محدث فورم کی ملی بھگت ؟

[محمد عامر یونس]

السلام علیکم ورحمتہ اللہ وبرکاتہ !

رسول اللہ ﷺ کی آٹھ نصیحتیں

حضرت ابو ایوب رضی اللہ عنہ سے روایت ہے کہ رسول اللہ ﷺ نے فرمایا کہ ’’کسی مسلمان کے لیے یہ حلال نہیں ہے کہ وہ اپنے بھائی سے تین روز سے زیادہ قطع تعلق رکھے۔جب دونوں کا آمنا سامنا ہو تو یہ اپنا منہ ادھر کر لے اور وہ اُدھر کرلے۔دونوں میں بہتر وہ ہے جو سلام میں پہل کرے۔‘‘

(بخاری ومسلم)
​

لہذا اس مسلے کو ختم کرے اور صلح میں پہل کریں -

ان شاء اللہ اللہ رب العالمین آپ لوگوں کو اس کا بہترین اجر دے گا-

 

[محمد عامر یونس]

کیا واقعی ھم اہل حدیث کہلانے کے مستحق ہیں ؟؟؟

کیا نبی صلی اللہ علیہ وسلم کی یہی تعلیمات ہیں ؟؟؟

انا للہ وانا الیہ راجعون

جی جب تک یہ فیس بک پر داد وصول کر رہا تھا تب آپ سب کہاں تھے؟ یہ اچھا طریقہ ہے کہ پہلے ڈیڑھ دو سو لوگوں میں کسی کی عزت پر حملہ کرو پھر پوسٹ ڈیلیٹ کر دو۔اب یاد آ رہا کہ اخلاق کا دائرہ کیا ہوتا ہے؟ میں نے کئی دن صبر کیا اور جب دیکھا کہ یہ آوارہ کتا ہے جس کا کوئی مالک نہیں جو اسے پٹہ ڈالے تو جواب دیا۔ محدث فورم والوں کو تو بعد میں اپنے داماد کی سرپرستی کا خیال آیا۔ ایسے بدبودار لوگ مجھ سے خیر کی کوئی توقع نہ رکھیں۔ اگراس مخنث کو مخنث کہنا بری بات ہے تو کسی سنی کو ناصبی کہنا کہاں کی انسانیت ہے؟ میں نے اس کے عقیدے پر کوئی تہمت نہیں دھری اب تک، نہ ہی ابھی فیس بک پر جواب شروع کیا ہے، لوگ خود ہی بتا رہے ہیں کہ اہل رفض سے خصوصی تعلقات ہیں جبھی صورت پر نور کی برسات ہے۔


لنک

@بابر تنویر بھائی کیا کہے گے آپ اس تحریر کے بارے میں

​

 

[محمد فیض الابرار]

اللہ ہمارے حال پر رحم کرے
اسی وجہ سے تاریخی واقعات کے بارے میں حتمیت اختیار کرنے سے منع کیا گیا ہے کہ اگر اصول حدیث کو تاریخی روایات پر لاگو کیا جائے تو ہمارے ہاتھ کچھ بھی نہیں آ ئے گا
اور حیران کن امر یہ ہے اختلافی موضوعات پر متضاد روایات ایک ہی کتاب میں ملتی ہیں ہر کوئی اپنی مرضی کی روایات لے کر باقی کو ترک کر دیتا ہے
توقف اور صبر و تحمل
توقف اور صبر و تحمل نہ کیا جائے تو پھر ایسے ہی مناظر نظر آتے ہیں جیسا کہ ابھی نظر آ رہے ہیں
تکفیر ، ناصبیت، مشرک، بدعتی کا انطباق اتنی جلدی کرنے میں پھر جوابی طور پر بھی ایسے ہی فتاوی آ سکتے ہیں
لہذا ان مناظرانہ گفتگو سے تمام اراکین کو یہ سبق سیکھنا چاہیے کہ آئندہ تاریخی واقعات میں حتمی انداز اختیار کر کے اختلاف رائے پر فتوی لگانے سے گریز کیا جائے

 

[شاہد نذیر]

السلام علیکم ورحمۃ اللہ وبرکاتہ!

اس سارے معاملے میں بے قصور ہوتے ہوئے بھی جو شخص مظلومانہ نشانہ بنا وہ بیچارے خضرحیات بھائی ہیں۔ اگرچہ اس معاملے میں مداخلت کرنے کی انکی نیت محض اصلاح اور معاملے کو ٹھنڈا کرنے کی تھی لیکن وہ بھی تنقید کی زد میں آگئے۔ بہرحال میں انکے حوصلے اور نرمی کی داد دیتا ہوں کہ انہوں نے خوشی سے خود پر تنقید برداشت کی جبکہ ان کی جگہ کوئی اور ہوتا تو معاملہ زیادہ خراب ہوجاتا۔ خضرحیات بھائی میں آپ کے لئے دعاگو ہوں کہ اللہ آپکو اجرعظیم عطا فرمائے۔آمین

