سنن ابو داود

[محمد نعیم یونس]

16- بَاب مَنْ سَمَّى السَّحُورَ الْغَدَاءَ
۱۶- باب: سحری کے کھانے کو غدا (دوپہر کا کھانا) کہنے کا بیان​

2344- حَدَّثَنَا عَمْرُو بْنُ مُحَمَّدٍ النَّاقِدُ، حَدَّثَنَا حَمَّادُ بْنُ خَالِدٍ الْخَيَّاطُ، حَدَّثَنَا مُعَاوِيَةُ بْنُ صَالِحٍ، عَنْ يُونُسَ بْنِ سَيْفٍ، عَنِ الْحَارِثِ بْنِ زِيَادٍ، عَنْ أَبِي رُهْمٍ، عَنِ الْعِرْبَاضِ بْنِ سَارِيَةَ، قَالَ: دَعَانِي رَسُولُ اللَّهِ ﷺ إِلَى السَّحُورِ فِي رَمَضَانَ، فَقَالَ: <هَلُمَّ إِلَى الْغَدَاءِ الْمُبَارَكِ > ۔
* تخريج: ن/الصیام ۱۳ (۲۱۶۵)،(تحفۃ الأشراف: ۹۸۸۳)، وقد أخرجہ: حم (۴/۱۲۶، ۱۲۷)
(حسن لغیرہ) (ابو رہم مجہول ہیں، حدیث کے شواہد سے یہ حسن ہے، ملاحظہ ہو: الصحيحة للألباني: 3408، وتراجع الألباني: 192)
۲۳۴۴- عرباض بن ساریہ رضی اللہ عنہ کہتے ہیں کہ مجھے رسول اللہ ﷺ نے رمضان میں سحری کھانے کے لئے بلایا اور یوں کہا: ''بابرکت غداء پر آؤ''۔

2345- حَدَّثَنَا عُمَرُ بْنُ الْحُسَيْنِ بْنِ إِبْرَاهِيمَ، حَدَّثَنَا مُحَمَّدُ بْنُ أَبِي الْوَزِيرِ أَبُوالْمُطَرِّفِ، حَدَّثَنَا مُحَمَّدُ بْنُ مُوسَى، عَنْ سَعِيدٍ الْمَقْبُرِيِّ، عَنْ أَبِي هُرَيْرَةَ، عَنِ النَّبِيِّ ﷺ ، قَالَ: < نِعْمَ سَحُورُ الْمُؤْمِنِ التَّمْرُ >۔
* تخريج: تفرد بہ أبو داود، (تحفۃ الأشراف: ۱۳۰۶۷) (صحیح)
۲۳۴۵- ابو ہریرہ رضی اللہ عنہ کہتے ہیں کہ نبی اکرم ﷺ نے فرمایا: ''کھجور مومن کی کتنی اچھی سحری ہے''۔

 

[محمد نعیم یونس]

17- بَاب وَقْتِ السُّحُورِ
۱۷- باب: سحری کھانے کے وقت کا بیان​

2346- حَدَّثَنَا مُسَدَّدٌ، حَدَّثَنَا حَمَّادُ بْنُ زَيْدٍ، عَنْ عَبْدِاللَّهِ بْنِ سَوَادَةَ الْقُشَيْرِيِّ، عَنْ أَبِيهِ، سَمِعْتُ سَمُرَةَ بْنَ جُنْدُبٍ يَخْطُبُ وَهُوَ يَقُولُ: قَالَ رَسُولُ اللَّهِ ﷺ : < لا يَمْنَعَنَّ مِنْ سُحُورِكُمْ أَذَانُ بِلالٍ، وَلابَيَاضُ الأُفْقِ الَّذِي هَكَذَا حَتَّى يَسْتَطِيرَ >۔
* تخريج: م/الصیام ۸ (۱۰۹۴)، ت/الصوم ۱۵ (۷۰۶)، (تحفۃ الأشراف: ۴۶۲۴)، وقد أخرجہ: ن/الصیام ۱۸ (۲۱۷۳)، حم (۵/۷، ۹، ۱۳، ۱۸) (صحیح)
۲۳۴۶- سوادہ قشیری کہتے ہیں کہ سمرہ بن جندب رضی اللہ عنہ خطبہ دے رہے تھے اور کہہ رہے تھے کہ رسول اللہ ﷺ نے فرمایا: ''تمہیں سحری کھانے سے بلال کی اذان ہرگز نہ روکے اور نہ آسمان کے کنارے کی سفیدی (صبح کاذب) ہی باز رکھے، جو اس طرح (لمبائی میں) ظاہر ہوتی ہے یہاں تک کہ وہ پھیل جائے''۔

