تجویز دعوتِ تعارف و طعام و تجاویز

[عبدہ]

محترم بھائی کیا مجبوریاں ہیں آپ کوشش کریں ویسے میں نے گرائم کلاس الرٹس میں موبائل نمبر دیا ہے آپ اس پر فون کر کے اپنی لانے لے جانے کی یا کوئی اور مجبوری کا حل کروا سکتے ہیں کیونکہ مسلمان کی دعوت نہیں ٹھکراتے اللہ آپ کو جزا دے امین

محترم بھائی میں اپنے آپ کو آپ کا استاد سمجھ رہا تھا کہ آپ بھی گرائمر میں میرے سٹوڈنٹ ہیں مگر اب کلاس الرٹس کو دیکھا تو پتا چلا کہ میں ایسے ہی خوش فہمی میں تھا پس اب آپ کو علیحدہ سے پی ایم کر دیا ہے

اب چونکہ اور کوئی بھائی یہاں جواب نہیں دے رہا تو اب ایک آپ ہیں اور دوسرے محترم ابن آدم بھائی ہیں اور لگتا ہے آپ دونوں پر ہی تکیہ کرنا پڑے گا لیکن اب یہ نہ ہو کہ

جن پہ تکیہ تھا وہی پتے ہوا دینے لگے

 

[بابر تنویر]

تمام بھائی ۔۔ لاہوریوں سے خصوصی درخواست ہے اس دھاگے میں شرکت کی۔

جلد ہی پاکستان آنے کا ارادہ ہے۔ بھائ شاکر تو کراچی میں ہی ہوتے ہیں۔ اگر وقت ملا تو ملاقات ضرور ہوگی۔ لاہور بھی جانے کا ارادہ ہے۔ اگر کاروباری اور گھریلیو مصروفیات نے اجازت دی تو سب بھائیوں سے شرف ملاقات حاصل کریں گے۔

 

[محمد نعمان مسعود]

سو بسم اللہ جناب!

کیا مطلب اس بات کا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ سو ۔۔۔۔۔۔۔۔۔۔۔۔۔۔۔۔۔۔۔ ؟؟؟؟؟؟؟؟؟؟؟؟؟
آپ میں اور کسی انجان میں کچھ فرق تو ہونا چاہیے

 

[حافظ اختر علی]

بھائی انجانا پن کس چیز کا نظر آیا ہے؟؟؟یہ اہل زبان کا اندا ز اظہار ہے۔

 

[mohammad ali]

تمام بھائی ۔۔ لاہوریوں سے خصوصی درخواست ہے اس دھاگے میں شرکت کی۔

 

[محمد نعیم یونس]

