سچی مسکراہٹیں

[طاہر اسلام]

آؤ بچو نماز پڑھیں کی پوسٹ نمبر دو میں ایک عدد "ناپسند" ریٹنگ دیکھ کر خنساء حیران پریشان ہو گئی ۔۔
"ہا ۔۔۔یہ کیا ۔۔کس نے ناپسند کر دیا۔۔۔آئی ڈی کھولو جلدی سے ۔۔۔جلدی دیکھو کون ہے ۔۔انتظامیہ کا ہی کوئی رکن نہ ہو ۔۔۔کوئی بڑا ہو گا ۔۔۔وہ والے جو ایسی ایسی باتوں پر بحث کرتے ہیں ۔پتہ نہیں کیا کرتے ہیں ۔کچھ غلط لکھا ہے آپ نے ۔۔۔اپنے پاس سے لکھا ہے؟؟ٹائپنگ ٹھیک کی تھی ۔۔۔کتاب لاؤں۔ اچھا جلدی کرو ۔۔۔میری آئی ڈی ہی کھول لو ۔۔۔نہیں تو اپنی کھولو ۔۔دیکھو تو سہی "
اور جب آئی ڈی کھول کر لسٹ چیک کی گئی تو ۔۔۔۔۔۔۔۔۔۔۔۔۔۔چور مچائے شور والا معاملہ تھا۔۔۔۔ناپسند ۔۔۔خنساء۔۔۔۔۔۔۔۔۔۔ابتسامہ
اوہ ہا۔۔۔جلدی میں ہو گیا ہو گا ۔۔۔۔آئی ڈی کھولیں میری۔۔۔ ٹھیک کر دیتی ہوں۔۔۔):

اوپر سے کافی پوسٹیں پڑھتا آرہا تھا لیکن اس پر میں ہنسی روک نہیں پایا!!

 

[طاہر اسلام]

یحیٰی بھائی نے گھر کا دروازہ کھولتےہی اونچی سی آواز لگائی" روٹی ی ی ی ی ی"اور کمپیوٹر کے پاس جا کر" اٹھو جی "کا نعرہ بلند ہوا ۔امی جی روٹی بنانے چلی گئیں اور بھیا فیس بک پر لڑائیاں کرنے لگے۔امی جی روٹی بنا کر لے آئیں ،بھیا کھانا کھانے کے ساتھ ساتھ فیس بک پر لڑائی کرنے لگے ہوئے تھے ۔کھانا کھاتے ہی بھیانے دسترخوان پر موجود چیزوں کو سائڈ پر کیا اور فیس بک پر کمنٹ کرنے لگے ۔بھیا کی گرم جوشی دیکھ کر امی بھی بھیا کے پاس آکربیٹھ گئیں ،جب بھیا لڑائی سے فارغ ہو گئے تو امی جی کو پاس بیٹھے دیکھ کر کہنے لگے "امی جی !دیکھ لیں کب سے روٹی مانگی ہوئی ہے ابھی تک انھوں نے روٹی نہیں بنا کر دی ۔"امی سمیت ہم سب کی ہنسی چھوٹ گئی ۔امی جی نے کہا "یحیٰی! آج تو میں نےخود روٹی بنا کر دی ہے اور تم نے کھابھی لی ہے "
"میں نےتو نہیں کھایا کھانا"
"پیچھے دیکھو میں نے تو ابھی تک برتن بھی نہیں اٹھائے"
" ہیں ں ں میں نےروٹی کھا بھی لی ہے اور مجھےپتا بھی نہیں چلا "
"میں اور بنا دیتی ہوں"
"نہیں! رہنے دیں"


