احناف عقائد میں تقلید کیوں نہیں کرتے؟ اس وسوسے کا جواب

[گڈمسلم]

السلام علیکم ورحمۃ اللہ

وعلیکم السلام ورحمۃ اللہ

بھائی آپ ہی وضاحت فرما دیں تو زیادہ مناسب ہوگا کہ اتباع اور تقلید میں کیا فرق ہے۔

میرے عزیز فی الحال آپ سے گزارش ہے کہ آپ اس تھریڈ کا مطالعہ فرمائیں۔ امید ہے کہ بہت کچھ سمجھ آجائے گا۔ اتباع اور تقلید میں فرق

اور بقول آپ کے اگر میں دوسروں کی بات مان لوں تو یہی تقلید ہوگئی تو جس چیز کو آپ پسند نہیں کرتے مجھے کیوں مشورہ دے رہےہیں۔

بھائی جان ہائی لائٹ بات آپ کی بہت مضحکہ خیز ہے۔ بجائے اس کے میں اور آپ اس موضوع پر بات کریں کہ تقلید کیا ہے؟ یا تقلیدکس کو کہتے ہیں۔؟ آپ سے گزارش ہے کہ آپ اس مضمون کا گہرائی سے مطالعہ فرمائیں۔
دین میں تقلید کا مسئلہ
اس کے باوجود بھی اگر آپ چاہیں گے تو اس موضوع پر کچھ لکھ لیں گے۔

تقلید کی ابتداءکی ذیل میں فرماتے ہیں
یہ بھی عقل کا دیوالیہ پن ہے کہ ہر کام میں تو تقلید اور دین و آخرت کے معاملہ میں آزادی۔ کیا رسول اللہ علیہ وسلم نے قرآن کی تقلید نہیں کی ۔حضرات صحابہ کرام نے رسول اللہ علیہ وسلم کی تقلید نہیں کی یا ’’ ہر کہ آمد منزل نو ساخت ‘‘ کا معاملہ ہے ؟ اگر یہ حقیقت ہے تو آج متقدمین اور اسلاف کی تقلید سے انحراف کیوں؟حیات امام اعظم ص ١٧٩ وقس علیٰ ھٰذا

میرے بھائی ابھی تک آپ کے ذہن میں تقلید کا ملمع ہی واضح نہیں ہے۔ اس لیے تو اس طرح کی باتیں لکھ رہے ہیں

یہ بھی عقل کا دیوالیہ پن ہے کہ ہر کام میں تو تقلید اور دین و آخرت کے معاملہ میں آزادی۔

میرے بھائی پہلے تقلید کو سمجھیں۔

 

[ابراہیم بھائی]

جب پانی موجود ہے تو بغیر عذر کیا تیمم جائز ہے ؟
جب کتاب و سنت کے دلائل موجود ہیں تو کیا قیاس و اجتھاد درست ہے ؟

 

[رفیق طاھر]

مفتى عابد الرحمن صاحب !
آنجناب سے درمندانہ اور عاجزانہ اپیل ہے کہ آپ پہلے اپنی محبوبہ "تقلید" کی جامع ومانع تعریف متعین فرما دیں ۔
تاکہ یہ علم حاصل کیا جاسکے کہ کون مقلد ہے اور کون نہیں ؟ اور محترمہ "تقلید" صاحبہ حلال بھی ہیں یا نہیں !
امید ہے کہ آپ ہماری معروضات پر غور فرمائیں گے ۔

 

[عابدالرحمٰن]

مفتى عابد الرحمن صاحب !
آنجناب سے درمندانہ اور عاجزانہ اپیل ہے کہ آپ پہلے اپنی محبوبہ "تقلید" کی جامع ومانع تعریف متعین فرما دیں ۔
تاکہ یہ علم حاصل کیا جاسکے کہ کون مقلد ہے اور کون نہیں ؟ اور محترمہ "تقلید" صاحبہ حلال بھی ہیں یا نہیں !
امید ہے کہ آپ ہماری معروضات پر غور فرمائیں گے ۔

