برادران احناف سے 20 سوالات

[وقاص]

واقعی ، مجھے بھی حیرت ہوتی ہے کہ جب بھی کسی حنفی دوست سے بات ہو تو وہ بد زبانی پر اتر آتا ہے، حالانکہ دین اصلاح کا نام ہے۔ اس میں غصہ کرنا اور ناراض ہونا خود اپنے ساتھ زیادتی ہے۔ اللہ سمجھ دے۔

واقعی بری با ت ہے۔
آپ کے سوال رویتی قسم کے ہیں بہت ویب سایٹس پر ان کے جواب دیے جا چکے ہیں۔ اگر واقعی آپ حق جاننے کییلیے مخلص ہیں تو "اھل حق ڈاٹ کام" پر مولانا امین صفدر صاحب کے تقلید پر جو بیانات ہیں وہ سماعت فرما لیں۔اسی طرح "احناف ڈاٹ کام" پر بھی ہیں۔

سوال نمبر2: اجماع کی تعریف کیا ہے۔ اور اجماع کن لوگوں کا معتبر ہے؟ تقلید شخصی اصطلاحی پر کیا اجماع ہوا ہے۔ اگر ہوا ہے تو کب، کہاں اور کن کا؟
جواب
(۱) علامہ ابن ہمام رحمہ اللہ، (التحریر في اصول الفقہ: ۵۵۲)
(۲) علامہ ابن نجیم مصری (الأشباہ: ۱۳۱)
(۳) محدث ابن حجر مکی رحمہ اللہ (فتح المبین ۱۶۶)
(۴) امام ابراہیم سرخسی مالکی رحمہ اللہ (الفتوحات الوہبیہ: ۱۹۹)
(۵) مشہو رمحدث ومفسر قاضی ثناء اللہ پانی پتی رحمہ اللہ (تفسیر مظہری:۲/۶۴)
(۶) حضرت شاہ ولی اللہ محدث دہلوی رحمہ اللہ (حجة اللہ البالغہ: ۱/۳۶۱)
(۷)شارح مسلم شریف علامہ نووی (نور الہدایہ: ۱/۱۰)
ان تمام علماء کرام نے فرمایا ہے کہ اجماع ہو گیا ہے،اور اتفاق کی بات یہ ہے کہ جب اجماع ہورہا تھا ہمارا اس دنیا میں وجود نہیں تھا اس لئے ان کی بات پر اعتبا رکرنا پڑے گا اسی کا نام پیروی ہے اور اسی میں عافیت ہے ۔فقط واللہ اعلم بالصواب
سرکار دوعالم نے فرمایا میر ی امت گمراہی پر اکٹھی نہیں ہو سکتی۔
اسی بات کو اگر سمجھ لیں تو کافی ہے ٢٠ کیا ٢٠،٠٠٠ سوالوں کا جواب ہے۔
باقی آپس کی با ت ہے کہ غیر مقلدین بے چارے قابل ترس لوگ ہیں۔ ابو حنیفہ رحمتہ اللہ علیہ کو گمراہ ، ضعیف اور پتہ نہیں کیا کیا ثابت کرنے پر تلے ہوئے ہیں۔ اور اتنا بغض ان کے سینوں میں بھر دیا جاتا ہے۔ کہ جب ان میں سے کیسی کو یہ پتہ چلتا ہے کہ بخاری کے مرکزی رادی ابوحنیفہ کے مقلد تھے تو وہ منکرحدیث ہو جانے کو ترجیح دے دیتے ہیں۔
میں اپنے عزیزوں میں ٣ ، ٤ایسے لوگوں کو جانتا ہوں پہلے غیر مقلد تھے آج منکر حدیث ہیں۔ ایک تو بچارے قادیانیت تک پہنچے کھڑے ہیں۔غیر مقلدین کے حق کو تسلیم کرنے والے علما بھی یہ با ت مانتے ہیں۔ اللہ ہم سب کو صحیح راستے کی ہدایت دے۔
ایک زمانہ مجھ پر گزرا ہے کہ میں بھی غیر مقلدیت کا مدح سرا تھا۔ لیکن اللہ ہی نے ہدایت دی۔

