سچی مسکراہٹیں

[مشکٰوۃ]

اور اپنی کتابیں اورکاپیاں بھی خرید سکوں

سمجھا کریں! بچی نے میڈیکل میں جانا ہے:)

میڈیکل کی کاپیاں ۔۔۔۔!اخت ولید طبیعت ٹھیک ہے آپ کی ؟؟؟؟

 

[مشکٰوۃ]

کمرہ امتحان میں اچانک ہی پرندے کی آواز آتی سن کر نگران نے گھور کر سب کی طرف دیکھا
"کس کا موبائل ہے ؟؟"
"کسی کا نہیں"
"میرا نہیں ہے"
"مجھے نہیں پتا"
"کہاں ہے موبائل؟؟۔۔۔"عجب ہڑبونگ مچ گئی تھی۔
"میں پوچھ رہی ہوں کس کے موبائل کی آواز ہے ؟؟"
اس پرندے کی آواز مجھے بہت پسند ہے اور اب اس میں خلل ۔۔غصے والا آئیکون
اس شور سے تنگ آ کر عرض کیا ۔
"گراؤنڈ سے پرندے کی آواز آ رہی ہے "
یہ سنتے ہی نگران نے ہماری طرف گھور کر دیکھا
"کہاں سے؟"
"گراؤنڈ سے "
"کس کی آواز ؟
"پرندے کی "
"یہ پرندہ کمرے میں کسی کے پاس سے نکلا تو پھر دیکھنا"
کمرے میں ہنسی کی دبی دبی آوازیں آنے لگیں
اور ہم نے لا پرواہی سے دوبارہ پیپر میں سر دے لیا کیونکہ امی جان اور ابو جی کا زبردستی تھمایا ہوا ہمارا "پرندہ" تو پہلے ہی نگران کے پاس تھا:)

 

[اخت ولید]

میڈیکل کی کاپیاں ۔۔۔۔!اخت ولید طبیعت ٹھیک ہے آپ کی ؟؟؟؟

اگر بات 2014 ہی کی ہے تو پھر ہم اپنے سابقہ موقف پر دل و جان سے قائم ہیں:)

 

[نسرین فاطمہ]

کلاس میں ایک بھنورا جیسا کیڑا چلا آیا اب لڑکیوں کی چیخیں اور شور شرابہ ۔آخر ایک بہادر لڑکی نے جھاڑن سے مارنے کی کوشش کی مگر بھنورا کہاں ہاتھ آنے والا کبھی ادھر اور کبھی ادھر لڑکیوں کا شور بڑھتا ہی گیا آخر بھنورا تھک ہار کر دیوار پہ لگی خانہ کعبہ کی تصویر میں پناہ گزین ہوا تو میں نے چلاتے ہوئے کہا اب نہیں مارنا بھنورے کو وہ حج کرنے گیا ہے ،اور پھر سب لڑکیوں کی ہنسی کا شور ،

 

[اخت ولید]

لڑکیوں کا قصہ ہو اور اس میں ان کے ہم جھولی "ننھے منے" کیڑے نہ ہوں ۔۔محال ہے۔۔جبھی بڑے ہوکر وہ کیڑے نکالنے میں خاصی ماہر ہو جاتی ہیں:)

 

[خنساء]

میں اپنی کزنز کے گھر ان کے ساتھ کھیل رہی تھی کہ باہر دستک ہوئی کزن نے اونچی سی آوازمیں پوچھا:
"کون "؟
باہر سے آواز آئی "پانی بھرنا ہے دروازہ کھولیں۔"
کزن نے میرے سے کہا" آپی آپ نے بولنا نہیں ہے"۔
"وہ کیوں" میں نے حیرت سے پوچھا۔
"یہ نا باجی بہت باتونی ہیں باتوں کا بتنگڑ بناتی ہیں"
"اچھا نہیں بولتی" میں نے تنگ ہو کر کہا
دروازہ کھولا تو باجی اندر داخل ہوتے ہی مجھے گھورنے لگ گئیں
"یہ کون ہے " انہوں نے میری طرف اشارہ کرتے ہوئے کہا۔
"میری کزن "
"کس کی بیٹی "
"میری خالہ کی "
"کون سی خالہ کی ؟"
"آپ کو نہیں پتا"ظفیرہ نے غصے سے کہا۔
"ظفیرہ کیاہوگیا ہے سب کو میں جانتی ہوں بتاؤ نا کون سی خا لہ کی بیٹی ہے "؟
"اسلام آباد والی خالہ کی "
"اچھا وہ کب آئے ہیں؟ کیوں آئے ہیں ؟۔
"وہ ایمن کا عقیقہ تھا اس لیے آئے ہیں "۔
"اچھا ۔۔۔کیا نام ہے اس کا "؟
"خنساء ۔۔۔۔ ان کو اردو نہیں آتی "
"کیا "
"ہاں یہ عربی بولتی ہیں "
"سچ "
" ہاں بیشک ان سے بول لیں "ظفیرہ نے بڑے فخر سے کہا ۔
"مجھے کہاں سے آتی ہے ۔۔۔۔میں تو سمجھی تھی یہ گونگی ہے "
یہ کہا اور ان کی پانی کی بالٹی بھر چکی تھی اور وہ تو چلی گئیں ۔۔۔لیکن میری ظفیرہ کی خوب لڑائی ہوئی ۔