2347- حَدَّثَنَا مُسَدَّدٌ، حَدَّثَنَا يَحْيَى، عَنِ التَّيْمِيِّ (ح) وَحَدَّثَنَا أَحْمَدُ بْنُ يُونُسَ، حَدَّثَنَا زُهَيْرٌ، حَدَّثَنَا سُلَيْمَانُ التَّيْمِيُّ، عَنْ أَبِي عُثْمَانَ، عَنْ عَبْدِاللَّهِ بْنِ مَسْعُودٍ قَالَ: قَالَ رَسُولُ اللَّهِ ﷺ : < لا يَمْنَعَنَّ أَحَدَكُمْ أَذَانُ بِلالٍ مِنْ سُحُورِهِ؛ فَإِنَّهُ يُؤَذِّنُ، أَوْ قَالَ يُنَادِي، لِيَرْجِعَ قَائِمُكُمْ، وَيَنْتَبِهَ نَائِمُكُمْ، وَلَيْسَ الْفَجْرُ أَنْ يَقُولَ هَكَذَا - قَالَ مُسَدَّدٌ: وَجَمَعَ يَحْيَى كَفَّيْهِ - حَتَّى يَقُولَ هَكَذَا > وَمَدَّ يَحْيَى بِأُصْبُعَيْهِ السَّبَّابَتَيْنِ۔
* تخريج: خ/الأذان ۱۳ (۶۲۱)، الطلاق ۲۴ (۵۲۹۸)، أخبارالآحاد ۱ (۷۲۴۷)، م/الصوم ۸ (۱۰۹۳)، ن/الأذان ۱۱ (۶۴۲)، ق/الصوم ۲۳ (۱۶۹۶) (تحفۃ الأشراف: ۹۳۷۵)، وقد أخرجہ: حم (۱/۳۸۶، ۳۹۲، ۴۳۵) (صحیح)
۲۳۴۷- عبد اللہ بن مسعود رضی اللہ عنہ کہتے ہیں کہ رسول ﷺ نے فرمایا: ''تم میں سے کسی کو بلال کی اذان اس کی سحری سے ہرگز نہ روکے، کیونکہ وہ اذان یا ندا دیتے ہیں تاکہ تم میں قیام کرنے (تہجد پڑھنے) والا تہجد پڑھنا بند کر دے، اور سونے والا جاگ جائے، فجر کا وقت اس طرح نہیں ہے''۔
مسدد کہتے ہیں: راوی یحییٰ نے اپنی دونوں ہتھیلیاں اکٹھی کر کے اور دونوں شہادت کی انگلیاں دراز کر کے اشارے سے سمجھایا یعنی اوپر کو چڑھنے والی روشنی صبح صادق نہیں بلکہ صبح کاذب ہے، یہاں تک اس طرح ہو جائے (یعنی روشنی لمبائی میں پھیل جائے)۔

2348- حَدَّثَنَا مُحَمَّدُ بْنُ عِيسَى، حَدَّثَنَا مُلازِمُ بْنُ عَمْرٍو، عَنْ عَبْدِاللَّهِ بْنِ النُّعْمَانِ، حَدَّثَنِي قَيْسُ ابْنُ طَلْقٍ، عَنْ أَبِيهِ قَالَ: قَالَ رَسُولُ اللَّهِ ﷺ : < كُلُوا وَاشْرَبُوا، وَلا يَهِيدَنَّكُمُ السَّاطِعُ الْمُصْعِدُ، فَكُلُوا وَاشْرَبُوا حَتَّى يَعْتَرِضَ لَكُمُ الأَحْمَرُ > [قَالَ أَبودَاود: هَذَا مِمَّا تَفَرَّدَ بِهِ أَهْلُ الْيَمَامَةِ]۔
* تخريج: ت/الصوم ۱۵ (۷۰۵)، (تحفۃ الأشراف: ۵۰۲۵)، وقد أخرجہ: حم (۴/۲۳) (حسن صحیح)
۲۳۴۸- طلق رضی اللہ عنہ سے کہتے ہیں کہ رسول اللہ ﷺ نے فرمایا: ''کھاؤ پیو، اور اوپر کو چڑھنے والی روشنی تمہیں کھانے پینے سے قطعاً نہ روکے اس وقت تک کھاؤ، پیو جب تک کہ سرخی چوڑائی میں نہ پھیل جائے یعنی صبح صادق نہ ہو جائے''۔