السلام علیکم
اگر یہی میں آپ سے کہوں کہ (میں وہ الفاظ استعمال نہیں کروں گا جو آپ نے کئے) کہ پہلے آنجناب اپنی نسبت ثابت فرمادیں کہ جب سے آپ کی جماعت بر صغیر میں ہیدا ہوئی اس نے کتنے نام بدلے ہیں اور اب کون سا نام ہے ۔ اگر یوں کہیں گے کہ اہل حدیث ہیں تو محرترم قرآن اور صحابہ کو کس خانے میں فٹ کروگے ۔کیوں کہ اہل حدیث تو صرف حدیث پر عمل کرنے والوں کو کہیں گے۔اور اگر اہل سنت الجماعت کہتے ہو تو نام آپ کی جماعت کے وجود میں آنے سے پہلے بُک ہوچکا ہے ۔ اب تو آپ ویٹنگ لسٹ میں سفر فرما رہے ہیں ۔محترم پہلے سیٹ کنفرم کرالیں تبھی تو سفر کا مزا آے گا ۔ دوسرا مراسلہ کی نوک پلک درست کررہا ہوں ، انشاء اللہ کل حاضر خدمت کردوں گا۔ تب تک آرام فرمایئں ٹیشن نہ لیں ۔

 

[عابدالرحمٰن]

مفتى عابد الرحمن صاحب !
آنجناب سے درمندانہ اور عاجزانہ اپیل ہے کہ آپ پہلے اپنی محبوبہ "تقلید" کی جامع ومانع تعریف متعین فرما دیں ۔
تاکہ یہ علم حاصل کیا جاسکے کہ کون مقلد ہے اور کون نہیں ؟ اور محترمہ "تقلید" صاحبہ حلال بھی ہیں یا نہیں !
امید ہے کہ آپ ہماری معروضات پر غور فرمائیں گے ۔

