حدث اصغر کی صورت میں مصحف قرآنی کو ہاتھ لگانے کا حکم

[طاہر اسلام]

جزاک اللہ بھائی بالکل درست فرمایا۔ لیکن عدم ذکر عدم نفی کی دلیل نہیں ہوتا۔ درج بالا پوسٹ میں، میں نے جو حدیث پیش کی ہے اس پر غور فرما کر اپنی معلومات اور علم شئیر کریں۔

اس حدیث کے بارے میں علما نے کہا ہے کہ یہ کفار کے بارے میں ہے کیوں کہ مشرک نجس ہیں۔

 

[طاہر اسلام]

نبی کریم صلی اللہ علیہ وسلم نے فرمایا: ’’ان لا یمس القرآن الا طاہر‘‘ پاک آدمی کے سوا قرآن کو کوئی نہ چھوئے۔ (موطا امام مالک)

اب مسئلہ یہ ہے کہ حدیث میں قرآن چھونے کے لئے جو طاہر کی شرط ہے اس سے صرف جنابت اور حیض ونفاس سے پاک شخص مراد ہے یا باوضو شخص۔ تو امام مالک نے اس حدیث کی توضیح میں فرمایا ہے کہ قرآن کو صرف باوضو شخص ہی ہاتھ لگائے۔ معلوم ہوا کہ امام مالک رحمہ اللہ کے نزدیک طاہر سے باوضو شخص مراد ہے۔ امام مالک کے علاوہ بھی سلف میں سے کئی لوگ اس طاہر سے مراد باوضو شخص ہی لیتے ہیں۔

عبداللہ بن جار اللہ بن ابرہیم الجاراللہ رحمہ اللہ فرماتے ہیں: حدث سے پاک (باوضو) ہو کر تلاوت کرے، خواہ یہ حدث چھوٹا ہو یا بڑا۔ اللہ تعالیٰ فرماتا ہے ’’لا یمسہ الا المطھرون‘‘ اسے بس پاک (فرشتے) ہی ہاتھ لگاتے ہیں۔(فضائل قرآن،ص47، طبع دارلسلام)

لفظ طاہر مشترک ہے؛اس میں تین احتمال ہیں:
ایک مومن
دوسرے حدث اصغر اور اکبر سے پاک مغتسل اور با وضو
تیسرے عمومی نجاست سے پاک
اب یہاں ایک معنی کو متعین کرنے کے لیے علاحدہ سے قرینہ درکار ہے ۔
امام مالک اگر حدث اصغر سے پاک مراد لیتے ہیں تو امام حسن بصری کے نزدیک قرآن چھونے کے لیے باوضو ہونا ضروری نہیں اور وہ امام مالک سے متقدم ہیں۔

 

[قاھر الارجاء و الخوارج]

عمروبن حزم رضی اللہ عنہ کیلئے جو کتاب لکھی تھی تو وہ یمن جا رہے تھے جہاں مشرک زیادہ تھے ظاھر یہی ہے کہ مراد مسللم تھے کہ قرآن کو وہاں کے مشرک نہ چھوئیں
باقی جو آچار ہیں اس میں صرف اتنا ہے کہ سعد رضی اللہ عنہ نے حکم دیا وضو کر کے آو سلمان رضی اللہ عنہ کو لوگوں نے کہا وضو کر لیں کہ ھمیں قرآن کی آیت بارے کچھ پوچھنا ہے
تو اس سے و اللہ اعلم جو بظاہر معلوم ہوتا ہے وہ یہی ہے کہ یہ مستحب ہے واجب نہیں
وجوب کیلئے دلیل چاھیئے کتاب و سنت سے جو کہ ابھی تک نہیں ملی باقی عدم ذکر الشئی لا یستلزم عدمہ یا یستلزم عدمہ کیا صحیح ہے ابھی تک متذبذب ہوں جس بات کی طرف ذھن جاتا ہے وہ یہ ہے
کہ احادیث میں عدم ذکر الشی یستلزم عدمہ ہے شرعی حکم میں فرامین نبویہ میں باقی جو قصص اخبار واقعات ہیں جن سے شرعی مسائل مستنبط نہیں ہوتے وہاں کہا جا سکتا ہے عدم ذکر الشئی لا یستلزم عدمہ
ان تجد عیبا فسد الخللا جل من لا عیب فیہ و علا

 

[شاہد نذیر]

السلام علیکم ورحمۃ اللہ وبرکاتہ!

بات یہ ہے کہ جو مس قرآن کے لئے وضو کو ادب و احترام کی وجہ سے ضروری سمجھتے ہیں ان کے پاس تو اپنے موقف کو ثابت کرنے کے لئے ایک قرآن کی آیت ہے یعنی ’’لایمسہ الاالمطھرون‘‘ ہے۔ علماء بیان کرتے ہیں اس آیت سے اگر لوح محفوظ والا قرآن مجید مراد لیا جائے تو ’’المطھرون‘‘ سے مراد فرشتے ہونگے اور اگر دنیاوی او زمینی قرآن مراد لیا جائے تو ’’المطھرون‘‘ سے مراد باوضو شخص ہوگا۔

اس کے علاوہ موطا امام مالک کی بیان کردہ حدیث’’ان لایمس القرآن الاطاہر‘‘ بھی ان کے پاس اپنے موقف کے لئے دلیل ہے۔ کیونکہ اہل حدیث قرآن و حدیث کا فہم سلف صالحین سے لیتے ہیں اور متعدد سلف سے اس حدیث میں ذکر کردہ طاہر سے باوضو شخص مراد لینا ثابت ہے۔