2349- حَدَّثَنَا مُسَدَّدٌ، حَدَّثَنَا حُصَيْنُ بْنُ نُمَيْرٍ (ح) وَحَدَّثَنَا عُثْمَانُ بْنُ أَبِي شَيْبَةَ، حَدَّثَنَا ابْنُ إِدْرِيسَ، الْمَعْنَى، عَنْ حُصَيْنٍ، عَنِ الشَّعْبِيِّ، عَنْ عَدِيِّ بْنِ حَاتِمٍ، قَالَ: لَمَّا نَزَلَتْ هَذِهِ الآيَةُ: {حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ} قَالَ: أَخَذْتُ عِقَالا أَبْيَضَ وَعِقَالا أَسْوَدَ، فَوَضَعْتُهُمَا تَحْتَ وِسَادَتِي، فَنَظَرْتُ فَلَمْ أَتَبَيَّنْ، فَذَكَرْتُ ذَلِكَ لِرَسُولِ اللَّهِ ﷺ ، فَضَحِكَ فَقَالَ: < إِنَّ وِسَادَكَ لَعَرِيضٌ طَوِيلٌ، إِنَّمَا هُوَ اللَّيْلُ وَالنَّهَارُ >، وَقَالَ عُثْمَانُ: < إِنَّمَا هُوَ سَوَادُ اللَّيْلِ وَبَيَاضُ النَّهَارِ > ۔
* تخريج: خ/الصوم ۱۶(۱۹۱۶)، وتفسیر البقرۃ ۲۸ (۴۵۰۹)، م/الصیام ۸ (۱۰۹۰)، ت/تفسیر البقرۃ ۱۷ (۲۹۷۰م)، (تحفۃ الأشراف: ۹۸۵۶)، وقد أخرجہ: حم (۴/۳۷۷)، دي/الصوم ۷ (۱۷۳۶) (صحیح)
۲۳۴۹- عدی بن حاتم رضی اللہ عنہ کہتے ہیں کہ جب آیت کریمہ {حَتَّى يَتَبَيَّنَ لَكُمُ الْخَيْطُ الأَبْيَضُ مِنَ الْخَيْطِ الأَسْوَدِ}۱؎ نازل ہوئی تو میں نے ایک سفید اور ایک کالی رسّی لے کر اپنے تکیے کے نیچے (صبح صادق جاننے کی غرض سے) رکھ لی، میں دیکھتا رہا لیکن پتہ نہ چل سکا، میں نے اس کا ذکر رسول اللہ ﷺ سے کیا تو آپ ہنس پڑے اور کہنے لگے، ''تمہارا تکیہ تو بڑا لمبا چوڑا ہے، اس سے مراد رات اور دن ہے''۔
عثمان کی روایت میں ہے: ''اس سے مراد رات کی سیاہی اور دن کی سفیدی ہے''۔
وضاحت۱؎: ''یہاں تک کہ صبح کا سفید دھاگا سیاہ دھاگے سے ظاہر ہو جائے'' (سورۃ البقرۃ:۱۸۷)

 

[محمد نعیم یونس]

18- بَاب [فِي] الرَّجُلِ يَسْمَعُ النِّدَاءَ وَالإِنَاءُ عَلَى يَدِهِ
۱۸- باب: آدمی اذان فجر اس حال میں سنے کہ برتن اس کے ہاتھ میں ہو تو کیا کرے؟​

2350- حَدَّثَنَا عَبْدُالأَعْلَى بْنُ حَمَّادٍ، حَدَّثَنَا حَمَّادٌ، عَنْ مُحَمَّدِ بْنِ عَمْرٍو، عَنْ أَبِي سَلَمَةَ، عَنْ أَبِي هُرَيْرَةَ قَالَ: قَالَ رَسُولُ اللَّهِ ﷺ : < إِذَا سَمِعَ أَحَدُكُمُ النِّدَاءَ وَالإِنَاءُ عَلَى يَدِهِ فَلا يَضَعْهُ حَتَّى يَقْضِيَ حَاجَتَهُ مِنْهُ >۔
* تخريج:تفردبہ أبوداود، (تحفۃ الأشراف: ۱۵۰۲۰)، وقد أخرجہ: حم (۲/۴۲۳، ۵۱۰) (حسن صحیح)
۲۳۵۰- ابو ہریرہ رضی اللہ عنہ کہتے ہیں کہ رسول اللہ ﷺ نے فرمایا: '' تم میں سے کوئی جب صبح کی اذان سنے اور (کھانے پینے کا) برتن اس کے ہاتھ میں ہو تو اسے اپنی ضرورت پوری کئے بغیر نہ رکھے''۔

 

[محمد نعیم یونس]

18- بَاب [فِي] الرَّجُلِ يَسْمَعُ النِّدَاءَ وَالإِنَاءُ عَلَى يَدِهِ
۱۸- باب: آدمی اذان فجر اس حال میں سنے کہ برتن اس کے ہاتھ میں ہو تو کیا کرے؟​