 

[lovelyalltime]

برادران احناف سے 20 سوالات
السلام و علیکم و رحمة اللہ و برکاته
​

اس فورم پر بجائے ہم اپنے اختلافات کو ختم کرنے کے مزید بڑھا رہے ہیں جو کہ دین اسلام کے لئے بہت ضرر رساں ہے اس لئے جب اللہ سبحانہ وتعالیٰ کا فرمان ہے کہ جب تمہارے درمیان نزاع ہو تو کتاب و سنت کی طرف رجوع کرو اور آج ہم
یہی نہیں کر رہے ہیں۔ لہٰذا میں نے اپنی کم فہمی کو وجہ سے فقہ حنفی کو سمجھنے کیلئے ایک سوالنامہ ترتیب دیا ہے مجھے امید ہے کہ میرے حنفی بھائی اسے سمجھنے میں میری رہنمائی کریں گے اور ان سوالوں کے جوابات کتابوں سنت کے مطابق دیں گے تاکہ دو اہلسنت گروہوں کے درمیان کچھ حد تک نزاع میں کمی آئے۔ نیز اگر مجھ سے یہ سوالنامہ ترتیب دینے میں کہیں کوئی کوتاہی ہوئی ہو تو اس طرف بھی میری رہنمائی فرمائیں گے۔ اللہ سبحانہ وتعالیٰہمیںدین کو صحیح معنوں میں سمجھنے کی توفیق عطاء فرمائں اور ہمارے ہر طرح کے تنازعہ کو ختم فرمائیں تاکہ ہم صحیح اسلام کی خدمت کر سکیں۔ (آمین)
مجھے امید ہے کہ حنفی بھائی ان سوالات کے جوابات ضرور دے گا۔


سوال نمبر1: تقلید شخصی اصطلاحی کی تعریف کیا ہے۔ اور یہ فرض ہے، واجب ہے، مستحب ہے یا مباح ہے؟


سوال نمبر2: اجماع کی تعریف کیا ہے۔ اور اجماع کن لوگوں کا معتبر ہے؟ تقلید شخصی اصطلاحی پر کیا اجماع ہوا ہے۔ اگر ہوا ہے تو کب، کہاں اور کن کا؟


سوال نمبر3: اجتہاد کی تعریف کیا ہے۔ اجتہاد کے لیے کن علوم کی ضرورت ہے اور کیوں۔ کیا اجتہاد کا دروازہ کھلا ہے۔ اگر نہیں تو پہلے کیوں کھلا تھا اور کس نے کھولا تھا۔ اب کیوں بند ہو گیا ہے۔ اور کس نے بند کیا ہے؟
سوال نمبر4: مجتہد کو بھی تقلید کرنے کا حکم ہے یا نہیں؟


سوال نمبر5: جو امام ان چاروں کے سوا ہوئے ہیں ان کے نام کیا ہیں۔ اور ان کی تقلید فرض ہے یا واجب یا مباح ہے یا نہیں۔ اگر نہیں تو کیوں۔ حالانکہ وہ ان کے استاد ہیں، ادب میں، زہد میں، فقہ میں، جہاد میں، تقوی میں ان کے بھی بڑے ہیں۔ ان کی بزرگی کے قائل تھے اور ان کا ادب کرتے تھے ۔ صحابہ رضی اللہ عنہم کی تقلید نہ کر کے نیچے والوں کی تقلید کرنا کونسی عقل مندی ہے؟