 

[خنساء]

میں اپنے تایا ابو کے گھر گئی ہوئی تھی ۔تایا ابو گھر کا سامان لینے کے لیے گھر سے نکلے تو تائی امی نے مجھے آواز دی" خنساء بھاگ کر جاؤ اپنے تایا ابو سے کہو پاپے لے آئیں "
"ہیں یہ کیا پاپے۔۔۔ شاید تائی امی کو غلطی لگی ہو جلدی میں بول گئی ہوں گی اصل میں تو پاپڑ ہوتے ہیں "۔۔ میں یہ سوچ کر بھاگ کر باہر گئی تو تایا ابو نے بائیک اسٹارٹ کر لی تھی ۔
میں نے تا یا ابو سےکہا "تایا ابو تائی امی کہہ رہی ہیں پاپڑ لے آئیں
"کون تمہاری تائی امی" ؟
"جی تایا ابو "
"وہ تو میں کل لے آیا تھا ۔۔ جاؤ پوچھ کر آؤ "
مجھے بھی یاد آیا کہ میں نے اور ہانی نے کل پاپڑ بنائے تھے میں نے گھر آکر کہا "تائی امی پاپڑ تو کل تایا ابو لے آئے تھے "
تائی امی جلدی میں تھیں ان کو سمجھ نہیں آئی اور بو لیں "نہیں ہیں پاپے گھر میں "
"یہ کیا پھر پاپے ۔۔تائی امی پاپے کہ پاپڑ"؟
"خنساء ۔۔۔پاپے ۔۔۔پاپڑ کس نے کہا ہے "؟؟
"اچھا ۔۔لیکن یہ پاپے کیاہوتے ہیں "؟
"ہا۔۔تم لوگ پاپے نہیں کھاتے "؟تائی امی نے حیرت سے پوچھا۔
"نہیں تو "۔۔۔اتنے میں تایا ابو آگئے
"کیا لے کر آنا ہے "؟
"پاپے لے کر آنے ہیں "
"اچھا ابھی تمہارے تایا ابو لے کر آتے ہیں پاپے پھر دکھاتی ہوں "
جب تایا ابو پاپے لے کر آئے تو میں نے کہا" تائی امی یہ تو رس ہوتے ہیں "
"تمہیں اتنا ہی نہیں پتایہ پاپے ہوتے ہیں" ۔۔۔۔ اس کے بعد مجھے کبھی نہیں پاپے بھولے:(

 

[یوسف ثانی]

اکثر روایتی شوہروں کو اپنی ”ذاتی بیوی“ (سوچنے والا آئی کون) کے ہر عمل میں کیڑے نکالنے کا بڑا شوق ہوتا ہے۔ جیسے ایک بیوی اپنے شوہر کو ناشتے میں ہاف فرائی انڈے دیتی تو وہ کہتے کہ آملیٹ کیوں نہیں بنایا۔ اور اگر بیوی آملیٹ بنا کر دیتی تو شوہر نامدار فرماتے: آج تو میرا ہاف فرائی کھانے کا موڈ تھا۔ ایک دن زوجہ محترمہ نے ”عقلمندی“ (سمجھنے والا آئی کون) کا مظاہرہ کرتے ہوئے آملیٹ اور ہاف فرائی دونوں پیش کردئیے تو صاحب بولے : آخر کو رہی نا پھوہڑ کی پھوہڑ۔ جس انڈے کا آملیٹ بنانا تھا، اسے ہاف فرائی کردیا اور جس انڈے کو ہاف فرائی کرنا تھا، اس کا آملیٹ بنا دیا ۔ تنگ آمد بجنگ آمد کے مصداق بیوی نے ایک دن صاحب کے سامنے جو کھانا پیش کیا، اس میں چلتے پھرتے چند کیڑے ڈال دیئے۔ صاحب نے گھور کر بیوی کی طرف دیکھا اور بولے یہ کیا ہے؟ بیوی سکون سے بولی: آپ کو تو میرے ہر کھانے میں کیڑے نکالنے کی ویسے ہی عادت ہے۔ اس پلیٹ میں سے بھی کیڑے نکال کر کھانا تناول فرمالیجئے۔ (”عبرت“ پکڑنے والا آئی کون)