2350- حَدَّثَنَا عَبْدُالأَعْلَى بْنُ حَمَّادٍ، حَدَّثَنَا حَمَّادٌ، عَنْ مُحَمَّدِ بْنِ عَمْرٍو، عَنْ أَبِي سَلَمَةَ، عَنْ أَبِي هُرَيْرَةَ قَالَ: قَالَ رَسُولُ اللَّهِ ﷺ : < إِذَا سَمِعَ أَحَدُكُمُ النِّدَاءَ وَالإِنَاءُ عَلَى يَدِهِ فَلا يَضَعْهُ حَتَّى يَقْضِيَ حَاجَتَهُ مِنْهُ >۔
* تخريج:تفردبہ أبوداود، (تحفۃ الأشراف: ۱۵۰۲۰)، وقد أخرجہ: حم (۲/۴۲۳، ۵۱۰) (حسن صحیح)
۲۳۵۰- ابو ہریرہ رضی اللہ عنہ کہتے ہیں کہ رسول اللہ ﷺ نے فرمایا: ''تم میں سے کوئی جب صبح کی اذان سنے اور (کھانے پینے کا) برتن اس کے ہاتھ میں ہو تو اسے اپنی ضرورت پوری کئے بغیر نہ رکھے''۔

 

[محمد نعیم یونس]

19- بَاب وَقْتِ فِطْرِ الصَّائِمِ
۱۹- باب: صیام افطار کرنے کے وقت کا بیان​

2351 - حَدَّثَنَا أَحْمَدُ بْنُ حَنْبَلٍ، حَدَّثَنَا وَكِيعٌ، حَدَّثَنَا هِشَامٌ (ح) وَحَدَّثَنَا مُسَدَّدٌ، حَدَّثَنَا عَبْدُاللَّهِ بْنُ دَاوُدَ، عَنْ هِشَامٍ، الْمَعْنَى، قَالَ هِشَامُ بْنُ عُرْوَةَ، عَنْ أَبِيهِ، عَنْ عَاصِمِ بْنِ عُمَرَ، عَنْ أَبِيهِ قَالَ: قَالَ النَّبِيُّ ﷺ : < إِذَا جَاءَ اللَّيْلُ مِنْ هَا هُنَا وَذَهَبَ النَّهَارُ مِنْ هَا هُنَا > زَادَ مُسَدَّدٌ: < وَغَابَتِ الشَّمْسُ، فَقَدْ أَفْطَرَ الصَّائِمُ >۔
* تخريج: خ/الصوم ۴۳(۱۹۵۴)، م/الصیام۱۰ (۱۱۰۰)، ت/الصوم ۱۲ (۶۹۸)، (تحفۃ الأشراف: ۱۰۷۴)، وقد أخرجہ: حم (۱/۲۸، ۳۵، ۴۸)، دي/الصوم ۱۱ (۱۷۴۲) (صحیح)
۲۳۵۱- عمر رضی اللہ عنہ کہتے ہیں کہ نبی اکرم ﷺ نے فرمایا: ''جب ادھر سے رات آجائے اور ادھر سے دن چلا جائے اور سورج غروب ہو جائے تو صیام افطار کرنے کا وقت ہو گیا''۔

