انٹرویو محترم محمد وقاص گل صاحب

[محمد وقاص گل]

19۔محدث ویب سائٹس کا تعارف کب اور کیسے ہوا ؟

2 سال ہوئے ہیں شائد۔ وجہ یہ بنی کہ ایک دو جگہ پر کوئی ایسی بات دیکھی جس پر میں مطمئن نہ تھا جواب دینے کی کوشش کی تو لاگ ان ہونے کا کہا گیا اسکے علاوہ مختلف مسائل پر سرچ کرتے کرتے یہ سائٹ سامنے آئی تو بلاخر جوائن کر لیا
​

20-محدث فورم کے وہ کون سے اراكين ہیں ، جن کی تحاریر سے آپ متاثر ہوئے يا علمی فائدہ محسوس ہوا ؟

میں بہت کم انٹرنیٹ استعمال کرتا ہوں اگر کروں بھی تو لمبی تحاریر انٹرنیٹ سے نہیں پڑھتا اور نہ ہی پڑھنے ہوتی ہیں۔ جبکے یہان جتنے بھی اچھا لکھنے والے ہیں وہ لمبا ہی لکھتے ہیں ابتسامہ
شیخ رفیق طاہر حفظہ اللہ اچھا لکھتے ہیں اس کے علاوہ شیخ کفایت اللہ صاحب تحقیق و تخریج سے وابستہ ہیں ان سے بھی فائدہ ہوا۔شیخ @انس صاحب سے عجیب سی انسیت محسوس ہوتی ہے پتہ نہیں کیوں۔ شاکر بھائی کا لہجہ بہت اچھا ہے۔باقی تقریبا تمام اراکین ہی اچھا لکھتے ہیں۔

21۔ہدایت اللہ کی طرف سے آتی ہے، مگر اللہ تعالی ایسے اسباب بنا دیتے ہیں ، جو ہدایت کا باعث بن جاتے ہیں ، آپ کی زندگی میں ان اسباب کا کیا کردار رہا؟؟

جی بالکل ہدایت اللہ کی طرف سے آتی ہے اور ہدایت دنیا میں اللہ کی سب سے بڑی نعمت ہے۔۔
اسباب میں شیخ طالب الرحمان شاہ صاحب اور میرے ماموں اور بہنوئی شامل ہیں۔

22۔دین اسلام کی ترقی و سربلندی کے لیے ، مسلمانوں میں کس چیز کی ضرورت محسوس کرتے ہیں؟؟

دعوت و تبلیغ کے صحیح انداز اور منظم طریقے کی اشد ضرورت ہے۔ مسلمانوں کو اپنے اسلاف کی سیرت پڑھنی چاہئے اور اسکے مطابق اپنی زندگی گزارنی چاہیے اسی میں کامیابی ہے۔ آج ہمارے اندر جہاد کو بالکل ایسی چیز بنا دیا گیا ہے جیسے نعوذباللہ یہ کوئی بہت غلط کام ہے حالانکہ دعوت و تبلیغ میں اس سے ضرور مدد لینی چاہیے جیسا کہ نبی علیہ الصلاۃ والسلام کرتے رہے۔۔

 

[محمد وقاص گل]

23۔آپ کی نظر میں نوجوان طبقے کے لیے كون سی ضروری چیزیں ہیں جن کا خیال رکھ کر ایک مثالی مسلمان بن سکتا ہے ؟

میں سمجھتا ہوں ہم پانچ وقت کی نماز صحیح انداز میں پڑھ لیں اور دین کو ترجیح دیں اور اسکو سیکھیں اور اسکے مطابق اپنی زندگیاں گزاریں تو یہ بہت بڑی بات ہے جس سے ہمارے بہت سے مسائل حل ہو سکتے ہیں۔ میں سمجھتا ہوں اس میں والدین کا بڑا کردار ہے کہ وہ اپنی اولاد کی تربیت اچھے انداز سے کریں۔
آج ہمارے معاشرے میں دین کو صرف منبر و محراب اور مساجد تک محدود بنا لیا گیا ہے اور سمجھ لیا گیا ہے اور لوگ سمجھتے ہیں دین کا نام لینے والے خاص لوگ ہیں حالانکہ دین کے بنیادی مسائل کا سمجھنا سیکھنا ہر مسلمان پر فرض ہے۔
مزید چند باتیں آخری سوال کے جواب میں بھی ملاحظہ کی جاسکتی ہیں۔

