انٹرویو محترمہ اخت ولید صاحبہ٭

[اخت ولید]

37۔آپ کھانے میں کیا پسند کرتی ہیں؟؟اور خود کھانا بنانا کیسا لگتا ہے؟؟

سبھی کچھ!!)جو کسی کو پسند نہیں۔۔میں وہ بھی کھا لیتی ہوں ۔۔چاہے وہ کڑوا کیک ہو یا بے ذائقہ!سبزیاں زیادہ پسند ہیں۔۔بسکٹ،مٹھائی اور حلوہ ۔۔یعنی میٹھا بہت پسند ہے۔
کھانا بنانا۔۔نو سال کی عمر میں پہلے دن میں باقاعدہ طور پر،پراٹھا بنانے کچن میں گئی تھی ۔۔پراٹھا تو کچا پکا تھا۔۔میں نے بنا کر چھپا دیا کہ اب آپی چھیڑیں گی۔۔اور اسی دوپہر مجھے سخت بخار ہو گیا۔اتنا تیز بخار کبھی پہلے ہوا نہ اس کے بعد۔۔اور اب۔۔اب سربراہ گھرانہ کہتی ہیں کہ بیٹا بیمار بھی ہو گئی تو تمہارابنا کھانا ہی کھانے کو ملے گا!!)سبحان اللہ۔۔دن کتنی جلدی پھرتے ہیں!!)
چودہ سال کی عمر میں باقاعدہ طور پر کچن میں گئی تھی اور پھر کبھی نہیں نکلی!!)
کھانا بنانا اچھا لگتا ہے بلکہ خود ہی کھانا بنانا اچھا لگتا ہے۔۔اب علم نہیں کہ کھانا کھانے والوں کو میرا کھانا بنانا کیسا لگتا ہے؟!!)حلوہ،کھیر اور ڈیزرٹس بنانے میں بھی پسندیدہ ہیں اور کھلانے میں بھی۔۔سائیڈ ڈشز بنانے میں بھی مزا آتا ہے۔۔کچن کی صفائی کے بعد کھانا بنانے میں بہت مزا آتا ہے بنسبت دونوں کام ساتھ ساتھ نبٹانے میں۔۔مہمان داری کرنا بہت پسند ہے۔لیکن صرف ان مہمانوں کی جنہیں مہمان داری کروانے کا سلیقہ آتا ہے!!)

 

[اخت ولید]

38۔ کیا آپ کا تعلق دین دار گھرانے سے ہے ؟

شاید۔۔کیونکہ ہر ایک کے نزدیک دین داری کا پیمانہ الگ ہے۔

 

[اخت ولید]

39۔ ایسے افعال ، جن کو سرانجام دینے کے لیے لمبی زندگی کی دعا مانگتی ہوں؟

کچھ نہیں۔۔صرف حالت ایمان میں اور اللہ سبحانہ وتعالٰی کی رضامندی میں موت کی خواہش ہے۔۔زندگی جتنی لمبی۔۔اتنے گناہ اور خصوصا اس پرفتن دور میں اپنا دامن بچانا بہت مشکل ہے!

 

[اخت ولید]

40۔آپ کو غصہ کتنا آتا ہے؟ اور ایسی صورت میں کیا ردعمل ظاہر کرتی ہیں؟

غصے کی قائم مقامی جھنجھلاہٹ کرتی ہے۔۔غصہ،دکھ،تکلیف الگ الگ چیزیں ہیں۔۔دکھ تکلیف ابتدائی اور غصہ دکھ تکلیف کا آخری درجہ ہے!
دکھ تکلیف ہو تو علیحدگی میں رو لیتی ہوں اور گھروالوں سے ڈسکس کر لیتی ہوں۔۔غصہ اگر جلدی آتا ہے تو جلدی جاتا ہےاور حدیث کے مطابق اگر اس میں برائی نہیں تو اچھائی بھی نہیں۔۔تا ہم مجھے محسوس ہوتا ہے کہ مجھے غصہ کم کم آتا ہے لیکن کچھ افراد جھنجھلاہٹ کو بھی غصہ سمجھتے ہیں!!)دکھ تکلیف بہت زیادہ ہو اور باربار ہو یا کوئی شخص نرمی کا ناجائز فائدہ اٹھا کر سر چڑھے تو پھر غصہ میں بدل جاتا ہے۔۔غصے میں (باوجود خواہش کے !!)دو تین جملوں سے زیادہ بول نہیں سکتی۔۔جب کوئی غلطی ہو جائے یا کسی عزیزکو مجھ سےتکلیف پہنچےتو اپنے اوپربہت غصہ آتا ہے اور پھر رو کر،کسی سے بات نہ کر کے اور اس شخص کے ازخود ماننے تک اپنے اوپر غصہ قائم رہتا ہے۔۔۔اس صورت میں متعلقہ فرد سے معافی نہیں مانگ سکتی شایداس کی وجہ یہ ہے کہ معافی مانگنے پر سختی سے جھڑکنے اور ہتک آمیز رویہ۔۔پھر کبھی ہمت ہی نہیں ہوئی!!)