جناب رفیق طاہر اور گڈمسلم صآحب دامت فیوضکم
السلام علیکم
مزاج عالی
میری گزارشات پیش خدمت ہیں گو آپ حضرات کی شایان شان نہ ہوگی واللہ الموفق
بسم اللہ الرحمٰن الرحیم
نکلا چوہاکھودا پہاڑ: میں پریشان تھا یا اللہ میں کون سی غلطی کرر ہاہوں کہ مجھے بار بار مشورہ دیا جارہا ہے کہ پہلے تقلید کی تعریف پڑھوں،تو میں عرض کردوں کہ میرے تمام مراسلات اسی تعریف کے ذیل میں لکھے گئے ہیں جن کی طرف آپ حضرات رہنمائی فرما رہے تھے،بس صرف سمجھنے کا اور کہنے کا فرق ہے۔
تقلید کی جو تعریف متقدمین یا متا خرین نے کی ہے وہ صرف محمول بر لغوی معنیٰ ہے، وگرنہ در حقیقت اتباع ،اطاعت ،اقتداء،سبیل،صراط،طریق اور تقلید تقریباً باہم مترادف ہیں۔ تقلید کثیرالمفہوم اصطلاح ہے ۔ لیکن عوام الناس کے سامنے صرف ایک پہلو دکھا یا جاتا ہے، جو کہ عوام الناس کو الجھانے کا ایک خوبصورت کھلوناہے جس سے لوگ ائمہ مجتہیدین بد ظن اور برگشتہ ہوجائیں، جہاں تک لفظ تقلید کی تعریف کا تعلق ہےتو میں عرض کردوںکہ فقہ کا ایک ادنیٰ سے ادنیٰ عالم اور طالب علم بھی اس کو بخوبی جانتا ہے کہ بنا کسی شرعی دلیل کے کسی کی بات کو حجت بنا نا،اور اس پر عمل پیرا ہونا ایمانی اعتبار سےکتنا سنگین جرم ہے اور ایسے حضرات کی اقتداء،کرنا ،اتباع کرنا یا تقلید کرنا سراسر گمراہی اور بدعت ہے اور قریب الکفر ہے ۔ تقلید کی دو قسمیں ہیں۔ کبھی تقلیدکو اتباع کے معنی استعمال کیا جاتا ہے۔جس کوتقلیدحق کہا جاتا ہے اوریہ جائز ہے۔
(۱)التقلید مرۃ یکون تقلیداًبحق یجوز شرعاً ویسمیٰ اتباعا۔ تقلید سے کبھی مراد تقلید حق ہو تی ہے جو شرعاً جائز ہے اور جس کا نام ہے اتباع۔
اور دوسری ہے تقلید باطل ،جو حرام اور مذموم ہے۔
(۲)ومرۃ یکون تقلیداً ببا طل فلا یسمیٰ الاتباع، یقال لہٗ تقلید محرم۔ اور کبھی یہ تقلید باطل ہوتی ہے جس کا نام اتباع نہیں ،اور اس تقلید کو حرام کہا جاتا ہے۔
چنانچہ تقلید کے ہم معنی جتنے بھی الفاظ ہیںاگر وہ بلا دلیل شرعی کے ہے تو یہ سب کے یہاں مذموم اور مردود ہے۔
اطاعت سے متعلق عرض ہےحضرت ابو بکر صدیق رضی اللہ عنہ کا یہ فرمان جو انہوں نے خلیفہ ہونے کے بعد فرمایا،
اطیعونی ما اطعت اللہ ورسولہٗ فان عصیت اللہ ورسولہٗ فلا طاعۃ لی علیکم
جب تک میں اللہ اور اس کے رسول صلی اللہ علیہ وسلم کی اطاعت کروں تو تم میری اطاعت کرو اور اگر میں اس کے خلا ف کروں تو تم پر میری اطاعت لازم نہیں ۔اسی طرح سے
۔اور تقلید جامد یہ تمام ائمہ بشمول امام ابوحنیفہ رحمۃ اللہ علیہ، یہ نا پسندیدہ ،اور ممنوع ہے۔ایک دفعہ خلیفہ منصور نے امام ابوحنیفہ کو بلا کر دریافت کیا تو آپ نے فرمایا
امیر المؤمنین جو بات آپکو پہونچی ہے وہ غلط ہے میں سب سے پہلے کتاب اللہ پر عمل کرتا ہوں اور پھر رسول اللہ صلی اللہ علیہ وسلم کی سنت پر اور پھر ابو بکر ،عمر ، عثمان ،علی رضی اللہ عنہم کے فیصلوں پر پھر باقی صحابہ کرام رضوان اللہ علیہم اجمعین کے فیصلوں ہر البتہ جس مسئلہ میں صحابہ میں اختلاف مروی ہوتا ہے تو قیاس پر عمل کرتا ہوں ۔
واضح رہے قیاس سے مراد رائے نہیں ہے بلکہ قیاس نام کے اعتبا رسے تو قیاس ہے لیکن اس کی پوری عمارت کتاب وسنت پر ہی تعمیر ہے چنانچہ امام صاحب رحمۃ اللہ علیہ فرماتے ہیں
’’ بخدا اس شخص نے ہم پر جھوٹ بولا اور ہم پر تہمت لگائی جس نے ہمارے بارے میں یہ کہا کہ ہم نص کی موجودگی میں قیاس کو ترجیح دیتے ہیں
علامہ ابن حزم نے فقہ حنفی کے بارے میں فرمایا
تمام اصحاب ابی حنیفہ اس بات پر متفق ہیں کہ ابو حنیفہ کا مذہب یہ تھا کہ ضعیف حدیث بھی اگر مل جائے تو اس کے مقابلہ میں قیاس اور رائے کو ترک کردیا جائے‘‘
اوپر یہ جو کچھ میں تقلید اور اطاعت وغیرہ کے بارے میں عرض کیا یہ سب قرآن اور احادیث کی روشنی میں ہے جس کو میں نے بوجہ تنگ دامنی بعض حضرات ،بطعن طوالت گریز کیا ہے، اب آپ غیر مقلدین حضرات اپنے بارے میں فرمادیں کہ آپ حضرات نقطہ نظر اس بابت کیا ہے کس جماعت سے تعلق ہے قرآن وحدیث سے ثابت فرمادیں تو زیادی مناسب ہوگا،فقط والسلام

