اس نے سیدنا عبدالرحمن بن زبیر رضی اللہ عنہ سے نکاح کر لیا۔ پھر نبی صلی اللہ علیہ وسلم کے پاس آکر استفسار کیا کہ یارسول اللہ! میں رفاعہ ( رضی اللہ عنہ ) کے عقد (نکاح) میں تھی کہ اس نے مجھے تین میں سے آخری طلاق دے دی تو میں نے عبد الرحمن بن زبیر رضی اللہ عنہ سے نکاح کر لیا اور اپنی چادر کا ایک پلو پکڑ کر کہنے لگیں کہ اللہ کی قسم ! ان کے پاس تو کپڑے کے اس پلو کی طرح ہی ہے۔ راوی نے کہا کہ نبی صلی اللہ علیہ وسلم (اس کی بات سن کر) مسکرا دیے اور فرمایا:’’ شاید تم پھر رفاعہ( رضی اللہ عنہ ) کے پاس لوٹنا چاہتی ہو، نہیں ایسا اس وقت تک نہیں ہو سکتا جب تک کہ وہ تمہاری لذت نہ چکھ لے اور تم اس کی لذت نہ چکھ لو (یعنی جماع نہ کر لو)۔‘‘ (اس وقت) سیدنا ابوبکرصدیق رضی اللہ عنہ رسول اللہ صلی اللہ علیہ وسلم کے پاس بیٹھے ہوئے تھے اور خالد ابن سعید بن عاص رضی اللہ عنہ حجرے کے دروازے پر اجازت کے منتظر تھے۔ راوی کہتا ہے کہ سیدنا خالد رضی اللہ عنہ نے سیدنا ابوبکر رضی اللہ عنہ کو آواز دی کہ آپ اس عورت کو ڈانٹتے کیوں نہیں ہو کہ یہ رسول اللہ صلی اللہ علیہ وسلم کے سامنے کیا کہہ رہی ہے؟۔

 

[ساجد تاج]

بَابٌ :فِي الْحَرَامِ وَ قَوْلِهِ زَّوَجَلَّ {يَا أَيُّهَا النَّبِيُّ لِمَ تُحَرِّمَ مَا أَحَلَّ اللَّهُ لَكَ} (التحريم:1) وَالإِخْتِلاَفِ فِيْهِ

(کسی چیز کو)حرام کہنے اور اللہ تعالیٰ کے قول { يَاأَيُّهَا النَّبِيُّ لِمَ تُحَرِّمَ …}کے متعلق اور اس میں اختلاف کا بیان


(852) عَنِ ابْنِ عَبَّاسٍ رَضِيَ اللَّهُ عَنْهُمَا قَالَ إِذَا حَرَّمَ الرَّجُلُ عَلَيْهِ امْرَأَتَهُ
فَهُوَ يَمِينٌ يُكَفِّرُهَا وَ قَالَ { لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ }

سیدنا ابن عباس رضی اللہ عنھما کہتے ہیں کہ جب کوئی اپنی بیوی کو کہے تو مجھ پر حرام ہے تو یہ قسم ہے، اس میں کفارہ دینا ضروری ہے اور سیدنا ابن عباس رضی اللہ عنھما نے کہا کہ بے شکتمہارے لیے رسول اللہ صلی اللہ علیہ وسلم کے طریقہ میں بہتر نمونہ ہے۔

 

[ساجد تاج]

(853) عَنْ عَائِشَةَ رَضِيَ اللَّهُ عَنْهَا أَنَّ النَّبِيَّ صلی اللہ علیہ وسلم كَانَ يَمْكُثُ عِنْدَ زَيْنَبَ بِنْتِ جَحْشٍ رَضِيَ اللَّهُ عَنْهَا فَيَشْرَبُ عِنْدَهَا عَسَلاً قَالَتْ فَتَوَاطَيْتُ أَنَا وَ حَفْصَةُ رَضِىَ اللهُ عَنْهَا أَنَّ أَيَّتَنَا مَا دَخَلَ عَلَيْهَا النَّبِيُّ صلی اللہ علیہ وسلم فَلْتَقُلْ إِنِّي أَجِدُ مِنْكَ رِيحَ مَغَافِيرَ أَكَلْتَ مَغَافِيرَ ؟ فَدَخَلَ عَلَى إِحْدَاهُمَا فَقَالَتْ ذَلِكَ لَهُ فَقَالَ بَلْ شَرِبْتُ عَسَلاً عِنْدَ زَيْنَبَ بِنْتِ جَحْشٍ وَ لَنْ أَعُودَ لَهُ فَنَزَلَ { لِمَ تُحَرِّمُ مَا أَحَلَّ اللَّهُ لَكَ} إِلَى قَوْلِهِ { إِنْ تَتُوبَا } لِعَائِشَةَ وَ حَفْصَةَ رَضِيَ اللَّهُ عَنْهُمَا {وَ إِذْ أَسَرَّ النَّبِيُّ إِلَى بَعْضِ أَزْوَاجِهِ حَدِيثًا } (التحريم:1) لِقَوْلِهِ بَلْ شَرِبْتُ عَسَلاً