 

[اخت ولید]

41۔عورتوں میں تدبر اور تفکر کے حوالے سے کیا کہیں گی؟ کیا تیسری آنکھ کی بصیرت تقوی دار خاتون میں ہو سکتی ہے ؟اس حوالے سے آپ کا مشاہدہ کیا ہے؟

سوال ٹھیک سے سمجھ میں نہیں آرہا بہرحال جو سمجھ میں آیا:عورت بھی تدبر و تفکر کی حامل ہوتی ہے۔۔لیکن ذمہ داریوں میں اس کا پہلو کمزور ہو جاتا ہے۔اگر تیسری آنکھ کی بصیرت سے مراد۔۔مستقبل میں درپیش خطرات کا احساس اورکسی نہاں کو عیاں پا لینا ہے تو یہ بات کافی حد تک درست ہے!

 

[اخت ولید]

42۔ مسلکی اختلافات کےبارے میں آپ کا نقطہ نظر کیا ہے ؟ جدید پیش آمدہ مسائل کے دینی حل کے لیے بہترین طریقہ کیا سمجھتی ہیں ؟

میرا خیال ہے کہ ہمیں صرف عقیدے کی تردید کرنی چاہیے اور پھر کہنا چاہیے کہ اس عقیدے کا حامل شخص مشرک وغیرہ ہے۔اپنا موازنہ کر لیجیے کہ کہیں آپ بھی اس میں مبتلا تو نہیں۔۔اس سے انتشار بھی کم پھیلے گا اور ہر شخص خود سوچنے پر مجبور ہوگا۔ہمیشہ نرمی کا دامن تھامیں۔۔انٹرنیٹ پر بہت کم سمجھنے آتے ہیں۔۔سمجھنے والوں اور جھگڑنے والوں میں فرق کرنا سیکھیں۔۔اردگرد سمجھائیں۔۔معاشرے بھی سنورے گا اور لوگ بھی سدھریں گے۔اپنے اردگرد لوگوں کی اکثریت دین اور اپنے مسلک سے بے خبر دیکھی۔وہ ہر چیز روایت اور وراثت کے طور پر اپناتے ہیں۔۔چاہے اہل حدیث ہوں یا بریلوی،دیوبندی۔۔انہیں طعن تشنیع کرنے سے آگ ہی بھڑک سکتی ہے۔۔انہیں قرآن و حدیث سے سمجھائیں۔۔لیکن مصلحت اور رواداری کے نام پر حق چھپانے سے سختی سےگریز کریں۔۔ایک اور بات کہ غیر مسلک کی ہزار غلطیاں بھی معاف اور اپنے اہل حدیث ساتھی کی ذرا سی غلطی پر طوفان۔۔
مسلکی اختلافات کے علاوہ اہل حدیث ساتھیوں میں بھی انتشار و اختلاف ہے۔۔ان چھوٹےچھوٹے معاملات سے ہماری ہوا ہی اکھڑی ہے۔آج کل دولۃ الاسلامیہ اور طالبان،القاعدہ(تو پرانے ہیں) کی حمایت اور مخالفت کا بھی خوب چرچا ہے۔۔ان چیزیں کو خوب سمجھیں۔۔جہاں حق نظر آئے،فورا اپنا لیں۔۔اس کے لیےانا کا بت توڑنا ہو گا اور لوگوں کی ملامت کا خوف ختم کرنا ہو گا۔۔اللہ سبحانہ وتعالٰی سے دعا مانگیں کہ" اللھم ارنا الحق حقا وارزقنا اتباعہ"!!
ہر دور میں ،ہر تنگی اور آسانی میں مسائل کا ایک ہی حل مسلمان کے پاس ہے"حکم اللہ و حکم الرسول ﷺ"تاویلات چھوڑ کر سر خم کر دیں۔۔مسائل کا حل یہیں تو ہے!