2352- حَدَّثَنَا مُسَدَّدٌ، حَدَّثَنَا عَبْدُالْوَاحِدِ، حَدَّثَنَا سُلَيْمَانُ الشَّيْبَانِيُّ، قَالَ: سَمِعْتُ عَبْدَاللَّهِ ابْنَ أَبِي أَوْفَى يَقُولُ: سِرْنَا مَعَ رَسُولِ اللَّهِ ﷺ وَهُوَ صَائِمٌ، فَلَمَّا غَرَبَتِ الشَّمْسُ قَالَ: < يَا بِلالُ! انْزِلْ فَاجْدَحْ لَنَا >، قَالَ: يَا رَسُولَ اللَّهِ لَوْ أَمْسَيْتَ، قَالَ: < انْزِلْ فَاجْدَحْ لَنَا >، قَالَ: يَا رَسُولَ اللَّهِ! إِنَّ عَلَيْكَ نَهَارًا، قَالَ: < انْزِلْ فَاجْدَحْ لَنَا > فَنَزَلَ فَجَدَحَ، فَشَرِبَ رَسُولُ اللَّهِ ﷺ ثُمَّ قَالَ: < إِذَا رَأَيْتُمُ اللَّيْلَ قَدْ أَقْبَلَ مِنْ هَا هُنَا فَقَدْ أَفْطَرَ الصَّائِمُ> وَأَشَارَ بِأُصْبُعِهِ قِبَلَ الْمَشْرِقِ۔
* تخريج: خ/الصوم ۳۳ (۱۹۴۱)، ۴۳ (۱۹۵۵)، ۴۵ (۱۹۵۸)، والطلاق ۲۲ (۵۲۹۷)، م/الصیام ۱۱(۱۱۰۱)، (تحفۃ الأشراف: ۵۱۶۳)، وقد أخرجہ: حم (۴/۳۸۰، ۳۸۲) (صحیح)
۲۳۵۲- سلیمان شیبانی کہتے ہیں کہ میں نے عبد اللہ بن ابی اوفی رضی اللہ عنہ کو کہتے سنا کہ ہم رسول اللہ ﷺ کے ساتھ چلے آپ صیام سے تھے، جب سورج غروب ہو گیا تو آپ ﷺ نے فرمایا: ''بلال! (سواری سے) اترو، اور ہمارے لئے ستو گھولو''، بلال رضی اللہ عنہ نے کہا: اللہ کے رسول! اگر اور شام ہو جانے دیں تو بہتر ہے، آپ ﷺ نے فرمایا: ''اترو، اور ہمارے لئے ستو گھولو''، بلال رضی اللہ عنہ نے پھر کہا: اللہ کے رسول! ابھی تو دن ہے، آپ ﷺ نے فرمایا: ''اترو، اور ہمارے لئے ستو گھولو''، چنانچہ وہ اترے اور ستو گھولا، آپ ﷺ نے اسے نوش فرمایا پھر فرمایا: ''جب تم دیکھ لو کہ رات ادھر سے آگئی تو صائم کے افطار کا وقت ہو گیا''، اور آپ ﷺ نے اپنی انگلی سے مشرق کی جانب اشارہ فرمایا۔

 

[محمد نعیم یونس]

20- بَاب مَا يُسْتَحَبُّ مِنْ تَعْجِيلِ الْفِطْرِ
۲۰- باب: افطار میں جلدی کرنے کا بیان​

2353- حَدَّثَنَا وَهْبُ بْنُ بَقِيَّةَ، عَنْ خَالِدٍ، عَنْ مُحَمَّدٍ -يَعْنِي ابْنَ عَمْرٍو- عَنْ أَبِي سَلَمَةَ، عَنْ أَبِي هُرَيْرَةَ عَنِ النَّبِيِّ ﷺ قَالَ: < لا يَزَالُ الدِّينُ ظَاهِرًا مَا عَجَّلَ النَّاسُ الْفِطْرَ، لأَنَّ الْيَهُودَ وَالنَّصَارَى يُؤَخِّرُونَ >۔
* تخريج: تفرد بہ أبو داود، (تحفۃ الأشراف: ۱۵۰۲۴)، وقد أخرجہ: ق/الصیام ۲۴ (۱۶۹۸)، حم(۲/۴۵۰) (حسن)
۲۳۵۳- ابو ہریرہ رضی اللہ عنہ کہتے ہیں کہ نبی اکرم ﷺ نے فرمایا: ''دین برابرغالب رہے گا جب تک کہ لوگ افطار میں جلدی کرتے رہیں گے، کیونکہ یہود و نصاری اس میں تاخیر کرتے ہیں''۔

2354- حَدَّثَنَا مُسَدَّدٌ، حَدَّثَنَا أَبُو مُعَاوِيَةَ، عَنِ الأَعْمَشِ، عَنْ عُمَارَةَ بْنِ عُمَيْرٍ، عَنْ أَبِي عَطِيَّةَ قَالَ: دَخَلْتُ عَلَى عَائِشَةَ رَضِي اللَّه عَنْهَا أَنَا وَمَسْرُوقٌ فَقُلْنَا: يَا أُمَّ الْمُؤْمِنِينَ، رَجُلانِ مِنْ أَصْحَابِ مُحَمَّدٍ ﷺ أَحَدُهُمَا يُعَجِّلُ الإِفْطَارَ وَيُعَجِّلُ الصَّلاةَ، وَالآخَرُ يُؤَخِّرُ الإِفْطَارَ وَيُؤَخِّرُ الصَّلاةَ، قَالَتْ: أَيُّهُمَا يُعَجِّلُ الإِفْطَارَ وَيُعَجِّلُ الصَّلاةَ؟ قُلْنَا: عَبْدُاللَّهِ، قَالَتْ: كَذَلِكَ كَانَ يَصْنَعُ رَسُولُ اللَّهِ ﷺ ۔
* تخريج: م/الصیام ۹ (۱۰۹۹)، ت/الصوم ۱۳ (۷۰۲)، ن/الصیام ۱۱ (۲۱۶۰)، (تحفۃ الأشراف: ۱۷۷۹۹)، وقد أخرجہ: حم (۶/۴۸، ۱۷۳) (صحیح)
۲۳۵۴- ابو عطیہ کہتے ہیں کہ میں اور مسروق دونوں ام المومنین عائشہ رضی اللہ عنہا کی خدمت میں حاضر ہوئے، ہم نے کہا: ام المومنین! محمد ﷺ کے اصحاب میں سے دو آدمی ہیں ان میں ایک افطار بھی جلدی کرتا ہے اور صلاۃ بھی جلدی پڑھتا ہے، اور دوسرا ان دونوں چیزوں میں تاخیر کرتا ہے، ( بتائیے ان میں کون درستگی پر ہے؟)، ام المومنین عائشہ رضی اللہ عنہا نے پوچھا: ان دونوں میں افطار اور صلاۃ میں جلدی کون کرتا ہے؟ ہم نے کہا: وہ عبداللہ ہیں، انہوں نے کہا: رسول اللہ ﷺ ایسا ہی کرتے تھے۔