ام المومنین عائشہ صدیقہ رضی اللہ عنہا سے روایت ہے کہ رسول اللہ صلی اللہ علیہ وسلم ام المومنین زینب رضی اللہ عنہا کے پاس ٹھہرا کرتے اور ان کے پاس شہد پیا کرتے تھے۔ پس ام المومنین عائشہ صدیقہ رضی اللہ عنہا نے کہا کہ میں نے اور ام المومنین حفصہ رضی اللہ عنہا نے ایکا کیا کہ جس کے پاس بھی آ پ صلی اللہ علیہ وسلم تشریف لائیں وہ آپ صلی اللہ علیہ وسلم سے عرض کرے کہ میں آپ کے پاس سے مغافیر کی بدبو پاتی ہوں، کیا آپ نے مغافیر (ایک قسم کا گوند جس کی بو ناپسندیدہ تھی) کھایا ہے؟ نبی صلی اللہ علیہ وسلم جب ایک کے پاس آئے تو اس نے آپ صلی اللہ علیہ وسلم سے یہی کہا، تو آپ صلی اللہ علیہ وسلم نے فرمایا :’’بلکہ میں نے تو زینب رضی اللہ عنہا کے پاس شہد پیا ہے اور اب کبھی نہ پیوں گا۔‘‘ پھر یہ آیت اتری کہ ’’اے نبی ! آپ صلی اللہ علیہ وسلم اس چیز کو کیوں حرام کرتے ہیں جس کو اللہ تعالیٰ نے آپ کے لیے حلال کیا ہے…… اگر وہ دونوں توبہ کریں۔‘‘ یعنی ام المومنین عائشہ اور حفصہ رضی اللہ عنہا اور اللہ تعالیٰ نے جو یہ فرمایا:’’نبی نے ایک بات چپکے سے اپنی ایک بیوی سے کہی۔‘‘ (التحریم:۱۔۳) تو اس بات سے وہی بات مراد ہے جو نبی صلی اللہ علیہ وسلم نے فرمایا تھا :’’ میں نے شہد پیا ہے۔ ‘‘

 

[ساجد تاج]