السلام علیکم ورحمۃ اللہ
ماشاء اللہ ! کل بروز ہفتہ بوقت صلاۃ المغرب دینی بھائیوں سےملاقات کا شرف حاصل ہوا۔جیسا کہ آپ کے علم میں ہے کہ "دعوتِ تعارف و طعام و تجاویز"کا پروگرام منجانب محترم عبدہ بھائی کا تھا۔مغرب سے کچھ دیر قبل میں گھر سے روانہ ہوا اور راستے سے محمد آصف مغل بھائی کو لیتے ہوئےمنزل کی جانب چل پڑے۔ ملاقات کا اہتمام ایک دینی مدرسہ للبنات میں طے تھا جس کو چلانے کی ذمہ داری محترم عبدہ بھائی اور ان کی اہلیہ محترمہ نے لے رکھی ہے۔یہ مدرسہ دو تین مرتبہ میں پہلے دیکھ چکا تھا لیکن میرے علم میں نہیں تھا کہ اس کے انتظامات کس کے پاس ہیں، خیر ہم دونوں بھائی سفر طے کرتے ہوئے مدرسے کے قریب پہنچنے والے تھے کہ سامنے ہی چوک میں مجھے عبدہ بھائی کھڑے نظر آئے ۔قریب پہنچ کر میں نے سلام کیا تو عبدہ بھائی مجھے کچھ بدلے بدلے اور کچھ جوان جوان لگے۔۔۔ابتسامہ۔۔ اوہو ۔۔ یہ تو عبدہ بھائی کے چھوٹے بھائی شہزاد تھے۔۔جن کو عبدہ بھائی نے مہمانوں کے استقبال و راہنمائی کے لیےتعینات کیا ہوا تھا۔خیر ان سے سلام دعا کرکے ہم مدرسہ سے ملحق مسجد میں پہنچ گئے جہاں پر جماعت کھڑی ہو چکی تھی۔ نماز ادا کرکے فارغ ہوئے تو عبدہ بھائی سے ملاقات ہوئی اور پھر عبدالقہار محسن بھائی سے ملاقات ہوئی۔عبدہ بھائی نے کہا کہ باقی لوگ راستے میں ہیں آئیے ہم مدرسے میں جاکر بیٹھتے ہیں۔مدرسے میں پہنچے تو ہمیں ایک لائبیریری نما کمرے میں بیٹھنے کے لیے کہا گیا۔وہاں پر تین بھائی پہلے ہی نماز سے فارغ ہو کرپہنچ چکے تھے تعارف ہونے پر پتا چلا کہ ایک بھائی ابراہیم کیلانی ، دوسرے بھائی عبد اللہ کیلانی اور تیسرے بھائی مسعود خان ہیں۔کچھ لمحے بعد ایک بھائی مٹھائی کا ڈبہ اُٹھائے ہوئے اندر تشریف لائے ۔ سلام دعا کے بعد میں نے اپنا نام بتایا اور بھائی سے میں نے استفسارانہ انداز میں پوچھا آپ حافظ اختر علی ہیں تو بھائی نے کہا نہیں میں "ابن آدم "ہوں، ماشاءاللہ اور مزید تعارف پر پتا چلا کہ ابن آدم بھائی "صراط الہدی فورم" کے ناظم ہیں۔بات چیت جاری تھی کہ محترم کلیم حیدر بھائی تشریف لے آئے اور میرے پاس ہی بیٹھ گئے۔گفتگو کا سلسلہ ابھی دراز نہیں ہوا تھا کہ محترم حافظ عمران الہی بھائی، محترم قاری مصطفے راسخ بھائی، محترم انس مدنی بھائی کے ہمراہ تین بھائی اور تشریف لے آئے۔ بعد میں تعارف پر پتا چلا کہ ایک بھائی محترم ابوالحسن علوی ہیں ، دوسرے بھائی محترم حافظ اختر علی اور تیسرے محترم محمد اصغر بھائی ہیں، ماشاء اللہ
یہ کمرہ چھوٹا تھا ،عبدہ بھائی نے کہا کہ ساتھ والے کمرے میں جاکر بیٹھتے ہیں۔ ہم سب لوگ ساتھ والے بڑے کمرے میں جاکر بیٹھ گئے۔
عبدہ بھائی نے اللہ تعالی کی حمد وثنا ء کے بعد اپنا تعار ف کروایا اور ملاقات کے مقصد کو دوبارہ واضح کیا۔ اور مزید انکشاف کیا کہ یہ مدرسہ بھی محترم انس مدنی بھائی کی فیملی کے زیر نگرانی چل رہا ہے۔ اس میں تقریبا سو کے لگ بھگ بچیاں دینی تعلیم حاصل کررہی ہیں اور ہوسٹل کی سہولت بھی موجود ہے۔ اور یہ وسن پورہ والے مدرسے کی ہی دوسری شاخ ہے۔
محترم عبدہ بھائی کے بعد پھر سب نے اس ترتیب سے اپنا اپنا تعارف کروایا۔
محترم ابن آدم بھائی
محترم انس مدنی بھائی
محترم مسعو خان بھائی
محمد نعیم یونس
محترم حافظ عمران الہی بھائی
محترم ابوالحسن علوی بھائی
محترم قاری مصطفے راسخ بھائی
محترم محمد اصغر بھائی
محترم حافظ اختر علی بھائی
محترم کلیم حیدر بھائی
محترم ابراہیم کیلانی بھائی
محترم عبداللہ کیلانی بھائی
محترم شہزاد بھائی
محترم عبدالقہار محسن بھائی
محترم محمد آصف مغل بھائی
ماشاء اللہ ! ہر بھائی اپنے اپنے میدان کا ماہر نکلا ۔ سوائے مجھ نکمے کے۔
تعارف کے بعدمحترم انس مدنی بھائی نے محدث فورم پر تقابل مسالک کے زمرے میں حالیہ سرگرمیوں کے بارے، عربی گرائمر کلاس اورکوئی نیا تدریسی موضوع شروع کرنے کے حوالے سے گفتگو کی۔ اور اراکین مجلس سے ان کی رائے دریافت کی ۔ تدریس ِ قرآن وحدیث ،تقابل ادیان کے موضوع کو نمایاں کرنا، تدریسِ عقائد و فقہ اور فنی علوم کے بارےمیں مجلس کے شرکاء نے اپنی اپنی رائے دی ۔یہ بات چیت تقریبا ایک گھنٹہ جاری رہی۔
پھر عبدہ بھائی نے سب ساتھیوں کو مدرسے کا معائنہ کروایا ۔۔۔چلتے چلتے ایک حال کمرے میں پہنچے تو وہاں پر دسترخوان پر پُرتکلف کھانا سجا ہوا تھا۔ سب لوگ بیٹھ گئے اور لذید کھانا ،آئس کریم اور ابن آدم بھائی کی لائی ہوئی مٹھائی سے انصاف کیا۔
اللھم بارک لھم فی ما رزقتھم واغفر لھم ورحمھم۔
اس کے بعد صلاۃ العشاء محترم قاری مصطفے راسخ کی امامت میں ادا کی گئی۔نماز کے بعد کتاب وسنت ڈاٹ کام کے زیر انتظام مختلف ویب سائٹس کو درپیش مالی مشکلات کے حوالے سے عبدہ بھائی اور انس مدنی بھائی نے اراکین کو مختصرا بتایا اور پھر سب ساتھی ایک دوسرے سے اگلی ملاقات تک کے لیے بچھڑنے کے لیے تیار ہوگئے۔سب بھائیوں نے ایک دوسرے سے الوداعی ملاقات کی اور اپنی اپنی منزل کی طرف رواں دواں ہوگئے۔
اللہ تعالی سے دعا ہے کہ اللہ تعالی عبدہ بھائی کے اعمال میں برکت دے اور اُن کی حفاظت کرے اور تمام بھائیوں کو اللہ تعالی جزائے خیر دےکہ جنہوں نے صرف دین کی خاطر ایک دوسرے سے ملاقات کی۔ آمین
جزاکم اللہ خیرا واحسن الجزاء