 

[محمد نعیم یونس]

21- بَاب مَا يُفْطَرُ عَلَيْهِ
۲۱- باب: افطار کس چیز سے کیا جائے؟​

2355- حَدَّثَنَا مُسَدَّدٌ، حَدَّثَنَا عَبْدُالْوَاحِدِ بْنُ زِيَادٍ، عَنْ عَاصِمٍ الأَحْوَلِ، عَنْ حَفْصَةَ بِنْتِ سِيرِينَ، عَنِ الرَّبَابِ، عَنْ سَلْمَانَ بْنِ عَامِرٍ عَمِّهَا قَالَ: قَالَ رَسُولُ اللَّهِ ﷺ : < إِذَا كَانَ أَحَدُكُمْ صَائِمًا فَلْيُفْطِرْ عَلَى التَّمْرِ، فَإِنْ لَمْ يَجِدِ التَّمْرَ فَعَلَى الْمَاءِ فَإِنَّ الْمَاءَ طَهُورٌ >۔
* تخريج: ت/الزکاۃ ۲۶ (۶۵۸)، الصوم ۱۰ (۶۹۵)، ق/الصیام ۲۵ (۱۶۹۹)، (تحفۃ الأشراف: ۴۴۸۶)، وقد أخرجہ: حم (۴/۱۸، ۲۱۴)، دي/الصوم ۱۲ (۱۷۴۳) (ضعیف) (کیونکہ ''رباب'' لین الحدیث ہیں) اس حدیث کی تصحیح ترمذی، ابن خزیمۃ، ابن حبان نے کی ہے، البانی نے پہلے اس کی تصحیح کی تھی، بعد میں اسے ضعیف الجامع الصغیر میں رکھ دیا (۳۶۹) تراجع الالبانی (۱۳۲)۔
۲۳۵۵- سلمان بن عامر رضی اللہ عنہ کہتے ہیں کہ رسول اللہ ﷺ نے فرمایا: ''جب تم میں سے کوئی صائم ہو تو اسے کھجور ۱؎ سے صیام افطار کرنا چاہئے اگر کھجور نہ پائے تو پانی سے کر لے اس لئے کہ وہ پاکیزہ چیز ہے''۔
وضاحت۱؎: اس سے نگاہ کو طاقت ملتی ہے اور صیام سے پیدا ہونے والی نقاہت دور ہوتی ہے۔

2356- حَدَّثَنَا أَحْمَدُ بْنُ حَنْبَلٍ، حَدَّثَنَا عَبْدُالرَّزَّاقِ، حَدَّثَنَا جَعْفَرُ بْنُ سُلَيْمَانَ، حَدَّثَنَا ثَابِتٌ الْبُنَانِيُّ أَنَّهُ سَمِعَ أَنَسَ بْنَ مَالِكٍ يَقُولُ: كَانَ رَسُولُ اللَّهِ ﷺ يُفْطِرُ عَلَى رُطَبَاتٍ قَبْلَ أَنْ يُصَلِّيَ، فَإِنْ لَمْ تَكُنْ [رُطَبَاتٌ] فَعَلَى تَمَرَاتٍ، فَإِنْ لَمْ تَكُنْ حَسَا حَسَوَاتٍ مِنْ مَاءِ۔
* تخريج: ت/الصوم ۱۰ (۶۹۶)، (تحفۃ الأشراف: ۲۶۵) (حسن صحیح)
۲۳۵۶- انس بن مالک رضی اللہ عنہ کہتے ہیں کہ رسول اللہ ﷺ صلاۃ (مغرب) پڑھنے سے پہلے چند تازہ کھجوروں سے صیام افطار کرتے تھے، اگر تازہ کھجوریں نہ ملتیں تو خشک کھجوروں سے افطار کر لیتے اور اگر خشک کھجوریں بھی نہ مل پاتیں تو چند گھونٹ پانی نوش فرما لیتے۔