نرمی اور برادشت کی خوبی میں نے یہ دیکھی ہے کہ مخالفین اور دشمن بھی جلد یا بدیر دوست بن جاتے ہیں۔ میں بھی کسی وقت آپ کا مخالف تھا آپ کی پالیسی اور نرمی کو زیادہ پسند نہیں کرتا تھا لیکن اب مجھے آپ سے بہت محبت ہے۔

چونکہ یہ انتہائی نازک معاملہ ہے اس لئے میں اس میں شامل نہیں ہونا چاہتا لیکن یہ ضرور کہوں گا کہ جھگڑا چند اشخاص کے درمیان سے نکل کو فورم کی جنگ میں کیوں تبدیل ہوجاتا ہے اس سے پہلے بھی ایک مرتبہ یہی صورتحال ہوگئی تھی کہ چند لوگوں میں لڑائی ہوئی جو بعد میں فورمز کی جنگ بن گئی۔ بار بار ایسی صورتحال کا پیدا ہونا انتہائی تشویشناک ہے اس کا سدباب ہونا چاہیے۔ ایک ہی مسلک سے تعلق رکھنے والے لوگ الگ الگ فورمز کے ممبر بن کر اپنی ذاتی جنگ کو فورم کی جنگ میں تبدیل کردیتے ہیں یہ بہت ہی افسوسناک عمل ہے بلکہ یہ چھوٹی لڑائی کا بڑا فتنہ بنانے کی سعی ہے۔ آخر مخصوص ممبران کی لڑائی مخصوص ممبران تک ہی کیوں محدود نہیں رہتی اس میں فورمز کو کیوں نشانہ بنایا جاتا ہے؟ اللہ ہمیں شیطان کی چالبازیوں سے محفوظ رکھے۔آمین

 

[محمد فیض الابرار]

اور یہ حقیقت بھی مدنظر رکھنی چاہیے کہ جن معاملات میں اختلافات ہمارے اسلاف سے حل نہ ہو سکے وہ ہم سے بھی حل نہ ہو سکے گے
اور اس کا مطل ہے کہ اس میں اگر آپ عالم دین ہیں تو توسع کو مدنظر رکھتے ہوئے کوئی بھی موقف اختیار کیجیے یہ آپ کا حق ہے لیکن پھر اپنے موقف کی تشہیر اور اس پر صحت کا اصرار اور مخالفانہ رائے کے غلط ہونے پر فتوی
اسی مقام سے بگاڑ اور فساد پیدا ہوتا ہے
یہ بات مدنظر رہے کہ فقہی معاملات میں صحیح احادیث ہونے کے باوجود آج تک ان اختلافات کو ختم نہیں کیا جا سکا مثال کے طور پر رویت ھلال کا مسئلہ ہے یا صوم یوم عرفۃ کا مسئلہ ہے صحیحین کی احادیث ہیں اس کے باوجود اختلاف ختم نہیں ہو رہا اب اگر کوئی شخص اختلاف المطالع کو سامنے رکھتے ہوئے مقامی چاند کو معتبر سمجھتا ہے تو یہ اس کا اختیار ہے اور اس کی حسن نیت کا اجر اس کو مل کر رہے گا اور اگر کوئی مقامی چاند کو قابل اعتبار نہیں سمجھتا اور سعودی عرب کے چاند کو معتبر جانتا ہے تو یہ اس کا اختیار ہے اسے بھی حسن نیت کی بنیاد پر اجر ملے گا
تو عرض ہے تاریخی واقعات کی بنیاد صحیحین نہیں بلکہ سرے سے تحقیق تو ہے ہی نہیں تو پھر ان معاملات میں اختلافات اختیار کرنا اور شدت پسندی یہ تو عقلا بھی زیب نہیں دیتی
تاریخ کی کتب پر پہلی مرتبہ تحقیقی نظر کچھ عرصہ پہلے سعودی عالم دین نے تاریخ طبری کی تحقیق کر کے آغاز کیا 8 جلدوں پر تحقیق جس میں 5 ضعیف تاریخ طبری اور 3 صحیح تاریخ طبری (کما اخبرت انا)
للہ ۔۔۔۔ للہ ۔۔۔۔۔ للہ
خاموشی اختیار کر لیجیے کوئی جواب نہ دیجیے اور اس موضوع کو مقفل کر دیں
جب فورم بمقابلہ فورم جواب نہیں آئے گا تو اردو مجلس والے بھی خاموش ہو ہی جائیں گے ذاتی حیثیت سے سب آزاد ہیں جو چاہیں کرتے رہیں
اور میرا خیال ہے طاہر اسلام بھائی خاموشی اختیار کر کے اس کی ابتدا کر چکے ہیں جزاہ اللہ خیرا
میں اردو مجلس کا ممبر نہیں ہوں لیکن اگر میری ان تک رسائی ہوئی تو وہاں بھی یہی التماس کے ساتھ حاضری دوں گا
خاموشی کے بعد ایک دوسرے سے معذرت
اللہ ہمار ی ایمانی محبتوں کو قائم رکھے اور شیطان کو درمیان میں نہ آنے دے آمین

 