سوال نمبر6: حضرت علی، حضرت حسن ، حضرت حسین رضی اللہ عنہم کو بھی امام کہا جاتا ہے اور وہ صحابی تھے اور حضرت زین العابدین ، حضرت باقر اور حضرت جعفر صادق رحمہم اللہ افضل ہیں چاروں اماموں سے یا چاروں امام افضل ہیں۔ پھر آل ِ رسول صلی اللہ علیہ و سلم کے ان بارہ اماموں کے مقلد کو تو ہم کافر اور رافضی کہتے ہیں اور ان سے کم درجے کے اماموں کی تقلید کو فرض مانتے ہیں۔ اس تفریق کی کیا وجہ؟
سوال نمبر7: حضرت علی رضی اللہ عنہ صحابی تھے۔ جبکہ حضرت امام ابو حنیفہ رحمہ اللہ تابعی تھے (لیکن سمع ثابت نہیں ہے) اور حضرت امام احمد بن حنبل رحمہ اللہ چاروں آئمہ میں آخری امام تھے جن کے بارے میں امام شافعی رحمہ اللہ نے فرمایا ہے کہ حدیث کی صحت پر وہ امام احمد رحمہ اللہ پر اعتماد کرتے ہیں۔ پھر یا تو ہمیں حضرت علی رضی اللہ عنہ کی تقلید کرنی چاہیے یا امام احمد رحمہ اللہ لیکن ہم نے ان دونوں آئمہ کو کیونکہ چھوڑا ہوا ہے؟


سوال نمبر8: چاروں خلفاء رضی اللہ عنہم مجتہد تھے یا نہیں۔ اگر تھے تو ان کی تقلید کیوں چھوڑ دی جاتی ہے؟


سوال نمبر9: چاروں اماموں کے قبل چاروں خلفاء رضی اللہ عنہم کی تقلید کی جاتی تھی یا نہیں۔ جب نہیں کی جاتی تھی تو پھر اماموں کی کیوں کی جائے؟


سوال نمبر10: ذرا مہربانی فرما کر یہ بھی بتایا جائے کہ فقہ کی موجودہ کتابوں میں سے کوئی ایک بھی ایسی ہے جسے امام ابو حنیفہ رحمہ اللہ نے خود لکھا ہو؟




سوال نمبر11: چاروں امام بھی مقلد تھے یا نہیں۔ اور مقلد تھے تو کس کے، اور اگر نہیں تھے تو کیوں؟


سوال نمبر12: یہ جو فقہ کی کتابوں میں ہے کہ عامی کا کوئی مذہب نہیں ہے۔ اس کے کیا معنی ہیں؟ (پھر تو حنفی ہو کر بھی حنفی نہ رہے)ہ


سوال نمبر13: مقلد قرآن و حدیث کا مطلب سمجھ سکتا ہے یا نہیں۔ حالانکہ ہماری فقہ شریف کے اصول کی کتابوں میں ہے کہ مقلد قرآن و حدیث سے دلیل لے ہی نہیں سکتا۔ پھر تو گویا قرآن و حدیث منسوخ اور بےکار ہیں{معاذ اللہ}۔ اگر لے سکتا ہے تو تقلید کی ضرورت ہی کیا۔ اگر نہیں لے سکتا تو قرآن و حدیث کی ضرورت ہی کیا؟


سوال نمبر14: چار مُصلے مکہ مُعظّمہ میں خاص خانہ ِ کعبہ میں قائم ہوئے تھےان کو کس نے قائم کیا۔ اور کیوں قائم کیا۔ اور کب قائم کیا۔ کیا اس سے مسلمانوں کے دین کے ٹکڑے ٹکڑے نہیں ہوئے۔ اور اماموں نے اسے کیوں قائم نہ کیا؟
سوال نمبر15: اہل سنت و الجماعت کی کیا تعریف ہے۔ جب کہ مقلد نہ سنت سے دلیل لے سکے نہ جماعتِ صحابہ رضی اللہ عنہم کے اجماع سے۔ پھر اسے اہل سنت و جماعت کیوں کیوں کہا جائے؟
سوال نمبر16: اہل حدیث یعنی صرف کتاب و سنت پر عمل کرنے والوں کی جماعت، جب سے کتاب و سنت ہے تب ہی سے ہے، یا بیچ میں سے اس کا عامل کوئی نہیں تھا۔ یعنی کتابِ خدا اور حدیثِ مصطفٰی صلی اللہ علیہ و سلم پر کسی کا عمل نہ تھا؟ (حالانکہ حضور صلی اللہ علیہ و سلم نے فرمایا ہے کہ اس کے عامل قیامت تک رہیں گے۔ان شاء اللہ)