 

[محمد نعیم یونس]

22- بَاب الْقَوْلِ عِنْدَ الإِفْطَارِ
۲۲- باب: افطار کے وقت کیا دعا پڑھے؟​

2357- حَدَّثَنَا عَبْدُاللَّهِ بْنُ مُحَمَّدِ بْنِ يَحْيَى [أَبُو مُحَمَّدٍ]، حَدَّثَنَا عَلِيُّ بْنُ الْحَسَنِ، أَخْبَرَنِي الْحُسَيْنُ بْنُ وَاقِدٍ، حَدَّثَنَا مَرْوَانُ -يَعْنِي ابْنَ سَالِمٍ الْمُقَفَّعَ- [قَالَ]: رَأَيْتُ ابْنَ عُمَرَ يَقْبِضُ عَلَى لِحْيَتِهِ فَيَقْطَعُ مَا زَادَ عَلَى الْكَفِّ، وَقَالَ: كَانَ رَسُولُ اللَّهِ ﷺ إِذَا أَفْطَرَ قَالَ: < ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ >۔
* تخريج: تفرد بہ أبو داود، (تحفۃ الأشراف: ۷۴۴۹)، وقد أخرجہ: خ/اللباس ۶۴ (۵۸۹۲) (الشق الأول بسند آخر)، ن/الیوم واللیلۃ (۲۹۹) (حسن)
۲۳۵۷- مروان بن سالم مقفع کہتے ہیں کہ میں نے عبد اللہ بن عمر رضی اللہ عنہما کو دیکھا، وہ اپنی داڑھی کو مٹھی میں پکڑتے اور جو مٹھی سے زائد ہوتی اسے کاٹ دیتے، اور کہتے کہ رسول اللہ ﷺ جب افطار کرتے تو یہ دعا پڑھتے: ''ذَهَبَ الظَّمَأُ وَابْتَلَّتِ الْعُرُوقُ وَثَبَتَ الأَجْرُ إِنْ شَاءَ اللَّهُ'' (پیاس ختم ہو گئی، رگیں تر ہو گئیں، اور اگر اللہ نے چاہا تو ثواب مل گیا)۔

2358- حَدَّثَنَا مُسَدَّدٌ، حَدَّثَنَا هُشَيْمٌ، عَنْ حُصَيْنٍ، عَنْ مُعَاذِ بْنِ زُهْرَةَ، أَنَّهُ بَلَغَهُ أَنَّ النَّبِيَّ ﷺ كَانَ إِذَا أَفْطَرَ قَالَ: < اللَّهُمَّ لَكَ صُمْتُ، وَعَلَى رِزْقِكَ أَفْطَرْتُ > ۔
* تخريج: تفرد بہ أبو داود، (تحفۃ الأشراف: ۱۹۴۴) (ضعیف) (اس کے راوی ''معاذ'' ایک تو لین الحدیث ہیں، دوسرے ارسال کئے ہوئے ہیں)
۲۳۵۸- معاذ بن زہرہ سے روایت ہے کہ انہیں یہ بات پہنچی ہے کہ نبی اکرم ﷺ جب صیام افطار فرماتے تو یہ دعا پڑھتے: ''اللَّهُمَّ لَكَ صُمْتُ، وَعَلَى رِزْقِكَ أَفْطَرْتُ'' (اے اللہ! میں نے تیری ہی خاطر صیام رکھا اور تیرے ہی رزق سے افطار کیا)۔

 

[محمد نعیم یونس]

23- بَاب الْفِطْرِ قَبْلَ غُرُوبِ الشَّمْسِ
۲۳- باب: سورج ڈوبنے سے پہلے افطار کر لے اس کے حکم کا بیان​