بھیا مسجد سے واپس گھر آئے تو بیلکس پر ایک آدمی بار بار کہہ رہا تھا مجھ سے مناظرہ کرو کہ تراویح کی رکعات آٹھ ہوتی ہیں یا بیس؟ بھیا نےمجھ سے کہا" خنساء! جاؤ میرے لیے پانی لاؤ اور مشکٰوۃکمپیوٹر مجھے دو، میں اس سے مناظرہ کرتا ہوں ۔"
میں نے بھیا کو پانی لا کر دیا ۔بھیا نے پانی پی کر گلاس کمپیوٹر ٹیبل پر رکھ دیا اور اس سےبات کرنے لگے ،وہ کہنے لگا "اگر اتنی احادیث آتی ہیں تو میرے سے عربی میں بات کرو " بھیا نے جب عربی میں بات کی تو وہ روم سے چلا گیا۔ بھیا عربی بول کر فارغ ہوئے تو کہتے ہیں:" خنساء پانی مانگا تھا "
"بھیا آپ نے پی لیا ہے "
"نہیں! میں نے نہیں پیا پانی"
"بھیا! یہ دیکھو گلاس ابھی تک یہاں پڑا ہے"
"تم نے کسی اور کوپانی دیا ہے ،مجھے پانی نہیں دیا"
مشکٰوۃ آپی نے بھی کہا "بھیا !خنساء نے آپ کو پانی دیا ہے"
"نہیں مجھے پانی نہیں دیا"
ہمارے شور کی آواز سن کر قریب لیٹی امی جان بھی جاگ گئیں" کیا ہو گیا ہے؟"
امی جی!میں نے بھیا کو پانی لا کر دیا ہے اور یہ مان نہیں رہے ہیں"
"امی جی !میں نے پانی پیا ہی نہیں ہے"
"اچھا بھیا !لڑائی چھوڑیں ۔میں آپ کو اور پانی لا دیتی ہوں"
نوٹ: ہماری لڑائی چیزلانےپر نہیں ہوتی تھی بلکہ اس بات پر ہوتی تھی کہ کھایا ہے کہ نہیں۔۔

کبھی ایسا بھی ہوا کہ بھول کر دوبارہ روٹی کھائی ہو؛ماشاءاللہ،دل چسپ عادت ہے بھولنے کی

 

[مشکٰوۃ]

فیس بک استعمال کرنے کے دوران جس سے جو کچھ مرضی پوچھ لیں جس شے مرضی کی اجازت لیں، مل جائے گی ۔۔۔اسی لئے کبھی کبھی امی اور بھیا کو تنگ کرنے کے لئے ایسا ہی کرتے ہیں۔۔جواب مل جاتا ہے "ہوں "اور جب بعد میں کہا جائے یہ کیا کیا ؟؟
آپ نے ہی تو کہاتھا"ہوں"

 

[اخت ولید]

اللہ جی !میرےاہل خانہ کو اپنی اپنی ذاتی ف ب آئی ڈی عطا فرما دے!!)
لیکن وہ کہتے ہیں ناں کہ"جو مزا ٹنڈمیں وہ شہر میں نہ پنڈ میں"

 

[اخت ولید]

"تیسری جماعت پڑھ لی ہے ،میں اب دوسری جماعت کو پڑھاؤں گا" کے مصداق سہی۔۔میں نور الایمان کو پڑھا رہی تھی۔۔کچھ چیزیں تو بہت جلدی سمجھ لیں کہ وہ شام میں تفسیر کلاسز پڑھا رہی تھی اور کہیں اردو میں اسے قدرے دشواری ہوتی۔۔حال میں ہی بی۔ایس انگلش لٹریچر میں کامیابی کا اثر تھا شاید!!)
"ماہ گذشتہ"وہ اردو سے عربی بنا رہی تھی"اوں۔۔الشھر ۔۔۔الشھر الماضی۔۔ٹھیک ہے؟"
"جی۔۔شھر ماضی یا الشھر الماضی دونوں درست ہیں"
"اچھا! گزرے ہوئے سال۔۔۔گزرے ہوئے؟؟"اس کی سمجھ میں نہیں آرہا تھا۔
"جی ابھی پچھلے ہی لفظ میں آپ نے پڑھا ہے ۔۔گزرے ہوئے یعنی گذشتہ"میں نے اسے بتایا۔
"جی جی۔۔سال۔۔سن۔۔جمع سنون"
"جی سنون،سنین،سنوات۔۔سب استعمال ہو سکتے ہیں"میں نے یادہانی کروائی۔
"جی۔۔جی۔۔۔اچھا!۔۔السنون۔۔السنون ال۔۔۔السنون الگذشتہ!!!!!!!!!!!!!!!!!!!!!!!!!"!!)