(انتباہی نوٹس: اگر کوئی بیوی اس نسخہ کیمیا پر عمل کرنا چاہے، تو اپنی ذمہ داری پر کرے۔ تاکہ ممکنہ ”نتائج“ کی ذمہ دار بھی وہ خود ہی ہو، راقم نہیں ۔ خبر دار کرنے والا آئی کون )

 

[aziz khan]

ایک بھکاری ایک گھر آواز دی الله کے نام پر کچھ دو لڑکے نے کہا تماتے کھاو بھکاری نے کہا ٹماٹر نہیں روٹی دو لڑکے نے پھر کہا تماتے کھاو بھکاری نے کہا چلو ٹماٹر دو گھر کے اندر سے آواز آئی یہ توتلا ھے یہ کیھ راھا ھے کے کماکے کھاو

 

[اخت ولید]

اکثر روایتی شوہروں کو اپنی ”ذاتی بیوی“ (سوچنے والا آئی کون) کے ہر عمل میں کیڑے نکالنے کا بڑا شوق ہوتا ہے۔ جیسے ایک بیوی اپنے شوہر کو ناشتے میں ہاف فرائی انڈے دیتی تو وہ کہتے کہ آملیٹ کیوں نہیں بنایا۔ اور اگر بیوی آملیٹ بنا کر دیتی تو شوہر نامدار فرماتے: آج تو میرا ہاف فرائی کھانے کا موڈ تھا۔ ایک دن زوجہ محترمہ نے ”عقلمندی“ (سمجھنے والا آئی کون) کا مظاہرہ کرتے ہوئے آملیٹ اور ہاف فرائی دونوں پیش کردئیے تو صاحب بولے : آخر کو رہی نا پھوہڑ کی پھوہڑ۔ جس انڈے کا آملیٹ بنانا تھا، اسے ہاف فرائی کردیا اور جس انڈے کو ہاف فرائی کرنا تھا، اس کا آملیٹ بنا دیا ۔ تنگ آمد بجنگ آمد کے مصداق بیوی نے ایک دن صاحب کے سامنے جو کھانا پیش کیا، اس میں چلتے پھرتے چند کیڑے ڈال دیئے۔ صاحب نے گھور کر بیوی کی طرف دیکھا اور بولے یہ کیا ہے؟ بیوی سکون سے بولی: آپ کو تو میرے ہر کھانے میں کیڑے نکالنے کی ویسے ہی عادت ہے۔ اس پلیٹ میں سے بھی کیڑے نکال کر کھانا تناول فرمالیجئے۔ (”عبرت“ پکڑنے والا آئی کون)

(انتباہی نوٹس: اگر کوئی بیوی اس نسخہ کیمیا پر عمل کرنا چاہے، تو اپنی ذمہ داری پر کرے۔ تاکہ ممکنہ ”نتائج“ کی ذمہ دار بھی وہ خود ہی ہو، راقم نہیں ۔ خبر دار کرنے والا آئی کون )

طبعیت کا میلان پوچھنے اور بتانے میں کیا خرچ آتا ہے؟:)
پھر بھی کیڑے ہی نکلیں گے کہ اتنے عرصے سے باورچی خانے میں کیا"جھک" مارتی رہی ہو؟؟جب اتنا ہی نہیں معلوم کہ آج کیا کھانا،پکانا چاہیے:)

ایک بھکاری ایک گھر آواز دی الله کے نام پر کچھ دو لڑکے نے کہا تماتے کھاو بھکاری نے کہا ٹماٹر نہیں روٹی دو لڑکے نے پھر کہا تماتے کھاو بھکاری نے کہا چلو ٹماٹر دو گھر کے اندر سے آواز آئی یہ توتلا ھے یہ کیھ راھا ھے کے کماکے کھاو

یہ تھریڈ "سچی مسکراہٹوں" کے لیے مختص ہے!!

جی ہاں سچی مسکراہٹیں:):) اس تھریڈ میں ہم شیئر کریں گے صرف ایسی سچی باتیں جن سے ہمیں ہنسی آ جائے بہت سی ایسی باتیں ہوتیں ہیں۔ اکثر لوگ جھوٹے لطیفے سنا کر اتنا ہنستے ہیں ان باتوں پر ہنسنے کا کیا فائدہ جو کبھی کسی نے کی ہی نہ ہو۔ لوگوں کو ہنسانے کے لیے جھوٹ بولنے پر گناہ بھی ملتا ہے۔ہنسنے کا مزا تو ان باتوں پر آتا ہے جو کسی نے کہیں بھی ہوں۔