سوال نمبر17: اگر امام کے کسی مقلد کے پاس کوئی صحیح حدیث پہنچے اور وہ اس امام کے قول کے خلاف ہو تو اسے کیا کرنا چاہیے؟ اور جو یہ کہہ کر اس حدیث کو ٹال دے کہ یہ میرے مذہب میں نہیں وہ مسلمان رہا یا اسلام سے خارج ہو گیا اور ایسے وقت مقلد کو کیا کرنا چاہیے ہے؟
سوال نمبر18: احناف کو اپنے مذہب کی مواقت کے لیے حدیث سازی کی ضرورت کیونکہ پیش آئی؟
سوال نمبر19: حنفی حضرات اسماعیلی پیر شمس تبریز کے مرید مولانا رومی کی مثنوی کو الہامی کتاب کا درجہ کیوں دیتے ہیں؟
سوال نمبر20: مفتی تفی عثمانی صاحب مولانا اشرف علی تھانوی مرحوم کی کتاب "الحیلة الناجزة في الحلیلة العاجزة" کے نئے ایڈیشن کے دیباچے میں فقہ حنفی سے خروج کا جواز تسلیم کرتے ہوئے اس حقیقت کا اعتراف کرتے ہیں کہ فقہ حنفی میں شوہر سے گلوخلاصی کی خواہش مند عورتوں کو پیش آنے والی مشکلات کا کوئی حل نہیں ہے۔ انہوں نے ایسے بیشتر مسائل میں مالکی مذہب کے مطابق فتویٰ دیا ہے۔ اگر فقہ حنفی مکمل ضابطۂ حیات ہے تو اس مسئلہ کا حل کیوں نہیں ہے؟


برائے مہربانی جوابات دلیل کے ساتھ عنایت فرمائیں۔


​

​

سلام

کوئی حنفی بھائی میرے سوالات کا جواب ہی دے دے

 

[محمد یعقوب]

سوال کا یہ طریقہ غلط ہے آپ ایک ایک سوال کیجئے اور ان شاء اللہ وقت نکال کر اسکا مفصل جواب دیا جائیگا اگر آپ واقعی طالب حق ہوئے تو ان شاء اللہ بات مان جائینگے ورنہ ایرو غیرو نتھو خیرو تو یہاں بہت ہیں جو فقط اعتراض اور چیلنج کو ہی اپنی جیت سمجھ بیٹھے ہیں

 

[حرب بن شداد]

ورنہ ایرو غیرو نتھو خیرو تو یہاں بہت ہیں

بڑی معذرت کے ساتھ۔۔۔
میری انتظامیہ سے گذارش ہے کہ وہ اُن ممبران کے ساتھ تھوڑی سختی برتیں۔۔۔
جن کی وجہ سے فورم پر آنے والے مہذب لوگوں کو اس طرح کے کلمات سننے کو ملتے ہیں۔۔۔
لہذا ایسی قانون سازی کی جائے۔۔۔ کے دوران گفتگو تضحیک آمیز انداز اپنانے والے افراد کو۔۔۔
یا غیر اخلاقی القابات سے مخاطب کرنے والے ممبران کو وارنگ دی جانی چاہئے۔۔۔
شکریہ۔۔۔

 

[گڈمسلم]