 

[شاکر]

ماشاءاللہ۔۔۔۔
آپ تو لگتا ہے نوٹس لے رہے تھے۔ تعارف کی ترتیب بھی یاد رہی آپ کو۔۔۔!
میری بڑی خواہش تھی کہ آپ سب سے کہوں کہ ملاقات ایک ہفتہ مؤخر کر لیں تو شاید میں بھی شامل ہو جاؤں۔ لیکن اس سے قبل اتنی مرتبہ لاہور کا پروگرام بدلا ہے، کہ اب یقین سے کچھ کہنا مشکل ہوتا ہے۔ خیر، اللہ سے دعا ہے کہ اس میٹنگ سے متوقع مثبت نتائج حاصل ہوں۔

 

[محمد نعیم یونس]

آپ تو لگتا ہے نوٹس لے رہے تھے۔ تعارف کی ترتیب بھی یاد رہی آپ کو۔۔۔!

غلطی کا امکان بہرحال موجود ہے۔دستیاب یاداشت پر انحصار کیا ہے۔ اللہ تعالی ہی ہے جو عزت رکھ لے۔

 

[خضر حیات]

ماشاءاللہ ۔
محمد نعیم یونس صاحب کمال کرتے ہیں کہ ہم جیسے ہزاروں کلو میٹر کے فاصلے پر بیٹھے ہوئے اراکین کو بھی ’’ مجلس ‘‘ سے محظوظ ہونے کا موقع فراہم کرتے ہیں ۔ جزاکم اللہ خیرا ۔

غلطی کا امکان بہرحال موجود ہے۔

بطور ثبوت عرض ہے کہ ’’ چراغ تلے اندھیرا ‘‘ کے مصداق آپ اپنے پاس بیٹھے ہوئے ایک اہم رکن کو تعارف دینے والوں کی فہرست میں ذکر کرنا بھول گئے ہیں ۔