(854) عَنْ عَائِشَةَ رَضِيَ اللَّهُ عَنْهَا قَالَتْ كَانَ رَسُولُ اللَّهِ صلی اللہ علیہ وسلم يُحِبُّ الْحَلْوَائَ وَ الْعَسَلَ فَكَانَ إِذَا صَلَّى الْعَصْرَ دَارَ عَلَى نِسَائِهِ فَيَدْنُو مِنْهُنَّ فَدَخَلَ عَلَى حَفْصَةَ رَضِيَ اللَّهُ عَنْهَا فَاحْتَبَسَ عِنْدَهَا أَكْثَرَ مِمَّا كَانَ يَحْتَبِسُ فَسَأَلْتُ عَنْ ذَلِكَ فَقِيلَ لِي أَهْدَتْ لَهَا امْرَأَةٌ مِنْ قَوْمِهَا عُكَّةً مِنْ عَسَلٍ فَسَقَتْ رَسُولَ اللَّهِ صلی اللہ علیہ وسلم مِنْهُ شَرْبَةً فَقُلْتُ أَمَا وَاللَّهِ لَنَحْتَالَنَّ لَهُ فَذَكَرْتُ ذَلِكَ لِسَوْدَةَ رَضِىَ اللَّهُ عَنْهَا وَ قُلْتُ إِذَا دَخَلَ عَلَيْكِ فَإِنَّهُ سَيَدْنُو مِنْكِ فَقُولِي لَهُ يَا رَسُولَ اللَّهِ أَكَلْتَ مَغَافِيرَ ؟ فَإِنَّهُ سَيَقُولُ لَكِ لاَ فَقُولِي لَهُ مَا هَذِهِ الرِّيحُ ؟ وَ كَانَ رَسُولُ اللَّهِ صلی اللہ علیہ وسلم يَشْتَدُّ عَلَيْهِ أَنْ تُوجَدَ مِنْهُ الرِّيحُ فَإِنَّهُ سَيَقُولُ لَكِ سَقَتْنِي حَفْصَةُ شَرْبَةَ عَسَلٍ فَقُولِي لَهُ جَرَسَتْ نَحْلُهُ الْعُرْفُطَ وَ سَأَقُولُ ذَلِكِ لَهُ وَ قُولِيهِ أَنْتِ يَا صَفِيَّةُ رَضِيَ اللَّهُ عَنْهَا فَلَمَّا دَخَلَ عَلَى سَوْدَةَ رَضِىَ اللَّهُ عَنْهَا قَالَتْ تَقُولُ سَوْدَةُ رَضِيَ اللَّهُ عَنْهَا وَ الَّذِي لاَ إِلَهَ إِلاَّ هُوَ لَقَدْ كِدْتُ أَنْ أُبَادِئَهُ بِالَّذِي قُلْتِ لِي وَ إِنَّهُ لَعَلَى الْبَابِ فَرَقًا مِنْكِ فَلَمَّا دَنَا رَسُولُ اللَّهِ صلی اللہ علیہ وسلم قَالَتْ يَا رَسُولَ اللَّهِ ! أَكَلْتَ مَغَافِيرَ ؟ قَالَ لاَ قَالَتْ فَمَا هَذِهِ الرِّيحُ ؟ قَالَ سَقَتْنِي حَفْصَةُ رَضِيَ اللَّهُ عَنْهَا شَرْبَةَ عَسَلٍ قَالَتْ جَرَسَتْ نَحْلُهُ الْعُرْفُطَ فَلَمَّا دَخَلَ عَلَيَّ قُلْتُ لَهُ مِثْلَ ذَلِكَ ثُمَّ دَخَلَ عَلَى صَفِيَّةَ رَضِيَ اللَّهُ عَنْهَا فَقَالَتْ بِمِثْلِ ذَلِكَ فَلَمَّا دَخَلَ عَلَى حَفْصَةَ رَضِىَ اللهُ عَنْهَا قَالَتْ يَا رَسُولَ اللَّهِ ! أَلآ أَسْقِيكَ مِنْهُ؟ قَالَ لاَ حَاجَةَ لِي بِهِ قَالَتْ تَقُولُ سَوْدَةُ رَضِيَ اللَّهُ عَنْهَا سُبْحَانَ اللَّهِ وَاللَّهِ لَقَدْ حَرَمْنَاهُ قَالَتْ قُلْتُ لَهَا اسْكُتِي