سوال کا یہ طریقہ غلط ہے آپ ایک ایک سوال کیجئے اور ان شاء اللہ وقت نکال کر اسکا مفصل جواب دیا جائیگا اگر آپ واقعی طالب حق ہوئے تو ان شاء اللہ بات مان جائینگے ورنہ ایرو غیرو نتھو خیرو تو یہاں بہت ہیں جو فقط اعتراض اور چیلنج کو ہی اپنی جیت سمجھ بیٹھے ہیں

ہماری طرف سے آپ کو کھلی چھٹی ہے۔۔ کہ آپ ایک ایک سوال کا جواب مدلل مع التفصیل پیش کریں یا پھر تمام سوالات کے جوابات ایک ہی بار دے ڈالیں۔۔۔ دونوں صورتوں میں آگاہ کردیجیے گا کہ میری طرف سے سوالات کے جوابات مکمل ہوئے۔۔۔ اس کے بعد ہماری طرف سے جائزہ لیا جائے گا۔۔ اگر آپ کے جوابات حق پر مبنی ہوئے تو ضرور تسلیم کیا جائے گا۔۔ ورنہ آپ ہی کے جوابات کا رد بھی آجائے گا۔۔ پھر آپ کو ماننا ہوگا اگر واقعی ہی حق کے طالب ہو ئے تو۔۔

چلیں سوالوں میں سے پہلا سوال میں ہی پیش کردیتا ہوں۔۔

تقلید شخصی اصطلاحی کی تعریف کیا ہے۔ اور یہ فرض ہے، واجب ہے، مستحب ہے یا مباح ہے؟

 

[محمد یعقوب]

ہماری طرف سے آپ کو کھلی چھٹی ہے۔۔ کہ آپ ایک ایک سوال کا جواب مدلل مع التفصیل پیش کریں یا پھر تمام سوالات کے جوابات ایک ہی بار دے ڈالیں۔۔۔ دونوں صورتوں میں آگاہ کردیجیے گا کہ میری طرف سے سوالات کے جوابات مکمل ہوئے۔۔۔ اس کے بعد ہماری طرف سے جائزہ لیا جائے گا۔۔ اگر آپ کے جوابات حق پر مبنی ہوئے تو ضرور تسلیم کیا جائے گا۔۔ ورنہ آپ ہی کے جوابات کا رد بھی آجائے گا۔۔ پھر آپ کو ماننا ہوگا اگر واقعی ہی حق کے طالب ہو ئے تو۔۔

چلیں سوالوں میں سے پہلا سوال میں ہی پیش کردیتا ہوں۔۔

تقلید شخصی اصطلاحی کی تعریف کیا ہے۔ اور یہ فرض ہے، واجب ہے، مستحب ہے یا مباح ہے؟

مفتی تقی عثمانی صاحب اسکا پورا جواب دے چکے ہیں اس لئے پہلے انکی کتاب پڑھ لیجئے پھر جو اعتراض ہو اسکو سامنے لائیے۔ شکریہ کے ساتھ

 

[گڈمسلم]

مفتی تقی عثمانی صاحب اسکا پورا جواب دے چکے ہیں اس لئے پہلے انکی کتاب پڑھ لیجئے پھر جو اعتراض ہو اسکو سامنے لائیے۔ شکریہ کے ساتھ

جناب یعقوب صاحب بات ایسے نہیں ہوا کرتی جس طرح آپ کہہ رہے ہیں۔۔۔ جناب اس بات کا جواب تقی عثمانی صاحب اگر دے چکے ہیں تو آپ یہاں نقل فرمادیں۔ کتابوں کی طرف اگر ریفر کرنا ہو تا تو پھر کونسا موضوع ہے جس پر مفصل مدلل کتب نہیں لکھی گئیں ؟
اس لیے آپ وہی جواب یہاں ہی نقل فرمادیں۔۔۔شکریہ ۔۔یا پھر آپ تسلیم کرلیں کہ جو میں نے یہ