2359- حَدَّثَنَا هَارُونُ بْنُ عَبْدِاللَّهِ وَمُحَمَّدُ بْنُ الْعَلاءِ، الْمَعْنَى، قَالا: حَدَّثَنَا أَبُوأُسَامَةَ، حَدَّثَنَا هِشَامُ بْنُ عُرْوَةَ، عَنْ فَاطِمَةَ بِنْتِ الْمُنْذِرِ، عَنْ أَسْمَاءَ بِنْتِ أَبِي بَكْرٍ قَالَتْ: أَفْطَرْنَا يَوْمًا فِي رَمَضَانَ فِي غَيْمٍ فِي عَهْدِ رَسُولِ اللَّهِ ﷺ ، ثُمَّ طَلَعَتِ الشَّمْسُ، قَالَ أَبُو أُسَامَةَ: قُلْتُ لِهِشَامٍ: أُمِرُوا بِالْقَضَاءِ؟ قَالَ: وَبُدٌّ مِنْ ذَلِكَ؟!.
* تخريج: خ/الصوم ۴۶ (۱۹۵۹)، ق/الصیام ۱۵ (۱۶۷۴)، (تحفۃ الأشراف: ۱۵۷۴۹)، وقد أخرجہ: حم (۶/۳۴۶) (صحیح)
۲۳۵۹- اسماء بنت ابو بکر رضی اللہ عنہما کہتی ہیں کہ رسول اللہ ﷺ کے زمانے میں ماہ رمضان میں ایک دن ہم نے بدلی میں صیام کھول لیا اس کے بعد سورج نمودار ہو گیا۔
راوی ابو اسامہ کہتے ہیں کہ میں نے ہشام بن عروہ سے سوال کیا کہ پھر تو لوگوں کو صیام کی قضا کا حکم دیا گیا ہو گا؟ کہنے لگے: کیا اس کے بغیر بھی چارہ ہے؟

 

[محمد نعیم یونس]

24- بَاب [فِي] الْوِصَالِ
۲۴- باب: صوم وصال (مسلسل صیام رکھنے) کا بیان​

2360- حَدَّثَنَا عَبْدُاللَّهِ بْنُ مَسْلَمَةَ الْقَعْنَبِيُّ، عَنْ مَالِكٍ، عَنْ نَافِعٍ، عَنِ ابْنِ عُمَرَ أَنَّ رَسُولَ اللَّهِ ﷺ نَهَى عَنِ الْوِصَالِ، قَالُوا: فَإِنَّكَ تُوَاصِلُ يَا رَسُولَ اللَّهِ! قَالَ: < إِنِّي لَسْتُ كَهَيْئَتِكُمْ، إِنِّي أُطْعَمُ وَأُسْقَى >۔
* تخريج: خ/الصوم ۲۰ (۱۹۲۲)، ۴۸ (۱۹۶۲)، م/الصیام ۱۱ (۱۱۰۲)، (تحفۃ الأشراف: ۸۳۵۳)، وقد أخرجہ: ط/الصیام ۱۳ (۳۸)، حم (۲/۱۱۲، ۱۲۸) (صحیح)
۲۳۶۰- عبد اللہ بن عمر رضی اللہ عنہما کہتے ہیں کہ رسول اللہ ﷺ نے صوم و صال (مسلسل صیام رکھنے) سے منع فرمایا ہے، لوگوں نے کہا: اللہ کے رسول! آپ تو مسلسل صیام رکھتے ہیں؟ آپ ﷺ نے فرمایا: ''میں تمہاری طرح نہیں ہوں، مجھے تو کھلایا پلایا جاتا ہے''۔

2361- حَدَّثَنَا قُتَيْبَةُ بْنُ سَعِيدٍ أَنَّ بَكْرَ بْنَ مُضَرَ حَدَّثَهُمْ، عَنِ ابْنِ الْهَادِ، عَنْ عَبْدِاللَّهِ بْنِ خَبَّابٍ، عَنْ أَبِي سَعِيدٍ الْخُدْرِيِّ أَنَّهُ سَمِعَ رَسُولَ اللَّهِ ﷺ يَقُولُ: <لاتُوَاصِلُوا، فَأَيُّكُمْ أَرَادَ أَنْ يُوَاصِلَ فَلْيُوَاصِلْ حَتَّى السَّحَرَ >، قَالُوا: فَإِنَّكَ تُوَاصِلُ، قَالَ: < إِنِّي لَسْتُ كَهَيْئَتِكُمْ، إِنَّ لِي مُطْعِمًا يُطْعِمُنِي وَسَاقِيًا يَسْقِينِي >۔
* تخريج: خ/الصوم ۴۸ (۱۹۶۲)، ۵۰(۱۹۶۷)، (تحفۃ الأشراف: ۴۰۹۵)، وقد أخرجہ: حم (۳/۸، ۸۷)، دي/الصوم ۱۴ (۱۷۴۷) (صحیح)
۲۳۶۱- ابو سعید خدری رضی اللہ عنہ کہتے ہیں کہ انہوں نے رسول اللہ ﷺ کو فرماتے ہوئے سنا: ''تم صوم وصال نہ رکھو، اگر تم میں سے کوئی صوم وصال رکھنا چاہے تو سحری کے وقت تک رکھے''۔
لوگوں نے کہا: آپ تو رکھتے ہیں؟ فرمایا: ''میں تمہاری طرح نہیں ہوں، کیونکہ مجھے کھلانے پلانے والا کھلاتا پلاتا رہتا ہے''۔