ام المومنین عائشہ صدیقہ رضی اللہ عنہا کہتی ہیں کہ رسول اللہ صلی اللہ علیہ وسلم کو شیرینی اور شہد بہت پسند تھا (اور آپ کی عادت مبارکہ تھی کہ) آپ صلی اللہ علیہ وسلم نماز عصر پڑھ چکتے تو اپنی ازواج مطہرات کے پاس آتے اور ہر ایک سے قریب ہوتے۔ پس ایک دن حفصہ رضی اللہ عنہا کے پاس آئے اور وہاں اور دنوں سے زیادہ ٹھہرے تو میرے، اس کا سبب دریافت کرنے پر معلوم ہوا کہ ان کی قوم کی ایک عورت کے پاس سے ان کے پاس شہد کی ایک کپی ہدیہ میں آئی تھی اور انہوں نے رسول اللہ صلی اللہ علیہ وسلم کو شہد کا شربت پلایا ہے۔ پس میں نے کہا کہ اللہ کی قسم! ہم ان سے ایک تدبیر کریں گے۔ میں نے سودہ رضی اللہ عنہا سے ذکر کیا اور ان سے کہا کہ جب نبی صلی اللہ علیہ وسلم تمہارے پاس آئیںاور تم سے قریب ہوں تو تم کہنا کہ یارسول اللہ! کیا آپ نے مغافیر کھایا ہے؟ آپ صلی اللہ علیہ وسلم کہیں گے نہیں ،تو تم آپ صلی اللہ علیہ وسلم سے کہنا کہ پھر یہ بدبو کیسی ہے؟ اور رسول اللہ صلی اللہ علیہ وسلم کی عادت تھی کہ آپ صلی اللہ علیہ وسلم کو اس بات سے بہت نفرت تھی کہ آپ سے بدبو آئے۔ پھر نبی صلی اللہ علیہ وسلم تم سے کہیں گے کہ مجھے حفصہ رضی اللہ عنہا نے شہد پلایا ہے، تب تم آپ سے کہنا کہ شاید اس کی مکھی نے عرفط کے درخت سے رس چوس لیا ہے (عرفط اسی درخت کا نام ہے جس کی گوند مغافیر ہے) اور میں بھی ان سے ایسا ہی کہوں گی اور اے صفیہ! تم بھی آپ صلی اللہ علیہ وسلم سے ایسا ہی کہنا پھر جب آپ صلی اللہ علیہ وسلم سودہ رضی اللہ عنہا کے پاس آئے تو سودہ رضی اللہ عنہا کہتی ہیں کہ قسم ہے اس اللہ کی کہ جس کے سوا کوئی معبود نہیں! میں قریب تھی کہ نبی صلی اللہ علیہ وسلم سے باہر نکل کر وہی بات کہوں جو تم نے (اے عائشہ!) مجھ سے کہی تھی اور نبی صلی اللہ علیہ وسلم دروازے پر تھے اور میرا کہنے میں اس طرح جلدی کرنا تمہارے ڈر سے تھا، پھر جب رسول اللہ صلی اللہ علیہ وسلم نزدیک ہوئے تو انہوں نے کہا کہ کیا آپ نے مغافیر کھایا ہے؟ آپ صلی اللہ علیہ وسلم نے فرمایا: ’’نہیں۔‘‘ پھر انہوں نے کہا کہ یہ بدبو کیسی ہے؟ آپ صلی اللہ علیہ وسلم نے فرمایا:’’ مجھے حفصہ رضی اللہ عنہا نے شہد کا شربت پلایا ہے۔‘‘ تب انہوں نے کہا کہ مکھی نے عرفط کا رس چوس لیا ہے (اس لیے اس کی بو شہد میںآ گئی ہے) پھر جب میرے پاس آئے تو میں (عائشہ رضی اللہ عنہا ) نے بھی آپ صلی اللہ علیہ وسلم سے یہی کہا۔ پھرصفیہ رضی اللہ عنہا کے پاس گئے اور انہوں نے بھی ایسا ہی کہا تو جب دوبارہ حفصہ رضی اللہ عنہا کے پاس گئے اور انہوں نے عرض کی کہ یارسول اللہ! میں اس میں سے آپ کے لیے شہد لاؤں تو آپ صلی اللہ علیہ وسلم نے فرمایا:’’ مجھے اس کی کوئی ضرورت نہیں ہے۔‘‘ ام المومنین عائشہ صدیقہ رضی اللہ عنہا کہتی ہیں کہ سودہ رضی اللہ عنہا نے کہا کہ سبحان اللہ! ہم نے رسول اللہ صلی اللہ علیہ وسلم کو شہد پینے سے روک دیا تو عائشہ صدیقہ رضی اللہ عنہا کہتی ہیں کہ میں نے ان سے کہا کہ چپ رہو۔

 

[ساجد تاج]