 

[خنساء]

بھیا کی شادی پر خالہ جان نے بوتلیں منگوائیں لیمن فلیور کی وجہ سے ہم تو پی نہ پائے لیکن باقی سب نے پی لی۔ امی جان نے سب کو بوتل دینے کے بعد نیچے کزنز میں بھی بھجوادیں جب انھیں بوتل دیکر فارغ ہوئیں تو عکاشہ بھائی یاد آگئے "بیچارے نے اتناکام کر وایاہے اس کو توبوتل ہی نہیں دی" یہی سوچتی ہوئی واپس پلٹیں تو ایک بھری بوتل امی جی کو دکھائی دی اور امی نے کسی کے دیکھنے سے پہلے اسے سٹور میں رکھ دیا کچھ دیر کے بعد عکاشہ بھائی آئے تو امی نے چپکے سے انھیں بوتل تھما دی "جا کر پی لینا میں نے تمہارے لیے چھپا کر رکھ دی تھی "عکاشہ بھائی بھری بوتل نیچے لیکر پہنچے تو آگے سب ہی جیسے بوتل کے انتظار میں بیٹھے تھے۔ سب نے ایک بار پھر سے اپنے اپنے گلاس عکاشہ بھائی کے آگے پیش کر دیے "مجھے بھی مجھے بھی" عکاشہ بھائی نے خاموشی سےبوتل کا ڈھکن کھولا،تین چار کو بوتل دی اور باقی کسی کو بھی بوتل دینے سے انکار کر دیا "یہ میری بوتل ہے میں کسی کو نہیں دوں گا"لقمان نےیہ ارشاد سن کر جلدی سے گلاس اٹھا لیاکہ کہیں یہ بھی واپس نہ لے لیا جائے۔جیسے ہی گھونٹ بھرا تو ساتھ ہی "یہ کیا ہے ؟؟؟ کیاہے ؟ یہ پی کر دیکھو۔عکاشہ بھائی نے پی تو وہ پانی تھا ۔ہہہہہ یہ کیا امی جی نے مجھے دے دیا ہے ؟؟اور جن کو عکاشہ بھائی نےبوتل نہیں دی تھی۔وہ سب ہنسنے لگ گئے "میں بھی سوچ رہا تھا اس کی گیس کیوں نہیں بنی ؟؟"

 

[اخت ولید]

سنجیدگی سے اٹے ماحول میں اچانک کوئی ذرا سی بات ہی پھلجڑیاں چھوڑ دیتی ہے اور خصوصا اسباق کے دوران۔۔سبھی کو ہنسنے کا موقع مل جاتا ہے))
نور الایمان میری "شاگردی"میں مشق حل کر رہی تھی۔دلچسپ بات یہ تھی کہ میں بھی اس دن سبق سے غیر حاضر تھی کہ جس دن یہ سبق پڑھا گیا تھا۔۔لیکن "حد سے بڑھی ہوئی خود اعتمادی" کو کیا کہیے۔۔گر مرواتی ہے تو بچاتی بھی ہے۔۔اوزان کا سبق تھا۔۔مزے سا مزا!!))
"چائے کی پیالیاں خالی ہیں۔۔چائے کی پیالیاں؟؟؟۔۔اچھا۔۔!!!۔۔۔چائے کی پیالیاں۔۔۔ال۔۔ال۔۔الصنادیق للشائ۔۔۔"
"جی۔۔؟؟"میں زور سے چونکی
"جی۔۔الصنادیق۔۔۔"تیزی سے بولتے ہوئے غلطی کا احساس ہوا تو چپ کر گئی۔۔۔
"مجھے نہیں معلوم تھا کہ اہلیان ِبہاولپور "صندوقوں" میں چائے پیتے ہیں!!!!!!")))))))))))