 

[حبیب الرحمن غازی سمون]

ماشاءاللہ بھت ہی پسندیدہ انٹرویوہے اللہ تعالی بہن کواعمال صالحہ اورہم سب کوبھی اعمال صالحہ کی توفیق نصیب فرمائے

 

[اخت ولید]

43۔اپنی پسندیدہ شخصیات اور کتب کے بارے میں آگاہ فرمائیں ۔نیز مطالعہ کے لیے آپ کا کیا معمول ہے؟

صحابہ کرام رضوان اللہ علیہم اجمعین خصوصا سیندنا ابوبکر صدیق رضی اللہ عنہما کا گھرانہ!
میں نے بہت زیادہ کتب نہیں پڑھیں۔۔کتاب وہ پڑھی جائے جس سے کوئی فائدہ بھی ہو۔۔وقت کا ضیاع اور دماغ کی خرابی پہلے ہی بہت ہے۔۔بچوں کے لکھاڑیوں کو زیادہ پڑھا ہے بلکہ ہمارے ہاں پڑھاہی تقریبا انہیں کو جاتا ہے۔۔سنجیدہ کہانیوں میں حامد مشہوداور مزاح میں سعید لخت ۔۔تعلیم و تربیت میں چھپنے والی شکاریات سے بھی دلچسپی رہی۔۔انٹرنیٹ پر کتب بہت ہیں مگر انہیں پڑھا جاتا ہے نہ پڑھنے کا لطف آتا ہے۔۔کتاب ہاتھ میں ہی اچھی لگتی ہے!!کسی بھی اچھے موضوع پر لکھی گئی اچھی کتاب پسند ہے!کچھ کتب بارہا پڑھی ہیں ۔رحیق المختوم بہت پسند ہے۔۔ہمارے ہاں کتاب کے معیار کو اس کے مشکل الفاظ سے جانچا جاتا ہے۔۔سادہ الفاظ میں لکھی گئی کتب بھی معیاری ہوتی ہیں بشرطیکہ الفاظ کو خوبصورتی سے استعمال کیا گیا ہو۔۔سفر نامے پسند ہیں ۔۔کچھ عرصہ قبل علی سفیان آفاقی کا"دوران سفر " پڑھا۔۔مختصر مگر جامع تھا کم از کم میرے لیے!!)۔۔"خامہ بگوش کے قلم سے" بھی پڑھ کر اچھا لگا۔۔ایک لطیف حس مزاح ۔۔اور دوسرا یہ بھلا کہ بہت سی کتب کو پڑھے بغیر ان کے اچھے برے متعلق پتا چل گیا۔۔میرے خیال میں اتنے وقت کے ضیاع سے ناقدین کو پڑھ لیا جانا بہتر ہے!!)
خاص نہیں۔۔ایک وقت میں کتب ہی پڑھی ہیں اب مطالعہ عر صے بعد ہوتا ہے!!

 

[نسرین فاطمہ]

ماشا ء اللہ بہنا بہت خوب انٹر ویو!!!!
مگر۔۔۔۔
جتنا میں آپ کو انٹرویو سے پہلے جانتی تھی ابھی بھی اتنا ہی جانتی ہوں یعنی ۔۔۔
ابھی تک نہ میں آپ کا نام جان سکی نہ آپ کے شہر کا ۔۔۔حتٰی کہ میں اپنی بہن کی تعلیم شوہر اور بچوں کے متعلق کچھ بھی نہ جان سکی ۔۔۔۔

 

[محمد نعیم یونس]

ماشا ء اللہ بہنا بہت خوب انٹر ویو!!!!
مگر۔۔۔۔
جتنا میں آپ کو انٹرویو سے پہلے جانتی تھی ابھی بھی اتنا ہی جانتی ہوں یعنی ۔۔۔
ابھی تک نہ میں آپ کا نام جان سکی نہ آپ کے شہر کا ۔۔۔حتٰی کہ میں اپنی بہن کی تعلیم شوہر اور بچوں کے متعلق کچھ بھی نہ جان سکی ۔۔۔۔

السلام علیکم ورحمۃ اللہ وبرکاتہ!
محترمہ بہنا!
اس کے لیے ذاتی پیغام سے کام لیں۔۔۔ابتسامہ۔۔
جزاک اللہ خیرا