24۔دین اسلام کے بیش بہا موضوعات میں سے وہ کون سا ایسا موضوع ہے ، جس کی محفل آپ کو بہت پسند آتی ہے ؟

کوئی بھی علمی موضوع ہو وہ اچھا لگتا ہے البتہ حدیث اور محدثین کی محفل اچھی لگتی ہے۔ اس کے علاوہ رجال تحقیق و تخریج کی محفل سے خاص لگاؤ ہے۔

25۔ مسلکی اختلافات کےبارے میں آپ کا نقطہ نظر کیا ہے ؟ جدید پیش آمدہ مسائل کے دینی حل کے لیے بہترین طریقہ کیا سمجھتے ہیں ؟

قران و حدیث کی طرف رجوع اور انکو فہم سلف کے ساتھ سمجھنا۔

26۔ہر انسان زندگی کے کسی نہ کسی شعبہ میں مہارت اور قابلیت رکھتا ہے ، اس حوالے سے اپنی صلاحیتوں کی تلاش کیسے ہوئی ؟ نیز اس مہارت اور قابلیت کا تذکرہ بھی کیجیئے۔

فی الحال تو کچھ نہیں آتا، حدیث سے ذیادہ واسطہ ہے اور شیخ زبیر رحمہ اللہ سے کافی تعلق رہا انکی مجالس سے ہی تحقیق و تخریج کے میدان کا انتخاب کیا اور اسی میں ان شاء اللہ آگے بڑھنے کا پروگرام ہے۔

 

[محمد وقاص گل]

27۔پاکستانی سیاست میں بطور عالم دین شمولیت کا ارادہ رکھتے ہیں؟؟

ہرگز نہیں یہ فتنہ ہے جو دین دنیا دونوں کو بہا لے جائے گا۔

28- اپنی پسندیدہ شخصیات اور کتب کے بارے میں آگاہ فرمائیں ۔كيا دین کے معاملے میں کسی شخصیت پر رشک آتا ہے؟

کسی حد تک یہ سوال اوپر گزر چکا ہے۔
باقی کتب کا تذکرہ بھی گزر چکا ہے احادیث اور رجال کی کتب پسندیدہ ہیں۔ سیر اعلام النبلاء کمال کی کتاب ہے۔
محدثین جتنے بھی ہیں سب پر ۔اللہ انکی محنتوں کو قبول فرمائے۔ امام مزی کی تھذیب الکمال پڑھ کر حیرت ہوتی ہے۔ حافظ ابن حجر رحمہ اللہ اور امام ذھبی رحمہ اللہ عظیم لوگ تھے ہمارے شیخ کے بقول " یہ انکے بس کی بات نہیں تھی ان لوگوں کو اللہ نے چنا اور ان سے یہ کام کروائے"
موجودہ دور میں شیخ زبیر علیزئی رحمہ اللہ اور شیخ ارشاد الحق اثری حفظہ اللہ اور شیخ امین اللہ بشاوری حفظہ اللہ شیخ عبدالحمید ازھر حفظہ اللہ اور عبد الرشید اظہر رحمہ اللہ وغیرہ پر بھی رشک آتا ہے کہ کیسے کیسے کام اس پر فتن دور میں اللہ نے ان سے لئے اور لے رہا ہے۔

29۔اپنی ذاتی لائبریری کے متعلق کچھ بتائیں۔ لائبریری میں کتنی اور کن اقسام کی کتب ہیں؟