بَابٌ : تَخْيِيْرُ الرَّجُلِ امْرَأَتَهُ
مرد کا اپنی بیوی کو اختیار دینا

(855) عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا قَالَ دَخَلَ أَبُو بَكْرٍ رَضِيَ اللَّهُ عَنْهُ يَسْتَأْذِنُ عَلَى رَسُولِ اللَّهِ صلی اللہ علیہ وسلم فَوَجَدَ النَّاسَ جُلُوسًا بِبَابِهِ لَمْ يُؤْذَنْ لِأَحَدٍ مِنْهُمْ قَالَ فَأُذِنَ لِأَبِي بَكْرٍ رَضِيَ اللَّهُ عَنْهُ فَدَخَلَ ثُمَّ أَقْبَلَ عُمَرُ رَضِيَ اللَّهُ عَنْهُ فَاسْتَأْذَنَ فَأُذِنَ لَهُ فَوَجَدَ النَّبِيَّ صلی اللہ علیہ وسلم جَالِسًا حَوْلَهُ نِسَاؤُهُ وَاجِمًا سَاكِتًا قَالَ فَقَالَ لَأَقُولَنَّ شَيْئًا أُضْحِكُ النَّبِيَّ صلی اللہ علیہ وسلم فَقَالَ يَا رَسُولَ اللَّهِ صلی اللہ علیہ وسلم لَوْ رَأَيْتَ بِنْتَ خَارِجَةَ سَأَلَتْنِي النَّفَقَةَ فَقُمْتُ إِلَيْهَا فَوَجَأْتُ عُنُقَهَا فَضَحِكَ رَسُولُ اللَّهِ صلی اللہ علیہ وسلم وَ قَالَ هُنَّ حَوْلِي كَمَا تَرَى يَسْأَلْنَنِي النَّفَقَةَ فَقَامَ أَبُو بَكْرٍ رَضِيَ اللَّهُ عَنْهُ إِلَى عَائِشَةَ رَضِىَ اللَّهُ عَنْهَا يَجَأُ عُنُقَهَا فَقَامَ عُمَرُ رَضِيَ اللَّهُ عَنْهُ إِلَى حَفْصَةَ يَجَأُ عُنُقَهَا كِلاَهُمَا يَقُولُ تَسْأَلْنَ رَسُولَ اللَّهِ صلی اللہ علیہ وسلم مَا لَيْسَ عِنْدَهُ فَقُلْنَ وَاللَّهِ لاَ نَسْأَلُ رَسُولَ اللَّهِ صلی اللہ علیہ وسلم شَيْئًا أَبَدًا لَيْسَ عِنْدَهُ ؟ ثُمَّ اعْتَزَلَهُنَّ شَهْرًا أَوْ تِسْعًا وَ عِشْرِينَ ثُمَّ نَزَلَتْ عَلَيْهِ هَذِهِ الآيَةُ { يَا أَيُّهَا النَّبِيُّ قُلْ لأَزْوَاجِكَ} حَتَّى بَلَغَ { لِلْمُحْسِنَاتِ مِنْكُنَّ أَجْرًا عَظِيمًا } (الاحزاب: 28 - 29) قَالَ فَبَدَأَ بِعَائِشَةَ رَضِيَ اللَّهُ عَنْهَا فَقَالَ يَا عَائِشَةُ ! إِنِّي أُرِيدُ أَنْ أَعْرِضَ عَلَيْكِ أَمْرًا أُحِبُّ أَنْ لاَ تَعْجَلِي فِيهِ حَتَّى تَسْتَشِيرِي أَبَوَيْكِ قَالَتْ وَ مَا هُوَ يَا رَسُولَ اللَّهِ صلی اللہ علیہ وسلم فَتَلاَ عَلَيْهَا الآيَةَ قَالَتْ أَفِيكَ يَا رَسُولَ اللَّهِ أَسْتَشِيرُ أَبَوَيَّ بَلْ أَخْتَارُ اللَّهَ وَ رَسُولَهُ وَالدَّارَ الآخِرَةَ وَ أَسْأَلُكَ أَنْ لاَ تُخْبِرَ امْرَأَةً مِنْ نِسَائِكَ بِالَّذِي قُلْتُ قَالَ لاَ تَسْأَلُنِي امْرَأَةٌ مِنْهُنَّ إِلاَّ أَخْبَرْتُهَا إِنَّ اللَّهَ لَمْ يَبْعَثْنِي مُعَنِّتًا وَ لاَ مُتَعَنِّتًا وَ لَكِنْ بَعَثَنِي مُعَلِّمًا مُيَسِّرًا