[خضر حیات]

السلام علیکم ورحمۃ اللہ وبرکاتہ!
اس سارے معاملے میں بے قصور ہوتے ہوئے بھی جو شخص مظلومانہ نشانہ بنا وہ بیچارے خضرحیات بھائی ہیں۔ اگرچہ اس معاملے میں مداخلت کرنے کی انکی نیت محض اصلاح اور معاملے کو ٹھنڈا کرنے کی تھی لیکن وہ بھی تنقید کی زد میں آگئے۔ بہرحال میں انکے حوصلے اور نرمی کی داد دیتا ہوں کہ انہوں نے خوشی سے خود پر تنقید برداشت کی جبکہ ان کی جگہ کوئی اور ہوتا تو معاملہ زیادہ خراب ہوجاتا۔ خضرحیات بھائی میں آپ کے لئے دعاگو ہوں کہ اللہ آپکو اجرعظیم عطا فرمائے۔آمین
نرمی اور برادشت کی خوبی میں نے یہ دیکھی ہے کہ مخالفین اور دشمن بھی جلد یا بدیر دوست بن جاتے ہیں۔ میں بھی کسی وقت آپ کا مخالف تھا آپ کی پالیسی اور نرمی کو زیادہ پسند نہیں کرتا تھا لیکن اب مجھے آپ سے بہت محبت ہے۔

و علیکم السلام ورحمۃ اللہ وبرکاتہ
محترم شاہد نذیر بھائی ، یہ آپ کا حسن ظن ہے ، اللہ تعالی اس کو برقرار رکھے ، اور آپ کی محبت یکطرفہ نہیں ، ہمیں بھی آپ جیسے تحقیق پسند اور درست منہج والے بھائیوں سے اللہ کے لیے محبت ہے ۔
اللہ تعالی سے دعا کہ اپنی ذات کے لیے ہماری اس محبت کو قبول فرما کر قیامت والے دن اپنے عرش کے سایہ سے نوازے ۔
کچھ چیزیں جو دوسروں کو خوبیاں نظر آتی ہیں ، وہ کئی انسانوں کی اپنی محنت کا نتیجہ ہوتی ہیں ، جب کہ کئی دوسرے لوگ ایسے ہوتے ہیں جن کی زندگی کا سیاق و سباق انہیں کئی رذائل سے بچا لیتا ہے ، پھلدار درخت تو جھک ہی جاتا ہے ، لیکن بعض دفعہ خالی درخت بھی تیز آندھی کے سامنے جھکنے پر مجبور ہوجاتا ہے ۔ شاید محدث فورم کی کچھ ذمہ داری کے سبب اللہ تعالی نے توفیق دی ہے ، کہ ذاتیات پر حملے زیادہ برے محسوس نہیں ہوتے ، اللہ کرے اگر ہمارے اندر کوئی خوبی اگر کسی مجبوری یا تصنع اور بناوٹ کے قبیل سے بھی ہے تو اللہ تعالی اس کو طبیعت کا حصہ بنادے ۔ و ماذلک علی اللہ بعزیز ۔

 

[محمد عامر یونس]

٭٭٭ سب سے محبوب اور قریب ٭٭٭

(فرمان رسول اللہ صلی اللہ علیہ وسلم)
​

لوگوں میں سے سب سے زیادہ محبوب اور آخرت میں مجھ سے سب سے زیادہ قریب اچھے اخلاق والے لوگ ہوں گے

------------------------------------------
(سنن الترمذي : 2018 ،، صحيح ابن حبان : 482 ، ، 5557 ، ،الترغيب والترهيب : 4/36)​

 

[محمد عامر یونس]

​

 

[محمد عامر یونس]

انصاف‬!

​

عمر بن ذر نے ابن عیاش منتوف سے ؛ جنھوں نے انھیں کچھ تنگ کیا تھا ،کہا :

" ہمیں زیادہ گالیاں نہ دو اور صلح کی گنجائش باقی رکھو __ جو ہمارے بارے میں اللہ کی نافرمانی کرتا ہے ہم اس کو اس سے زیادہ کچھ بدلہ نہیں دیتے کہ اس کے بارے میں اللہ کی اطاعت کرتے ہیں ____ "

________________________

قال عمر لابن عياش و قد لي منه شدة و اذي ، فقال :

(( يا هذا لا تغرق في شتمنا و دع للصلح موضعا فانا لا نكافئ من عصی الله فينا باكثر من ان نطيع الله فيه . ))

[ الكرم و الجود للبرجلاني ، رقم : ٣٥ ]
( اسناده صحيح )​

 

[محمد عامر یونس]

‫‏اخلاق كی افضل چیز !

‬
​

قال الحسن بصری رحمہ اللہ :

(( افضل اخلاق المسلمين العفو . ))​

حسن بصری رحمہ اللہ کہتے ہیں :

" مسلمانوں کے اخلاق میں سے سب سے افضل درگزر ( کرنے والی خوبی ) ہے. "​

_______________________​

[ الزهد لابن مبارك رقم ٦٥٢ ]
( سنده صحيح )​