 

[وہم]

میں سبز چائے (قہوہ) کا شوقین
بچپن میں صحیح عمر یاد نہیں ایک دفعہ امی کو ایک دن میں دوسری بار بنانے کی فرمائش کی تو دو ہتھڑ پڑے ، کوئی بات نہیں دل میں سوچا
امی جان تشریف لے گئیں کسی ہمسائی کے گھر یا میرا خیال ہے خالہ کے گھر
پیچھے چولہا پر دیگچی چڑھائی ، قہوہ تیار کیا
ایک گھونٹ لی ٹیسٹ خراب تھا جیسے گھاس پھونس ابال دی ہو ، خیر سوچا بنانی نہیں آئی ، خاص طریقہ ہوتا ہے ہوگا ، زبردستی پینے کی کوشش کرنے لگا کہ اب ختم تو کروں کہ اچانک امی کی واپسی ہوگئی کوئی ناپ کے کپڑے اٹھانے تھے ، مشکوک قسم کی خوشبو کچن سے آئی تو تحقیق کی گئی تو اعتراف جرم کیا ،
لیکن امی نے انکشاف کیا کہ قہوہ بنانے کا مواد تو ختم تھا تم نے سوکھی میتھی یا سکھایا ہوا ساگ (اب یاد نہیں کہ کیا تھا) ابال کر پی لیا ہے

 

[وہم]

ایک دن اپنا ذرا موڈ ظالم قسم کا خراب تھا کسی بات پر کہ ہماری بے غم صاحبہ نے کچھ کھانے کی ضد شروع کر دی میرا خیال برگر تھا یا دہی بھلے ، سیدھا انکار کر دیا ہے دو چار باتیں بھی سنا دیں ،
بے غم صاحبہ کو ہمارے اس رویہ سے کچھ غم ہی لگ گیا اور اپنا مشہور جملہ دوہرا دیا کہ جب میں مر جاؤں گی نا ، پھر میری قدر پتا لگے گی ،
بے ساختہ میرے منہ سے نکل گیا کہ بس یہی کہتی ہی رہتی ہو ، مرتی تو ہو نہیں ،
رات کا کھانا پھر ہوٹل سے کھایا تھا

 

[خنساء]

امی جی نے چاول بنائے اور مجھے رائتے کے بغیر چاول پسند ہی نہیں ہیں اور میں ناراض بھی تھی کسی بات پر۔ اس لیے مجھے رائتہ خود بنانا تھا ۔مجھے سوکھے پودینے والا رائتہ بہت پسند ہے آسان سا بھی اور مزے کا بھی ۔میں سوکھاپودینہ ڈھونڈ رہی تھی اور مجھے مل ہی نہیں رہا تھا آخر کار مجھے مل ہی گیا اور میں نےرائتہ بنایا ۔کھانا ڈال ہی رہی تھی کہ بھیا عشاء کی نمازادا کر کے آئے اور آتے ہی کھانا مانگ لیا ۔سب مصروف تھے امی جی نے مجھے کچن میں موجود پایا تو تو مجھےہی کہہ دیا" بھائی کےلیے بھی کھانا لے آؤ "میں نے بھیا کو چاول دے دیے لیکن رائتہ نہ دیا ۔جب میں اپنے لیے کھانا لیکرآئی تو بھیا نے دیکھ کر کہا"واہ خود تو رائتے کے ساتھ کھا رہی ھو "میں نے کہا "بھیا آپ لے لیں میں بعد میں کھانا کھالوں گی "بھیا نے جب رائتہ چکھا تو بڑے تعجب سے پوچھا "خنساء !کس چیز کا رائتہ ہے؟"۔" بھیا !سوکھے پودینے کا ۔جب بھیا نے کھانا کھالیا تو تھوڑا سارائتہ باقی تھا میں نے جب چکھا تو "اتنا گندا ذائقہ۔۔۔ ہا یہ کیا ؟؟؟ اور بھیا نے کھابھی لیا شائد پودینہ پڑے پڑےخراب ہو گیا ہو تھوڑی دیر بعد بھیا نے کہا"سبز قہوہ بنا دو" ۔بھابھی کچن میں چلی گئیں۔ کچھ دیر بعد میں برتن رکھنے کچن میں گئی تو بھابھی سوکھا پودینہ ڈبے سے نکال رہی تھیں "بھابھی یہ کیا ڈالنے لگی ہیں ؟"۔"کیا ہوا؟؟ قہوے کی پتی ہے "۔"نہیں یہ سوکھا پودینہ ہے دیکھ لیں آپ "۔بھابھی نے اسے سونگھاتو کہنے لگیں" نہیں یہ قہوے کی پتی ہے۔پودینے کی تو خوشبو ہوتی ہے۔"اوہ اچھا تو میں نے آج "قہوہ رائتہ "بنایا تھا"