سیدنا جابر بن عبداللہ رضی اللہ عنھما کہتے ہیں کہ سیدنا ابوبکر رضی اللہ عنہ آئے اور رسول اللہ صلی اللہ علیہ وسلم کے پاس حاضر ہونے کی اجازت چاہی اور لوگوں کو دیکھا کہ آپ صلی اللہ علیہ وسلم کے دروازے پر جمع ہیں اور کسی کو اندر جانے کی اجازت نہیں ہوئی۔ راوی نے کہا کہ سیدنا ابوبکر رضی اللہ عنہ کو اجازت مل گئی تو اندر چلے گئے۔ پھر سیدنا عمر رضی اللہ عنہ آئے اور اجازت چاہی تو انہیں بھی اجازت مل گئی اور نبی صلی اللہ علیہ وسلم کو پایا کہ آپ بیٹھے ہوئے ہیں اور آپ کے گرد آپ صلی اللہ علیہ وسلم کی ازواج مطہرات ہیں کہ غمگین چپکے بیٹھی ہوئی ہیں۔ سیدنا عمر رضی اللہ عنہ نے (اپنے دل میں) کہا کہ میں ضرور کوئی ایسی بات کہوں کہ نبی صلی اللہ علیہ وسلم کو ہنساؤں۔ پس انہوں نے کہا کہ یارسول اللہ! کاش! آپ دیکھتے کہ خارجہ کی بیٹی کو (یہ سیدنا عمر رضی اللہ عنہ کی زوجہ ہیں) کہ اس نے مجھ سے خرچ مانگا تو میں اس کے پاس کھڑا ہو کر اس کا گلا گھونٹنے لگا، تو رسول اللہ صلی اللہ علیہ وسلم ہنس دیے اور فرمایا:’’ یہ سب بھی میرے گرد ہیں جیسا کہ تم دیکھتے ہو اور مجھ سے خرچ مانگ رہی ہیں۔‘‘ پس سیدنا ابوبکر رضی اللہ عنہ کھڑے ہو کر عائشہ رضی اللہ عنہا کا گلا گھونٹنے لگے اور سیدنا عمر رضی اللہ عنہ حفصہ رضی اللہ عنہا کا اور دونوں (اپنی اپنی بیٹیوں سے) کہتے تھے کہ تم رسول اللہ صلی اللہ علیہ وسلم سے وہ چیز مانگتی ہو جو آپ صلی اللہ علیہ وسلم کے پاس نہیں ہے؟ اوروہ کہنے لگیں کہ اللہ کی قسم! ہم کبھی رسول اللہ صلی اللہ علیہ وسلم سے ایسی چیز نہ مانگیں گی جو آپ کے پاس نہیں ہے۔ پھر آپ صلی اللہ علیہ وسلم ان سے ایک ماہ یا انتیس دن جدا رہے، پھر آپ صلی اللہ علیہ وسلم پر یہ آیت اتری کہ ’’اے نبی! اپنی بیویوں سے کہہ دو …سے … اجر عظیم ہے‘‘ تک (احزاب:۲۹۔۲۸)۔ پس رسول اللہ صلی اللہ علیہ وسلم پہلے ام المومنین عائشہ صدیقہ رضی اللہ عنہا کے پاس آئے اور ان سے فرمایا:’’ اے عائشہ! میں تم پر ایک چیز پیش کر رہا ہوں اور چاہتا ہوں کہ تم اس میں جلدی نہ کرو جب تک اپنے ماں باپ سے مشورہ نہ لے لو۔‘‘ انہوں نے عرض کی کہ یارسول اللہ! وہ کیا بات ہے؟ پھر آپ صلی اللہ علیہ وسلم نے ان پر یہ آیت پڑھی تو انہوں نے کہا کہ یا رسول اللہ!کیا میں آپ صلی اللہ علیہ وسلم کے بارے میں اپنے والدین سے مشورہ لوں؟ بلکہ میں اللہ اور اس کے رسول صلی اللہ علیہ وسلم کو اختیار کرتی ہوں اور میں آپ سے یہ سوال کرتی ہوں کہ آپ اپنی ازواج میں سے کسی کو میرے اس جواب کی خبر نہ دیں جو میں نے دیا ہے۔ آپ صلی اللہ علیہ وسلم نے فرمایا:’’ ان میں سے جو بیوی مجھ سے پوچھے گی میں اسے فوراً خبر کر دوں گا، اس لیے کہ اللہ تعالیٰ نے مجھے تنگی اور سختی کرنے والا نہیں بلکہ آسانی سے سکھانے والا بنا کر بھیجا ہے۔ ‘‘