الفرقان بین اولیاء الرحمان و اولیاء الشیطان- امام ابن تیمیہ رحمہ اللہ

محمد نعیم یونس · مئی 12، 2013

بسم اللہ الرحمن الرحیم

عرض ناشر

الحمد للہ حمدا لشاکرین والصلوة والسلام علی نبی الاولین والآخرین و علی آلہ الطاہرین و اصحابہ الذاکرین
اما بعد! برصغیر میں امام ابن تیمیہ و امام ابن قیم رحمہما اللہ کی تصانیف کا تعارف علمائے غزنویہ رحمہم اللہ کا مرہون منت ہے۔ ان کے اردو تراجم مولانا عبدالرزاق ملیح آبادی رحمہ اللہ نے فرمائے اور ان کی اشاعت کا اعزاز الہلال بک ایجنسی کے بانی مرحوم مولوی عبدالعزیز آفندی کو حاصل ہوا۔ صائب الرائے علماء کے خیال کے مطابق شیخین رحمہما اللہ کی متوازن، مؤثر اور مدلل تألیفات کے مطالعہ سے عقائد مضبوط، فکر معتدل، ائمہ متقدمین سے عقیدت اور شوق عمل فروغ پاتا ہے۔
مولانا محمد عطاء اللہ حنیف بھوجیانی رحمہ اللہ نے ’’المکتبة السلفیہ‘‘ کی بنیاد اس جذبہ سے رکھی تھی کہ اُمت میں کم علمی، معاشرتی اثرات اور گروہ بندی کے جذبات سے خیالات میں جو افراط وتفریط ہوجاتی ہے ان کو راہِ اعتدال پر لانے کے لئے مدلل، مؤثر اور مثبت لٹریچر عامة المسلمین کو مہیا کیا جائے۔ المکتبة السلفیة اپنے اس ہدف میں اب تک کتنا کامیاب یا ناکام ہے اس کی مطبوعات اس پر شاہد ہیں۔
برصغیر میں ہندوانہ معاشرت سے مسلمان چونکہ غیر شعوری طور پر ہندو جوگیوں کی کرشماتی کارکردگیوں سے اس حد تک متاثر ہونے لگے کہ وہ ان خرق عادات … معمول سے ہٹ کر حرکات … کو معاذ اللہ ولایت و کرامت جاننے لگ گئے اور درہم و دینار کے بندوں، عمل گریز ملنگوں اور جاہل پیروں نے ہندو شعبدہ بازیوں سے متاثر ہونے والے اَن پڑھ مسلمانوں کی توجہ حاصل کرنے کے لئے خود بھی اس طرح کے دھندے شروع کر دیئے جو کہ قرآن مجید کے ارشاد کے مطابق … بےشک شیاطین اپنے دوستوں کو القاء کرتے ہیں… سراسر شیطانی اعمال ہوتے ہیں۔
امام ابن تیمیہ رحمہ اللہ نے اس مختصر رسالے ’’الفرقان بین اولیاء الرحمان و اولیاء الشیطان‘‘ میں ان شعبدہ بازوں کی کرشمہ سازیوں کا تارپور بکھیر دیا تھا، جس کا پہلا ترجمہ مولانا عبدالرحیم پشاوری رحمہ اللہ نے کیا تھا۔ اردو خواں طبقہ کے لئے ’’المکتبة السلفیہ‘‘ نے کم و بیش چالیس سال قبل شائع کیا تھا جس کے بعد وہی اشاعت دوبارہ بھی طبع ہوئی۔ ہم نے اپنے فاضل اور محترم دوست مولانا حافظ عبدالحمید ازہر حفظہ اللہ کی خدمت میں اس اشاعت پر نظرثانی کی درخواست کی تو انہوں نے ازراہِ محبت و اِخلاص اس ترجمہ کا مقابلہ کر کے اس کو مکمل فرما دیا۔ کتاب میں:
کتاب میں آمدہ آیاتِ قرآنی و احادیث مبارکہ کا ترجمہ مکمل کر دیا۔
احادیث کی اصل کتب سے مراجعت کر کے تصحیح کر دی گئی۔ اور
بعض مقامات پر تحقیقی و توضیحی حواشی بھی تحریر فرما دئیے۔
جزاہ اللہ عنا و عن جمیع المسلمین خیرا الجزاء۔
برخوردار حافظ حماد شاکر و حافظ خلاد شاکر سلمہما اللہ نے اس کی کمپوزنگ، تصحیح اور امکانی حد تک حسن طباعت کی جو کوشش کی اللہ تعالیٰ قبول فرما کر ان کے لئے اور ان کے آباء و اجداد کے لئے توشہ آخرت بنائے۔ آمین
کتاب کے قارئین سے گذارش ہے کہ وہ ’’المکتبة السلفیہ‘‘ کے مؤسس و بانی مولانا محمد عطاء اللہ حنیف بھوجیانی رحمہ اللہ اور ان کے تلمیذ ِ رشید حافظ عبدالرحمان گوہڑوی رحمہ اللہ کو دُعاؤں میں ضرور یاد رکھیں کہ یہ ثمر آور پودا انہیں کا لگایا ہوا ہے۔ رحمہما اللہ رحمة واسعہ۔
کتاب کی تصحیح و افادیت کے لئے قارئین کرام کے مشوروں پر شکر گذار ہوں گے۔
دُعا ہے کہ اللہ سبحانہ و تعالیٰ اس کتاب کو مسلمانوں کے عقائد و اعمال کی درستگی کا سبب بنائے اور مصنف، مترجم، محقق اور ناشران سب کے لئے ذریعہ نجات بنائے۔
الراجی الی رحمة ربہ الغافر
احمد شاکر غفرلہ ولوالدیہ
ذیقعدہ 1433ہجری
اکتوبر 2012عیسوی