بڑا درد دینے والا سوال پوچھ لیا بھائی آپ نے وسائل کی کمی کی وجہ سے بہت پریشانی ہوتی ہے لیکن پھر بھی اللہ کا بڑا فضل ہے، کتب سے جنون کی حد تک محبت ہے،بعض لوگ کہتے ہیں انٹرنیٹ سے ڈاؤنلوڈ کر لینگے لیکن میں نے جیسا کہ اوپر بھی ذکر کیا کہ انٹرنیٹ سے لمبی تحریر پڑھ نہیں سکتا اس لئے کتاب خریدنی پڑھتی ہے اور یہی فائدہ مند ہے۔
میرے ایک دوست ہیں انہوں نے کتب لینے اور انتخاب کتب میں میری بڑی رہنمائی کی اس لیئے کتاب بڑی احتیاط سے لیتا ہوں۔
کتابیں کبھی گنی تو نہیں البتہ ہر قسم کی ہیں الحمد للہ اردو بھی ہیں لیکن ذیادہ عربی ہیں اختلافی مسائل پر مخالف کی کتاب رکھنا بھی ضروری ہوتی ہے اس لئے وہ بھی ہیں۔کتب حدیث کی مین مین سب ہیں اور رجال کی بھی تفاسیر اور شروحات کی بھی ہیں والحمد للہ علی ھذ ہ النعمۃ

30۔امور خانہ داری میں کیا کردار ادا کرتے ہیں؟کھانے میں کیا پسند کرتے ہیں؟؟اور اگر خود کھانا بنانا پڑے تو؟؟؟

گھر کے تقریبا سبھی کام کر لیتا ہوں امی کے ساتھ ہر کام میں ہاتھ بٹانا اچھا لگتا تھا۔
کھانے میں کبھی تکلف نہیں کیا امی کہا کرتی تھیں وقاص ہر چیز کھا لیتا ہے، لیکن کبھی جی چاہے تو چاول وہ بھی چنے والے بہت شوق سے کھاتا ہوں اس کے علاوہ چائینیز چاول بھی آج کل چل نکلے ہیں وہ بھی اچھے لگتے ہیں۔ باقی سبزیوں میں آلو، بھنڈی، اروی وغیرہ اچھے لگتے ہیں۔
خود بنانا پڑھے تو بعض دفعہ تو بھوک برداشت کر لیتا ہوں ابتسامہ، وگرنہ انڈا، آلو وغیرہ بنا کر نظام چل جاتا ہے۔ روٹی کیلئے تندور کی طرف رجوع۔۔

 

[محمد وقاص گل]

31

۔ مطالعے كا كتنا شوق ہے؟ زياده ترمطالعہ کا ذریعہ کمپیوٹر ،یا براہ راست کتاب سے پڑھتے ہیں .؟

تقریبا اکثر ٹائم مطالعے میں ہی گزرتا ہے، کمپیوٹر سے مطالعہ نہیں ہو سکتا اوپر بھی اس کی وضاحت کر چکا ہوں۔

32۔ آپ کو غصہ کتنا آتا ہے اور اُس صورت میں کیا کرتے ہیں؟

اوپر وضاحت کر دی ہے کہ ایک طرف طبیعت ہنس مکھ ہے لیکن غصہ جلدی آ جاتا ہے، تعوذ اور اللہ کے ذکر سے بہت فائدہ ہوتا ہے۔ یا اس مجلس سے اٹھ جاتا ہوں۔

33۔ اب تک محدث فورم کے کن کن اراکین سے آپ کی مُلاقات ہو چُکی ہے۔

ابھی تک تو کسی کے ساتھ نہیں ہوئی شائد اسکی وجہ یہ بھی ہے کہ میں راولپنڈی سے ہوں اور فورم کے اکثر اراکین کا تعلق پنچاب سے ہے۔ اور مصروفیت بھی ایک وجہ ہے۔