 

[sahj]

نکلا چوہاکھودا پہاڑ

السلام علیکم عابد الرحمان صاحب

کھودا پہاڑ نکلا چوہا

یا

نکلا چوہا جب کھودا پہاڑ


شکریہ

 

[عابدالرحمٰن]

السلام علیکم عابد الرحمان صاحب

کھودا پہاڑ نکلا چوہا

یا

نکلا چوہا جب کھودا پہاڑ


شکریہ

السلام علیکم
تصحیح کا شکریہ لکھا یہی تھا کھودا پہاڑ نکلا چوہا مگر معلوم نہیں دماغ میں کیا بات آئی اس کو الٹا کردیا ۔ مگر نفس مطلب میں کوئی کمی نہیں پھر بھی بہت بہت شکریا اس کو میں نوٹ کرلوں گا اللہ جزائے خیر عطا فرمائے۔

 

[رفیق طاھر]

محترم المقام مفتی عابد الرحمن صاحب
اہل الحدیث کا وجود کب سے اور یہ نام کب سے ہے اور اسکی دلالت کیا ہے یہ سب کچھ ہم بہت پہلے واضح کر چکے ہیں لیکن اگر آپکو نئے سرے سے ہی پوچھنا ہے تو اس کے بارہ میں ایک مستقل موضوع شروع کرلیں
یہ موضوع تو صرف تقلید کے گرد گھومتا ہے لہذا اسے تقلید کی حد تک ہی رہنے دیں اور خلط محبث نہ فرمائیں

ثانیا
آپ سے گزارش ہے کہ صرف ایک سطر میں آپ تقلید کی وہ تعریف تحریر فرما دیں جسے آپ صحیح تقلید کی صحیح تعریف سمجھتے ہیں
تاکہ بات کو آگے بڑھایا جاسکے

 

[جمشید]

ثانیا
آپ سے گزارش ہے کہ صرف ایک سطر میں آپ تقلید کی وہ تعریف تحریر فرما دیں جسے آپ صحیح تقلید کی صحیح تعریف سمجھتے ہیں
تاکہ بات کو آگے بڑھایا جاسکے

جوخود رفیق طاہرآج تک نہیں کرسکے!اوراجتہاد وتقلید کے تھریڈ میں ان کی جامع ومانع تقلید کی تعریف تاحال محتاج تعریف ہے

 

[رفیق طاھر]

جوخود رفیق طاہرآج تک نہیں کرسکے!اوراجتہاد وتقلید کے تھریڈ میں ان کی جامع ومانع تقلید کی تعریف تاحال محتاج تعریف ہے

بحمد اللہ تعالى میں وہاں جواب دے چکا ہوں اور میرے جواب کے اک عرصہ بعد تک وہاں سناٹا تھا اسکے بعد میں اس تھریڈ میں دوبارہ نہیں گیا ۔ اگر کوئی اشکال وہاں وارد ہوا ہے تو اسکا لنک دیں اور ابھی نقد جواب وصول کریں جناب پریشان کیوں ہوتے ہیں محترم طحاوی دوراں وغزالی زماں صاحب ہم تو آپکی راہوں میں پلکیں بچھاتے پھرتے ہیں مرحبا