محمد نعیم یونس · مئی 12، 2013

بسم اللہ الرحمٰن الرحیم

ترجمہ مقدمة الکتاب

سب تعریف اللہ تعالیٰ ہی کو سزاوار ہے، ہم اسی سے مدد مانگتے ہیں اور اسی سے ہدایت اور مغفرت کے طالب ہیں اور ہم اپنے نفس کے شر اور اپنے اعمال کی برائیوں سے اللہ تعالیٰ کے پاس پناہ لیتے ہیں۔ جسے اللہ تعالیٰ ہدایت فرما دے اسے گمراہ کرنے والا کوئی نہیں اور جسے وہ گمراہ کر دے اس کو کوئی راستے پر لگانے والا نہیں۔ ہم گواہی دیتے ہیں کہ بجز اللہ تعالیٰ کے کوئی عبادت کے لائق نہیں۔ وہ ایک ہے اور اس کا کوئی شریک نہیں۔ ہم گواہی دیتے ہیں کہ محمد صلی اللہ علیہ وسلم اس کے بندے اور اس کے رسول ہیں۔ جنہیں اس نے ہدایت اور سچا دین دے کر بھیجا تاکہ اس دین کو تمام دینوں پر غالب رکھے اور اس دین کی سچائی کے لئے اللہ کافی گواہ ہے۔ اللہ تعالیٰ نے حضور صلی اللہ علیہ وسلم کو قربِ قیامت میں انعاماتِ الٰہی کی بشارت دینے اور عذاب قہاری سے ڈرانے کے لئے بھیجا کہ آپ صلی اللہ علیہ وسلم اللہ تعالیٰ کے حکم سے مخلوقات کو اللہ تعالیٰ کی طرف بلائیں۔ الغرض آپ صلی اللہ علیہ وسلم وہ چراغِ عالم افروز ہیں جن کے وجودِ مسعود کی بدولت کائنات کا گوشہ گوشہ روشن ہو گیا۔ سو اس کے ذریعے سے آپ صلی اللہ علیہ وسلم نے لوگوں کو غلط راستے سے بچا کر صحیح راستے پر چلایا۔ اندھے پن سے نجات دلا کر بینا کر دیا اور برائی کے گڑھوں سے نکال کر بھلائی کی مبارک بلندیوں پر پہنچایا۔ اندھی آنکھیں کھلنے لگیں۔ بہرے کان سننے لگے، جن دلوں پر پردے پڑے ہوئے تھے وہ حقائق کی بصیرت افروز اور نورانی فضا میں جلوہ افروز ہو گئے۔ اسی دین کے ذریعے سے آپ صلی اللہ علیہ وسلم نے حق اور باطل کو جدا کر کے دکھا دیا، ہدایت اور گمراہی، نیکی اور برائی، مومنین اور کفار نیک بخت اہل جنت اور بدبخت اہل دوزخ میں امتیاز پیدا کر دیا۔ اللہ تعالیٰ کے دوستوں اور اس کے دشمنوں میں فرق بتا دیا چنانچہ جس کے لئے محمد صلی اللہ علیہ وسلم یہ گواہی دے دیں کہ وہ اللہ تعالیٰ کے دوستوں میں سے ہے تو وہ بے شک رحمٰن کے دوستوں میں سے ہے اور جس کے لئے حضور صلی اللہ علیہ وسلم گواہی دے دیں کہ وہ اللہ تعالیٰ کے دشمنوں میں سے ہے تو وہ شیطان کا دوست ہے۔

محمد نعیم یونس · مئی 12، 2013

فہرست

محمد نعیم یونس · ستمبر 18، 2013

الحمد للہ، اللہ کے فضل و کرم سے کتاب ہذا مکمل ہوئی۔ دوست و احباب سے گذارش ہے کہ کوئی غلطی دیکھیں تو مطلع فرمائیں۔جزاکم اللہ خیرا۔
محمد آصف مغل بھائی کو اللہ تعالی جزائے خیر عطا کرے جن کی کاوشوں سےیہ کام ہوا۔ آمین۔
اور انتظامیہ و مالکان محدث فورم کو ، اللہ تعالی دین اسلام پر استقامت عطا کرے۔دنیا و آخرت کی تمام بھلائیاں ان کے لیے جمع کردے۔ آمین۔

قاری مصطفی راسخ · ستمبر 18، 2013

جزاکم اللہ خیرا

کلیم حیدر · ستمبر 23، 2013

محمد نعیم یونس نے کہا ہے:
الحمد للہ، اللہ کے فضل و کرم سے کتاب ہذا مکمل ہوئی۔ دوست و احباب سے گذارش ہے کہ کوئی غلطی دیکھیں تو مطلع فرمائیں۔جزاکم اللہ خیرا۔
محمد آصف مغل بھائی کو اللہ تعالی جزائے خیر عطا کرے جن کی کاوشوں سےیہ کام ہوا۔ آمین۔
اور انتظامیہ و مالکان محدث فورم کو ، اللہ تعالی دین اسلام پر استقامت عطا کرے۔دنیا و آخرت کی تمام بھلائیاں ان کے لیے جمع کردے۔ آمین۔

جزاکم اللہ خیرا۔

خضر حیات · دسمبر 10، 2013

جزاکم اللہ خیرا۔

الفرقان بین اولیاء الرحمان و اولیاء الشیطان- امام ابن تیمیہ رحمہ اللہ

محمد نعیم یونس

خاص رکن

محمد نعیم یونس

خاص رکن

محمد نعیم یونس

خاص رکن

محمد نعیم یونس

خاص رکن

قاری مصطفی راسخ

علمی نگران

کلیم حیدر

ناظم خاص

خضر حیات

علمی نگران