سب سے بڑی بات یہ ہے کہ اس موقف کے مخالفین بھی باوضو ہو کر قرآن چھونے کو افضل و بہتر سمجھتے ہیں پھر افضل اور بہتر چیز چھوڑ کر مفضول عمل پر اصرار کیوں؟

جو لوگ بلاوضو قرآن چھونے کے قائل ہیں ان کے پاس کیا دلیل ہے؟؟؟

 

[طاہر اسلام]

سوال یہ ہے کہ وضو کے وجوب کی صریح دلیل کیا ہے؟؟
کوئی بھی نہیں تو وجوب ثابت نہ ہوا؛باقی استحباب عمومی دلائل سے ثابت ہے کہ ہر وقت باوضو رہنا چاہیے ؛عدم وجوب کے قائلین ہر گز اس پر اصرار نہیں کرتے کہ بے وضو ہی قرآن پڑھا جائے؛صرف وجوب کا انکار ہے جس کی دلیل صریح موجود نہیں۔

 

[طاہر اسلام]

جو لوگ بلاوضو قرآن چھونے کے قائل ہیں ان کے پاس کیا دلیل ہے؟؟؟

دلیل استصحاب؛یعنی ہر شے اپنے اصل پر باقی رہے گی الا یہ کہ اس کے خلاف دلیل آ جائے؛قرآن کی تلاوت کے لیے وضو کے وجوب کی دلیل چوں کہ موجود نہیں لہٰذا اصلاً یہ جائز اور مباح ہے۔

 

[شاہد نذیر]

دلیل استصحاب؛یعنی ہر شے اپنے اصل پر باقی رہے گی الا یہ کہ اس کے خلاف دلیل آ جائے؛قرآن کی تلاوت کے لیے وضو کے وجوب کی دلیل چوں کہ موجود نہیں لہٰذا اصلاً یہ جائز اور مباح ہے۔

مطلب یہ کہ بلاوضو قرآن چھونے پر کوئی صریح یا غیرصریح دلیل موجود نہیں ہے۔ بلکہ شرعی اصول کی روشنی میں اسے جائز کہا گیا ہے؟

 

[طاہر اسلام]

مطلب یہ کہ بلاوضو قرآن چھونے پر کوئی صریح یا غیرصریح دلیل موجود نہیں ہے۔ بلکہ شرعی اصول کی روشنی میں اسے جائز کہا گیا ہے؟

قرآن و حدیث میں یہ خاص جزئی دلیل موجود نہیں کہ بلاوضو قرآن چھونا جائز ہے البتہ عمومی دلائل موجود ہیں۔

 

[ابوالحسن علوی]

مجھے جہاں تک سمجھ آتی ہے کہ دو مسائل ہیں۔ ایک تلاوت قرآن اور دوسرا مس مصحف۔ بلا وضو قرآن مجید پڑھنا جائز ہے اور وضو کے ساتھ پڑھنا مستحب ہے جبکہ بلاوضو مس مصحف جائز نہیں ہے۔

اور اس کی دلیل قرآن مجید کی وہی آیت اور حدیث جو اوپر نقل ہو چکی ہے۔ جہاں اس حدیث کے معنی ومفہوم میں ایک سے زائد معانی کا احتمال ہے تو اس کا جواب یہ ہے:

فقہائے سبعہ اور ائمہ اربعہ نے حدیث میں طاہر سے مراد حدث اکبر اور اصغر دونوں لیے ہیں۔ یہاں فقہائے سبعہ یا ائمہ اربعہ کو ہم بطور دلیل نقل نہیں کر رہے۔ ہم یہ کہہ رہے ہیں کہ دلیل کا معنی ومفہوم ان سلف صالحین نے وہی بیان کیا ہے جو ہم کہہ رہے ہیں۔ تو سلف صالحین اگرچہ خود سے دلیل تو نہیں ہے لیکن دلیل کے فہم میں ان کا فتوی ایک مقام رکھتا ہے لہذا اس لیے یہ بات نقل کر دی ہے۔

دوسری بات جو امام نووی اور امام ابن تیمیہ رحمہ اللہ نے نقل کی ہے کہ صحابہ میں سے حضرت عبد اللہ بن عمر، حضرت علی، حضرت سلمان الفارسی، حضرت سعد بن ابی وقاص کا یہی قول منقول ہے کہ بلاوضو مصحف کو چھونا جائز نہیں ہے۔ اور ان ائمہ کا کہنا یہ بھی ہے کہ اس کے مخالف قول صحابہ میں نہیں ہے۔

قال شيخ الإسـلام ابن تيمية : ( و أما مس المصحف فالصحيح أنه يجب له الوضوء كقول الجمهـور ) [ مجموع الفتاوى : 21/288 ]
امام ابن تیمیہ رحمہ اللہ کا کہنا یہ ہے کہ مس مصحف میں صحیح رائے یہ ہے کہ اس کے لیے وضو کرنا واجب ہے جیسا کہ جمہور کا قول ہے۔

 

[قاھر الارجاء و الخوارج]

شیخ امین اللہ پشاوری حفظہ اللہ کہتے ہیں کہ جو مسئلہ بکثرت پیش آتا ہے اس میں شریعت کی ضرور واضح طور پر راھنمائی ہوتی ہے
لیکن اس مسئلہ میں آثار میں سے کسی میں بھی وجوب نہیں ثابت ہو رہا اقوال تو مل رہے ہیں وجوب کے لیکن کس اثر سے استدلال ہے ابھی تک نہیں سمجھ پایا
علی کل حال مسئلہ شروع سے ہی اختلافی ہے قصہ بس ایمان کا ہے و من یعظم شعائر اللہ فانھا من تقوی القلوب