34۔ اراكينِ محدث فورم کے لیے کوئی پیغام دینا چاہیں گے

میں طالبعلم کیا پیغام دونگا۔ البتہ اتنا ضرور کہوں گا کہ انٹرنیٹ مفید بھی ہے لیکن بہت بڑا فتنہ بھی ہے اس میں انسان مخاطب کی صحیح انداز میں پہچان نہیں کر سکتا اس لئے بڑے محتاط انداز میں اسکا استعمال کیا جائے۔
بہت سے لوگوں کو دیکھا جاتا ہے(صرف فورم پر نہیں عمومی بات کر رہا ہوں) جو اپنی اصلاح کر نہیں سکتے اور دعوے انکے پوری دنیا پر اسلام کے نفاذ کے ہوتے ہیں یہ غلط ہے۔ اصلاح کا وہی پہلو درست ہے جو نبی علیہ الصلاۃ والسلام نے اختیار کیا اور بتایا۔
اسی طرح بعض بھائی انٹرنیٹ پر بڑی اچھی دعوت دیتے ہیں لیکن عملا وہ کچھ نہیں کر رہے ہوتے اور انٹرنیٹ کی دعوت کو ہی سب کچھ سمجھتے ہیں یہ صحیح نہیں ۔ اپنے گرد و پیش کی اصلاح بہت ضروری ہے۔
انٹرنیٹ پر جتنا بھی دینی کام کیا جائے وہ ناقص ہے اس کے وہ فوائد نہیں جو عملی کام کے مل سکتے ہیں۔
اپنی بہنوں سے گزارش کرونگا کہ جتنا ہو سکے ان چیزوں سے اپنا دامن بچا کر رکھیں آپ پر اللہ نے اور بہت سی ذمہ داریاں عائد کی ہیں میں اس کی افادیت کا انکاری نہیں اس سے آپ فائدہ ضرور لیں لیکن اس کو ہی سب کچھ سمجھنا یہ درست نہیں۔

نوٹ۔میں لکھنے میں اتنا قابل نہیں ہوں اس لئے کوئی غلط بات کہہ دی ہو تو پیشگی معذرت۔
سبحانک اللہم وبحمدک اشھد ان لا الہ الا انت استغفرک واتوب الیک

 

[خضر حیات]

ماشاءاللہ ، بہت اچھا انٹرویو رہا۔
آپ کےبارے میں پتہ چلا تھا کہ پچھلے سال آپ کا ام القری میں مقبول طلبہ میں نام آیا تھا لیکن کسی وجہ سے یہ کام درمیان میں ہی رہ گیا ۔
اس حوالے سے ذرا وضاحت فرمائیں ۔
نیز یہ بھی بتائیں کے جامعہ اسلامیہ میں آپ نے داخلہ بھیجا تھا ۔؟

 

[محمد شاہد]

ماشاءاللہ ، بہت اچھا انٹرویو رہا۔

 

[محمد نعیم یونس]

جزاک اللہ خیرا وقاص اخی!
اللہ تعالی آپکے نیک اعمال میں برکت فرمائے۔آمین!

 

[محمد وقاص گل]

ماشاءاللہ ، بہت اچھا انٹرویو رہا۔
آپ کےبارے میں پتہ چلا تھا کہ پچھلے سال آپ کا ام القری میں مقبول طلبہ میں نام آیا تھا لیکن کسی وجہ سے یہ کام درمیان میں ہی رہ گیا ۔
اس حوالے سے ذرا وضاحت فرمائیں ۔
نیز یہ بھی بتائیں کے جامعہ اسلامیہ میں آپ نے داخلہ بھیجا تھا ۔؟

جزاکم اللہ خیرا۔۔۔
شائد ابھی ہمارے نصیب نہیں جاگے۔
بات تو ٹھیک ہے کہ نام آیا تھا لیکن یونیورسٹی والوں کی سستی کی وجہ سے پچھلے سال باہر سے کسی بھی طالبعلم کو نہیں لیا گیا،۔
جی جامعہ اسلامیہ میں بھی ایک دو دفعہ بھیج چکا ہوں۔ لیکن وہاں بھی چونکہ کوئی واضح معیار نہیں اسلیئے شائد ادھر بھی نام نہیں آیا، حالانکہ ہم چند اولین طلبہ کو پوری امید تھی کیونکہ ہمارے مدیر صاحب نے بھی جامعہ کی طرف سے ہمارا نام بھیجا تھا۔ قدر اللہ ماشاء وما فعل

 

[محمد وقاص گل]

ماشاءاللہ ، بہت اچھا انٹرویو رہا۔

جزاک اللہ خیرا۔۔۔

جزاک اللہ خیرا وقاص اخی!
اللہ تعالی آپکے نیک اعمال میں برکت فرمائے۔آمین!

وایاک۔۔
آمین بارک اللہ فیک۔۔

 

[Dua]

السلام علیکم ورحمتہ اللہ !
ماشاء اللہ بھائی ، بہت ہی معلوماتی اور مفید انٹرویو رہا آپ کا۔ اللہ تعالی نیک مقاصد میں کامیابی عطا کرے۔آمین
تزکیہ نفس کے لیے کیا طریقہ کار اپناتے ہیں ؟ اس حوالے سے کوئی کتاب ؟