اور ان شاء اللہ وقت نکال کر اسکا مفصل جواب دیا جائیگا

جوش میں آکر فرمایا۔۔

یاد رہے ہمیں کوئی جلدی نہیں۔۔ آپ وقت نکال کر جواب دیتے جائیں۔۔۔ لیکن یاد رہے کاپی پیسٹ سے گریز کرنا جتنا سوال ہو صرف اس کا ہی جواب دینا۔۔۔ مزید باتوں کو بیچ میں داخل مت کرنا۔

 

[حرب بن شداد]

تقلید شخصی اصطلاحی کی تعریف کیا ہے۔ اور یہ فرض ہے، واجب ہے، مستحب ہے یا مباح ہے؟

یہاں پر میں ایک سوال کرنا چاہوں گا۔۔۔
وہ یہ کہ تقلید شخصی کے علاوہ عقائد سے ہٹ ہر یعنی عملی طور پر الگ ہوجانا وہ تقلید شمار ہوگا؟؟؟۔۔۔ یا نہیں۔۔۔ یعنی ایک شخص کہتا ہے وہ پنجابی ہے، دوسرا یہ کہتا ہے وہ سندھی ہے تیسرا یہ کہتا ہے میں پٹھان ہوں چوتھا کہتا ہے میں مہاجر ہوں۔۔۔ اور ملک سے باہر رہنے والا کہے میں پاکستانی ہوں۔۔۔ اس کو ہم کیا کہیں گے۔۔۔

 

[محمد یعقوب]

گڈ مسلم صاحب آپکا سوال دیکھنے میں ایک سطر ہے مگر اسکا جواب دینے کیلئے علماء نے کئی سو صفحات کی کتابیں لکھ ڈالیں ہیں۔ بہتر یہ ہوگا وہ کتابیں آپ خود پڑھیں اور بیکار کا وقت ضائع نہ ہو کیونکہ علماء کرام اس بات کا مفصل جواب دے چکے ہیں۔
جبکہ ہمارا اور آپکا مقصد صرف اور صرف حق تک پہونچنا ہے تو پھر عناد کیسا؟ آپ کتاب پڑھ لیجئے اس میں ہمارا موقف واضح طور پر موجود ہے ان شاء اللہ ہم جسکو تقلید کہتے ہیں (تقلید شرعی) نہ کہ تقلید لغوی۔
اسی لیئے ضروری ہیکہ آپ پہلے ہمارا صحیح موقف سمجھیں اور غلط اشاعات پر جانے کی کوئی ضرورت نہیں ہماری مستند کتاب ہر جگہ موجود ہے اور اگر چاہیں تو کتاب کا لنک بھی حاضر کردیتے ہیں اگر آپ واقعی بحث کرنا چاہتے ہیں تو اسکا صحیح طریقہ یہیں ہے۔
گڈ مسلم صاحب میں آپکی اس شروعات کی داد دینا چاہتا ہوں ہمت فرمائیں مجھے بھی کوئی جلدی نہیں اس کتاب کو کوئی منصف پڑھ کر تقلید کی حقیقت کو سمجھ سکتا ہے۔
میں ابھی زیادہ تفصیل میں نہیں جاؤنگا پہلے آپ وقت نکال کر یہ کتاب پڑھ ڈالیں پھر سوال کریں تو وہ سوال حقیقی ہوگا ابھی آپکا سوال ان مفروضوں کی بنیاد پر ہے جو غلط اشاعات ہیں۔
امید ہے درخواست قبول فرمائینگے

 

[حرب بن شداد]

ہماری مستند کتاب ہر جگہ موجود ہے اور اگر چاہیں تو کتاب کا لنک بھی حاضر کردیتے ہیں

جزاکم اللہ خیرا۔۔۔
مجھے بھی اس کتاب کا لنک مہیا فرمادیں۔۔۔
شکریہ۔۔۔